Ribeira: actividades do Día do Orgullo Gay, o sábado sabadete 2 de xullo

Relacionadísima:

Ribeira: a banda gastro-punk Terbutalina actuará no Día do Orgullo Gai, o 2 de xullo

Posted via email from Certo.gl, o xornal dixital de Barbanza e Noia

Rianxo: Carlos Campaña gaña o concurso de deseño do cartel do FAP e os grupos Intercoles e Os Minhotos serán "Teloneiros"

Rianxo, 23 de xuño de 2011. Xa se coñecen os gañadores do concurso de deseño do cartel do Festival Antros Pinos (en normativo Entre os Piñeiros) e do certame "Teloneiros".

 

Concurso Cartel FAP.

Gañador: Carlos Campaña (Taragoña)

Este luns 20 de xuño pechou o concurso ao que se presentaron un total de 23 deseños. Escolleuse o cartel de Carlos Campaña porque transmite unha mensaxe positiva, con forza e caracterízase por un colorido que atrae. O xurado da FAP non tivo nada doada a escolla e é que os múltiples deseños e de variada estética "puxéronnos difícil o consenso na votación. De feito, outros dous deseños finalistas figuran estes días no facebook de Antrospinos como recoñecemento, son os debuxos de Xoán Fernández González ‘Kake’ e Noel Montero Outeiral ‘Xiro’".

 

O gañador, Carlos Campaña, deseñador gráfico, é logo o autor do cartel do Festival Antrospinos 2011. O cartel levará o seu nome e ademais recibirá da organización un agasallo nun acto de recoñecemento no propio festival, o sábado 30 de xullo, durante as actividades da mañá.

 

Máis información sobre o concurso: http://www.festivalantrospinos.es/index.php?id=47&tx_ttnews[tt_news]=16&cHash=571616fd77604bd77bb826f59707b6ee

 

Concurso ‘Teloneiros’.

Un total de dez grupos galegos presentáronse ao certame. Despois de valorar estilo, posta en escena e calidade musical, escolleron como gañadores aos grupos Intercoles e Os Minhotos! Ambos os dous tocarán na tarde do sábado 30 de xullo, durante o Festival Antrospinos, nun escenario especial xunto con outros grupos galegos, que adiantarán en breve. 

 

INTERCOLES. (Dodro) Música en galego. Rock con carácter, entre o bravú e o funk. www.myspace.com/intercoleshttp://www.youtube.com/watch?v=5ZIdir_muBs

OS MINHOTOS (Terra Chá). Música folk.
http://www.myspace.com/osminhotos
http://www.facebook.com/#!/os.minhotos

 

Concerto internacional

Para ir facendo boca, adiantan que nesta cuarta edición do Festival Antrospinos estarán os arxentinos Che Sudaka, os cataláns Muyayo Rif, os galegos Ruxe Ruxe, os lisboetas Gilbert's Feed Band ou os andaluces Canijos sin fronteras, entre outros. En breve anunciarán o cartel pechado con todas as actuacións das que se poderá gozar no Antrospinos 2011 e mais as actividades que se levarán a cabo en Taragoña durante os dous días de festival.

E este venres 24:

• Rianxo: polo San Xoán, a sardiña molla o pan, por vez primeira na praia da Torre

 

Antes anunciáramos:

Certame de deseño de cartel: para o Festival Antrospinos

Posted via email from Certo.gl, o xornal dixital de Barbanza e Noia

Rianxo: actividades deportivas para o verán e campamento urbano

 INICIO PRAZO DE INSCRICIÓN

• 27 de xuño
  

 INICIO ACTIVIDADES

• 6 de xullo
  

CALENDARIO

• do 6 de xullo ó 31 de agosto
  

INSCRICIÓN (PRESENCIAL):

• No Servizo de Deportes e nos pavillóns polideportivos de Rianxo e Taragoña.
• Para o CAMPAMENTO URBANO E DEPORTIVO, exclusivamente no Servizo de Deportes.
• Para as actividades de piscina, na Piscina Municipal.

DOCUMENTACIÓN INFORMATIVA:

• Tríptico Informativo ACTIVIDADES VERÁN [PDF]
• Tríptico CAMPAMENTO URBANO E DEPORTIVO [PDF]
• Horarios actividades e campamento [PDF]
• Nota informativa CAMPAMENTO URBANO E DEPORTIVO
  

FICHAS DE INSCRICIÓN:

Se non podes achegarte polas oficinas podes chamar ou mandar un correo electrónico e tramitarán a instancia.

• Ficha inscrición Rianxo [PDF]
  
• Ficha inscrición Asados [PDF]
• Ficha Inscrición Taragoña [PDF]
• Ficha inscrición CAMPAMENTO URBANO E DEPORTIVO [PDF]

Toda a información en http://portelo.rianxo.com

See the full gallery on Posterous

Posted via email from Certo.gl, o xornal dixital de Barbanza e Noia

A Pobra do Caramiñal: o Concello di que a posta a punto da praia do Areal vai retrasada pero estará amañada a primeiros de xullo

A Pobra, 23 de xuño de 2011. Segundo explica o Concello en nota de prensa, "como todos os anos na praia do Areal na Pobra do Caramiñal, a comezos do verán faise o movemento de area, debido a que no inverno cos temporais as mareas depositan a area na rampa do pantalán. Este ano vai cun pouco de retraso debido ás obras que se están levando a cabo no Areal, provocadas polos temporais que fixeron  que se esbarrigara o muro de contención da praia". A obra é da empresa Tragsa, a mesma que fará o movemento de area.  As obras son de Costas, do Estado, polo tanto ó concello non se lle cargan os gastos.

A primeiros de xullo este areal contará con tódolos servizos, como duchas, recollida de lixo, limpeza manual e tamén con maquinaria.

Posted via email from Certo.gl, o xornal dixital de Barbanza e Noia

Ribeira: asistentes ao centro de Día visitan este venres 24 o parque de San Roque

Ribeira, 23 de xuño de 2011. Unha ducia de asistentes ao Centro de Día de Riveira teñen previsto visitar mañá venres, polo San Xoán, o parque periurbano de San Roque. A chegada a este espazo está prevista entre as 11.30 horas e as 12 do mediodía. 

Unha vez alí, terán a oportunidade de ver as dúas salas de exposicións que acolle o Centro de Interpretación Arqueolóxica situada no parque. Unha é “A pegada e o reflexo”, que se centra no Megalitismo, Idade de Bronce e Idade de Ferro. A outra é “A través do Tempo”, unha evolución cronolóxica dos recursos patrimoniais do Concello de Ribeira.  

A visita incluirá tamén un percorrido polo Parque de San Roque, onde poderán ver in situ as reproducións e réplicas (dolmen, anta, petróglifos...) que se atopan no seu interior. 

 

Posted via email from Certo.gl, o xornal dixital de Barbanza e Noia

Ribeira: novos horarios das oficinas de información turística

• A do Malecón abre ininterrompidamente dende as 9 da mañá ata as 9 da noite, de martes a domingo
• A de Xarás, de 11 a 14 e de 16 a 19 horas, todos os días agás os martes
• O Centro de Interpretación de San Roque, de martes a sábado, de 9 a 13 e de 14 a 19 horas.
  

Ribeira, 23 de xuño de 2011. O novo concelleiro de Fomento do Emprego, Comercio, Turismo e Pemes, Anxo Orellán Fernández, compareceu este mediodía ante a Oficina de Turismo do Malecón de Santa Uxía para explicar, na que foi o seu primeiro acto público ante os medios de comunicación, os detalles do funcionamento dos tres puntos informativos aos visitantes de que dispón o municipio: o xa citado do Malecón e o situado en Xarás, ambos abertos o pasado 15 de xuño, así como o localizado no parque periurbano de San Roque, que funciona todo o ano.

Orellán Fernández destacou que con motivo do período de verán, o Concello contratou a tres persoas que, xunto coa propia técnica municipal de Turismo, se encargan de ofrecer atención e solucionar as posibles dúbidas dos visitantes que recalan en Riveira. Como novidade, subliñou que este ano amplíase o horario de atención ao público con respecto a anualidades anteriores, de tal maneira que a oficina do Malecón permanecerá aberta ao público ininterrompidamente dende as 9 da mañá ata as 9 da noite, de martes a domingo; en tanto que a de Xarás o fará de 11 a 14 e de 16 a 19 horas, todos os días agás os martes.

Polo que respecta ao Centro de Interpretación de San Roque, este próximo sábado iniciará  o seu horario de verán, funcionando de martes a sábado, de 9 a 13 e de 14 a 19 horas. 

Agardan superar as estatísticas do ano pasado

Con esta ampliación de horario, as expectativas do departamento municipal de Turismo apuntan a mellorar as estatísticas do pasado verán, no que se atenderon as consultas dun total de 11.709 persoas, distribuídas do seguinte xeito: 3.348 en San Roque, 5.500 no Malecón e 2.861 en Xarás.

En canto ao material que se pode atopar nas oficinas, caben destacar por exemplo a guía turística do Concello, recentemente actualizada; ou o dossier “Catro horas coa Cultura e o Turismo de Ribeira”, que recolle catro posibles itinerarios dedicados á arqueoloxía, museos, patrimonio natural e patrimonio etnográfico. Sobre este asunto Anxo Orellán avanzou que o Concello está traballando nunha quinta ruta dedicada ás praias.  

Tamén se pode atopar información turística editada por institucións ás que Ribeira pertence como a Mancomunidade Arousa Norte ou o Eixo Atlántico. 

See the full gallery on Posterous

Posted via email from Certo.gl, o xornal dixital de Barbanza e Noia

Rianxo: segundo posto para Manuel Abuín na máxima categoría do III Torneio Aberto Sénior e Sub20 de Guimarães

Rianxo, 23 de xuño de 2011. O rianxeiro Manuel Antonio Abuín, do club Distribunosa-Rianxo de Xadrez, quedou segundo, só superado polo ruso Khodorov Anatoli no III Torneio Aberto Sénior e sub20 da Escola João de Meira en Guimarães.

O torneo internacional tivo lugar o pasado domingo, 19 de xuño, e alí foron os principais xadrecistas do Distribunosa-Xadrez Rianxo, a Guimarães, que vai ser capital cultural europea en 2012. A competición foi a oito rondas de 20 minutos/finish. Obtivo un meritorio segundo posto no ránking categoria sénior Manuel A. Abuín Boullón, só superado polo ruso Khodorov Anatoli do club local portugués. Obtivo tamén trofeo como segundo clasificado en categoria Sub 10 Jorge Méndez, do Distribunosa-Xadrez Rianxo.
En categoría feminina as dúas axedrecistas do Distribunosa-Xadrez Rianxo obtiveron o segundo posto en categoría sénior (María Romero) e o terceiro en Sub20 (Sara Sampaño).

Outros destacados axedrecistas do Distribunosa-Xadrez Rianxo quedaron como segue:
5º Posición
Sergio Arevalillo
9º Posición
Antonio Suzavila
11º Posición
Alberto Hevia
14 Posición
Daniel Dourado
23º Posición
Néstor Martínez

Posted via email from Certo.gl, o xornal dixital de Barbanza e Noia