Noia: organizan un campamento de nen@s para fomentar a conciliación da vida familiar e laboral

• A primeira quenda vai do 26 ao 30 deste mes
• A segunda, do 31 de decembro ao 5 de xaneiro
• Só para nenas e nenos entre 6 e 12 anos
• Inscricións: no CIM ata o 22 de decembro
  

No campamento os pequenos realizarán varias actividades lúdicas e formativas

Noia, 9 de Nadal de 2011. A Concelleira de Benestar e Igualdade do Concello de Noia, Sofía Caamaño Lado, informa de que a través do Centro de Información ás Mulleres (CIM), vaise pór en marcha un proxecto de fomento da conciliación laboral e familiar. Para comezar, levarase a cabo nestas vacacións de Nadal o campamento de conciliación “IGUALCAMP”, destinado a nenos e nenas de entre 6 e 12 anos.

    A actividade terá lugar na Casa da Agra (clube de xubilados) e desenvolverase en dúas quendas.

    Cada neno/a poderá inscribirse nunha das dúas quendas, a primeira será dende o luns 26 de decembro ata o venres 30 de decembro e a segunda será do sábado 31 de decembro ata o xoves 5 de xaneiro. O horario será de 10:00 a 14:00 horas.

    As inscricións realizaranse no Centro de Información ás Mulleres, no edificio de  Servizos Sociais, sito no Curro, e o prazo de inscricións será do 12 ao 22 de decembro.

Pode que tamén lle interese:

  Noia: programación cultural do Concello e do Liceo en Nadal

   

Posted via email from Certo.gl, o xornal dixital de Barbanza e Noia

Outes: programan un maratón de fútbol sala do 6 ao 8 de xaneiro

Outes, 9 de decembro de 2011. Xa están as inscricións abertas para o maratón de fútbol sala que se disputará os días 6,7 e 8 de xaneiro no polideportivo municipal do Cruceiro de Roo, no concello de Outes.

O prezo da inscrición será de 50 euros por equipo, que disputarán un mínimo de dous partidos na fase previa de grupos. Poderase efectuar a inscrición de forma electrónica solicitando información no correo electronico maratonoutes@gmail.com ou através da páxina web www.maratonoutes.es.tl.

Se o prefiren, o teléfono de contacto é o 616538589. Os premios serán en metálico: para o primeiro clasificado un premio de 450€ mais un trofeo e o segundo clasificado será de 250€. 

Aseguran os organizadores: "Non se trata dun maratón calquera, xa que os beneficios vanse destinar a unha asociación do concello para realizar distintos actos culturais, deportivos ou de ocio. Dende a organización queremos agradecer a todas as empresas do concello que contribuíron a realización de dito campionato.

Posted via email from Certo.gl, o xornal dixital de Barbanza e Noia