1.10.12

Ribeira: están a montar nova pista deportiva para rapaces na praza do Centenario

  • O Concello tamén informa da apertura do prazo de inscrición na escola de danza, ata este venres 5


Ribeira, 1 de outubro de 2012.- O Concello informa de que, no marco da súa estratexia de promover a práctica deportiva entre todas as franxas de idade, no día de hoxe comezaron os traballos de instalación dunha nova pista multideporte na céntrica praza do Centenario, sita na cidade de Santa Uxía.

De dimensións reducidas (10x7 metros), o recinto está ideado para que nenos e nenas con idades aproximadas de 4 a 10 anos teñan un espazo pechado no que practicar actividades predeportivas.

Canastras e porterías

A tal efecto, a estrutura da propia pista –mestura de metal con listóns de madeira- levará integradas porterías e canastras, o que propiciará a posibilidade de xogar ao fúbtol sala e ao minibásquet. O solo será de céspede artificial.

Deste xeito, o Executivo dota á cidade dun novo espazo deportivo despois de que tan só hai uns meses se crease no veciño barrio de Abesadas a pista “Irmáns Parada Alvite”. E por outra parte, amplíanse así os usos da praza do Centenario, unha das máis concorridas polos pequenos e de máis recente creación na cidade.

Escola de Danza: prazo ata venres 5

O Concello informa de que no día de hoxe, luns 1 de outubro, iníciase o prazo para anotarse na Escola Municipal de Danza, acción formativa dependente da Consellería de Cultura.

Todos os interesados en participar poden inscribirse no Auditorio Municipal, sito na praza dos Mariñeiros, s/n. Teléfono: 981 835 650. Email: culturaefestexos@riveira.com

O período de inscrición finaliza este venres día 5 de outubro.






Posted via email from Certo.gl, o xornal dixital de Barbanza e Noia

Boiro: Pepe Potel expón "Texturas e Cores" no centro social de Cabo de Cruz dende o sábado 6

  • Tamén hai unha sobre aves no colexio do Castro, ata este venres 5

Pepe_potel

Exposición: “Texturas e Cores”

O próximo sábado 6 de outubro ás 18:00h terá lugar a inauguración da exposición baixo o título “Texturas e Cores” do pintor Pepe Potel. Este artista, autodidacta nos seus inicios, a partir de 1995 comeza una formación máis esmerada que o leva, ata día de hoxe , a realizar unhas 100 exposicións ao longo de toda a xeografía Galega e ser gañador de varios certames de pintura. A exposición estará aberta ata finais de outubro e pode visitarse no Centro Social de Cabo de Cruz de luns a venres de 10:00 a 14:00h e de martes a xoves de 16:00 a 19:00h.

Expo_castro

Exposición: "Aves de Galicia”

Do 1 ao 5 de outubro o Centro social de Cabo xunto có FESAN – XUNTA DE GALICIA, organizou una exposición itinerante baixo o título “Aves de Galicia”

Exposición está aberta a todos os públicos e poderá visitarse no Colexio STª Mª do Castro de 09:15 a 13:15 e de 16:15 a 17:45h.

Así mesmo esta exposición conta cun programa de visitas guidas gratuítas ás cales xa están inscritos os alumnos do C. STª Mª do Castro e un grupo de 25 persoas maiores de 55 anos do obradoiro de memoria (Cruz Roxa Local de Boiro).  O Depto. De cultura agradece á Dirección do Centro STª Mª do Castro a súa colaboración pola difusión, por permitir achegar á poboación ao medio natural a través das aves.


Actividades de ocio e formativas
Infórmase así mesmo, que o Centro Social de cabo tamén ten aberto ao público o prazo de inscricións para una quincena de actividades de variada temática: música, artes plásticas, costura, baile, idiomas, etc.

Posted via email from Certo.gl, o xornal dixital de Barbanza e Noia

Ribeira: remataron as obras no camiño entre Ameixida e Touro

 

Ribeira,1 de outubro de 2012.- O Concello informa da conclusión das obras de renovación de servizos no camiño que enlaza os lugares da Ameixida e O Touro.

Esta actuación tivo un importe de 83.583 euros e foi acometida pola empresa Excavaciones Abelleira, S.L.. Con anterioridade, o citado camiño presentaba unha traza bastante irregular, con pavimento de formigón nalgún tramo e de terra noutro, o que dificultaba o tránsito pola vía. Ademais, os colectores estaban considerablemente deteriorados e feitos con materiais obsoletos, como fibrocemento no caso da tubaxe de abastecemento de auga .

 

Con tal motivo, o Concello decidiu actuar co fin de ver renovados os servizos urbanos de auga potable, saneamento e pluviais, empregando materiais que si se usan a día de hoxe, tales como tubaxes de PVC para fecais e pluviais e tubaxes de polietileno de alta densidade para auga potable.

 

Pavimentación

Finalmente, o camiño foi rematado con pavimento de mestura bituminosa en quente no tramo con máis pendente, e de zahorra artificial compactada no resto da vía, que se corresponde co tramo máis estreito e con menos pendente, harmonizando así co entorno no que se actúa.

A actuación foi acometida con cargo ao canon de saneamento derivado da adxudicación do servizo municipal de augas.





Posted via email from Certo.gl, o xornal dixital de Barbanza e Noia

Política: o número 1 por A Coruña do Psoe di que os orzamentos estatais discriminan a esta provincia

  • O ceense Francisco Caamaño advirte que se “a resposta do Goberno aos recortes son máis recortes”, o resultado será “máis recesión e máis paro” 
  • Afirma que a provincia da Coruña “é unha das máis perxudicadas”, cun investimento por habitante de 212 euros, fronte aos 468 € da media galega , o que supón “unha clara discriminación” 
  • Lembra que o investimento total do goberno de Rajoy para 2013 na provincia da Coruña diminúe nun 59% con respecto aos últimos PXE do goberno de Zapatero, pasando de 602 a 243 millóns de euros en só dous exercicios.

Caamaño estivo a semana pasada manifestándose a prol da sanidade pública en Ribeira

Barbanza-Noia, 1 de outubro de 2012O cabeza de lista dos socialistas coruñeses nas eleccións autonómicas do 21 de outubro, Francisco Caamaño, afirmou onte que os Orzamentos Xerais do Estado para 2013, “recortan sobre o recortado” e “discriminan claramente á provincia da Coruña”, que recibirá no vindeiro exercicio uns 243 millóns de euros, un 23% menos que en 2012, e un 59% menos que o investido na provincia polo goberno de Zapatero, que en 2011 destinou 602 millóns de euros á provincia da Coruña.

“Se a resposta de Rajoy aos recortes son máis recortes, cal é a pregunta?”, ironizou Caamaño, que considerou que esa senda emprendida polo Partido Popular conducirá irremediablemente a xerar “máis recesión e máis paro”.

212 de media para os coruñeses, 468 euros para o resto dos galegos

Francisco Caamaño subliñou que o investimento medio por habitante na provincia coruñesa será de 212 euros, fronte á media galega de 468 euros, “o que supón unha clara discriminación para esta provincia, que volve a ser unha das máis perxudicadas polos Presupostos Xerais do Estado”, en relación ao seu peso socioeconómico e poboación.

O candidato socialista apuntou que o investimento de Fomento na provincia recórtase nun 45% na provincia e considerou que os orzamentos do goberno de Rajoy  “esquecen ou alonxan no tempo algúns dos principais investimentos  produtivos e estratéxicos para a provincia”, como a conexión ferroviaria cos portos exteriores da Coruña e Ferrol, que reciben “partidas simbólicas” de 50.000 e 250.000 euros, respectivamente; a Terceira Ronda coruñesa, que pasa dos 35 millóns previstos o ano pasado a  só 25 millóns; a ampliación da avenida Alfonso Molina da Coruña e o túnel de Conxo en Santiago, con só 100.000 euros para cada obra; ou as variantes de Ordes e Padrón, para as que se esperaba un investimento de 1,5 millóns, que finalmente será de 15.000 euros.

No “avultado apartado de omisións” dos PXE 2013, Caamaño destacou a ausencia de presuposto para o dique flotante que demanda o sector naval de Ferrol, os “cero euros” destinados, un ano máis, para os saneamentos da rías do Burgo (A Coruña) e Ferrol; e a falta de asignación orzamentaria para proxectos como a nova terminal do aeroporto de Alvedro e a estación intermodal da Coruña.

O candidato socialista afirmou que os presupostos de Rajoy para 2013 “volverán recortar duramente na área social”, cunha diminución global das partidas destinadas a sanidade, política social e educación de preto do 15% e un recorte de 48 millóns en becas.



Posted via email from Certo.gl, o xornal dixital de Barbanza e Noia

Política: o número 1 por A Coruña do Psoe di que os orzamentos estatais discriminan a esta provincia

  • O ceense Francisco Caamaño advirte que se “a resposta do Goberno aos recortes son máis recortes”, o resultado será “máis recesión e máis paro” 
  • Afirma que a provincia da Coruña “é unha das máis perxudicadas”, cun investimento por habitante de 212 euros, fronte aos 468 € da media galega , o que supón “unha clara discriminación” 
  • Lembra que o investimento total do goberno de Rajoy para 2013 na provincia da Coruña diminúe nun 59% con respecto aos últimos PXE do goberno de Zapatero, pasando de 602 a 243 millóns de euros en só dous exercicios.

Caamano_en_ribeira
Caamaño estivo a semana pasada manifestándose a prol da sanidade pública en Ribeira

Barbanza-Noia, 1 de outubro de 2012O cabeza de lista dos socialistas coruñeses nas eleccións autonómicas do 21 de outubro, Francisco Caamaño, afirmou onte que os Orzamentos Xerais do Estado para 2013, “recortan sobre o recortado” e “discriminan claramente á provincia da Coruña”, que recibirá no vindeiro exercicio uns 243 millóns de euros, un 23% menos que en 2012, e un 59% menos que o investido na provincia polo goberno de Zapatero, que en 2011 destinou 602 millóns de euros á provincia da Coruña.

“Se a resposta de Rajoy aos recortes son máis recortes, cal é a pregunta?”, ironizou Caamaño, que considerou que esa senda emprendida polo Partido Popular conducirá irremediablemente a xerar “máis recesión e máis paro”.

212 de media para os coruñeses, 468 euros para o resto dos galegos

Francisco Caamaño subliñou que o investimento medio por habitante na provincia coruñesa será de 212 euros, fronte á media galega de 468 euros, “o que supón unha clara discriminación para esta provincia, que volve a ser unha das máis perxudicadas polos Presupostos Xerais do Estado”, en relación ao seu peso socioeconómico e poboación.

O candidato socialista apuntou que o investimento de Fomento na provincia recórtase nun 45% na provincia e considerou que os orzamentos do goberno de Rajoy  “esquecen ou alonxan no tempo algúns dos principais investimentos  produtivos e estratéxicos para a provincia”, como a conexión ferroviaria cos portos exteriores da Coruña e Ferrol, que reciben “partidas simbólicas” de 50.000 e 250.000 euros, respectivamente; a Terceira Ronda coruñesa, que pasa dos 35 millóns previstos o ano pasado a  só 25 millóns; a ampliación da avenida Alfonso Molina da Coruña e o túnel de Conxo en Santiago, con só 100.000 euros para cada obra; ou as variantes de Ordes e Padrón, para as que se esperaba un investimento de 1,5 millóns, que finalmente será de 15.000 euros.

No “avultado apartado de omisións” dos PXE 2013, Caamaño destacou a ausencia de presuposto para o dique flotante que demanda o sector naval de Ferrol, os “cero euros” destinados, un ano máis, para os saneamentos da rías do Burgo (A Coruña) e Ferrol; e a falta de asignación orzamentaria para proxectos como a nova terminal do aeroporto de Alvedro e a estación intermodal da Coruña.

O candidato socialista afirmou que os presupostos de Rajoy para 2013 “volverán recortar duramente na área social”, cunha diminución global das partidas destinadas a sanidade, política social e educación de preto do 15% e un recorte de 48 millóns en becas.



Posted via email from Certo.gl, o xornal dixital de Barbanza e Noia

Noia: este venres, 5 de outubro, concerto dos búlgaros Mandolin Quartet Seasons

Noia, 1 de outubro de 2012. Este venres, 5 de outubro, na Casa da Cultura "Antón Avilés de Taramancos", a concellería de Cltura do Concello de Noia, xunto coa Agrupación Musical Albéniz, organizan un concerto co grupo musical MANDOLIN QUARTET SEASONS de BULGARIA. A entrada é libre e de balde.

Este concerto inscríbese dentro da Festival Internacional de Música de Pulso e Púa.

O cuarteto de mandolinas SEASONS foi fundado no 1996 por Assen Dimitorv, quen tamén fundou a primeira orquestra de mandolinas de Bulgaria. Nas súas actuacións os membros do cuarteto presentan acombinación de mandolina e guitarra búlgaras na tradición adquirida do mestre Assen e o profesor Dimitar Doychinov e os últimos conceptos de mandolina europea aprendidas nas clases mestras da profesora alemá Caterina Lichtenberg.

Curso de teatro: comeza este xoves 4

Tamén se fai saber que este Xoves da comezo o Curso de Teatro impartido por María Creo.

Os horarios son:
de 8 a 14 anos - de 18 a 19:15
de 14 en adiante - de 19:30 a 21

https://www.facebook.com/events/453317124706330/







Posted via email from Certo.gl, o xornal dixital de Barbanza e Noia

Noia: este venres, 5 de outubro, concerto dos búlgaros Mandolin Quartet Seasons

Noia, 1 de outubro de 2012. Este venres, 5 de outubro, na Casa da Cultura "Antón Avilés de Taramancos", a concellería de Cltura do Concello de Noia, xunto coa Agrupación Musical Albéniz, organizan un concerto co grupo musical MANDOLIN QUARTET SEASONS de BULGARIA. A entrada é libre e de balde.

Este concerto inscríbese dentro da Festival Internacional de Música de Pulso e Púa.

O cuarteto de mandolinas SEASONS foi fundado no 1996 por Assen Dimitorv, quen tamén fundou a primeira orquestra de mandolinas de Bulgaria. Nas súas actuacións os membros do cuarteto presentan acombinación de mandolina e guitarra búlgaras na tradición adquirida do mestre Assen e o profesor Dimitar Doychinov e os últimos conceptos de mandolina europea aprendidas nas clases mestras da profesora alemá Caterina Lichtenberg.

Curso de teatro: comeza este xoves 4

Tamén se fai saber que este Xoves da comezo o Curso de Teatro impartido por María Creo.

Os horarios son:
de 8 a 14 anos - de 18 a 19:15
de 14 en adiante - de 19:30 a 21

https://www.facebook.com/events/453317124706330/







Posted via email from Certo.gl, o xornal dixital de Barbanza e Noia

A Pobra do Caramiñal: denuncian no Congreso de Contracepción o mal estado do centro de saúde local

Media_httpfarm8static_cefuc

O congreso reuniu a especialistas en Obstetricia e Xinecoloxía de Galicia e de España. Na imaxe, camilla para partos nun hospital público galego

A Pobra do Caramiñal, 1 de outubro de 2012. O pasado 29 de setembro de 2012, na última xornada do V Congreso da Sanidade Galega de Contracepción que tivo  lugar no Hospital da Barbanza, no cal participaron especialistas en Obstetricia e Xinecoloxía de tódolos hospitais de Galicia máis algún de Vitoria, Barcelona e Oporto, un dos facultativos participantes nunha das ponencias denunciou o mal estado en que se atopa o Centro de Saúde da Pobra do Caramiñal ante o numeroso público asistente. O mesmo alcalde da Pobra, Isaac Maceiras, participou nalgunha das ponencias.

Segundo o Psoe pobrense, "as deficiencias máis salientables que vimos denunciando de cotío son: humidades, pintura descorchada tanto nas consultas como en urxencias;  contan con dous baños e case sempre están avariados, limpeza deficiente; falta de auga quente, …. Isto é unha mostra máis do descontento que existe, non só entre os usuarios, senón tamén entre os facultativos que teñen que prestar asistencia sanitaria nun inmoble que non reúne as mínimas condicións de salubridade".

Os Socialistas da Pobra, e tamén o Bng, como xa se publicou en Certo en máis dunha ocasión, levan denunciando o desleixo do centro de saúde dende fai anos sen que o equipo de goberno sexa capaz de cumprir cas necesidades mínimas que demandan os cidadáns. "Este goberno presidido polo popular Isaac Maceiras segue sen querer atender os problemas reais dos veciños", sinala Teresa García, voceira dos socialistas da Pobra.

