Voleibol: a Selección Galega Infantil feminina consegue o subcampionato de España

• Tres das xogadoras, xa subcampionas, son destas bisbarras, dúas do Boiro e unha do Noia
  

Na foto das tres xogadoras: Elena Oviedo, Ana Bugallo e Emma Ordóñez

Noia, 16 de abril de 2012. A selección Galega Infantil Feminina desprazouse a Lloret del Mar a disputar o Campionato de España de Voleibol de Seleccións Autonómicas e quedou subcampiona, despois de disputar unha emocionante final contra as anfitrionas Cataluña, superando Comunidades tan fortes como a Valenciana, a Asturiana e á favorita, a Selección Andaluza, á que venceron en seminifais.

Tres xogadoras da selección son da bisbarra, dúas xogadoras do Club Voleibol Boiro Emma Ordóñez e Ana Bugallo e unha do Club Voleibol Noia Elena Oviedo Agra.

See the full gallery on Posterous

Posted via email from Certo.gl, o xornal dixital de Barbanza e Noia

Boiro: este sábado, 21 de abril, IV Roteiro de O Faiado 2, entre Boiro e Rianxo

[[posterous-content:pid___0]]

Boiro, 16 de abril de 2012. O IV Roteiro "Entre o mar e a terra" da asociación cultural etnográfica "O Faiado 2" terá lugar este sábado 21 de abril.

A ruta prevista comeza no límite entre os concellos de Boiro e Rianxo: "incluiremos patrimonio etnográfico, arqueolóxico e industrial. Contaremos con guía local", explica a presidenta de O Faiado 2, Mª Luísa López Otero.

Que en el TT esté el Rey, la Reina y el Obispo de Alcalá nos confirma que hemos vuelto a la Edad Media

— Democracia real ya!(@15MayoValencia) April 16, 2012

Noia: bases do V Certame de pintura ao aire libre do sábado 21 de abril post.ly/6fSy0 Actualizamos cartel cun premio máis! Olliño!

— Certo (@Certo) April 16, 2012

O Padre Teixugo é un dos que conforman a Tasca do Cuco, onde se reúnen para: vender motos? ou só falar delas? A ver certo.es/index.php?page…

— Certo (@Certo) April 16, 2012

Insane in Spain nyti.ms/HKHio0

— Paul Krugman (@NYTimeskrugman) April 15, 2012

Posted via email from Certo.gl, o xornal dixital de Barbanza e Noia

Ribeira: curso de balde no conservatorio para os nenos que queiran prepararse para ingresar no ensino oficial

•  Abriuse hoxe o prazo para inscribirse, a nenas e nenos entre 8 e 14 anos cumpridos en 2012

 [[posterous-content:pid___0]]

Ribeira, 16 de abril de 2012.- No día de hoxe ábrese o prazo de inscrición dun curso de preparación para o ingreso no Conservatorio Profesional de Música de Ribeira, que está dirixido a nenos e nenas de 8 a 14 anos (cumpridos neste ano) e que queiran facer a preceptiva proba de acceso para cursas estudos oficiais neste centro no vindeiro 2012/2013.

A concelleira de Educación de Ribeira, Maricarmen Vizcaya; o director do centro, Álvaro López; e xefa de estudos, Natalia Rey, ofreceron detalles desta iniciativa que ten carácter gratuíto. Durante cinco semanas, os nenos traballarán os contidos que van integrar a proba de acceso ao 1º curso de Grao Elemental (un exame de carácter obrigatorio que terá lugar a mediados de xuño). Ademais, os rapaces terán un primeiro contacto coas distintas especialidades que se imparten no Conservatorio, e recibirán de parte dos profesores unhas nocións básicas de cada instrumento co fin de axudalos á elección da especialidade que nun futuro inmediato queiran estudar.

O horario será a elixir entre os martes de 19.30 a 20.30 horas e os mércores de 19 a 20 horas, e contará cun máximo de 20 prazas e un mínimo de 9 por grupo para levarse a cabo. As matrículas serán aceptadas por rigorosa orde de entrega do formulario nas oficinas do Conservatorio.

O curso comezará o día 24 de abril na aula 5 do edificio para o grupo do martes, e o 2 de maio para o grupo do mércores. Rematará o 29 e o 30 de maio, respectivamente.

O prazo de matrícula, que comeza hoxe, finalizará unha vez se cubran as prazas ofertadas. Para a formalización da matrícula será preciso a presentación do formulario cuberto nas oficinas do Conservatorio, en horario de 9 a 14 e de 17 a 20 horas.

Durante o mes de maio publicaranse no taboleiro de anuncios do centro tanto as prazas dispoñibles para o curso 2012/2013 como o prazo de matrícula para efectuar dita proba de acceso ao primeiro curso de grao elemental.  A día de hoxe, 165 alumnos estudan no Conservatorio de Ribeira, no que hai un total de 16 profesores.

