Barbanza, por Certo: 21/08/12

21.8.12

Educación: apenas 75.000 euros para arranxar centros de ensino en Noia, Ribeira e Porto do Son

O investimento da Xunta concéntrase nos centros de Infantil e Primaria destes municipios

Barbanza-Noia, 21 de agosto de 2012.- Segundo informa a Consellería de Cultura, Educación e Ordenación Universitaria, vanse levar a cabo ao longo deste verán obras de mellora en catro centros de ensino da comarca do Barbanza, cun investimento de 74.114 euros. Estas actuacións desenvolveranse en colexios de Educación Infantil e Primaria (CEIP) dos concellos de Noia, Porto do Son e Ribeira.

A delegada territorial da Xunta na Coruña, Belén do Campo, recordou que estas actuacións enmárcanse na planificación levada a cabo polo departamento autonómico na provincia, onde se destinará 1,5 millóns de euros a acondicionar 67 centros de ensino de cara o vindeiro curso. A execución destes proxectos levarase a cabo durante o período non lectivo para evitar interferencias no desenvolvemento normal da actividade académica. En todo caso, a actuación estará rematada para o comezo do próximo curso escolar.

Felipe de Castro e Alexandre Rodríguez en Noia

A consellería investirá 16.290 euros no concello de Noia para reparar o pavimento do ximnasio do CEIP Felipe de Castro. Neste municipio tamén se dotará dun novo peche perimetral ao colexio Plurilingüe Alexandre Rodríguez Castelao, por importe de 12.380 euros.

Santa Irene en Porto do Son e o de Palmeira en Ribeira

En Porto do Son, acometerase a reforma dos baños e repararase unha fisura detectada na fachada do colexio Santa Irene, para o que se destinará unha achega 15.000 euros. Por último, Educación ten previsto instalar un novo ascensor no CEIP de Palmeira, no municipio de Ribeira, para o que consignará unha partida de 30.444 euros.

Con estas actuacións, indicou Do Campo, a Xunta “dará resposta ás necesidades educativas destes concellos, cumprindo o compromiso adquirido coas comunidades educativas dos colexios e institutos, coas que se consensuaron estas medidas”. Neste senso, a representante do Goberno galego na provincia subliñou que “a Xunta traballa para seguir avanzando na adecuación das infraestruturas coa fin de continuar mellorando as condicións de traballo e estudo dos mestres e alumnos”.

Antes, en Certo:

Educación: ollo ás reducións en Porto do Son e Ribeira

Máis aulas de ensino privado en Galiciadlvr.it/226y51
— Galicia Confidencial (@Gconfidencial) August 21, 2012

O buscador por voz de Google xa está dispoñible en galego dlvr.it/21Ks47
— Galicia Confidencial (@Gconfidencial) August 17, 2012

Posted via email from Certo.gl, o xornal dixital de Barbanza e Noia

Sanidade: varias ong's relacionadas coa sanidade consideran impresentable o que quere facer o Goberno do PP cos inmigrantes

Os inmigrantes que viven en España colaboran coa nosa sanidade cada vez que compran algo. O IVE, que vai subir en setembro, pagámolo todos, e agora incluso de case cincocentos medicamentos que antes se incluían na sanidade pública.

Comunicado íntegro:

A Asociación Galega de Medicamento Familiar e Comunitaria, Médicos do Mundo, Foro da Inmigración e Plataforma SOS Sanidade Pública considera:

1. Impresentable a decisión do Goberno de suprimir o dereito á asistencia sanitaria aos inmigrantes sen papeis e que este colectivo subscriba unhas pólizas de seguros sanitarios privados para recibir atención sanitaria. As persoas menores de 65 anos pagarán 60 euros mensuais e os maiores desta idade 155 euros .

2. Inaceptable que para xustificar semellante medida (que suscitou un gran rexeitamento social e profesional), responsables do Goberno e do Partido Popular estean lanzando mensaxes de que os inmigrantes sen papeis non deben recibir atención sanitaria pública por non contribuír ao sostemento económico do sistema ao traballar na economía mergullada.

3. Denunciamos que este argumento é absolutamente falso xa que os inmigrantes sen papais contribúen ao sostemento da sanidade pública pagando os impostos que gravan o consumo que realizan na súa vida cotiá, nas mesmas condiciones que o resto de cidadáns, con ou sen papeis non realicen achegas económicas para manter a sanidade pública

4. Queremos recordar que o financiamento sanitario realízase en gran parte cunha serie de impostos que gravan o consumo nas Comunidades Autónomas: 35% do IVE; e o 100% dos impostos polo xogo; os impostos especiais que gravan o consumo de cervexa, alcois e bebidas derivadas e labores do tabaco; a matriculación de vehículos; o consumo de electricidade e o chamado céntimo sanitario por pór gasolina.

Por todo iso afirmamos que a transcendencia económica da medida será irrelevante para a sustentabilidade económica da sanidade pública e con todo vaise a causar un gran dano a este colectivo e a toda a cidadanía galega dado que

1. Introduce pola porta de atrás os seguros sanitarios privados. Preténdese así acabar coa universalidade á atención sanitaria vinculado á residencias no Estado. Comézase por un dos colectivos sociais máis débiles política e socialmente e logo estenderase ao resto da poboación

2. Incrementará o risco da transmisión de enfermidades infecciosas, xa que os inmigrantes non serán tratadas polas mesmas

3. Os inmigrantes sen papeis colapsasen os servizos de urxencias por enfermidades que poderán ser tratadas polos medicos de familia

4. As declaracións para xustificar a medida contribuirán a un clima de xenofobia incompatible coa democracia e o benestar social

Esiximos a retirada inmediata do Decreto que deixa aos inmigrantes sen papeis sen dereito á asistencia e facemos un chamamento a todos os profesionais sanitarios para que non colaboren na súa aplicación.

El copago eleva + de 1/3 el coste de los medicamentos e incrementa la inflacción en julio hasta el 2,2% diariodesevilla.es/article/sevill…
— Olga Ruiz (@olgaruiztw) August 15, 2012

El BOE publica la lista de medicamentos que no pagará la Seguridad Social bit.ly/R685za | Son 417 (PDF) --> bit.ly/NrTOcF
— 20minutos.es (@20m) August 17, 2012

El ahorro según el PP: Se excluye la financiación de 417 medicamentos de precio menor y se financian mil nuevos y mucho más caros.
— Gaspar Llamazares(@GLlamazares) August 17, 2012

Subida del IVA, medicamentazo, repago de medicamentos, disminución del subsidio por desempleo, ... eso es el PP en el gobierno
— Paco Sánchez Legrán (@pacoslegran) August 18, 2012

Los antihemorroidales entre los 417 medicamentos excluidos de la financiación pública.¡¡A sufrir en silencio!! boe.es/boe/dias/2012/…
— Olga Ruiz (@olgaruiztw) August 18, 2012

Posted via email from Certo.gl, o xornal dixital de Barbanza e Noia

Ribeira: o xoves 23, o gaiteiro Henrique Otero actúa no Ateneo Valle-Inclán ás seis da tarde

Trofeos no Liceo Marítimo o domingo 26

Por outra banda, o vindeiro domingo, 26 de agosto, sobre as 12:30 da mañá, vanse entregar os trofeos e outros obsequios aos gañadores dos campionatos de cartas e outros xogos de mesa como o dominó do torneo disputado nos locais do Liceo Marítimo durante este verán. Ao remate do acto, os presentes participarán dun pequeno ágape, ofrecido pola entidade recreativa.

Posted via email from Certo.gl, o xornal dixital de Barbanza e Noia

Ribeira: ata o 27 de agosto para inscribirse na X Andaina Popular do 1 de setembro

As inscricións (pago incluído) que se realicen antes do 27 de agosto terán un prezo de 15 euros (13 os federados). A partir do desta data, terán un custo único de 25 Euros
Os participantes poden facer directamente a inscrición a través da páxina web do concello

http://www.arousa.com

Ribeira, 21 de agosto de 2012- Na Sala de Xuntas do Concello presentouse esta mañá a “X Andaina Popular Concello de Riveira”, coa presenza do concelleiro de Deportes, Juan Luis Martínez Queiruga, e Ramón Sampedro, representante da sección de sendeirismo da Asociación as Miñoteiras.

O día 1 de setembro de 2012 a X Andaina Popular “Concello de Ribeira” volve atraer a locais e visitantes conseguindo este enorme éxito de participación, con un total de 140 persoas inscritas ata o momento.

Esta andaina organizada pola Sección de Sendeirismo da Asociación “As Miñoteiras”, coa colaboración do Concello de Riveira, Protección Civil, a Asociación de Veciños de Carreira, Náutica a Poutada e a Asociación Arrecó, é outro exemplo da forza que o deporte na natureza ten neste municipio.

Os lugares polos que pasarán os participantes son: o Parque Periurbano de San Roque, a Lagoa de Vixán, o Parque Natural, a Lagoa do Carregal, o Monte Tahume, o Dolmen de Axeitos, o Miradoiro da Curota, o Miradoiro Valle-Inclán e a praia de Coroso. A novidade é que, aínda que as paraxes sexan as mesmas que o ano pasado, algunhas das rutas serán diferentes.

A saída realizarase o sábado, 1 de setembro, desde o Polideportivo Santa Uxía, na praia de Coroso, ás 9:00 horas e poderase participar nun percorrido de 50 km ou de 36 km.

Haberá controis de paso que os participantes deberán cruzar nuns tempos determinados, os mínimos serán de 4,2 km/hora e os máximos de 6,5 km/hora. A organización non se fará responsable en cómo se realicen os tramos entre controis, xa sexa andando ou correndo, sempre que cumpran os horarios e non se moleste ao resto de participantes.

Inscricións

As inscricións (pago incluído) que se realicen antes do 27 de agosto terán un prezo de 15 euros (13 os federados). A partir do desta data, terán un custo único de 25 Euros.

Os participantes poden facer directamente a inscrición a través da páxina web do concello.