17.7.10

Sanidade: denuncian que o Hospital da Barbanza ten o cuarto posto no ránking de peores indicadores de toda Galicia

o Hospital do Barbanza está 11 puntos por riba da media galega: os pacientes teñen que esperar 72 días fronte aos 61 da media nesta comunidade. Cardioloxía aumentou un 135% a espera.


A Pobra do Caramiñal, 17 de xullo de 2010. A secretaria de Sanidade da agrupación provincial do PSdeG-PSOE, Natividad González Laso, á vista dos datos do segundo trimestre do ano 2010, denunciou hoxe que o hospital do Barbanza “ocupa o cuarto posto no inaceptable ránking de peores indicadores dos hospitais galegos”. 

González Laso afirmou que, co goberno do Partido Popular, a espera media de Galicia,  para unha intervención cirúrxica, empeorou en 4 puntos pasando de 67 a 71 días. Tamén medrou, en 2.000, o número de pacientes en espera cirúrxica, incrementándose  en 8 dos 14 hospitais públicos, e dicir en máis da metade, e xa chegan a 36.180 persoas pendentes dunha intervención. 

Respecto das consultas, empeoraron 27 dos 34 servizos, é dicir o 80% e incrementouse en 10.183 o número de pacientes que agardan unha consulta, respecto a xuño de 2009, e  chegan xa a 203.753 pacientes.  

Por outra parte, un terzo dos hospitais públicos empeoraron os seus resultados (4 dos 14 hospitais) e nesta lista, é o Hospital da Barbanza o que ocupa o 4º posto "no triste ránking de indicadores", di a responsable de Sanidade da executiva provincial dos socialistas, que aclara que o número de pacientes que esperan por unha intervención cirúrxica no Hospital do Barbanza, "incrementouse un 6% respecto a xuño do ano 2009".


Destacan tamén os datos do servizo de Oftalmoloxía, que incrementou a espera nun 56% respecto do ano 2009, ou a cirurxía dixestiva, cun incremento da espera do 16%. 

Os socialistas criticaron a inequidade no acceso aos servizos para as persoas que teñan este Hospital de referencia, xa que a espera con respecto a 2009 medrou en 5 dos 7 servizos ofertados, e mesmo se ten duplicado o tramo de agarda entre 3 e 6 meses. Respecto das consultas: máis xente espera máis tempo. Así, o Hospital do Barbanza está 11 puntos por riba da media galega: os pacientes teñen que esperar 72 días fronte aos 61 da media galega.

"Empeoraron sete servizos: nomeadamente nefroloxía que incrementou a espera nun 170%, cardioloxía, 135%,  traumatoloxía nun 120%, otorrinolaringoloxía nun 92% cirurxía dixestiva nun 80% e sorprende a maquillaxe de xinecoloxía respecto ao de fai 3 meses", aclara Natividad González.

Todos estes datos apuntan, segundo os socialistas coruñeses, “a un vertixinoso deterioro da calidade asistencial na sanidade pública galega, nun só ano, debido ao abandono e incapacidade do goberno da Xunta”, que está a propiciar “un panorama desalentador e inaceptable” 

“Hoxe en Galicia hai máis xente (2.000 pacientes máis) esperando durante máis tempo para ser intervida cirúrxicamente, ou para dispor de diagnóstico e tratamento para a súa enfermidade (20.000 pacientes máis)”, afirmou González Laso, quen considera que, en materia sanitaria, o balance do primeiro ano de goberno de Núñez Feijoo “é nefasto, pois está a producir  un profundo deterioro do sistema público de saúde”.

Moción local

Pola súa banda, o grupo municipal socialista de A Pobra do Caramiñal presentou unha moción para ser debatida no vindeiro pleno. Esta moción refírese ao servizo de Xinecoloxía, que na súa opinión está a proporcionarse sen os medios necesarios, xa que só hai unha matrona que non pode cumprir as funcións dun médico xinecólogo ou dun obstetra.

Posted via email from Certo.gl, o xornal dixital de Barbanza e Noia

Faranji: no capítulo XXI, a evolución relixiosa e cultural en Etiopía, por Xurxo Ayán

(...) "Seca as mans cheas de suor contra a camiseta, adornada cunha efixie do Che Guevara. Miles de cubanos morreron pola Revolución en terra africana. Só a partir de 1989 comezou a poboación da illa a coñecer os listados dunha sangría nefasta. Os camposantos están cheos de heroes".
"Dende que cheguei a Etiopía, un se vai acostumando á vida da rúa, ao colorido da xente, á presenza da muller en tódolos eidos da vida cotiá, á variedade de estilos e maneiras de vestir, á fermosura das rapazas, independentemente da raza, da cor da pel ou da cultura á que pertenzan. A ocultación da muller foi algo novedoso para min. O profesor, Cerdedo e Laclau xa estiveran por terras de Exipto e de Sudán e non lles collía de novas"
O capítulo completo en http://certo.es/index.php?page=sheikh_khoyele_al-hassan

Posted via email from Certo.gl, o xornal dixital de Barbanza e Noia

A Pobra do Caramiñal: Ramiro Villoch presenta "Tempos de vela" o luns 19 de xullo


Ramiro Villoch, á dereita, é médico xubilado e forma parte de O Faiado 2

A Pobra do Caramiñal, 17 de xullo de 2010. O socio de O Faiado 2 José Ramiro Villoch vai presentar o seu libro "Tempos de vela" o vindeiro luns 19 de xullo na casa de cultura "Raquel Soler" de A Pobra. O libro foi editado pola Deputación de A Coruña.


O autor é descendente de industriais cataláns que se asentaron na bisbarra de Barbanza dende mediados do século XVIII para explotar os produtos das nosas costas (fábricas de salgadura que logo derivarían en conserveiras a comezos do século XX). No libro "Tempos de vela" José Ramiro Villoch escribe sobre a vida mariñeira nas vilas nas que se asentaron os empresarios cataláns, antes e despois de que eles chegaran.

Un traballo do historiador ribeirense Daniel Bravo Cores accesible en Internet resume un pouco esa parte da historia industrial da nosa bisbarra, e nomea aos antepasados de Ramiro Villoch:

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical