Muros-Noia: asociacións ecoloxistas e armadores denuncian as gaiolas de salmón ante o fiscal de Medio Ambiente

Nota íntegra de Adega:

Muros-Noia, 21 de novembro de 2011. Asociacións ecoloxistas galegas e estatais, armadores e outras entidades do sector pesqueiro vimos de trasladarlle á Fiscalía de Medio Ambiente do TSXG a nosa inquedanza polos riscos que para o medio mariño e os recursos pesqueiros das rías ten a instalación de gaiolas para o cultivo do salmón. No decurso da xuntanza co Fiscal fixémoslle entrega, xunto coa denuncia colectiva, dun DOSSIER (944 Kb) c coas irregularidades do proceso e a documentación gráfica que certifica, fronte á desinformación da consellaría do Mar, a alta mortalidade dos peixes, a nefasta xestión dos refugallos e o uso de recursos públicos para unha actividade privada. Pedímoslle ao Ministerio Fiscal que solicite á Xunta os informes que "avalan" esta experiencia contrastándoos con análises e informes científicos independentes e que, fronte aos intentos da Xunta "pontear" as leis, garanta o cumprimento estrito da lexislación ambiental.

As organizacións ADEGA, VERDEGAIA, OCÉANA, WWF, SALVA A SELVA, ASOAR-ARMEGA, Fundación Lonxanet e armadores de Muros e Noia expresamos a nosa confianza en que o Ministerio Fiscal sexa quen de obrigar á consellaría do Mar a actuar con imparcialidade, esixindo a posta a disposición da cidadanía dos datos "segredos" sobre o resultado da experiencia de Arousa e a presentación dos informes científicos independentes que permitan avaliar todos os riscos desta actividade sobre o ecosistema e a produtividade das rías.

A administración galega debería respostar tamén pola escandalosa connivencia coa empresa e a submisión de recursos públicos -un remolcador de salvamento chegou a inxectar en catro ocasións auga fría na gaiola- aos intereses de North West Food. A Consellaría do Mar mesmo chegou a negar públicamente a evidencia da aparición de numerosos salmóns mortos próximos á gaiola nas artes de pesca. Os colectivos asinantes da denuncia puxemos a disposición da Fiscalía as probas gráficas (fotografías e vídeos) así como os cadáveres recollidos para que consten como proba e por se son susceptíbeis de análises toxicolóxicas.

Finalmente, instamos tamén á Fiscalía a pescudar sobre a nefasta xestión do gran volume de refugallos (cadáveres en avanzado estado de descomposición) que está a provocar a "experiencia" na ría de Muros. Estes restos, polo seu potencial contaminante, deberían ser xestionados conforme a rigorosos protocolos como residuos perigosos e non amorealos de calquera xeito en contentores ao alcance de calqueira ou utilizalos como alimento de animais de granxa.

Asinan a denuncia,

ADEGA, VERDEGAIA, OCÉANA, WWF, SALVA LA SELVA, ASOAR-ARMEGA, Fundación Lonxanet e armadores de Muros e Noia.

Antes, en Certo:

• Muros-Noia: continúa a lea polas gaiolas de salmón

Posted via email from Certo.gl, o xornal dixital de Barbanza e Noia

Ribeira: 26 postos en menos de 500 metros cadrados na carpa provisional do mercado

• A carpa, cuxo custe ascenderá a 90.000 euros, permanecerá namentres se constrúe o novo mercado
• Prevese o 9 de xaneiro como peche da praza de abastos actual, para deixar pasar as complicadas festas do Nadal
  

Ribeira, 21 de novembro de 2011.- O Salón de Sesións da Casa Consistorial acolleu hoxe unha reunión convocada polo Executivo na que Manuel Ruiz e o concelleiro de Consumo, Vicente Mariño, lles explicaron aos responsables dos puntos de venta da praza de abastos as características do lugar no que traballarán mentres se proceda á construción do novo mercado municipal e a demolición previa do edificio actual. 

O devandito lugar está situado a escasos 30 metros da praza de abastos, nun solar ubicado a carón da rúa Canarias e da praza de España e lindando cun aparcadoiro público. Na parcela habilitarase unha carpa pneumática de 461 metros cadrados en cuxo interior distribuiranse 26 postos: 16 de pescados e mariscos, 4 de carnicería, 3 de conxelados (un deles tamén ten embutidos) e 3 froiterías.  

A carpa contará ademais con aseos (masculino, feminino e para minusválidos), un almacén de 27 metros cadrados e un distribuidor de 10 metros cadrados, entre outros espazos. 

90.000 euros de investimento

O custo derivado da carpa máis as obras de acondicionamento ascenderá a 90.000 euros. 

Durante o encontro acordouse que a distribución dos postos se fará por sorteo. 

Tendo en conta a importancia comercial das festas de Nadal para os vendedores da praza, estableceuse como data máis probable para o peche da mesma o luns día 9 de xaneiro, unha vez transcorridas esas celebracións.  

Ademais, o alcalde informoulles aos comerciantes que acudiron á cita de que, pechada a praza de abastos e durante un prazo aproximado de 10 días, se requirirá o cese da actividade de venta para proceder co traslado ata a carpa das cámaras frigoríficas e outros materiais.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: no medio do frío da neve e na escuridade, os aventureiros Sobrado e Fontaíña remataron a súa andaina polo Himalaia

• Tiveron que facer xornadas maratonianas de ata 12 horas 
  

Ribeira, 21 de novembro de 2011.- Os aventureiros riveirenses José Antonio Sobrado Silva e Roi Fontaíña Martínez lograron completar con éxito a súa travesía pola cordilleira do Himalaia. 

Dado que o inicio da aventura tivérase que retrasar por mor de que o mal tempo reinante impediralles nun primeiro momento voar ata Lukla –punto de partida da Travesía-, Sobrado e Fontaíña tiveron que esixirse ao máximo á hora de encarar esta aventura de 300 quilómetros de percorrido para cumprir cos prazos establecidos. Tanto foi así que deberon afrontar maratonianas xornadas de ata 12 horas consecutivas por enriba dos 4.500 metros de altitude no medio dun frío intenso e ás veces camiñando en plena noite. 

Durante a ruta, ademais de pasar pola base do Everest ascenderon tres cumios de máis de 5.000 metros, entre eles o Kala Patar e o Gorkio Ri, e atravesaron o Cho La, temido paso de alta montaña situado entre estas dúas prominencias, que se atopaba nunhas delicadísimas condicións pola gran cantidade de neve acumulada. 

Nova incidencia

Ao chegar de regreso a Lukla atopáronse cunha nova incidencia. Ante as malas condicións meteorolóxicas, o perigoso aeroporto desta localidade estaba pechado, razón pola cal decidiron continuar a andaina ata a localidade de Jiri, o que lles supuxo catro días máis a pé. Unha vez alí, tomaron un autocar que os levou ata Katmandú, capital de Nepal, onde nestes momentos están a descansar antes de emprender a viaxe de volta. 

Está previsto que mañá comecen o regreso, primeiro por terra ata Nova Delhi, e o día 28 en avión a España. 

Na expedición colaboran o Concello e varias firmas locais.

Máis información no blog www.riveiratrekaventura.blogspot.com.

See the full gallery on Posterous

Posted via email from Certo.gl, o xornal dixital de Barbanza e Noia

Rianxo: "Vodas de sangue" este sábado 26 e "Cabaré laboral. Aberto por folga" o domingo 27 no auditorio

Rianxo, 21 de novembro de 2011. No marco da programación do Outono Cultural, organizada pola Área de Educación, Cultura e Normalización Lingüística e, ao abeiro do programa REDE CULTURAL 2011, promovido pola Deputación da Coruña, o Auditorio de Rianxo acolle este vindeiro sábado día 26 a representación da obra "VODAS DE SANGUE" a cargo do grupo de teatro AXÓUXERE TEATRO.
Dirixido a maiores de 14 anos, os e as interesados/as poderán retiras as entradas unha hora antes da representación.

Máis información no grupo de Facebook de Axóuxere

Xa o domingo día 27, no auditorio represéntase a obra "CABARÉ LABORAL. ABERTO POR FOLGA" a cargo do grupo TANGATUTANGA TEATRO. Dita proposta encádrase tamén na programación do Outono Cultural, organizada pola Área de Educación, Cultura e Normalización Lingüística e, ao abeiro do programa REDE CULTURAL 2011, promovido pola Deputación da Coruña. As persoas interesadas poderán retiras as entradas unha hora antes da representación.

Máis información na web da compañía de teatro. 

Quere saber que outras actividades vai haber no Outono e Nadal cultural?

programamanvosasangueok.pdf Download this file

presentacionabertoporfolgatangatutanga.pdf Download this file

Rianxo utononadal2011.pdf Download this file

Posted via email from Certo.gl, o xornal dixital de Barbanza e Noia

Boiro: Aturuxo! non se rende e organiza de novo o magosto antes "recortado" polo PP o vindeiro sábado 26 de novembro

Boiro, 21 de novembro de 2011. "A asociación cultural Aturuxo non renuncia a facer o Magosto. Despois de que o goberno municipal do PP boirense nos impuxese o pago de unha fianza de 300 euros, privatizando de feito un espazo público e conculcando direitos tan básicos como o direito de reunión, decidimos celebralo no IES Praia de Barraña o vindeiro sábado a partir das 17:30, invitando a todas as veciñas e veciños a participar", informan hoxe no seu blog dende esta asociación xuvenil.

"Reiteramos que unha festa popular non pode ser negada de ningunha maneira, as boirenses e os boirenses temos dereito a festexar as nosas festas tradicionais, e o concello ten a obriga de non impedilo, nen con prohibicións, nen con imposicións, esixindo o pago de 300 euros e alegando que asi garanten o ''bo uso'' dos espazos públicos. As asociacións culturais, deportivas, de veciños... somos entidades sen ánimo de lucro e que ao longo do ano desenrolamos centos de actividades desinteresadamente, ampliando e moitas veces superando a propia actividade cultural do concello. Por iso cremos que este tipo de medidas o único que fan e obstaculizar, e neste caso impedir, o desenvolvemento de calquera actividade cultural na rúa", argumentan.

