24.2.10

Entrevista: Sie sprechen deutsch? Lesen Sie das Interview hier!! Karl Rainer Birk, curriculum vitae

É un pracer que un entrevistado noso se tome estas molestias e traduza ao alemán as cuestións e respostas que nos deu. Unha vez máis temos que subliñar que este home é un fóra de serie (non está feito a molde, como dixo un dos comentaristas da entrevista).
A azarosa vida de Karl Rainer en Certo:
http://certo.es/index.php?page=k_rainer_birk
A tradución ao alemán na súa páxina:
http://www.karlrainerbirk.com/Curriculum_viatae.html

Posted via web from Posterous de Certo, o xornal virtual de Barbanza e Noia

Deportes: ruta de sendeirismo o domingo 14 de marzo polo Grove que sae de Ribeira

Os departamentos de Xuventude e Deportes do Concello de Ribeira e a sección de sendeirismo da asociación As Miñoteiras organizan unha ruta de sendeirismo para o vindeiro domingo 14 de marzo.

A posibilidade de participar está aberta a todo o mundo, coa única excepción do límite de prazas.

A ruta será no Grove e terá unha distancia de 18 km a facer en 6 ou 7 horas. Está catalogada de dificultade baixa. O prezo por persoa é de 10 euros.

A hora prevista de saída será ás 9.00 da mañá da estación de autobuses de Ribeira.

Para máis información e inscricións:
Auditorio Municipal. Tel. 981 83 56 50
deportes@riveira.com
xuventude@riveira.com

Descrición da ruta:


Flickr de Rob Unreall. Foto cargada el 7 de mayo, 2009 por Rob Unreall


Esta ruta, que bordea boa parte da zona costeira de península do Grove, comeza no porto de Pedras Negras (San Vicente do Mar), onde unha pasarela de madeira nos vai levando practicamente pegados ó mar hasta chegar á praia de Canelas, onde o panorama cambia radicalmente. Os arames de espiños tipo “Buscando al soldado Ryan”, así como as bocas dos canóns, que parecen a punto de disparar a un hipotético inimigo mariño, recrean un tipo de paisaxe un tanto funesto. Atopámonos diante dun dos campos de tiro da Brilat pontevedresa.

O “Con Negro” vai ser o seguinte punto de referencia na ruta. Os “cons”, son eses outeiros característicos, de grandes dimensións, que nestas terras adoitan dar nome a puntos xeográficos: Con Negro, Con da Hedra, Con Ministro, Cons da Patarroxa….

Entre sendeiros costeiros e outros habilitados algo máis no interior, iremos chegando ó “Adro Vello”, unha necrópole tardoromana situada na praia do Carreiro. Durante o tempo en que se realizaron escavacións nela, atopáronse superpostos, unha vila romana, restos dunha capela visigótica do S. II, unha necrópole, e restos dunha fortificación do S. XII. Ademais, nesta escavación atopouse unha moeda coa representación máis antiga da barca cos restos do Apóstolo.
O seguinte fito na ruta será a lagoa de Bodeira. Esta lagoa de auga doce está situada ó lado da praia Meixilloeira e illado do mar por unha duna. Os xuncos limitan a lagoa para dar albergue ás aves migratorias que habitan este lugar. Estamos diante da única lagoa con estas características da provincia de Pontevedra.

Na area de Reboredo, cerca xa do Porto Meloxo, abandonaremos o sendeiro costeiro, e unha estrada iranos levando en continuo ascenso ás faldras do monte Siradella. Antes, descansaremos uns intres no miradoiro do Con da Hedra, desde o que poderemos ver ó lonxe o comezo da nosa ruta. Uns minutos despois chegaremos ó alto da Siradella. Lugar emblemático relacionado coa lenda máis famosa da zona grovense: O Meco. Despois de visitar o castro de Feáns, unha espectacular baixada entre rochedos permitiranos ver entre unhas pedras, unha pequena figueira. Conta a lenda que alí aforcaron os veciños do Grove ó Meco, un señor feudal que os tiña “asfixiados”. Tamén contan que desde aquela, da figueira saen uns figos tinguidos de vermello, por mor da sangue do tirano.

Todas estas historias lendarias e as fermosas panorámicas deste entretido roteiro, fan desta saída unha das máis interesantes que se poden facer polos arredores da ría arousán.

Posted via email from Posterous de Certo, o xornal virtual de Barbanza e Noia

Mar: confrarías de Arousa Norte e Noia asinan convenios por case medio millón de euros para loitar contra furtivos e mellorar os bancos marisqueiros

O director xeral de Ordenación e Xestión dos Recursos Mariños asinou dous convenios diferentes con 8 confrarías do Barbanza

Confraría de Rianxo


Ribeira, 24 de febreiro de 2010.- O director xeral de Ordenación e Xestión dos Recursos Mariños, Pablo Fernández Asensio, asinou 15 convenios coas confrarías de Aguiño, Cabo de Cruz, Noia, Palmeira, Pobra do Caramiñal, Porto do Son, Rianxo e Ribeira co obxectivo de acadar unha mellora na xestión, conservación, protección e sustentabilidade da explotación dos recursos mariños. O importe para a materialización destes traballos é de 490.800 euros e a súa vixencia prolongarase ata o vindeiro 31 de decembro de 2010, con posibilidade de prórroga.

Dentro dos 15 convenios hai dous tipos de acordos. Un deles ten por obxecto paliar os efectos negativos que produce, entre outras actividades, a sobreexplotación dos recursos mariños. Para iso, contémplase a realización das actividades de conservación, protección e sustentabilidade da explotación dos recursos mariños mediante operacións de salvagarda do medio mariño e das súas especies, establecendo as condicións de acceso ás zonas de pesca. Con estas actuacións preténdese mellorar as condicións para a produción (coidado, control e seguimento dos bancos marisqueiros) e loitar contra o a extracción ilegal.


Farán os novos carteis para disuadir aos furtivos en castelán, galego e inglés? Ou só en castelán?

O segundo dos acordos dos convenios asinados entre a Consellería do Mar e as confrarías de Aguiño, Cabo de Cruz, Noia, Palmeira, Pobra do Caramiñal, Porto do Son, Rianxo e Ribeira vai encamiñado a mellorar a xestión das zonas de produción. Nel inclúense accións dirixidas á implantación de técnicas de semicultivo, á elaboración de plans de explotación e de proxectos de rexeneración de zonas de produción e ao seguimento da produción efectiva dos bancos naturais marisqueiros.

O departamento que dirixe Rosa Quintana comprométese a destinar os medios persoais e materiais propios que sexan precisos para acadar o desenvolvemento e coordinación das accións obxecto dos convenios. Ademais, fará un seguimento das accións en colaboración coas Confrarías e tomará as medidas pertinentes para o seu desenvolvemento normalizado.

Rula da ameixa en Rianxo

A defensa do medio mariño e dos recursos marisqueiros é un dos obxectivos da Consellería do Mar, por iso considera necesario adoptar medidas de xestión, mediante a prestación de apoio aos profesionais, que permitan acadar a súa máxima rendibilidade de xeito compatible coa conservación do recurso e do seu medio.

Posted via email from Posterous de Certo, o xornal virtual de Barbanza e Noia

Deportes: abren o prazo para inscribirse na Escola de Vela de Ribeira 2010

Cultura: escritores reclaman hoxe, no aniversario do nacemento da poetisa, a creación do Instituto Rosalía de Castro


Rosalía naceu en 1837, un 24 de febreiro, en Compostela. Esta publicidade de Ceregumil, que recuperou a Fundación Barrié de la Maza na publicación "Cartas a Murguía", está chea de erros coa súa biografía. Pero ten unha imaxe dela que case non se coñece.

Posted via email from Posterous de Certo, o xornal virtual de Barbanza e Noia

Boiro: celebran o segundo aniversario do Centro de Día con portas abertas o 2 e 3 de marzo

O centro de día de Boiro está en Praia Xardín (antigas colonias)

 

Posted via email from Posterous de Certo, o xornal virtual de Barbanza e Noia

Cultura: mentres non chega a web oficial coa obra de Castelao, particulares homenaxéano na Rede

Twitter

Related Posts with Thumbnails Banner: Regale selva tropical