25.5.10

Porto do Son: reglamento de La protección obrera, en 1901

Atópase no Museo do Mar de Vigo.
A imprenta que o sacou do prelo estaba en Noia (R. y Blanco).
Xa choveu!

Posted via web from Certo.es, o xornal virtual de Barbanza e Noia

Medio Ambiente: a Sociedade Galega de Historia Natural dalle un enorme tirón de orellas aos políticos


Foto: Joaquín Vilas (Panoramio)

Barbanza-Noia, 25 de maio de 2010. Este pasado 24 de maio, nunha comisión parlamentaria, en pleno Parlamento de Galicia en Santiago, onde reside a soberanía popular galega, ou debía residir, Serafín González, presidente da Sociedade Galega de Historia Natural, dixo, entre outras cousas:

... A crúa realidade é que, 28 anos despois de asumir as competencias exclusivas sobre ordenación do territorio, Galicia aínda carece dunha ordenación real do territorio... e de todas as rexións do “Espazo Atlántico” da Unión Europea, Galicia é a única que aínda carece dun instrumento de ordenación, protección e xestión do seu espazo costeiro.

.... Os erros a corrixir son moi importantes. No caso do ámbito do POL, a día de hoxe a “desordenación do territorio” levounos a ter 11600 puntos de amarre en portos deportivos, 2 aeroportos malos que compiten entre si, 2 portos exteriores separados apenas 17 km e un sinfín de paseos marítimos absurdos que urbanizan espacios naturais da beiramar e que hai que arranxar despois de cada temporal forte. A grave desordenación tamén nos levou a que aínda falten por construir nada menos que 22 das 91 depuradoras necesarias nese territorio e a que persistan 1926 puntos de verteduras, todo o cal ameaza gravemente a riqueza pesqueira e marisqueira do noso litoral. A desordenación urbanística e a falta de respecto á lexislación ambiental tamén nos levou ás recentes sentencias do Tribunal Supremo contra o macrorrelleno do porto de Marín e contra a tramitación da licencia dos depósitos de combustible no de Vilagarcía.

A política dos feitos consumados en moitos concellos, ese tristemente famoso “ti vai facendo” que en realidade era un “ti vai (des)facendo”, no ámbito do POL traduciuse nun caos urbanístico que devoraba o litoral galego ata que a Lei 6/2007... paralizou cautelarmente os desenvolvementos urbanísticos na franxa de 500 m desde a ribeira de mar ata que se elabore o POL.

... O litoral galego é moito máis que un solar urbanizable, ou que un terreo a encher con infraestruturas enerxéticas, de comunicacións e plantas de acuicultura. O litoral de Galicia forma parte do patrimonio natural, cultural, etnográfico e identitario non só dos galegos, senón de todos os europeos, e como patrimonio común inalienable debemos ordenalo, aproveitalo de xeito sostible e protexelo por enrriba de calquera interese particular.

... Por iso, dende a SGHN damos a benvida ó Plan de Ordenación do Litoral non só porque é necesario, senón porque, facendo da necesidade virtude, é en liñas xerais un bo plan... De todolos xeitos, a SGHN discrepa con algúns artículos do POL, considera que outros deberan de mellorarse, bota en falla a inclusión dalgún adicional e considera oportuno facer diversos comentarios sobre outros.

... a súa principal carencia (é que) ningún artigo fai referencia á imprescindible campaña de reposición da legalidade urbanística... Ademais, á SGHN demanda que o POL establezca con claridade que os hábitats de conservación prioritaria, os denominados Espazos de interese de taxóns e os espazos de interese paisaxístico quedan excluidos do desenvolvemento urbano, turístico e industrial.

... A SGHN considera preciso que se inclúa unha disposición transitoria que estableza unha moratoria na execución dos PXOM e os plans sectoriais para que se adapten ó POL e ás DOT; senón corremos o risco de que, como os PXOM, dentro de 8 anos os planos sectoriais aínda non se adaptaron.

No caso do Art. 16 considérase moi acertado que para definir os espazos de interese de taxons se teña en conta toda a xeoforma en que aparece a especie, pero ademais da existencia de taxons de Flora Vascular endémicos, vulnerables ou de distribución reducida, debera contemplarse calquera outro taxón incluido no Catálogo Galego de Especies Ameazadas.

... Consideramos imprescindible que as medidas de integración paisaxística contempladas nos Art. 54 a 62 se fagan extensivas ós proxectos de concentración parcelaria dentro do ámbito do POL.

... A moi sensata recomendación do Art. 61 para que nas áreas de actividade industrial e económica a altura da iluminación se sitúe por debaixo das copas das árbores, co obxecto de aproveitar ao máximo a luz, debera estenderse a todas as instalacións de alumeado público.

É unha magnífica noticia para o medio litoral galego o modelo de sendeiros peonís contemplado no POL, claramente inspirado no modelo europeo de sendeiros de gran e pequeno percorrido e que sen dúbida algunha son moitísimo máis respectuosos, fermosos, sustentables e baratos que o perxudicial e carísimo modelo de paseos marítimos desenvolvido ata agora.

... En síntese, a SGHN quere máis que este POL pero sobre todo, deixando ó lado posibles diferencias con outras entidades ou persoas, a SGHN quere como mínimo este POL. E ademais quere que se aplique real e efectivamente canto antes. Dende hai xa 8 anos, no primeiro contacto con cada novo Conselleiro de Medio Ambiente a SGHN só lle fai unha petición: que cumpra e faga cumprir a lexislación ambiental. Congratulámonos de que, dito con outras verbas, ese sexa precisamente un dos dez principios inspiradores ou obxectivos xerais do POL:

“A transparencia e o respecto, por que sen respecto ás normas e convencións rexionais, nacionais e internacionais democráticamente aprobadas, a convivencia, a paisaxe e o medio ambiente deterióranse, moitas veces de xeito irreversible”.

O texto íntegro da intervención está recollido no PDF SGHN_Comisión_Parlamentaria_POL

Posted via email from Certo.es, o xornal virtual de Barbanza e Noia

Boiro: caravana de vehículos antigos o xoves 26 de maio

Boiro, 25 de maio de 2010. Unha caravana integrada por nove vehículos antigos visitará Boiro este xoves, día 26 de maio. A viaxe, organizada polo Club Packard Ibérica, parte da Praza Maior de Salamanca con destino á Praza do Obradoiro de Santiago de Compostela, á que está prevista a chegada para o xoves a mediodía. Logo de asistir á Misa do Peregrino, a comitiva porá rumbo a Boiro, onde parará para comer no Restaurante Florida (sobre as 15.00 horas).

 

Ao remate do xantar, sobre as 17.00 horas, os coches antigos  vanse desprazar ata o casco urbano de Boiro, por onde pasarán pola rúa Principal para dirixirse ao peirao de Escarabote e, posteriormente, ao de Cabo de Cruz. De volta ao casco urbano, permanecerán expostos na Praza de Galicia durante unha hora.

 

Entre os vehículos que participan nesta ruta figuran un Packard descapotable de 1930, un Dodge 1935 convertible, un Rolls Royce Corniche cabrio e un par de Jaguar.


Quen queira máis información sobre o Club Packard Ibérica e os incribles coches que forman parte del, só ten que ver a web http://www.packardclub.es. Teñen un concepto moi "seu" do emprego de Internet, pois hai que pedir permiso para publicar as fotos que alí teñen, así que empregamos nesta información unha imaxe que nada ten que ver con eles, pero que poden vostedes empregar no que desexen, como todas as de Certo.gl.

Posted via email from Certo.es, o xornal virtual de Barbanza e Noia

Boiro: o Concello despídese tamén da cuarcita na rúa Santos Mieites

Con cuarcita

Sen cuarcita

Boiro, 25 de maio de 2010. O Concello de Boiro informa que, a partir de mañá mércores, día 26 de maio, procederase a levantar a cuarcita da rúa Santos Mieites, no tramo comprendido entre as rúas Robustiano Pérez del Río e Poeta Manuel María, para ser substituída por adoquín, igual ao xa utilizado no resto desta rúa peonil e na Pablo Iglesias. O motivo deste cambio son as constantes roturas da cuarcita, polo que se decidiu utilizar outro material máis resistente, tendo en conta tamén o bo resultado do adoquín no resto da zona peonil.

O Concello de Boiro, que xa ten informado aos comercios afectados do inicio das obras, pide desculpas tanto aos empresarios como aos veciños polas molestias que a actuación poida ocasionar, á vez que se pon á súa disposición, a través da Concellería de Obras e Servizos, para atender calquera incidencia ao respecto.

Posted via email from Certo.es, o xornal virtual de Barbanza e Noia

Cultura: celébrase hoxe o X Día Internacional da Toalla

O ano pasado a cara "institucional" deste día friki-lusista foi o ribeirense Quico Cadaval. Nesta volta, a faciana pona Ugía Pedreira, focense que canta en varios grupos.
Por suposto, Certo tamén se une á celebración deste día. Só tedes que coller a mellor toalla (portuguesa a poder ser) que teñades na casa e locila polas rúas da vosa cidade (ou polas corredoiras da vosa aldea, se é que esta non ten nome nas rúas, como na vella canción de U2).
E paramos xa de celebrar días por hoxe, que entre o do Friki e este, aviados estamos!

Posted via web from Certo.es, o xornal virtual de Barbanza e Noia

Ribeira: prazo ata venres 28 de maio para realizar a proba de acceso ao Conservatorio


Ribeira, 25 de maio de 2010
. O Conservatorio Profesional de M
úsica de Ribeira lembra que este venres día 28 de maio será o último día para poder realizar a matrícula necesaria para a realización da proba de acceso a este centro. A devandita proba está aberta a todos os rapaces e rapazas de entre 8 e 14 anos que desexen comezar os seus estudos musicais no 1º Curso de Grao Elemental.

 

Así mesmo, tamén continúa aberto (e tamén remata o vindeiro día 28 de maio) o prazo de matrícula requirida para aqueles que queiran acceder ao 1º curso de Grao Profesional. Para efectuar esta matrícula non existen limitacións de idade.


Como xa informamos anteriormente, todos os mércores de maio, de 18.35 a 19.25 horas, o Conservatorio está dando cabida a un curso de preparación para o ingreso no Conservatorio, que vai dirixido a nenos e nenas de entre 8 e 10 anos.

 

Posted via email from Certo.es, o xornal virtual de Barbanza e Noia

Ribeira: o Día da Bici organízase o domingo 6 de xuño


A saída será da praza do Concello

Ribeira, 25 de maio de 2010. O domingo 6 de xuño na Praza do Concello hai unha cita para saír a dar unha volta en bicicleta. Organiza o Concello, a peña ciclista Tahúme e unha tenda de bicicletas. Ata ese mesmo día se pode inscribir o que queira participar (de dez e media a once e cuarto da mañá).

O roteiro comeza ás once e cuarto, cun paseo ata a parroquia de Aguiño pola estrada de Castiñeiras.Unha vez chegue o pelotón ao porto de Aguiño, realizarase un pequeno avituallamento, logo voltarase cara á Centenaria polo mesmo camiño.Unha vez rematado o paseo realizarase un sorteo de material deportivo e unha bicicleta.

Camisetas: Os primeiros 200 inscritos recibirán unha camiseta de regalo. A idade mínima que a organización propón para poder facer o percorrido é de 8 anos. Aqueles rapaces que sexan menores, ou que os seus pais non os vexan con forzas para poder facer o percorrido, poderán participar nun percorrido menor polas rúas ribeirenses.

Recomendacións da organización:

· Intentar levar a bici nas mellores condicións posibles

· Ser puntuais

· Non adiantar ó coche de cabeza

· Non interrumpir nin acelerar a marcha normal do grupo

· Non invadir o carril contrario

· Non utilizar as beirarrúas como vía

· Non entender esta actividade coma unha competición: é un paseo

O uso do casco ou capacete é obrigatorio

Posted via email from Certo.es, o xornal virtual de Barbanza e Noia

Rianxo: un fin de maio cunha programación cultural moi "xacobea"


Rianxo, 25 de maio de 2010
. Como xa informamos anteriormente, Rianxo está considerado pola Xunta como "Porto Xacobeo". Por esta razón, o concello vese beneficiado por unha serie de actividades culturais que van transcorrer nestes últimos días de maio. Aínda que houbo un baile de datas con algún acto, como a conferencia sobre o Camiño de Santiago polo mar (no primeiro folleto aparecía o pasado 21 de maio), a programación vai ser a seguinte:

Conferencia: O Camiño Xacobeo por mar. Ruta Xacobea Ría de Arousa
    Día: 28 de maio
    Lugar: Auditorio de Rianxo
    Hora: 20:00
    Impartida por Javier Sánchez-Agustino Mariño, Presidente da Fundación Ruta Xacobea Mar de Arousa e Rio Ulla

Exposición:  O Camiño Xacobeo por mar. Ruta Xacobea Ría de Arousa
    Dias: 24 ao 30 de maio
    Lugar: Auditorio de Rianxo
    Aberta de 19:00 horas a 21:00 horas

</object>

Concerto:  Música clásica
    Lugar: Igrexa de Santa Columba Grupo de Música Antigua (Fernando Reyes)
    Día: sábado 29 de maio ás 21:00 horas

</object>

Concerto: "BLACK STONES" (non confundir coa banda ficticia do manga "Nana", estes son de Pontevedra e son reais), Tributo Homenaxe á musica dos anos 70 e "REINA MALA" banda de pop/rock español
    Lugar: Explanada do Porto de Rianxo
    Hora: 22:30
    Día: sábado, 29 de maio


Relacionada:

Xacobeo: Rianxo, A Pobra e Ribeira, na fundación Ruta do Mar de Arousa


Posted via email from Certo.es, o xornal virtual de Barbanza e Noia

A Pobra: o grupo local socialista homenaxea a tres veteranos afiliados cunha cea este venres 28

Download now or preview on posterous
cea homenaxe.doc (27 KB)

A Pobra do Caramiñal, 25 de maio de 2010. A executiva local da Agrupación Socialista de A Pobra homenaxea este venres a Genoveva Núñez Pérez, Manuel Parada Vilasó e Ángel Ouviña Rey cunha cea na que estarán destacados cargos socialistas galegos.
   Segundo nos explica a concelleira socialista Mª Teresa García Guillán "é unha homenaxe moi merecida, pois comezaron a militar e dar a cara coa morte do dictador aínda recente (sobre 1977) e na Pobra o alcalde era Segundo Durán, un tempo ben difícil para ser amante das libertades".
    O máis positivo na súa longa traxectoria para estes socialistas que van ser homenaxeados "politicamente foi chegar á Alcaldía entre 1991 e 1999. O que peor leva algún é ver a Isaac Maceiras aínda de alcalde".
   Entre os presentes na cea agardan ao secretario xeral do PSdeG neste momento, Pachi Vázquez, así como ao presidente da Deputación coruñesa, o focense Salvador Fernández Moreda, que asiste en calidade de secretario xeral provincial dos socialistas. Tamén teñen confirmada a asistencia da parlamentaria Marisol Soneira e do deputado outiense José Manuel Lage Tuñas, así como numerosos socialistas destas bisbarras.
   Entre empanada, croquetas de marisco, polbo, pescada á romana, carne, postre e café falarase, a bo seguro, da situación política actual a todos os niveis. Os que queiran sumarse a esta homenaxe teñen toda a información no cartel adxunto.

Posted via email from Certo.es, o xornal virtual de Barbanza e Noia

Arqueoloxía: arman un blog para "escañar" no castro da Lanzada

Vía Xurxo Ayán, que armou no seu día outro (que segue vivo) para escañar en Neixón. Póñano entre os favoritos: o 1 de xuño comezan a levantar terra e irano contando!

Posted via web from Certo.es, o xornal virtual de Barbanza e Noia

Twitter

Related Posts with Thumbnails Banner: Regale selva tropical