 

Libro no Ateneo Valle Inclán de Ribeira: o 27 de abril, "Héroes de polvo", de B. Manjón

 

Prefiero tropecientos viajes en avion con tres escalas ,que uno en bus de Riveira a Santiago!

— Marta Lustres Vidal (@MartaLustres) April 15, 2012

Posted via email from Certo.gl, o xornal dixital de Barbanza e Noia

Ribeira: barallan a posibilidade de que todos os praceiros actuais vaian na mesma planta do futuro mercado

 [[posterous-content:pid___0]]

Ribeira, 16 de abril de 2012.- O salón de plenos do Consistorio deu cabida esta mañá a unha reunión técnica co obxectivo de presentar por parte do Executivo local o proxecto do Novo Mercado de Ribeira aos praceiros e praceiras da cidade. Asistiron unha vintena destes operadores, que escoitaron de boca do alcalde Manuel Ruiz Rivas e do concelleiro de Consumo Vicente Mariño de Bricio os detalles da nova infraestrutura, cuxa construción está programada para iniciarse en agosto.

En resposta a unha suxestión plantexada polas 6 froiterías e carnicerías ata hai pouco instaladas na primeira planta do que era a praza de abastos, o Concello comprometeuse a estudar a posibilidade de que todos os profesionais que operan actualmente no Mercado Provisional poidan situarse no mesmo andar: concretamente, na planta baixa, espazo que está destinado a albergar entre outros 28 postos de mariscos e peixe fresco.

Plan de comercialización

O alcalde manifestou que polo que a el respecta non ve impedimento a esta posibilidade, pero que o que definirá a distribución concreta do inmoble vai ser un plan de comercialización que ten intención de encargar o Executivo. Este traballo terá o obxectivo de acadar a mellor fórmula posible cara un óptimo funcionamento do inmoble en todo o seu conxunto, xa que hai que ter en conta que entre a planta baixa e o primeiro andar se dará cabida a un total de 49 postos de venta de mariscos e pescados, conxelados, froitas, verduras, carnes e outros produtos complementarios como restauración, quiosco de prensa...; a segunda planta aloxará produtos non perecedoiros, mentres que a terceira planta e a terraza superior do edificio acollerán un restaurante.

Así, Ruiz Rivas considerou fundamental que unhas plantas se axuden a outras no reto de que o Novo Mercado sexa un referente económico do municipio e un dinamizador do entorno.

Outra das cuestións abordadas na reunión de hoxe foi o do Mercado Provisional aberto o pasado 3 de abril que, ao parecer dos praceiros, está tendo un funcionamento moi positivo, rexistrándose un sensible incremento de ventas con respecta a antiga praza.

Antes, en Certo:

Mercado: abre o provisional. É tempo dun novo faraónico?

Ribeira: comezou "Encanínate", con 26 persoas que lle aprenderon aos seus cans técnicas para mellorar o comportamento is.gd/BbqBGM

— Certo (@Certo) April 16, 2012

Ribeira: están a amañar o camiño entre A Ameixida e O Touro is.gd/hgmYyR

— Certo (@Certo) April 16, 2012

 

Posted via email from Certo.gl, o xornal dixital de Barbanza e Noia

Ribeira: comezou "Encanínate", con 26 persoas que lle aprenderon aos seus cans técnicas para mellorar o comportamento

See the full gallery on Posterous

Ribeira, 16 de abril de 2012.- A  primeira xornada do programa Encanínate -iniciativa promovida polo Concello e as asociacións Sálvora, As Miñoteiras e Agacett- rexistrou no día de onte unha magnífica participación coa intervención na experiencia dun total de 26 persoas que estiveron acompañadas dos seus respectivos cans.
 

A de onte foi unha xornada de socialización na que, da man dos adestradores profesionais Ángel Mollá e Marco Antonio Pérez, os asistentes aprenderon algunhas técnicas para mellorar o comportamento dos seus animais tanto a nivel individual como cando están en grupo. Así mesmo, a sesión serviu igualmente para efectuar un control veterinario e de microchip.
 

Acto seguido, todos os participantes puideron disfrutar dunha andaina de 45 minutos de duración e dificultade medio-baixa polo entorno do parque periurbano de San Roque. O concelleiro de Deportes e Atención Cidadá, Juan Luis Martínez Queiruga, tomou parte na experiencia. 
A vindeira xornada de socialización terá lugar o vindeiro día 29 de maio a partir das 10 horas e sairá ao igual que a actividade de onte dende a explanada localizada fronte aos xulgados de Riveira. Previamente, ás 9.30 horas, haberá un control veterinario para todos aqueles animais que non o pasaran no primeiro día.

 
Cómpre lembrar que estas xornadas son gratuítas e os interesados en dispor de maior información e descargarse o regulamento poden visitar a páxina web do Concello (www.riveira.com) ou as redes sociais da Asociación Sálvora de facebook e tuenti (riveiratrekaventura). As inscricións hai que facelas na Oficina Municipal de Deportes situada no polideportivo de A Fieiteira (tamén por enderezo electrónico a riveira@deportes.com).

Ribeira: están a amañar o camiño entre A Ameixida e O Touro is.gd/hgmYyR

— Certo (@Certo) April 16, 2012

Noia: bases do V Certame de pintura ao aire libre do sábado 21 de abril post.ly/6fSy0 Actualizamos cartel cun premio máis! Olliño!

— Certo (@Certo) April 16, 2012

Boas! Nós versionamos a Los Tamara E na paxina lostamara.com podes descargar un avance do disco que fixemos@aliciapoulain

— Coque Dosil (@coukainess) April 15, 2012

Posted via email from Certo.gl, o xornal dixital de Barbanza e Noia

Outes: a asociación cultural "Terra de Outes", indignada e preocupada polo atentado ao monumento á memoria das vítimas do franquismo en Ourense

• O colectivo pide a derrogación da vixente Lei de Amnistía, que permitiu saír impunes a todos os xenocidas e colaboradores do réxime franquista, o mesmo réxime que nomeou rei ao actual Borbón cazaelefantes

Foto: Blog Diario de un médico de guardia

Outes, 16 de abril de 2012. "Enteirados do salvaxe atentado cometido contra o monumento na memoria das vítimas do franquismo no Cemiterio de San Francisco de Ourense na noite do 13 de Abril, queremos manifestar toda a nosa indignación e a nosa solidariedade con toda a cidadanía de ben de Ourense. Tamén a nosa fonda preocupación polo que semella ser algo moi premeditado, e acontece nun intre sociopolítico que pode dar pé a un auxe do fascismo. Contra iso, as nosas dúas mellores armas: apoio solidario e unidade contra a barbarie. E tamén a esixencia de que a impunidade dos asasinos de antes e os seus herdeiros de hoxe, debe rematar derrogando a vixente Lei de Amnistía", explica Xoán X. Mariño, presidente da Asociación Cívico Cultural Terra de Oute nunha nota de prensa.

 

Posted via email from Certo.gl, o xornal dixital de Barbanza e Noia

Ribeira: están a amañar o camiño entre A Ameixida e O Touro

• O mércores 18 haberá cortes de circulación na avenida Romero Ortiz

Ribeira, 16 de abril de 2012.- O Concello informa do inicio das obras de renovación de servizos no camiño que conecta os lugares de A Ameixida (Castiñeiras) e O Touro (Ribeira). Esta actuación ten un importe de 83.583 euros e un prazo de execución de tres meses. A empresa Excavaciones Abelleira, S.L., é a empresa adxudicataria.

Actualmente o citado camiño presenta unha traza bastante irregular, con pavimento de formigón nalgún tramo e de terra noutro. En toda a zona de actuación, os colectores de pluviais e fecais están moi deteriorados e están feitos nun material que apenas se emprega na actualidade para este tipo de instalacións. Asemade, a tubaxe de abastecemento de auga é de fibrocemento. O obxectivo fundamental perseguida coa actuación é a renovación dos servizos urbanos de auga potable, saneamento e pluviais, utilizando materiais que si se usan a día de hoxe, tales como tubaxes de PVC para fecais e pluviais e tubaxes de polietileno de alta densidade para auga potable.

Unha vez realizada a demolición dos pavimentos existentes, rematarase o camiño cun pavimento de mestura bituminosa en quente no tramo con máis pendente, e zahorra artificial compactada no resto da vía, que se corresponde co tramo máis estreito e con menos pendente, harmonizando así co entorno no que se actúa. En gran parte do camiño existen masas rochosas que é preciso demoler en parte para a aplicación do novo pavimento.

A actuación será acometida con cargo ao canon de saneamento derivado da adxudicación do servizo municipal de augas.

Romero Ortiz: precisan cortar a circulación de vehículos este mércores 18

O Concello tamén informa de que este mércores, 18 de abril, a Deputación Provincial de A Coruña vai iniciar a actuación consistente no fresado e pavimentación da rúa Romero Ortiz, na cidade de Santa Uxía.

A zona de actuación abarcará dende a rotonda situada ante o paseo do Malecón ata o cruce da vía indicada coa rúa da Carroucha. Será necesario cortar a circulación do tráfico rodado mentres se desenvolvan as obras.

Posted via email from Certo.gl, o xornal dixital de Barbanza e Noia