Ribeira: continuará o obradoiro de teatro social ante a boa acollida da primeira edición

Ribeira, 14 de marzo de 2012.- Representantes da Concellería de Servizos Sociais e da Unidade Asistencial de Drogodependencias (UAD) de Ribeira expresaron a súa satisfacción polo bo resultado da representación teatral celebrada na tarde de onte no Auditorio Municipal, e que viu supoñer o punto e final ao Obradoiro de Teatro Social que, desenvolvido dende o pasado outubro, estivo dirixido a persoas en risco de exclusión e con problemas de dependencias.

Unha quincena de actores tomaron parte na escenificación teatral coordinados por Alejandro Sarmiento. O programa estivo formada por unha peza dramática titulada “Trotamundo y el Rey”, tres sketch de Roll-Playing e unha danza-teatro sobre as drogas.

Aplauso unánime

Asistiron medio cento de persoas que quixeron despedir entre aplausos e postos en pé o desenvolvemento da función. Entre eles, figuraban o edil de Servizos Sociais e Promoción Social, Vicente Mariño; o xefe de servizo da UAD, Jesús Cartelle; e a presidente de Renacer, María González.

Dado o éxito da iniciativa, dende a UAD xa se está pensando en darlle continuidade a través da posta en marcha de novos obradoiros que axuden á reinserción social deste segmento de poboación.

Ribeira: imaxes e pequeno vídeo da presentación de "Corazón Branquiazul", peña do Deportivo post.ly/5zFK7

— Certo (@Certo) March 14, 2012

O IES Leliadoura de Ribeira promocionando cinema galego: A Casa da Luz, un filme galego para nenos iesleliadoura.blogspot.com/2012/03/casa-d…

— Certo (@Certo) March 14, 2012

Ribeira: anovarán o saneamento dun tramo da rúa Mexilloeiro en Corrubedo post.ly/5zD5A

— Certo (@Certo) March 14, 2012

See the full gallery on Posterous

Posted via email from Certo.gl, o xornal dixital de Barbanza e Noia

Muros: o Bng cuestiona a credibilidade da alcaldesa e o novo asesor xurídico do Concello

Muros, 14 de marzo de 2012. Segundo explican hoxe en nota de prensa dende o Bng de Muros, "o escrito que presenta a alcaldesa socialista Caridad González ante o xulgado do contencioso-administrativo nº 3 dos da Coruña, por medio do asesor xurídico que contratou para o concello é unha mostra máis da nula credibilidade que merece".

Para os nacionalistas muradanos, "este escrito é a oposición á demanda que a nacionalista María Xosé Alfonso lle ten interposto á alcaldesa por ter sido expulsada do pleno celebrado o 7 de xullo de 2011 no que, grazas a esta expulsión, o grupo socialista tivo a maioría suficiente para aprobar as súas retribucións como equipo de goberno municipal. Non hai máis que ler este escrito e ler a acta do citado pleno para ver as claras contradicións nas que incurre a alcaldesa no seu afán de xustificar o inxustificable.Na acta dese pleno celebrado o 7 de xullo de 2011, acta aprobada posteriormente polo grupo socialista, pódese comprobar con só leela como a alcaldesa Caridad González expulsa á concelleira nacionalista María Xosé Alfonso durante o debate do 5º punto da orde do día, sen ningunha advertencia previa e estando a concelleira no uso do seu turno de palabra.  Pois ben, por medio da oposición á demanda, Caridad González di ter expulsado á citada concelleira porque ésta non estaba no seu turno de intervención, porque a estaba insultando e ameazando a súa integridade física e que fora advertida dúas veces. Pero o curioso do tema é que ao mesmo tempo di que non comezara o pleno, algo totalmente contradictorio coa afirmación de que fora advertida dúas veces".

 

"Isto non é máis que outra proba da maneira de actuar da alcaldesa de Muros, para xustificar un claro abuso de poder expulsando a un membro da corporación para quedarse coa maioría suficiente e sacar adiante as súas retribucións agora míntelle descaradamente ao xulgado", aseguran os do Bng.

Case 3.000 euros ao mes por traballar dous días á semana

 

Os nacionalistas de Muros tamén cuestionan o soldo e a idoneidade do novo asesor xurídico: "Vemos tamén cal é o estilo do novo asesor xurídico contratado pola alcaldesa pola frioleira de case 3000 €/mes por acudir ao concello dous días á semana:  pode estar contenta e tranquila a cidadanía de Muros con este “asesor”?", pregúntanse.

CONTESTACIÓN Á DEMANDA (CONCELLO DE MUROS E FISCALÍA)[1].pdf Download this file

Borrador pleno 07.07.2011.ppt Download this file

Posted via email from Certo.gl, o xornal dixital de Barbanza e Noia

Ribeira: imaxes e pequeno vídeo da presentación de "Corazón Branquiazul", peña do Deportivo

Unha peña que se prece ten que ter bandeira. Velaquí a de "Corazón Branquiazul"

Xa podes descargar a App de Arousa Norte no Market de Android » Arousa Norte j.mp/z7ImXG #Galicia #AppGal

— arousanorte (@arousanorte) March 14, 2012

Rochela e Lauren fixéronse fotos cos xiareiros do Depor presentes no acto

Fran Riaso na presentación, pronunciando unhas verbas coa camiseta tuneada

A Taberna do Riaso encheuse de xente para apoiar ao equipo coruñés en Segunda

Sorrían para a foto! (Que guiadiñ@s!)

Fran Riaso, nunha das súas típicas gargalladas ensaiadas

Posted via email from Certo.gl, o xornal dixital de Barbanza e Noia

Ribeira: anovarán o saneamento dun tramo da rúa Mexilloeiro en Corrubedo

• Inversión de 47.172 euros a cargo de "Sonense de Granitos S.L." , a empresa que presidía o actual alcalde -do PP- de Porto do Son, Luis Oujo, ata 2011
  

 

Ribeira, 14 de marzo de 2012.- O Concello informou dunha próxima actuación en Corrubedo que consiste na instalación de pluviais e renovación de saneamento nun tramo da rúa Mexilloeiro, vía situada no casco histórico da referida parroquia.

 

A empresa “Sonense de Granitos S.L.” acometerá esta actuación, por un importe de 47.172 euros.

 

Actualmente, no tramo referido non hai un funcionamento óptimo da súa rede de saneamento, dado que o seu pouco desnivel provoca episodios de atascos, tanto na rede xeral como nas acometidas domiciliarias. Por outra parte, o vial carece de rede de pluviais.

 

Así e logo, o proxecto plantexado prevé renovar a rede de saneamento colocando unha tubaxe de 70 metros de lonxitude de PVC liso, ademais de instalar unha rede de pluviais mediante outra tubaxe de 70 metros de PVC corrugado.

 

Pavimentación

Polo que respecta á pavimentación, decidiuse utilizar diversos tipos de pedra para conseguir un debuxo demellante ao existente a outras áreas próximas recentemente pavimentadas, polo que se utilizarán lousas de granito de 60x40 centímetros combinadas con adoquíns de granito de dimensións de 20x10 centímetros.

 

O Gobermo Municipal prevé que en próximas actuacións se obre no resto da rúa Mexilloeiro para harmonizala co entorno.

Posted via email from Certo.gl, o xornal dixital de Barbanza e Noia

Rianxo: a Virxe de Guadalupe substituíu a Santa Comba por unha moda introducida no século XVIII

Entrada da igrexa de Santa Comba en Rianxo

Así o relata Xosé Manuel González Reboredo no seu traballo "Os santos titulares de parroquia en Galiza. Pasado, presente e perspectivas de futuro", que vén de gañar o XVII Premio Vicente Risco de Ciencias Sociais (a anterior edición gañouna o ribeirense Carlos Callón coa súa obra "Amigos e sodomitas. A configuración da homosexualidade na Idade Media"). O antropólogo lugués presentou a súa obra baixo un lema que ben podería servir para moitos gobernantes do PP na actualidade: "Cando os homes non poden, que axuden os santos".

A da Guadalupe é unha simple capela, aínda que ten a festa máis grande agora e a canción popular máis coñecida de Galicia

Escoiten esta interesante entrevista que lle fixeron no programa "Arredor de nós" de Radiofusión.

 

Quen é Xosé Manuel González Reboredo?

A súa ficha na Galipedia

Posted via email from Certo.gl, o xornal dixital de Barbanza e Noia