23.8.10

Boiro: acto de nomeamento de Carlota Paz como Presidenta de Honra da asociación "Borobó"

Boiro, 23 de agosto de 2010. A Asociación Cultural Borobó, de Boiro, levou a cabo na tarde do domingo o nomeamento de Dona Carlota Paz Barreiro, viúva do xornalista e escritor Don Raimundo García “Borobó”, como Presidenta de Honra da entidade.

O acto, ao cal asistiron unhas oitenta persoas, tivo lugar no Centro Social do municipio ás oito da tarde e estivo presentado polo historiador Juan Guitián, amigo da familia, que realizou un emotivo relato da súa relación coa homenaxeada incidindo nas súas cualidades humanas. A continuación varios socios e dous dos netos de Dona Carlota levaron a cabo a lectura dun texto poético escrito polo propio Borobó e que adicara á súa dona nos seus cincuenta anos de casados, así como un poema composto por Álvaro Cunqueiro e adicado á protagonista do día. Esta lectura estivo acompañada dos acordes de violín de Manu Clavijo.

Tras isto interviu o Presidente do ente cultural, Jorge Campaña, quen agradeceu o apoio e o cariño amosado pola familia dende os inicios da súa andadura e levou a cabo un breve resumo das actividades realizadas pola asociación nestes case dous anos de existencia.
Ao rematar esta intervención, pasou a ler a acta na que se nomeaba Presidenta de Honra a Dona Carlota e fixo entrega dunha placa conmemorativa deste cargo honorífico xunto cun ramo de flores. Dona Carlota, que estivo arroupada en todo momento por numerosos familiares, amosouse emocionada e agradeceu de xeito moi sincero esta mostra de cariño por parte da A.C. Borobó.

Para pechar o acto, interviú o Alcalde do Concello de Boiro, Xosé Deira, quen se mostrou orgulloso de que a familia siga mantenda a súa vinculación co municipio, e deuse paso á interpretación do Himno Galego a través do violín de Manu Clavijo.

O acto contou coa presenza de varias autoridades, como os membros da Corporación Municipal o Tenente Alcalde, Juan Jesús Ares ou a Concelleira de Servizos Sociais, Natalia Laíño, e o Presidente da ABE, Carlos Rodríguez Muñiz, informou Silvia García, secretaria da asociación Borobó.


Posted via email from Certo.gl, o xornal dixital de Barbanza e Noia

Ribeira: imaxes que din máis que as verbas en Amendo, parroquia de Carreira

Noia: o primeiro festival Cantón's Jazz&Blues de Rúas Vivas, este venres 27 e sábado 28 de agosto

Noia, 23 de agosto de 2010. O ciclo Rúas Vivas remata co primeiro festival de Blues e Jazz, este venres 27 e sábado 28 de agosto. Os concertos terán lugar na praza do Cantón.

A primeira noite está adicada ao jazz, con tres dúos. Pablo Seoane e Rafael Fernández (de Noia) abren o festival, cun estilo clásico. Logo toma o relevo Lupercal, con máis improvisación, e remata o venres jazzístico Alejandro Vargas, músico de Cuba que reside nesta terra, que tocará acompañado de L.A.R. Legido.

A noite do sábado ten como protagonista o blues. Xulián Freire Blues Banned e Bakin Blues Band son as bandas instrumentais que interpretarán as súas pezas bluesísticas.

Todos os concertos son gratuítos. Colabora Noia Histórica co Concello e varios establecementos hostaleiros.


Bakin Blues Band

Posted via email from Certo.gl, o xornal dixital de Barbanza e Noia

Rianxo: o concerto de clausura do VI Ciclo de Bandas "Concello de Rianxo" é este venres 27

Rianxo, 23 de agosto de 2010. A Escola de Música de Rianxo informa que o concerto de clausura do VI Ciclo de Bandas "Concello de Rianxo", que ofrecerá a Banda da Escola de Música de Rianxo, terá lugar o vindeiro venres 27 de agosto ás 21:30, no Auditorio de Rianxo.


Neste concerto farase a estrea do conto musical “O Jazz na Banda” con letra de Quinito L. Mourelle, música de Roberto Somoza e narración de Belén Xestal.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical