21.12.12

Rianxo: estas son as recomendacións de lecturas para Nadal das bibliotecas locais

Guía Nadal Rianxo 2012.pdf Download this file





Rianxo, 21 de decembro de 2012. Como xa fixeran hai uns días as de Porto do Son, as bibliotecas de todos os centros escolares de Rianxo e a Biblioteca Pública Municipal Castelao veñen de elaborar e distribuír nas comunidades escolares e en diferentes lugares públicos do municipio un tríptico conxunto de recomendacións de lectura e música. Con el pretenden animar e dar ideas para que os libros estean presentes entre os agasallos que se realicen nestas datas. As propostas literarias e musicais tamén se poderán atopar para empréstito nas diferentes bibliotecas do municipio.

Biblioteca Brea Segade de Taragoña

Posted via email from Certo.gl, o xornal dixital de Barbanza e Noia

Rianxo: propostas culturais para este Nadal, dende superapalpadorciños a papanoeladas

Rianxo, 21 de decembro de 2012. Estas son as propostas culturais que terán lugar proximamente na Área de Educación, Cultura e Normalización Lingüística do Concello de Rianxo:
  • INAUGURACIÓN DA EXPOSICIÓN DE PINTURA E ESCULTURA do artísta rianxeiro LUÍS NOYA
  • DATA: venres 21 de decembro
  • HORA: 20.00 horas
  • LUGAR: Centro Sociocultural-Auditorio de Rianxo
A exposición poderá visitarse do 21 de decembro ao 19 de xaneiro no Centro Sociocultural-Auditorio de Rianxo
Máis información
  • TEATRO EXPRES: Superapalpadorciño, o actor de Airiños que foi ao Courel e volveu con mel

  • MÉRCORES 26 DE DECEMBRO
Rianxo: Auditorio de Rianxo - 18.00 horas
  • XOVES 27 DE DECEMBRO
Taragoña: Centro Cultural - 17.00 horas
Araño: Centro Sociocultural - 18.00 horas
Asados: Centro Cultural - 19.00 horas
  • VENRES 28 DE DECEMBRO
Leiro: Centro Cultural - 17.00 horas
Vacariza: Unitaria da Vacariza - 18.00 horas
Máis información

Ademais neste fin de semana, as entidades asociativas de Rianxo, organizan estas actividades:

  • Venres 21  e sábado 22 de decembro – 21.00 h - Auditorio de Rianxo

FESTIVAIS DE NADAL DA ESCOLA DE MÚSICA DE RIANXO

Organiza: Asociación Escola de Música de Rianxo

  • Domingo 23 de decembro

I PAPANOELADA RIANXEIRA: ruta moteira

16.30 horas por Rianxo – 17.30 horas por Taragoña – 18.30 horas por Asados

Organiza: Moto Club A Moreniña

VISITA DE PAPÁ NOEL

17.00 horas – Centro Cultural de Leiro

Organiza: Centro Cultural Vicente Vidal de Leiro

VII FESTIVAL DE CORAIS DE AROUSA E ULLA

18.00 horas - CEIP Ana Mª Diéguez de Asados

Organiza: Centro Cultural Simón Varela de Asados


Máis información
Para máis información poden consultar a páxina web do concello




Posted via email from Certo.gl, o xornal dixital de Barbanza e Noia

Rianxo: os comerciantes impulsan "LudoNadal: regala comercio local" xunto co Concello

Ludonadal12_folleto

  • Inclúe servizo de ludoteca para nenas e nenos moitos días nos que abre o comercio
  • Tamén haberá animación de rúa o sábado 22 e o sábado 29, con pallasos e mascotas infantís

Rianxo, 21 de decembro de 2012. Estes días presentouse o programa "Ludonadal: regala comercio local", unha proposta da concellería de Comercio coa que se pretende favorecer as compras no comercio local.  As iniciativas que conforman está proposta son un servizo de ludoteca para  nenos e nenas e animación de rúa, para todos os públicos.

LUDOTECA: Mentras realizas as túas compras no comercio local, poderás deixar aos nenos e nenas entreténdose na Ludonadal, onde realizarán manualidades, contos, xogos e moitas outras sorpresas. O lugar onde se desenvolverán as actividades será nos baixos da Biblioteca Municipal Castelao, na Praza de Rafael Dieste, os días 24, 26, 27, 28, 29 e 31 de decembro e o 2, 3, 4 e 5 de xaneiro en horario de 10:00 a 14:00 horas e de 16:30 a 20:30 (agás o 24 e 31 que pecharás as 19:30 e o 5 de xaneiro que permanecerá pechado pola tarde).

As inscricións realizaránse na propia ludoteca e poderáse asistir un máximo de dúas horas ao día. As actividades está destinada a nenos e nenas de 3 a 12 anos.

ANIMACIÓN DE RÚA: As túas compras no Comercio Local resultarán máis amenas coa presenza de pallasos e mascotas infantís que estarán animando as rúas e prazas de Rianxo. Poderás saudalos e fotografíarte con eles. Serán os sábados 22 e sábado 29, pola rúas e prazas de Rianxo. 


Posted via email from Certo.gl, o xornal dixital de Barbanza e Noia

Noia: reabre a piscina tras a correspondente autorización de Sanidade

Noia, 21 de decembro de 2012. Nove días de retraso. O Concello agardaba ter a piscina, tralo secuestro da concesión o mes pasado, aberta o pasado 12 de decembro pero cambiáronse os números da data e hoxe xa houbo unha xornada de portas abertas.

Sanidade autorizou a reapertura da piscina municipal noiesa trala visita xirada pola técnica da Conselleria de Sanidade, a cal  autorizou a apertura das instalacións ao cumplirse todos os parámetros. Hai unhas semanas fora a mesma Consellería de Sanidade a que ordeara o peche das instalacións, razón principal, segundo fontes municipais, para adoptar unha medida extrema como foi o secuestro da concesión, aprobado por unanimidade do último pleno do Concello de Noia. Hoxe, ás oito da tarde, procedeuse á reapertura desta instalación tan demandada cunha xornada de portas abertas.

A partir de mañá, sábado 22, as instalacións abriranse con normalidade e, segundo o Concello "quedan só pequenos detalles que se ultimarán nos vindeiros días".

O Concello de Noia que dirixe a piscina a través da intervención da concesión acometeu as actuacións imprescindibles para a reapertura, que garanten o correcto funcionamento da concesión. Durante o periodo de secuestro a intervención técnica non poderá ordear melloras, algo que advirten para que as usuarias e usuarios da mesma non se fagan demasiadas ilusións.


Posted via email from Certo.gl, o xornal dixital de Barbanza e Noia

Ribeira: entregados os diplomas do obradoiro de arte floral e decoración de Nadal

Decoracin_nadal

Na tarde de onte tivo lugar a entrega de diplomas do obradoiro de Arte Floral e Decoración de Nadal co que o Concello de Ribeira, a través da súa Área de Cultura, deu inicio á extensa programación do Nadal Cultural 2012.

Participaron un total de 24 alumnas que recibiron cadanseu deiploma acreditativo da súa participación neste taller dirixido a aportarlle ideas que mesmo poderán empregar na súa decoración navideña.

O acto de entrega tivo lugar nas Aulas Formativas que o Concello ten na rúa Cristóbal Colón de Santa Uxía.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical