Barbanza-Santiago, 16 de xullo de 2012. O sábado 14 e o domingo 15 en Vox Ánima (Asociación en Defensa dos Animais) realizaron una marcha a pé desde Ribeira a Santiago coa fin de protestar contra a campaña de exterminio do lobo híbrido que a Xunta de Galicia iniciou en marzo deste ano para, segundo eles, protexer a “pureza do lobo galego” e que está a provocar a matanza indiscriminada de diferentes animais, incluido o lobo mesmo que disque intentan preservar.
Iniciaron aa marcha o sábado 14 ás 09.00 horas un grupo de sete persoas, en representación de varios colectivos que, como Vox Ánima, protestan contra esta campaña da Xunta. Durante o percorrido producíronse numerosas mostras de solidariedade por parte dos coches que pasaban e da xente que atopaban, os cales, de xeito espontáneo, irrumpían en aplausos.
O mesmo sábado 14 chegaron a Padrón ás 21.00 horas. Tanto a Garda Civil de Ribeira, como a de Boiro e Rianxo, en todo momento estiveron en contacto con eles e lles facilitaron a camiñata. Xa o domingo 15 partiron de Padrón ás 11.00 horas, chegando á Praza do Obradoiro (Santiago) ás 18.30 horas, onde estaba convocada unha Concentración de Protesta á que acudiron preto dun cento de persoas.
No que atinxe á consigna principal, ésta foi “Non á matanza no Barbanza” e berráronse outras como: “Derechos ya para los animales” ou “García Borregón, dimisión”. Doce dos concentrados portaban unha cruz por cada un dos animais mortos de que se ten constancia durante estes últimos meses na Serra do Barbanza.
A secretaria de Vox Ánima, Mónica Pérez, citou as principais razóns polas que esta asociación convocou esta marcha-concentración (resistencia por parte de la Xunta de Galicia a facilitar información de interese público, non actuar de forma contundente ante as numerosas evidencias ilegais que están sucedendo nos nosos montes e o escurantismo xeral con que se trata este tema dende a Dirección Xeral para a Proteción da Natureza xunto ao feito de que esta Dirección parece agochar determinados intereses, incidindo ademais en que a preocupación desta asociación animalista non se limita a reclamar o dereito a vivir do lobo como especie, senón de todos os animais que están sendo víctimas desta terrible campaña).
A continuación, o presidente de “Matar por matar, Non”, Julio Fernández, fixo un resumo dos intereses que parecen ocultarse nas medidas promovidas pola Xunta, como a posible introdución de gando bovino na Serra, o que sería totalmente incompatible coa presencia de cánidos. Finalmente procedeuse á lectura dun Manifesto escrito por Julio Ortega.
Posted via email from Certo.gl, o xornal dixital de Barbanza e Noia