"Non van conseguir frear o traballo do asociativismo boirense mediante censuras e impedimentos. Nós seguiremos traballando arreo pola promoción e dignificación da nosa cultura e lingua, das nosas festas e das nosas costumes", rematan dende a asamblea xeral do Local Social Aturuxo!

Posted via email from Certo.gl, o xornal dixital de Barbanza e Noia

Noia: curso sobre "Formación en intervención afectivo-sexual" na casa da Xuventude o 13 e 15 de decembro

Noia, 21 de novembro de 2011. A Dirección Xeral de Xuventude e Voluntariado a través dos Centros Quérote+ convoca un curso de Formación en intervención afectivo-sexual na Casa da Xuventude de Noia

Destinatarios/as:

Persoal da Rede Galega de Información e Documentación Xuvenil e da Dirección Xeral de Xuventude e Voluntariado, e peroas maiores de idade que traballen o sexan voluntarios en acción con mocidade

Nº de horas: 20

Nº de edicións: 1

Nº de prazas: 25

Contidos:

• Presentación dos Servizos dos Centros Quérote+.
• Conceptos Sexolóxicos
• Educación afectivo -sexual formal e non formal
• Educación afectivo- sexual para país/nais
• Edución afectivo -sexual e diversidade funcional
• Métodos de protección, Infeccións de Trasmisión Sexual, probas rápidas de detección de VIH
• Recursos da Comunidade autonómica

Modalidade: Semipresencial

Lugar de impartición: Espazo Xove (Casa da Xuventude) de Noia

Data de realización: 13 e 15 de decembro de 2011 de 9:00 a 14:00 e de 16:00 a 19:00 e un traballo a distancia de 4 horas

Información:

Teléfono Casa da Xuventude de Noia 981823802de luns a venres de 16:00 a 21:00 ou no mail cxnoia.traballo@xunta.es

Teléfono Centro Quérote+ 981223913 de luns a venres de 9:00 a 14:00 e de 16:30 a 19:30, ou no mail paula.rico@querote.org

Posted via email from Certo.gl, o xornal dixital de Barbanza e Noia

Dodro: a asociación veciñal "Muíños do Portancho" colabora coa cabalgata de Reis

Reis Dodro.pdf Download this file

• Os sábados 10 e 17 de decembro estarán na escola de Traxeito recollendo as doazóns

Cabalgata única de Reis

A Concellería de Servizos Sociais e Igualdade está a organizar a Cabalgata de Reis do Concello, que por primeira vez  Dodro terá unha Cabalgata única para todo o concello a tarde do día 5 de xaneiro.

As distintas asociacións do Concello están a colaborar na organización e estanse mantendo reunións para concretar o recorrido e as actividades a realizar para ese día e para o Nadal. Preténdese que por primeira vez Dodro teña unha Cabalgata de Reis como os demais concellos e que teña continuidade nos próximos anos e consensuada coas asociacións xa que son representantes dos veciños do concello.

Así , os Reis de Oriente solicitan axuda de voluntarios/as do concello para acompañalos na cabalgata ese día. Para máis información deberán dirixirse ao departamento de servizos sociais municipal ou chamar ao teléfono 981 802 466. 

Programa "Xuntos polo Nadal"

Tamén a a mesma concellería publicita estes días o programa “Xuntos polo Nadal”, destinado ás persoas maiores que polo Nadal se atopen soas, para que pasen estas datas (do 23 de decembro ao 1 de xaneiro) acompañados dun clima de convivencia e participación na Residencia de Tempo Libre do Carballiño en Ourense.

O prazo para solicitalo é ata o 30 de novembro e poderán facelo no departamento de servizos sociais do concello ou no teléfono 981 802 466.

Pode que tamén lle interese:

• Dodro: I Concurso de Pasteis, o 5 de xaneiro

Un xoguete, unha ilusión: novo programa solidario

Posted via email from Certo.gl, o xornal dixital de Barbanza e Noia

Boiro: o V Memorial Pepe Buceta ou VII Carreira Popular "Mar de Boiro" será o domingo 18 de decembro

Bases e regulamento Mar de Boiro.pdf Download this file

Boiro, 21 de novembro de 2011. O vindeiro 18 de decembro de 2011 vaise celebrar a VII Carreira Popular Mar de Boiro (V Memorial Pepe Buceta) organizada polo departamento de Deportes do Cocnello de Boiro. Para máis información, documento adxunto ou teléfono 981848425 ou correo electrónico deportes@boiro.org.

Posted via email from Certo.gl, o xornal dixital de Barbanza e Noia

Boiro: a VIII Exposición da Camelia terá lugar o sábado 10 e o domingo 11 de decembro

Boiro camelia inscricións.pdf Download this file

Posted via email from Certo.gl, o xornal dixital de Barbanza e Noia