3.10.12

Dodro: o Concello alíase con Rois e Padrón tamén para o teatro

Consumo responsable

Por outra banda, o pasado venres 28 de setembro, o Concello de Dodro en colaboración co Instituto Galego de Consumo organizou unha actividade de educación para o consumo responsable dirixida ao público infantil.

A experiencia desenvolveuse a través do visionado e do traballo complementario dun contomultimedia titulado “Area fai seis” con textos de Araceli Gonda e con ilustracións en plastilina de María Noel Toledo, que recibiu o Premio Mestre Mateo 2011 á Mellor Obra Interactiva.

O acto foi presentado polo Alcalde de Dodro, Valentín Alfonsín Somoza, e nel participaron un total de 30 menores, que se divertiron e aprenderon coa historia de Area, unha nena a piques de cumprir seis anos que se sinte frustrada porque seus pais decidiron que para o seu aniversario tería unha festa diferente, sen agasallos e sen gastos innecesarios.

Esta actuación forma parte do Programa LecerConsumo 2012 que oferta o Instituto Galego de Consumo a través da Escola Galega de Consumo e que ten como obxectivo achegar á poboación aos valores de consumo responsable mediante de actividades lúdicas e participativas.

Antes, en Dodro:


 

Posted via email from Certo.gl, o xornal dixital de Barbanza e Noia

Ribeira: 45 participantes nun obradoiro de memoria moi activo

Ribeira, 3 de outubro de 2012. O pasado sábado, 28 de setembro, organizado pola Escola Galega  de Saúde para Cidadáns, impartiuse o obradoiro  “Envellecemiento activo: axilidade mental e memoria” no Liceo Marítimo de Ribeira.

Estivo baseado na información y formación sobre hábitos de vida saudables para manter a mente en forma, saber envellecer e previr a dependencia. Fixéronse exercicios prácticos para axilizar a mente e a memoria previndo así enfermidades con deterioro cognitivo.

     A participación do grupo de persoas anotado foi moi activa (houbo un xogo de roleplay dun caso práctico co que aprendeeron e disfrutaron). Tanto as docentes Isabel Redondo Zambrano e Mª Pilar Fernández Pérez, como os 45 participantes remataron de xeito satisfatorio o obradoiro.

Este venres, en Ribeira: DOAZÓN DE SANGUE

Este vindeiro venres, 5 de outubro das 10:00 ás 14:00 e de 16:30 ás 21:00 horas así coma o sábado, 6 de outubro das 10:00 ás 14:30 horas desplazarase a Riveira, na Rúa Romero Ortiz, xunto o xeriátrico, unha unidade móbil do Centro de Transfusión de Sangue de Galicia. Todas aquelas persoas maiores de edade que o desexen poden pasar pola unidade móbil e  facer así un labor altruísta e solidario importante para milleiros de persoas que necesitan sangue. "O SANGUE É VIDA. COMPÁRTEA".




Posted via email from Certo.gl, o xornal dixital de Barbanza e Noia

Ribeira: este venres 5, inauguración de mostra fotográfica "Memorias de China"

  • O ribeirense Alfonso Novo amosará as súas 32 instantáneas no auditorio ata o 16 de novembro. A mostra será inaugurada este venres ás nove da noite
  • Tamén este venres 5, e o sábado 6, estará a unidade móbil do Centro de Transfusión de Galicia

Media_httpfarm6static_lghes

Flickr de  Stuck in CustomsTrey Ratcliff

 

Ribeira, 3 de outubro de 2012.- O Auditorio Municipal será escenario este venres día 5 de outubro, ás 21 horas, da inauguración da exposición Memorias de China, do fotógrafo riveirense Alfonso Novo, unha mostra promovida polo Concello a través da súa Área de Cultura que permanecerá aberta ata o vindeiro 16 de novembro.

Apasionado desde mozo pola fotografía –herdanza do seu pai-, fai poucos anos que se dedica á fotografía como a súa carreira profesional, dedicándose tanto a fotografía artística coma eventos sociais.

As 32 instantáneas en branco e negro que se poden ver na exposición pretenden ser un percorrido pola memoria do autor, resultado da convivencia diaria coa sociedade chinesa, país ao que se desprazou por motivos de traballo no 2007 e no que permaneceu un ano. A cidade de Taiyuan (Shanxi); viaxou polas provincias de Mongolia interior, Hebei, Beijing, Shandong, Sanxi, Shaanxi, Henan, Hubei, Guangdong, Hong Kong... nas que o noso fotógrafo se curtiu en vivencias con familias e cidadáns chineses. A estadía en zonas descoñecidas para os occidentais, pouco turísticas, reflíctese en fotografías como a “Pagoda de Madeira” de Yingxian.

A etapa chinesa do autor das fotos marcou para sempre a Alfonso Novo, algunha destas pegadas están reflectidas nas imaxes captadas polo ollo e o obxectivo da súa cámara nas súas viaxes por China e encontros coas súas xentes de toda condición.

A exposición divídese en dúas áreas, por unha banda as imaxes referidas a  elementos ou edificacións antigas (tellados, mosteiros, portas, murallas), e, por outra  unha sección social, onde se poden ver distintos "roubados" de persoas realizando tarefas cotiás como traballar, ler, comer ou durmió, sección coa que o autor pretende achegar un pouco máis ao espectador á China real.

Tamén, este venres, en Ribeira: DOAZÓN DE SANGUE

Este vindeiro venres, 5 de outubro das 10:00 ás 14:00 e de 16:30 ás 21:00 horas así coma o sábado, 6 de outubro das 10:00 ás 14:30 horas desplazarase a Riveira, na Rúa Romero Ortiz, xunto o xeriátrico, unha unidade móbil do Centro de Transfusión de Sangue de Galicia. Todas aquelas persoas maiores de edade que o desexen poden pasar pola unidade móbil e  facer así unha labor altruísta e solidaria importante para milleiros de persoas que necesitan sangue. "O SANGUE É VIDA. COMPÁRTEA".

Posted via email from Certo.gl, o xornal dixital de Barbanza e Noia

Ribeira: arranxarán camiños no lugar de Outeiro, na parroquia de Carreira

  • 138.000 euros en renovar servizos e pavimentacións
  • Obras adxudicadas a Jenaro Cadaval por case 140.000 euros e que deberá rematar en tres meses


Ribeira, 3 de outubro de 2012- O Concello vén de adxudicar unha nova actuación na parroquia de Carreira, consistente na renovación de servizos e pavimentación de camiños pertencentes ao lugar de Outeiro. A empresa Jenaro Cadaval, S.L., resultou a adxudicataria da obra, por un importe de 138.432,20 euros. O prazo de execución é de tres meses.

Actualmente, o lugar de Outeiro está formado por un conxunto de camiños de trazado irregular, cun pavimento feito en formigón no que se observan danos significativos. Ademais, a rede de abastecemento é de fibrocemento e non existe separación de fecais e pluviais.

En virtude da presente actuación, cuxo proxecto foi redactado por técnicos municipais, a tubaxe de abastecemento será substituída por outra máis moderna, de polietileno de alta densidade. Así mesmo, disporase un colector de PVC liso para saneamento de residuos fecais e outro de PVC corrugado para pluviais, e as luminarias existentes serán suplantadas por outras novas lámpadas de 150 watios.

En canto á pavimentación, estenderase nunha superficie de 750 metros cadrados unha capa de formigón na que se disporá transversalmente cada pouca distancia unha banda de adoquín de granito.

A actuación está incardinada dentro do Plan Provincial de Cooperación ás Obras e Servizos de Competencia Municipal (POS) do ano 2012.  Esta nova actuación na parroquia de Carreira súmase a outras accións recentemente executadas, das que xa demos conta neste xornal.




Posted via email from Certo.gl, o xornal dixital de Barbanza e Noia

Noia: Augas de Galicia informa a favor sobre o documento previo á aprobación inicial do PXOM

  • A Subdirección Xeral de Xestión do Dominio Público Hidráulico, da Xunta de Galicia, vén de informar favorablemente o “Documento previo á aprobación inicial do Plan Xeral de Ordenación Municipal” de Noia, informa o concelleiro de Urbanismo, o nacionalista Bieito González
  • Inda así, hai que engadir unha serie de restriccións para que se respeten por parte da veciñanza

Media_httpfarm3static_jxkci

O río Tambre, ao seu paso polo carón da central hidroeléctrica de Noia

Noia, 3 de outubro de 2012. O informe comeza recoñecendo os principais cursos fluvias que percorren o termo municipal e que pertenecen a varias concas fluvias de diferente entidade. Recoñecen dúas concas principais: a do río Tambre e a do río Vilacoba, compartidas con concellos limítrofes. Ao mesmo tempo nomean as concas de menor entidade como son as do río Tállara e a do Vilaboa, e a que drena numerosas e pequenas canles cara a ría de Muros e Noia.

Tamén afirman dende Augas de Galicia que o “Documento previo á aprobación inicial” recolle as directrices do Plan de Ordenación do Litoral, e en consecuencia, recoñece os corredores ambientais. Noutro caso a distancia tómase como referencia básica de partida para logo adoptar o límite de protección á realidade física, sendo a vexetación, o parcelario, os camiños, peches e, en especial, so cómaros, os elementos para a definición precisa desta clase de solo (alúdese ao solo rústico de protección de augas).

Restriccións a engadir

A pesar de que o informe é favorable, os responsables da xestión do dominio público hidráulico indican que hai que introducir no futuro PXOM as seguintes restriccións:

  • Prohibición de calquera tipo de obra na zona de servidume, é dicir, dentro dos primeiros 5 metros desde o límite ao que cheguen as augas nas máximas enchentas ordinarias, afectando esta prescripción a todo tipo de solo.
  • Establecemento dunha banda de 15 metros de anchura en cada marxe dos ríos, recollida nos correspondentes planos, na que se prohíbe calquer tipo de construcción.
  • As construccións que pola súa singularidade precisen establecerse nestas zonas restrinxidas, necesitarán a autorización previa da administración hidráulica.

Bieito González explicou que aínda faltan por recibir os informes correspondentes á Secretaría Xeral de Ordenación do Territorio e Urbanismo, o da Dirección Xeral de Mobilidade, así como o da Demarcación de Costas do Estado en Galicia.

Antes, en Certo:


 




Posted via email from Certo.gl, o xornal dixital de Barbanza e Noia

Porto do Son: o sábado 13 de outubro, o I Festival Furnas Music promete dez horas de música sen parar

Furnas_music
https://twitter.com/PSdGBarbanza/status/253204416361021440

Posted via email from Certo.gl, o xornal dixital de Barbanza e Noia

Boiro: Paula Tubío leva o mar aos seus complementos e amósaos no centro social durante este mes

[[posterous-content:pid___0]]

Boiro, 3 de outubro de 2012. Este venres, 5 de outubro, a creadora de complementos de moda Paula Tubío presenta unha nova colección baixo o título "Lío de palangre", ás 20:30 horas no Centro Social de Boiro.

Lío de palangre é unha exposición de complementos de moda inspirados no mar e estará durante o mes de outubro na sala de exposicións do Centro Social de Boiro (2º andar).

Blog da deseñadora: http://agatamoscovita.blogspot.com.es

Pode que tamén lle interese:




 






Posted via email from Certo.gl, o xornal dixital de Barbanza e Noia

Boiro: Paula Tubío leva o mar aos seus complementos e amósaos no centro social durante este mes

[[posterous-content:pid___0]]

Boiro, 3 de outubro de 2012. Este venres, 5 de outubro, a creadora de complementos de moda Paula Tubío presenta unha nova colección baixo o título "Lío de palangre", ás 20:30 horas no Centro Social de Boiro.

Lío de palangre é unha exposición de complementos de moda inspirados no mar e estará durante o mes de outubro na sala de exposicións do Centro Social de Boiro (2º andar).

Blog da deseñadora: http://agatamoscovita.blogspot.com.es

Pode que tamén lle interese:




 






Posted via email from Certo.gl, o xornal dixital de Barbanza e Noia

Infraestruturas: rematados os arranxos na estrada Cee-Ribeira, entre Noia e Ribeira

  • Segundo informa a Xunta, foron 30 quilómetros de rehabilitación do firme executados nos treitos comprendidos entre os PK 73+250 ao 84 e 84 ao 103+500 e complementouse coa reposición das marcas viarias horizontais e de sinais verticais
[[posterous-content:pid___0]]

Barbanza-Noia, 3 de outubro de 2012.- A Consellería de Medio Ambiente, Territorio e Infraestruturas informa que xa rematou as obras da reparación da capa de rodadura na estrada Cee- Ribeira (AC-550). O Goberno galego, a través da Axencia Galega de Infraestruturas, investiu preto de 1,3 millóns de euros na mellora destes viais.

Trátase dun tramo de 30 quilómetros (dende o punto quilométrico 73+250 e 103+500) cuxa execución dividiuse en dous treitos, coa fin de que esta fose máis áxil e eficiente. Así, leváronse a cabo obras entre os puntos quilométricos 73+250 (Noia) ao 84+000 (intersección coa CP-7101 a Nebra), que foi adxudicada á empresa Arias y Hermanos, cun orzamento de 573.146 euros; mentres que desde o PK 84+000 ao 103+500 (Ribeira), a empresa Ponciano Nieto encargouse de executar esta obra, que contou cun investimento de 606.551 euros.

A reposición da capa de rodadura permitirá mellorar as condicións de conservación do vial. A actuación complementáronse coa reposición das marcas viarias horizontais e de sinais verticais.

A Xunta analizou o estado do pavimento en cada un dos treitos, e concluíuse que nas zonas de travesía a capa de rodadura atopábase moi deteriorada, polo que non sería posible selar o pavimento e sería necesario realizar un fresado e eliminar a capa de rodadura de todo o carril de circulación, para posteriormente repoñer o firme eliminado estendendo unha nova capa de mestura bituminosa.

Fóra das travesías, realizouse un fresado e reforzo do firme das zonas agretadas, e estendeuse posteriormente un microaglomerado en frío para mellorar as características superficiais do firme. O fresado aplicouse en anchos mínimos de 1,5 metros para asegurar unha compactación óptima.





 

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical