22.10.10

Rianxo: o 31 de outubro, Festa do Samaín, con foliada, concurso de cabaceiras, magosto, baile de disfraces e queimada


Haberá un concurso de lanternas e farois feitas en cabaceiras


No magosto haberá varias receitas de castañas

A partires das seis do serán na lonxa vella (porto de Rianxo). Organiza Fogo Fatuo

Posted via email from Certo.gl, o xornal dixital de Barbanza e Noia

Ribeira: o Psoe presenta unha moción para que se arranxen "incumprimentos da Conselleira Mato"


Beatriz Mato visitou Amicos, en Ribeira, o pasado mes de xuño

Ribeira, 22 de outubro de 2010. Os socialistas de Ribeira presentaron unha moción para instar á conselleira de Traballo e Benestar a que "cumpra co Plan Concertado".

A moción íntegra di:

D. Francisco Mareque León, portavoz municipal do PSdG-PSOE no Concello de Ribeira, ó amparo do disposto no artigo 97/3 do Reglamento de Organización, Funcionamento e Réxime Xurídico das Entidades Locais, presenta ante este Pleno Corporativo a seguinte Moción:

O Plan Concertado contitúe un dos instrumentos esenciais para o desenvolvemento das políticas sociais municipais. Dende a súa aprobación no ano 1988 o Plan Concertado é, de feito, o sustento das políticas sociais nos concellos e o instrumento de coordinación das políticas sociais entre as diferentes administración. O seu axeitado funcionamento resulta, polo tanto, de vital importancia para o sostenemento do sistema de benestar.

O ano pasado o novo Goberno da Xunta de Galicia tivo o desgraciado honor de ser o goberno que máis demorou a resolución e abono dos fondos do Plan concertado aos concellos, creando unha enorme inseguridade na planificación das súas políticas sociais ao descoñecer con qué fondos ían contar para as mesmas. Este feito, que foi recoñecido pola señora Susana López Abella en comisión a inicitiva do PSdG-PSOE, ía ser correxido mediante medidas “innovadores anunciadas mediaticamente pola señora Mato.

Así, a señora Conselleira sinalaba que o Plan concertado “ía a ser abonado por adiantado aos concellos” para mellorar a súa eficacia nas políticas sociais así como a colaboración entre a Xunta e os Concellos. O certo é que ata a data a promesa da señora conselleira quedouse, unha vez máis, nun anuncio incumprido, o cal vén sendo unha práctica habitual desta consellería. Por todo elo, o grupo municipal socialista insta ó Pleno Municipal á adopción do seguinte acordo:

1.- Esixir á Xunta de Galicia que resolva e aboe de inmediato o plan Concertado, cumprindo o compromiso anunciado pola Conselleira a señora Mato.

Asdo.: O Portavoz Municipal do Grupo Socialista
Francisco Mareque León

Posted via email from Certo.gl, o xornal dixital de Barbanza e Noia

Ribeira: o venres 12 de novembro, cea benéfica de Renacer, co gallo do seu vixésimo aniversario

Vixésimo aniversario de Renacer

Cartel informativo

22-10-2010

A Asociación Antidroga Renacer cumpre este ano 2010 o seu vixésimo aniversario (1990–2010), traballando no campo da prevención das drogodependencias e na inserción social dos afectados/as.

Para conmemorar os vinte anos de traballo vamos a organizar diversos actos, entre os que destaca a cea benéfica o vindeiro día doce de novembro.

A cea terá lugar no Restaurante Baiuca sito no lugar de Goda en Artes, as dez da noite. Durante a mesma celebrarase un sorteo no que se rifarán obxectos e lotes de produtos doados por establecementos comerciais.

Invitamos á poboación a participar neste acto e a colaborar connosco. Para elo, os/as que o desexen poden mercar unha entrada para asistir, facerse con algunha das rifas que dende hai uns días están xa a venda ou ben, si se trata dun comercio doar algún articulo para o sorteo.

Agradecemos de antemán todo o apoio e colaboración que nos poidan prestar.

Un pouco de historia:

A Asociación Renacer constituíuse o 23 de xullo de 1990 a proposta de grupo de nais e persoas interesadas en dar unha resposta ao grave problema sanitario e social do consumo de drogas que naqueles momentos había no noso concello e estaba centrado principalmente na heroína.

En torno a 1990 as drogas eran un dos problemas que máis preocupaban aos cidadáns. O consumo destas sustancias asociábase a marxinación, delincuencia e morte. Ademais, a aparición da SIDA e a súa propagación entre persoas consumidoras de heroína veu complicar unha situación que ocasionou estragos en parte da mocidade daquela época. A sociedade reclamaba medidas urxentes para atallar o problema, así como un sistema de atención sanitaria e rehabilitación social para estas persoas. Estas inquietudes estiveron presentes na orixe da Asociación Antidroga Renacer.

Hoxe, vinte anos despois, a heroína foi substituída por outras sustancias igualmente nocivas para a saúde. Ademais, ha ir diminuíndo neste tempo a percepción do risco que comporta o consumo de drogas, especialmente entre os máis novos, o que obrigou a buscar novas fórmulas para afrontar o problema.

Todos estes asuntos formaron parte da axenda de traballo da nosa entidade no seu vinte anos de existencia, nos que ha actuouse tanto en aspectos de prevención como de reinserción social dos drogodependentes.

Na actualidade a Asociación conta con diversos programas centrados na prevención do consumo de drogas na escola, información-formación, escolas de pais-nais, prevención e asesoramento do VIH/SIDA e atención xurídico-social ao drogodependente.

 

NOTA:

O prezo de das rifas é 1 € e o das entradas de 35 € por persoa. Estas pódense mercar na Farmacia Sanmamed, no local da Asociación ou facer un ingreso na Cta. Caixa Galicia: 2091-0385-52-3040001082. Ref. Cea Benéfica.

Para doazóns pódense poñer en contacto connosco ou ben, chamando o 981 87 40 86 ou acercándose o local social, en horario de 9 a 14:00 horas.

Posted via email from Certo.gl, o xornal dixital de Barbanza e Noia

A Pobra: as obras da segunda fase do saneamento da Ribeiriña-Conchido comezan a vindeira semana

A Pobra do Caramiñal, 22 de outubro de 2010.  As obras para levar a cabo o proxecto de “SANEAMENTO NA RIBEIRIÑA – FASE II” foron adxudicadas á empresa FERORSA de Ferrol e comezarán ao longo da vindeira semana, informou hoxe o Concello.

     O equipo de goberno da Pobra do Caramiñal di sentirse "moi satisfeito de que a Xunta de Galicia, e máis concretamente a Consellería de Medio Ambiente – Augas de Galicia vaia a levar a cabo este proxecto, o “SANEAMENTO NA RIBEIRIÑA – FASE II” que contará cun orzamento de 676.312,93 euros".

     O obxeto deste proxeto é a definición das atuacións necesarias para a dotación de servizos nos núcleos da Ribeiriña e Conchido que inclúe a construción da rede xeral de colectores. Preténdese completar o saneamento do núcleo da Ribeiriña, recollendo tamén as augas fecais do Conchido, para xuntalas coas recollidas na primeira fase xa executada e, posteriormente, levalas á rede municipal de colectores existente. Trátase dunha rede de conducións por gravidade, na que é necesaria a construción dunha estación de bombeo co seu respectivo tramo de impulsión que leve as augas residuais ata a rede existente.

     As obras de saneamento consistirán principalmente na recollida de augas residuais, pero de xeito separativo para fecais e pluviais, para transportalas mediante colectores e impulsión ata o colector construído na primeira fase.

     As tubarias de impulsión realizaranse en PEAD PN-10 de 90 mm de diámetro,  a rede de saneamento en PVC SN-8 corrugado de 315 mm e 2.109 metros de lonxitude e os colectores de recollida de pluviais tamén en PVC SN-8 corrugado de 315 mm e 807 metros de longo. O pozo de bombeo executarase en formigón armado de 2,4x5 metros de planta e cunha profundidade de 3,25 metros. Incluirá cámara de chaves, aliviadeiro e cestón de grosos. A vertedura do mesmo realizarase mediante tubaria de PVC de 315 mm. Todas as instalacións van soterradas en zanxa, con recheo de material procedente da escavación, repoñendo o pavimento que resulte afectado ou derrubado na execución das obras.

     Segundo o goberno do PP, "con esta obra dámoslle un pulo importante ás nosas infraestruturas achegándonos á consecución do saneamento integral no noso concello e por riba de todo na zona da Ribeiriña e do Conchido, beneficiando aos seus veciños e que era un dos obxectivos fixados por este equipo de goberno e considerado como esencial xa que incide no benestar e na mellora da calidade de vida de todos nós".

Posted via email from Certo.gl, o xornal dixital de Barbanza e Noia

Turismo: Arousa Norte presenta esta fin de semana o seu paquete de "Estancias literarias" en A Pobra e Rianxo


Valle-Inclán será o emblema literario da Pobra neste paquete
Boiro, 22 de outubro de 2010. Esta fin de semana terá lugar a presentación en sociedade do paquete turístico "Estancias literarias en Arousa Norte", que organiza e impulsa a Mancomunidade do mesmo nome. O obxetivo da presentación do paquete turístico Estancias Literarias é "implicar aos axentes de turismo e cultura da comarca, a través da participación e  aportación de ideas, para a creación de unha oferta turística de calidade", aseguran os responsables deste ente supramunicipal enfocado no turismo. Este paquete turístico desenvolveuse gracias ao convenio de colaboración firmado no mes de xullo entre a Consellería de Cultura e Turismo, a través da Secretería Xeral para o Turismo,  e a Mancomunidade.

O primeiro día da presentación será mañá, sábado 23, no museo Valle-Inclán de A Pobra, ás cinco da tarde. Agárdase a presenza de Isaac Maceiras, alcalde pobrense e presidente de turno da Mancomunidade, así como de José Luís Maestro Castiñeiro, da Secretaría Xeral para o Turismo da Xunta de Galicia. Fátima Rodríguez Figueiras, xerente da Mancomunidade de Municipios Arousa Norte e Mónica Garrido Silva, técnica de Turismo da mesma entidade e coordinadora da creación do paquete turístico Estancias Literarias serán as encargadas de explicar polo miúdo esta iniciativa a todos os concelleiros e técnicos de Cultura e Turismo de Rianxo, Boiro, A Pobra e Ribeira que alí se congreguen. Tamén se agardan empresarios turísticos de Barbanza.

Castelao, Dieste e Manoel Antonio son os escritores máis senlleiros de Rianxo

O domingo 24 a vila protagonista será Rianxo, vila literaria galega onde as haxa. Precisamente a praza de Castelao é o lugar escollido para a presentación, na que estarán o alcalde actual, Pedro Piñeiro e a xerente e técnica da Mancomunidade anteriormente citadas.

Características

O paquete turístico Estancias Literarias está composto por aloxamento, restauración e actividades de ocio. As actividades de ocio están inspiradas na cultura literaria da comarca e desenvolveranse nos catro concellos, tendo como punto de referencia A Pobra do Caramiñal e Rianxo, por ser estas dúas localidades o berce dos escritores máis relevantes dos séculos XIX e XX.

Cronograma de actividades

SÁBADO 23 DE OUTUBRO: A POBRA DO CARAMIÑAL

Punto de encontro: Museo Valle Inclán

      17.00 h: visita ao Museo Valle Inclan acompañados polo Cego de Gondar (persoaxe das obra El embrujado de Valle Inclán).

      18.00 h: visita pola Pobra do Caramiñal, acompañados polo Cego de Gondar, e percorrendo os espazos relacionados coa vida de Valle Inclán. Ao remate destas visitas haberá un contacontos.

DOMINGO 24 DE OUTUBRO: RIANXO

Punto de encontro: Praza de Castelao, enfronte ao Museo do Mar

      10.30 h: visita por Rianxo, guiados por un mariñeiro que percorrerá os espazos máis característicos da vila e aqueles relacionados coa vida dos escritores rianxeiros.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical