Noticias relacionadas:
- Arqueoloxía: o castro de Taramancos pode deparar sorpresas
- Arqueoloxía: o Concello pide á Xunta que modifique a variante para conservar o castro de Taramancos
Posted via email from Certo.gl, o xornal dixital de Barbanza e Noia
11.8.11
Imaxes do castro de Taramancos. 10 de agosto de 2011
Compártelo
Boiro: magos, equilibristas e humoristas do RTA entretiveron de noite a numeroso público
Fotos e texto de Alén Pérez
Boiro, 11 de agosto de 2011. Antonte pola noite, fronte á casa da cultura "Ramón Martínez" de Boiro, tivo lugar a actuación de magos,equilibristas e humoristas a cargo do grupo galego RTA. Un dos humoristas precisou axuda duns voluntarios e achegáronse César, Carlos, Raúl e Mikel. O que máis chocou e fixo rir ao público foi a actuación de "Panoli", personaxe ao que vacilaban constantemente, sacándolle os pantalóns, a carteira, as chaves e mesmo o móbil.
Posted via email from Certo.gl, o xornal dixital de Barbanza e Noia
Compártelo
Noia: o Concello pídelle a Medio Ambiente que paralice e modifique a obra da ponte da variante ante os achádegos de Taramancos
O castro de Taramancos ten substratos de varias épocas, e pode que haxa restos romanos e da cultura castrexa, aínda por valorar
Noia, 11 de agosto de 2011. O Concello de Noia vén de solicitar de xeito formal ao conselleiro de Medio Ambiente e Infraestruturas, Agustín Hernández, a modificación do proxecto técnico da variante de Noia na zona de Taramancos, a fin de preservar os achádegos arqueolóxicos que están a aparecer no castro alí ubicado.
No escrito que se lle enviou ao concelleiro (adxunto na fin desta información), o alcalde en funcións e á súa vez concelleiro de Casco Histórico e Patrimonio, Bieito González, lémbralle ao Conselleiro que “consideramos que a importancia dos restos é unha cuestión que non deberíamos obviar, o que obligaría ao departamento que vostede dirixe a sopesar a posibilidade dunha modificación do proxecto técnico da obra que se está a executar”.
Máis adiante o escrito solicita formalmente a modificación do proxecto técnico no ámbito onde apareceron os achádegos arqueolóxicos a fin de que os mesmos poidan ser visitables. Todo isto tendo en conta que nos últimos anos a relevancia da arqueoloxía como disciplina científica, potenciou a súa consideración social e incrementou a conciencia cidadá polos restos que constitúen a nosa identidade cultural, impoñéndose cada vez máis, a noción de que non son só depósitos do pasado senón auténticos recursos culturais que deben ser preservados en beneficio de toda a comunidade e do futuro.
Antes, en Certo:Posted via email from Certo.gl, o xornal dixital de Barbanza e Noia
Compártelo
Ribeira: este sábado 13 de agosto, Mostra de Danza
Ribeira, 11 de agosto de 2011. A Praza de España de Santa Uxía vai dar cabida este sábado á Mostra de Danza de Ribeira: unha actividade enmarcada na programación da Fiestra da Cultura organizada dende a Concellería de Cultura, que reunirá a seis grupos do municipio para exhibir o seu talento e bo facer.
Esta actuación terá lugar ás 20.30 horas e os elencos participantes son Aires da Dorna, o Grupo Tahume de Olveira, a Asociación de Amas de Casa; a Asociación Haveira, a Escola El Tomasón e a Asociación Alfaia.
Ondacinema
Por outra parte, a Concellería de Cultura desexa lembrar que hoxe ás 20.30 horas na Aula Multimedia terá lugar outra sesión do ciclo audiovisual Ondacinema, integrado dentro da programación do Verán Cultural. O filme proxectado será “O Soño dunha Noite de San Xoán”, de Ángel de la Cruz e Manolo Gómez.
É unha película para todos os públicos e a entrada será libre e de balde ata encher o aforo de 50 prazas.
Colabora na iniciativa a Axencia Audiovisual Galega.