Posted via email from Certo.gl, o xornal dixital de Barbanza e Noia

Rianxo: "Descalciña pola area" gaña o certame de fotos da campaña "Móllate polo galego"

  • O segundo premio corresponde a unha imaxe con dous nenos do colexio Brea Segade que se enfundaron nunha camisola de "Móllate polo galego"
  • O terceiro premio vai para a imaxe dos azulexos nos que se le "Villa de Rianjo. Partido de Padrón. Provincia de La Coruña" cunha camisola de "Móllate polo galego" como contraste nunha percha
  • Os autores das imaxes terán que escribir a redaccion@certo.es para identificarse e seguir as instrucións para reclamar o premio

 

Rianxo, 1 de outubro de 2012. A deliberación non foi doada. Entre as 87 imaxes que participaban o reparto do xurado, integrado por tres membros dos medios de "Vitaminas para o galego", hai auténticas xoias, ben polo motivo escollido, ben polo esforzo creativo que supuxeron. Pero houbo que decantarse e así queda a resolución final:

PRIMEIRO PREMIO

Media_httpfarm9static_kiivh

Descalciña pola area. O xurado escolleu esta foto polo gran simbolismo que contén. O título da foto é unha frase de todo un himno de celebración, "A Rianxeira", e tamén quere amosar o compromiso da vila de Rianxo pola lingua galega, que aínda hoxe anda "descalciña pola area", polo que hai que mimala e coidala.

O autor ou autora desta imaxe ten dereito a unha noite de aloxamento para dúas persoas na data a escoller deste mes de outubro na casa de turismo rural e agricultura ecolóxica A Pousadoira (http://www.pousadoira.com)

Media_httpfarm9static_ockbb

Entrada de A Pousadoira, en Callobre, Miño. Lugar ideal para coñecer as impresionantes Fragas do Eume

SEGUNDO PREMIO

Media_httpfarm9static_qectm

No Brea Segade mollámonos polo galego. O xurado escolle esta foto pola creatividade e simpatía amosadas, así como polo esforzo demostrado ao rodear o lema central da campaña "Móllate polo galego" de material didáctico na lingua de Rosalía.

Os autores ou autoras desta imaxe teñen dereito a unha tablet doada pola academia de informática Castelao (http://www.infocastelao.es)

Media_httpfarm9static_ijlyg

Informática Castelao (rúa Roxelius 7, baixo, en Rianxo) é tenda de informática e centro de formación

TERCEIRO PREMIO

Media_httpfarm9static_dcrdq

Azulexos na entrada de Rianxo. O xurado escolle esta imaxe pola evidente denuncia que se fai dunha situación que non se deu corrixido en décadas, a pesares da Lei de Toponimia ou mesmo da de Memoria Histórica.

A autora ou autor desta imaxe ten dereito a unha cea para dúas persoas no restaurante O Furancho de Rianxo, situado Tras da Igrexa.

Media_httpfarm9static_lawps

O restaurante O Furancho está detrás da Igrexa en Rianxo


Os medios de Vitaminas para o galego agradecen, unha vez máis, o patrocinio do Concello de Rianxo para esta campaña, así como a colaboración de A Pousadoira, Informática Castelao e O Furancho. Tamén queremos salientar a alta participación de concursantes, aos que felicitamos polo seu inxenio e pola promoción tan destacada da vila de Rianxo e das súas belezas.

Que é Vitaminas para o Galego?

Vitaminas para o Galego, impulsada dende un inicio por Galicia Confidencial, Tempos Novos, Radiofusión, Praza Pública, Novas da Galiza, Val Miñor.info e Quepasanacosta, conta xa con 25 medios asociados, pois as devanditas cabeceiras se lles uniron con posterioridade Certo xornal dixital de Barbanza e Noia, Osil.info de Valdeorras, Crónica3 da Mariña Lucense, Radio Nordés (Cadena Ser Costa da Morte), Terra Chá.Xa, Crónicas da Comarca (Arzúa – Melide), a revista de surf SurfGZ, Cadernos de Comunicación e Análise; O periódico de Lalín e Comarca; Hermes e Atenea, xornal en galego de deporte e cultura; Disquecool, o medio de tendencias made in Galicia; o xornal De Luns a Venres; Cabozo, a rede social galega; a rede de blogues Vencello; Cartafol, a revista multimedia para Ipad; A Nova Peneira, o xornal Compás da Costa; o programa radiofónico Plástico Elástico e os mensuais Gaceta de Fene e Cerne, xornal da terra de Melide.

O obxectivo global da campaña, comezada a principios de ano, é “sensibilizar sobre a necesidade de que haxa medios de comunicación en galego para garantir a transmisión interxeracional”, ademais da “procura de recursos económicos para axudar á supervivencia dos medios”.

Toda a información en Vitaminasparaogalego.gl

Posted via email from Certo.gl, o xornal dixital de Barbanza e Noia

Infraestruturas: o repintado da autovía do Barbanza farase dende este martes, 2, ata o xoves 11 de outubro

  • As tarefas obrigan a realizar cortes dun carril no tronco da autovía, deixando en todo momento un carril habilitado para a circulación en cada sentido
  • Manterase informados os usuarios mediante os paneis de mensaxería variable
Media_httpfarm4static_xzpor

Barbanza, 1 de outubro de 2012.- A Consellería de Medio Ambiente, Territorio e Infraestruturas procederá a repintar parte das marcas viarias da Autovía do Barbanza (AG-11). Concretamente, repintaranse os treitos nos que o resultado das auscultacións realizadas así o aconsellan. Esta actuación levarase a cabo desde este martes, día 2 de outubro, ata o xoves día 11.

Para realizar o repintado das liñas do eixo e beiravía esquerda, así coma o dos símbolos do carril esquerdo de ambas calzadas, é necesario executar cortes do carril interior do tronco da autovía, de lonxitude aproximada 5 quilómetros, deixando, en todo momento, o carril exterior habilitado para a circulación en cada sentido.

Nos labores de repintado das marcas do carril dereito de ambas calzadas realizarase un corte na zona de cada símbolo a repintar. Mentres que para facer o dos ramais, glorietas e sinais dos enlaces non será necesario realizar ningún corte, xa que se empregará sinalización de obras e regularase o tráfico mediante sinalistas.

A Xunta lembra que durante o tempo que se produzan estas afeccións ao tráfico, manteranse informados os usuarios mediante os paneis de mensaxería variable.

As datas aproximadas nas que se repintará a autovía AG-11 son as seguintes:

Calzada dereita: 3 e 4 de outubro

Calzada esquerda: 8 e 9 outubro

Ramais, glorietas e simboloxía: 2, 5, 10 e 11 de outubro





Posted via email from Certo.gl, o xornal dixital de Barbanza e Noia

Sociedade: Ámbar celebrou o seu 30 aniversario cun xantar de fraternidade

  • A conselleira en funcións e número 1 do PP pola provincia nas listas electorais do 21 de outubro, Beatriz Mato, aproveitou o acto para facer electoralismo ao falar do Plan de Acción Integral para persoas con discapacidade e da Lei de Accesibilidade.

[[posterous-content:pid___0]]
Foto: Xunta de Galicia

A Pobra do Caramiñal, 1 de outubro de 2012.- O trinta aniversario da asociación AMBAR para persoas con diversidade funcional celebrouse onte por todo o alto no Pazo Torre de Xunqueiras, cun xantar de confraternidade no que non faltaron autoridades como a titular en funcións da Consellería de Traballo e Benestar. Beatriz Mato felicitou á asociación polo labor desempeñado ao longo destes trinta anos e destacou “o importante esforzo e traballo que fai esta asociación para que a comarca do Barbanza sexa máis igualitaria, máis inclusiva e máis integradora”. A conselleira en funcións, número 1 do PP pola provincia da Coruña, aproveitou para facer un pouco de electoralismo cos alí congregados, como vén sendo xa habitual no goberno de Núñez Feijóo, ao que xa tivo que apercibir a Xunta Electoral en cinco ocasións por estas actitudes.

Segundo a propia nota da Xunta, Beatriz Mato "salientou a importancia de que as políticas sociais sigan sempre a senda da colaboración e o diálogo, e, por iso, destacou que a Consellería de Traballo e Benestar puxo en marcha o Plan de Acción Integral para as persoas con discapacidade, que establece unha estratexia transversal na que participan todos os departamentos da Xunta e que, ante todo, é un documento de consenso. Para finalizar, Mato fixo referencia ao desenvolvemento da Lei de Accesibilidade, un novo texto legal que actualiza a normativa anterior, adecuándoa á realidade e ás necesidades actuais das persoas con discapacidade". 



Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical