Festas do Carme de Portosín
— Francisco Calo (@pacodomartelo) August 17, 2012@certo@weborquestas5c@pasionorquestas twitter.com/pacodomartelo/…
Porto do Son: visita de políticos ao castro de Baroña post.ly/8ruIh
— Certo (@Certo) August 17, 2012
Posted via email from Certo.gl, o xornal dixital de Barbanza e Noia
As primeiras imaxes deste álbum de fotos corresponden ao 28 de xullo deste ano, coa intervención xa feita
Porto do Son, 17 de agosto de 2012.- A secretaria xeral para o Turismo, Carmen Pardo, e mais o alcalde de Porto do Son, Luis Oujo, a concelleira de Cultura, Educación e Relacións Veciñais, Asunción Torres, así como o concelleiro de Turismo, Deporte e Festexos, Manuel Deán, visitaron o Castro de Baroña en Punta do Castro-Porto do Son, onde a Xunta de Galicia financia as obras de acondicionamento e consolidación do xacemento para a súa posta en valor turística. Nesta visita, na que estiveron acompañados polo arqueólogo encargado das obras, fixeron un percorrido por este xacemento e puideron comprobar o avance das obras de consolidación, nas que a Xunta de Galicia, a través da Secretaría Xeral para o Turismo, investe110.934,80 euros.
O obxectivo desta intervención é garantir que a visita ao castro, un dos referentes do Turismo cultural de Galicia, poida realizarse coas máximas garantías e cunha oferta de calidade polo que a actuación pretende afondar no coñecemento e a investigación do castro e mellorar con isto a oferta sociocultural do Concello do Porto do Son.
Vaise cobrar por ver o Castro?
Nada dixeron os políticos desta posibilidade, nunha visita que semellaba máis un día de ocio para eles ou unha forma de saír na foto de precampaña que outra cousa. Propios e estranos seguen sen entender como se vai tirar proveito económico dun castro que ten o seu centro de interpretación a quilómetros (no medio de Porto do Son), que non dispón de ningún servizo axeitado ao pé (a non ser que consideren tales os montes onde se acampa sen control ou os baños do bar que hai no alto) e que é imposible, a non ser que teñas liña directa co Concello, visitar acompañados por guías que expliquen o que son aquelas pedras ou, xa que estamos no século XXI e os mp3 viñeron para quedarse, ter unhas audioguías para descargarse da web do Concello, por exemplo.
Para que son as obras?
As obras que se están levando a cabo inclúen a consolidación das estruturas arqueolóxicas que están máis danadas así como traballos de sinalización como a instalación dun panel informativo no camiño de baixada ao castro, colocación de pequenos pivotes con frechas no interior do xacemento para dirixir aos turistas no circuíto e a elaboración dunha páxina web do recurso e a edición de trípticos explicativos do mesmo. Asemade, desenvolverase unha pequena obra para acondicionar o camiño de baixada a este xacemento arqueolóxico.
Por outra parte, en coordinación coa concellería de Educación e Cultura de Porto do Son, lévase a cabo un programa de difusión social dos valores culturais, arqueolóxicos e naturais da Punta do Castro, incluíndo visitas guiadas, obradoiros e charlas dirixidas a escolares, asociacións culturais e grupos organizados, tanto do concello como da comarca do Barbanza.
O Castro de Baroña sitúase nunha pequena península rochos que marca polo Sur a boca da Ría de Muros e Noia e coincide cunha das zonas de costa máis fermosas e mellor conservadas do litoral atlántico galego -namentres non se executen as desfeitas que se prevén coas novas leis que permiten construír incluso en Rede Natura- e que permite vistas extraordinarias sobre a coñecida praia de Arealonga e o espectacular Monte Louro, en Muros.
Os traballos que se realizan sobre o Castro teñen como obxectivo básico no eido da investigación o recoñecemento real da estratigrafía e fases de ocupación, así como a obtención de datacións absolutas que permitan contextualizar Baroña no marco xeral de evolución da cultura castrexa no occidente galego.
O que a Xunta cala: destrución e agochamento de patrimonio milenario en Noia
Parlamento: o Bng pregunta pola desfeita de Taramancos
Pleno: moción de urxencia polo arraso do castro de Taramancos
Arqueoloxía: o Psoe leva ao Parlamento o arraso do castro de Taramancos
Arqueoloxía: o alcalde critica á Xunta por eliminar o castro de Taramancos
Posted via email from Certo.gl, o xornal dixital de Barbanza e Noia
A socialista argumenta que "estamos en plena temporada estival e se fan iniciativas para que os turistas veñan ao noso pobo. A praia da Corna acoden multitude de persoas que visto o seu estado teñen que darse a volta, o mellor para non volver nunca máis polo noso pobo. Na festa do marisco, na inauguración, o Alcalde dicía textualmente: “A crise ten que ser alegre e sáese dela facendo festa”, como se observa e escoita en Youtube:
Pero non podemos dedicarnos soamente á festa: a responsabilidade dos que nos gobernan deben primar sobre calquera acto lúdico, e como hoxe tamén van estar ocupados co pregón e inicio das festas do Carmen dos Pincheiros, sería estupendo para o pobo que miraran un pouco máis lonxe que o estritamente urbano. Inaugurar festas e poñer plantas nos xardíns non é a única responsabilidade dos que nos gobernan. A praia da Corna tamén existe", remata.
modo
— Certo (@Certo) August 14, 2012@certoenfurecido TANTA FESTA DO MARISCO NA POBRA E NON VIMOS A ISAAC MACEIRAS VESTIDO DE NÉCORA NIN AOS SEUS CONCELLEIROS DE GAMBAS eló
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
O 15 de agosto, mércores con sabor a domingo, o Coro Gospel de Vigo actuou no Auditorio de Ribeira, que se encheu ata os topes. O acto estivo organizado pola Igrexa Evanxélica de Ribeira-Castiñeiras, e eu levei unha grata sorpresa no eido musical.
Un dos organizadores comentárame días antes que se trataba de “gospel moderno”, así que non sabía a que aterme: imaxinaba sintetizadores e hieratismo, unha especie de “The Pet Shop Boys go to the Church”. Pero por sorte o gospel moderno é, polo que escoitei dende o primeiro tema desta actuación (“Presence of the Lord”), igual ó de sempre, pero acompañado por unha banda contundente cunha deriva funky. Grazas a Deus pola música negra que cruzou o charco.
Coido que está de máis dicir que é unha música que se goza igualmente dende unha perspectiva laica. Persoalmente, eu creo no que me din as boas cancións mentres están a soar.
O coro incorporou para esta ocasión a cantantes de Ribeira e doutros puntos de Galicia, todos eles novos e entusiastas. O mesmo cabe dicir para os membros da banda, todos eles músicos excelentes: ás veces eran Procol Harum, ás veces os Black Crowes, outras a banda de James Brown. Do melloriño que teño visto en Ribeira. Os arranxos das cancións eran luminosos e impecables, sostidos por ese entusiasmo sen o cal non é posible a música que paga a pena, un entusiasmo non tanto referido a actitude exterior (que tamén a había, e entre os músicos daba gusto ver ó intérprete do saxo cantando e bailando entre frases), senón á paixón que irradia a entrega á labor que se está a levar a cabo.
O única pega que atopei, e dito sexa isto sen sorna, é que case que todas as letras do seu repertorio nos urxen a gabar a Xesús. Explico este chocante punto de vista por parte dun asistente voluntario a un concerto de música gospel: nos antigos espirituais negros, como moi ben contou o director do coro antes de que abordaran o clásico do xénero “Swing Low”, existe certa variedade, dentro duns parámetros, claro está, toda ela motivada pola esperanza da liberación. Polo visto o gospel moderno fai fincapé no motivo principal que deu lugar a esta música: a salvación acadada a través de Xesús, así que entoa o seu nome en agradecemento. Digamos que non se anda con rodeos neste mundo no que cada vez é máis fácil despistarse.
Anterior colaboración: "O ceo, o mar azul"
Posted via email from Certo.gl, o xornal dixital de Barbanza e Noia
Ribeira, 17 de agosto de 2012.- Mañá, sábado 18, realizarase a estrea en Galicia do documental "Torreiros" do director Pablo Ces. A proxección será na praza Uxío Novoneyra ás 22.30 horas.
O de Corrubedo é un dos faros máis visitados na Barbanza
A iniciativa forma parte dos actos da feira Artemar, organizada polo Concello dentro do programa da Semana do Mar. O documental trata de lembrar e homenaxear os homes e mulleres que desempeñaron o antigo oficio de fareiros, a punto de extinguirse pola aparición dos novos sistemas de navegación e as iluminacións programadas.
Nunha viaxe polos faros máis representativos de Galicia –como é o caso dos de Sálvora e Corrubedo-, o documental dá voz aos últimos torreiros en activo. Este percorrido polos faros galegos, sirve tamén para pór en valor o patrimonio arquitectónico, que ten a súa identidade construtiva, e que rematou por definir unhas paisaxes de gran valor ecolóxico e turístico.
O obxectivo do documental é realizar un caderno de bitácora que rexistrará as actividades dos torreiros na súa xornada.
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