Pode que lle interese:
Programación "Fiestra da Cultura": Amancio Prada e moito máis
Feira das oportunidades: do 13 ao 15 de agosto no Malecón
Posted via email from Certo.gl, o xornal dixital de Barbanza e Noia
Compártelo
Rianxo: esta fin de semana, concerto da banda de As Pontes o sábado e Festa do Mexillón sábado e domingo
Rianxo, 11 de agosto de 2011. Dende a Escola de Música de Rianxo comprácense en convidar a todo o mundo ao 4º concerto do VII Ciclo de Bandas:
- CONCERTO DA BANDA DE MÚSICA DE AS PONTES
- DÍA: sábado 13 de agosto
- HORA: 21.00 h
- LUGAR: Praza Rafael Dieste (en caso de choiva será no Auditorio)
Posted via email from Certo.gl, o xornal dixital de Barbanza e Noia
Compártelo
Ribeira: amplían con seis traballadoras a plantilla do Servizo Municipal de Axuda no Fogar
- De cinco pasan a once traballadoras familiares, grazas a unha subvención da Consellería de Traballo e Benestar
- Atenderán a 102 usuarios e farán un total de 4.640 horas cada mes
Ribeira, 10 de agosto de 2011.- A plantilla do Servizo Municipal de Axuda no Fogar, entidade dependente da Consellería de Servizos Sociais e Promoción Social, ven de ser ampliada tras a contratación de seis novas traballadoras familiares con cualificación específica nesta área. Deste xeito, o equipo integrante do Programa de Axuda no Fogar pasa a estar integrado por 11 persoas, coordinadas pola traballadora social María Jesús López Domínguez, que reciben ademais apoio externo a través dunha empresa especializada.
O incremento de plantilla foi posible tras a recepción dunha subvención da Consellería de Traballo e Benestar da Xunta de Galicia para a contratación de traballadores desempregados en colaboración coas entidades locais.
O servizo de axuda no fogar ten como obxecto prestar un conxunto de atencións ás persoas no seu domicilio, desde unha perspectiva integral e normalizadora, naquelas situacións nas que teñan limitada a súa autonomía persoal ou nos casos de desestruturación familiar.
Existen dúas modalidades de atención: a aquelas persoas que teñen recoñecido o dereito o servizo de axuda no fogar polo sistema de atención a dependencia (SAF Dependencia) e o servizo de atención a persoas maiores, unidades familiares, persoas con diversidade funcional ou enfermos crónicos, sen recoñecemento do grao e nivel de dependencia ou en tramite de telo, que carezan de apoios no seu domicilio e que na súa situación persoal presenten disfuncións que lles limite a súa autonomía persoal e a súa capacidade de relación social, precisando apoios para evitar deterioros irreversibles e procurar o seu mantemento no contorno natural mentres isto sexa posible e conveniente. (SAF Libre Concorrencia)
En Ribeira hai 57 casos de axuda no fogar por libre concorrencia, con intensidades que oscilan entre as 3 horas semanais ata as 10 horas. Polo sistema de dependencia, hai 28 usuarios, con grado de atención que oscila entre as 15 horas e as 90 horas á semana.
Posted via email from Certo.gl, o xornal dixital de Barbanza e Noia
Compártelo
Boiro: o mércores 24 de agosto, quinta Xuntanza Literaria do Barbanza
Boiro, 11 de agosto de 2011. A quinta Xuntanza Literaria do Barbanza terá lugar o 24 de agosto as 20:00 horas. Primeiro farán a lectura de textos no Local do Centro Social de Boiro e a continuación os participantes trasladaranse ao local de O Faiado 2 para inaugurar a exposición de primeiras edicións de autores barbantinos.
Antonio Piñeiro, editor e escritor multipremiado de Ribeira, adoita participar nestas Xuntanzas Literarias. Foto do ano pasado. Máis imaxes aquí Se alguén quere participar coa lectura dun texto (máximo tres minutos) dun autor de Barbanza, ou ben un texto relacionado con Barbanza, debe chamar previamente aos números que aparecen no cartel, ou ben mandar un correo electrónico a ofaiadodous@gmail.com
Posted via email from Certo.gl, o xornal dixital de Barbanza e Noia
Compártelo
Medio Ambiente: a Sociedade Galega de Historia Natural presentou alegacións ao plan director de Rede Natura
- A superficie protexida en Galicia é dun 3% escaso. O asfaltado e con formigón, un 2%. Cualifican isto como "bochornoso"
- Feble e difuso compromiso para erradicar especies invasoras ou impedir que entren especies exóticas
Ribeira, 11 de agosto de 2011. A Sociedade Galega de Historia Natural criticou que a Consellería de Medio Rural "non concedeu nin un día máis do periodo mínimo legal de 30 días para información pública, malia que o Plan Director consta dunhas 3.000 páxinas e abundante cartografía. Non semella, pois, que entre as intencións da Consellería figurase a de facilitar a participación pública na tramitación dun documento clave para a xestión dos espacios naturais máis sobranceiros de Galicia". Por enriba, faino en pleno verán, cos impedimentos que iso conleva nun país que segue ancorado en horarios e quendas de vacacións terceiromundistas.
SGO e SGHN, que estudaron coordinadamente o Plan Director da Rede Natura 2000, consideran que "é positivo pero pouco ambicioso en conxunto. Limítase a perfilar cales deben ser os obxectivos de xestión da Rede en Galicia pero sen establecer unha planificación real e efectiva dos distintos espazos que a compoñen".
2. Ausencia de adaptación do Plan Director ás características dos LIC e ZEPA, realizándose unha análise global e pouco detallada. Á vista da moi somera e difusa definición de usos e actividades permitidos nos distintos espazos en función das súas tipoloxías, SGHN e SGO demandan a redacción de plans de conservación específicos para os distintos lugares ou grupos de lugares.
3. Carencia da necesaria metodoloxía de avaliación, planificación e xestión específica para as ZEPA, declaradas en base a uns criterios (aves de interese para a conservación) distintos dos LIC (hábitats de interese comunitario). Ademais, o Plan Director non fai referencia algunha á imprescindible ampliación do número, a superficie e a representatividade das ZEPA, ata acadar alomenos o promedio das restantes Autonomías. Resulta bochornoso que, de acordo coas cifras oficiais, a superficie de Galicia protexida como ZEPAs (3%) apenas supere á superficie de Galicia cuberta por cemento e asfalto (2%).
4. Consideración de “autorizables” para proxectos cun elevado impacto ambiental e paisaxístico (por ex. plantas de acuicultura, infraestruturas, queimas, repoboacións, concentracións parcelarias, rectificación de canles e diversas obras) mesmo en zonas de valor ambiental moi alto e máxima protección “teórica” e a pesares de haber alternativas con menor impacto ambiental.
5. Feble e difuso compromiso coa erradicación das especies exóticas invasoras e coa prohibición de liberar organismos transxénicos (¡e iso nos espacios naturais máis valiosos de Galicia!).
6. Omisión de toda referencia á necesidade de recuperar os humidais degradados, alomenos os existentes dentro do ámbito territorial da Rede Natura 2000 e os incluidos no inventario de humidais de Galicia.
7. Carencia de compromiso en investimentos que permitan desenvolver as directrices e medidas precisas para a conservación da Rede Natura 2000 en Galicia máis aló de estimacións tentativas en números redondos supeditados a dispoñibilidade económica de cada momento. Máis información en www.sghn.org e www.sgosgo.org
Posted via email from Certo.gl, o xornal dixital de Barbanza e Noia
Compártelo
Ribeira: charlas nas parroquias sobre sexualidade na vellez, do 11 ao 18 de agosto
- A primeira é hoxe en Palmeira, ás oito da tarde. Vainas impartir todas Penélope Alonso, psicóloga da Sociedade Española de Sexoloxía
- Pode que o ciclo continúe en setembro
Ribeira, 11 de agosto de 2011. – O Centro de Información á Muller (CIM) de Riveira vai a impulsar a partir de hoxe, xoves, unha novidosa iniciativa consistente no desenvolvemento dun ciclo de conferencias titulado “A Sexualidade nas Persoas Maiores”. É unha actividade do Servizo de Atención Sociolóxico dependente do CIM.
Con estas charlas, o que pretende a Concellería Igualdade é propiciar entre a cidadanía e en especial entre as persoas maiores unha aproximación ás diferenzas que poden ir aparecendo ao longo dos anos na sexualidade das persoas, de xeito que cada home e cada muller poida vivir a súa sexualidade de xeito positivo e agradable con independencia da súa idade.
A primeira charla será impartida este xoves 11 de agosto, ás 20 horas, na sede da Sociedade Hijos de Palmeira. O 17 de agosto terá lugar no Centro Social Santa Uxía, tamén ás 20 horas; mentres que o 18 de agosto celebrarase á mesma hora na Casa da Cultura de Castiñeiras.
As previsións do CIM son seguir dando estas charlas en outras parroquias do municipio a partir da metade do mes de setembro. O acceso é gratuíto.
As conferencias correrán á cargo de Penélope Alonso, psicóloga especialista en sexoloxía pertencente á Asociación Española de Sexoloxía.
O Servizo de Atención Sexolóxico no que se incardina este ciclo é unha acción de carácter gratuíto que está dirixido tanto a persoas xóvenes como adultas e da terceira idade.
Máis información no teléfono 981 874 131 ou 981 873 409.
Posted via email from Certo.gl, o xornal dixital de Barbanza e Noia
Compártelo
Porto do Son: o sábado 27 de agosto, "Pisados. Botamán de Melide. O home que falaba cos zapatos"
Será o 27 de agosto ás 21:00 horas na Casa da Cultura de Portosín.
Posted via email from Certo.gl, o xornal dixital de Barbanza e Noia
Compártelo
Porto do Son: descobren en Corzo un novo petróglifo dun cervo macho, dentro das Xornadas de Historia e Cultura
Texto e fotos: Paco do Martelo
Porto do Son, 11 de agosto de 2011. Dentro dunha visita guiada aos petróglifos de Corzo, na parroquia de Caamaño de Porto do Son, atopouse un novo petróglifo, dun pequeno cervo, nunha rocha medio esbandallada. Isto sucedeu no segundo día das Xornadas de Historia e Cultura deste concello. Nas imaxes, a foto orixinal e outra retocada cun círculo vermello para aprezar o cérvido. Conferencias
"Petróglifos e iconografía: outro xeito de achegarse á arte rupestre" foi a impartida por
Xoán Guitián Rivera e Jorge Guitián Castromil (pai e fillo). Historiadores da Arte. En Certo falamos moitas veces do fillo, moi vinculado á zona de Barbanza, onde pasou parte dos veráns da infancia, e arquicoñecido polo seu blog gastronómico, co que gañou o premio "Álvaro Cunqueiro" no seu día, "Diario del Gourmet de Provincias y el perro gastrónomo". "Arte rupestre e Porto do Son: Achegas recentes" foi a achega que realizou Ramón Fábregas Valcarce, catedrático de Prehistoria da USC. Proxectouse un vídeo titulado "Petróglifos: testemuñas do tempo" de Federico de la Peña. E o conservador do Museo de Pontevedra, Antonio de la Peña Santos falou do estado actual dos petróglifos galegos. Notas ao chou: PROHIBIDO FACER FOTOS DOS PETRÓGLIFOS!!!!
.
- Na última década Porto do Son pasou a ser unha referencia na arte rupestre.
- A dotación de cornamentas descomunais nos cérvidos: era intención do autor chamar a nosa atención e sinalar ademais que non é un cérvido calquera, senón que é un macho.
- A "marca galega" vende e por iso moitos partidos políticos e empresas usan iconografías desta arte para dicir que son máis galegos que ninguén.
- Só se atopan petróglifos en paredes graníticas: en lousa e outros tipos de rochas non se atopan.
- Unha curiosidade é que na zona de Santiago están aparecendo agora os primeiros petróglifos.
- De non se publicar nada na prensa sobre a arte rupestre no anos 90, agora sae unha noticia cada 3 días.
- Como a Administración non fai o seu traballo, téñeno que facer "catro pringados queimados".
- Patrimonio no Medio, foi un intento do bipartito no ano 2006 de facer algo máis por este tipo de arte, pero durou o que durou o bipartito.
- Para a Consellería de Cultura a arte rupestre desapareceu e só fala de castros e da Torre de Hércules.
- O tripartito, nun Decreto Regulador da Actividade Arqueolóxica na Comunidade Autónoma de Galicia prohíbe tomar fotos dos petróglifos.
- A lei do Patrimonio cultural de Galicia aprobada no ano 1995, por unanimidade do Parlamento de Galicia, non quixo recoller ningunha suxestión dos entendidos na materia e a día de hoxe, segue estando prohibido tomar fotos deles.
- A día de hoxe non se fixo un Catalogo Oficial do Arte Rupestre e os catálogos que hai foron feitos por particulares.
Un día máis a sensación coa que sae un das conferenciaS é que os políticos para o único que valen e para vivir sen pegar "pancada". Xerardo Agrafoxo foi o primeiro que se interesou pola arte rupestre no Barbanza co seu libro "Prehistoria e Arqueoloxía da Terra do Barbanza". Manuel Mariño tamén fixo un pequeno un pequeno traballo: "Os Petróglifos de Porto do Son".
Posted via email from Certo.gl, o xornal dixital de Barbanza e Noia
Compártelo
Suscribirse a:
Entradas (Atom)
