31.7.12

Boiro: presentado o libro "Luces sobre a casa de Goiáns no Antigo Réxime", sobre a historia do Pazo Goiáns

  • A obra, promovida pola consellería de Cultura, afonda na traxectoria histórica do pazo máis influinte da comarca do Barbanza durante o Antigo Réxime
  • Asistiu o conselleiro, Vázquez Abad, quen reivindicou a herdanza histórica do Pazo de Goiáns na construción dunha identidade artística galega
  • Ao rematar a presentación, os asistentes percorreron o pazo acompañados polo autor do libro, Xosé Manuel Vázquez Lijó
Media_httpfarm4static_boxjj

O pazo, que xa é de todos os boirenses, segue no desleixo

Boiro, 31 de xullo de 2012.- O conselleiro de Cultura, Educación e Ordenación Universitaria, Xesús Vázquez Abad, presentou onte o libro "Luces sobre a casa de Goiáns no Antigo Réxime", unha obra na que o historiador Xosé Manuel Vázquez Lijó, ‘Queté’, afonda na traxectoria histórica dun pazo de gran poder e influencia na comarca do Barbanza durante esta época, da que proceden relevantes persoeiros da historia de Galicia.

Durante a súa intervención, Vázquez Abad reivindicou a herdanza histórica do Pazo de Goiáns na construción dunha identidade artística galega, en especial de “aquela que reflicte o ánimo construtivo e renovador que puxo os alicerces para que Galicia, con personalidade de seu, collese o ritmo da historia e tomase protagonismo na mesma con nome propio”.

Na presentación, que tivo lugar no salón de actos do centro social de Boiro, tamén estiveron presentes o secretario xeral de Cultura, Anxo Lorenzo; a concelleira de Cultura, Patrimonio e Comercio, Elena Teixeira; e o propio autor da monografía. Ao remate desta presentación, os asistentes tiveron a oportunidade de facer un percorrido polo Pazo de Goiáns, guiados polo escritor Vázquez Lijó.

Media_httpfarm6static_fdfag

A herdanza histórica do Pazo de Goiáns
Ademais do relativo ao patrimonio histórico-artístico, o conselleiro destacou a influencia desta institución na aparición de “grandes figuras das artes que levan a súa obra por todo o mundo e de profesionais dedicados a multitude de actividades cunha forte base creativa”, que se viron animadas por toda unha serie de “materializacións concretas, como as do Pazo de Goiáns, para asentarse definitivamente como parte de nós”.

Para rematar, fixo referencia ás palabras que Vázquez Lijó recolle na introdución desta monografía, nas que o autor afirma que “se en brillo arquitectónico Goiáns non pode rivalizar con outros pazos, non é menos certo que os edificios, espazos e paisaxes que contén nun marco físico privilexiado, a carón da ría de Arousa, é moi elevado e xustifica sobradamente a súa consideración de Ben de Interese Cultural”.

Posted via email from Certo.gl, o xornal dixital de Barbanza e Noia

Dodro: curso de animación para grupos os sábados ata setembro

CARTEL.pdf Download this file


Dodro, 31 de xullo de 2012. A Concellería de Cultura, Voluntariado e Asociacionismo organiza a través da Omix de Dodro un "Curso de Animación de Grupos" para mozos/zas entre 16 e 35 anos.

Será gratuito e con prazas limitadas. Realizarase os sábados do 11 de agosto ao 1 de setembro de 10h a 13,30h. Todos aqueles que estean interesados poderán inscribirse na Omix de Dodro ata o 9 de agosto en horario de 9h a 14h ou ben no teléfono 981802472

 



Posted via email from Certo.gl, o xornal dixital de Barbanza e Noia

Industria: o Psoe pide de novo o desbloqueo para construír o macropolígono de Barbanza

84794-PNP Execución urxente parque empresarial do Barbanza.pdf Download this file

  • O deputado socialista José Manuel Lage pedirá no parlamento de Galicia o desbloqueo do proxecto para aumentar o solo industrial no Barbanza e denuncia que o goberno Feijóo ten paralizado dende hai máis de tres anos este macropolígono

Media_httpfarm4static_hfcil

O macropolígono solucionaría o esgotamento de A Tomada, da Pobra (na imaxe) e Xarás, de Ribeira

Barbanza, 31 de xullo de 2012. O deputado e portavoz da área institucional do Grupo Socialista, José Manuel Lage afirmou hoxe que “fai máis de tres anos que o Sr. Núñez Feijóo tomou posesión como Presidente da Xunta de Galicia e dende ese momento ata o día de hoxe, os cidadáns da bisbarra do Barbanza poden comprobar como en todo este tempo o goberno galego non executou o proxecto do macropolígono comarcal”.

Lage Tuñas insta ao goberno galego “a retomar, de forma urxente, a tramitación do proxecto do Parque Empresarial do Baranza (sito nos concellos de Ribeira e A Pobra do Caramiñal), procedendo á finalización da tramitación administrativa nun prazo inferior a tres meses, posibilitando deste xeito o comezo dos traballos de execución durante o ano 2012.”

"Cabe recordar que a Xunta de Galicia adxudicara en outubro do 2008, por 59.392 €, a redacción do proxecto de expropiación dos terreos necesarios para o desenvolvemento do Parque Empresarial do Barbanza", recorda Lage, quen asegura que Conselleiro de Medio Ambiente, Infraestructuras e Territorio, Agustín Hernández dixo o pasado 28 de marzo de 2011 que no prazo dun mes o consello da Xunta aprobaría a execución do proxecto do macropolígono comarcal do Barbanza. "Pasou máis dun ano dende aquel anuncio en pre-campañas (eleccións municipais 2011) e non moveron un só papel”.

Cifras

O parlamentario socialista recorda que “este proxecto contemplaba un investimento total que estaba previsto nesta actuación por parte do anterior goberno galego era de 32.062.224 euros, dos que máis de 27 millóns se adicarian á urbanización e 4,1 millóns empregararianse na adquisición de terreos.”

“Lembremos que o proxecto do Parque Empresarial da Barbanza ía desenvolverse sobre unha superficie total de 1.008.928 metros cadrados. Da superficie total, 541.520 metros cadrados serian de uso empresarial e industrial, 311.824 metros cadrados para espazos libres, 124.198 metros cadrados para a rede viaria e 31.386 metros cadrados para equipamentos.

Lage Tuñas explicou que “o citado proxecto incluía tamén a dotación de naves modulares para os pequenos empresarios que quixeran instalarse co obxectivo de dar resposta ás súas necesidades de solo produtivo, podendo optar a través dun prezo e unhas condicións óptimas.”

O deputado do PSdeG insta ao goberno galego “a retomar, de forma urxente, a tramitación do proxecto do Parque Empresarial do Baranza (sito nos concellos de Ribeira e A Pobra do Caramiñal), procedendo á finalización da tramitación administrativa nun prazo inferior a tres meses, posibilitando deste xeito o comezo dos traballos de execución durante o ano 2012.”

Cabe recordar que a Xunta de Galicia adxudicara en outubro do 2008, por 59.392 €, a redacción do proxecto de expropiación dos terreos necesarios para o desenvolvemento do Parque Empresarial do Barbanza.”

Posted via email from Certo.gl, o xornal dixital de Barbanza e Noia

Boiro: expoñen Mercedes Perea e Juan Larío no centro social de Cabo de Cruz en agosto

Ribeira: medio cento de escolares infantís descifraron os segredos dun cociñeiro gourmet

 

Ribeira.- 31 de xullo de 2012.- Medio cento de rapaces da Escola Infantil Municipal acudiron hoxe ao Restaurante El Gourmet Alján, para aprender en vivo en que consiste o oficio de hostaleiro.

Ademais, a través de receitas moi sinxelas e ricas, como unha bolboreta feita con sandía, puideron ver que comer san tamén é divertido.

A iniciativa enmárcase dentro dun programa de saídas que teñen por obxectivo que os máis pequenos coñezan diferentes profesións. Ata agora, xa visitaron o Concello de Ribeira para saber máis sobre o traballo dos políticos e o Conservatorio, co fin de oír a un músico tocar un instrumento e incluso tentar a dar unhas tonadiñas por si mesmos.


Posted via email from Certo.gl, o xornal dixital de Barbanza e Noia

Ribeira: entregan diplomas nos obradoiros de danza e xogos do verán cultural

 

 

Ribeira.- 31 de xullo de 2012.- Hoxe os rapaces do Verán Cultural recibiron os seus correspondentes diplomas con motivo do último día para algúns dos participantes dos obradoiros que se veñen realizando dende comezos do xullo, como o de Danza Clásica, Inforxogo ou Xoga con Nós.

 

No caso de Xoga con Nós, ademais de recibir o diploma, os nenos e nenas participaron nunha Xincacana Multixogos no CEIP Frións, onde realizaron diferentes xogos tradicionais, como o furón ou o pilla pilla. Ademais, dado que o día estaba dedicado aos xogos olímpicos e paraolímpicos fixéronse competicións que desenvolvían a psicomotricidade dos pequenos.

 

Álex Vidal, campión de taekwondo

Durante toda a xornada, contouse coa presenza e a colaboración de Alejandro Vidal Álvarez, que é campión de Europa e subcampión mundial de taekwondo, a pesar de ten unha discapacidade física, polo que foi un bo exemplo de superación.

 

Así mesmo, realizouse unha xornada de portas abertas para que os pais puidesen ver os traballos manuais dos rapaces.

 

O obradoiro Xoga con Nós continuará ata finais de agosto, e aínda poden apuntarse os rapaces que queiran divertirse e aprender ao mesmo tempo.

 

Por outro lado, os obradoiros de Danza Clásica e Inforxogo remataron neste mes, polo que se fixo unha despedida de todos os participantes e a entrega dun diploma.

 

En Inforxogo os rapaces obtiveron coñecementos informáticos e de novas tecnoloxías nun ambiente lúdico a través de xogos. A Concelleira de Cultura, Elvira Pisos, fixo a entrega dos diplomas aos pequenos que asistiron ao obradoiro.

 

A edil, tamén estivo presente no fin do obradoiro de Danza Clásica, xunto co Concelleiro de Deportes, Juan Luis Martínez Queiruga  onde ademais dun diploma entregáronse xoguetes.

Posted via email from Certo.gl, o xornal dixital de Barbanza e Noia

30.7.12

Boiro: presentado o libro "Luces sobre a casa de Goiáns no Antigo Réxime", sobre a historia do Pazo Goiáns

  • A obra, promovida pola consellería de Cultura, afonda na traxectoria histórica do pazo máis influinte da comarca do Barbanza durante o Antigo Réxime
  • Asistiu o conselleiro, Vázquez Abad, quen reivindicou a herdanza histórica do Pazo de Goiáns na construción dunha identidade artística galega
  • Ao rematar a presentación, os asistentes percorreron o pazo acompañados polo autor do libro, Xosé Manuel Vázquez Lijó

O pazo, que xa é de todos os boirenses, segue no desleixo

Boiro, 30 de xullo de 2012.- O conselleiro de Cultura, Educación e Ordenación Universitaria, Xesús Vázquez Abad, presentou hoxe o libro Luces sobre a casa de Goiáns no Antigo Réxime, unha obra na que o historiador Xosé Manuel Vázquez Lijó, ‘Queté’, afonda na traxectoria histórica dun pazo de gran poder e influencia na comarca do Barbanza durante esta época, da que proceden relevantes persoeiros da historia de Galicia.

Durante a súa intervención, Vázquez Abad reivindicou hoxe a herdanza histórica do Pazo de Goiáns na construción dunha identidade artística galega, en especial de “aquela que reflicte o ánimo construtivo e renovador que puxo os alicerces para que Galicia, con personalidade de seu, collese o ritmo da historia e tomase protagonismo na mesma con nome propio”.

Na presentación, que tivo lugar no salón de actos do centro social de Boiro (A Coruña), tamén estiveron presentes o secretario xeral de Cultura, Anxo Lorenzo; a concelleira de Cultura, Patrimonio e Comercio, Elena Teixeira; e o propio autor da monografía. Ao remate desta presentación, os asistentes tiveron a oportunidade de facer un percorrido polo Pazo de Goiáns, guiados polo escritor Vázquez Lijó.


A herdanza histórica do Pazo de Goiáns
Ademais do relativo ao patrimonio histórico-artístico, o conselleiro destacou a influencia desta institución na aparición de “grandes figuras das artes que levan a súa obra por todo o mundo e de profesionais dedicados a multitude de actividades cunha forte base creativa”, que se viron animadas por toda unha serie de “materializacións concretas, como as do Pazo de Goiáns, para asentarse definitivamente como parte de nós”.

Para rematar, fixo referencia ás palabras que Vázquez Lijó recolle na introdución desta monografía, nas que o autor afirma que “se en brillo arquitectónico Goiáns non pode rivalizar con outros pazos, non é menos certo que os edificios, espazos e paisaxes que contén nun marco físico privilexiado, a carón da ría de Arousa, é moi elevado e xustifica sobradamente a súa consideración de Ben de Interese Cultural”.

Posted via email from Certo.gl, o xornal dixital de Barbanza e Noia

Ribeira: así foi a entrega a Quico Cadaval, Sir David Chipperfiel e Cruz Vermella dos premios do Concello

  •  Asistiron máis de 150 persoas á cerimonia, nun acto ameno e con moi boa sintonía entre autoridades, premiados e público

Ribeira, 30 de xullo de 2012.- O Concello viviu no día de onte a gala de entrega dos seus premios institucionais que, nesta XIV edición, recaeron en Quico Cadaval na categoría de Cultura, Cruz Vermella de Riveira en Traballo Desinteresado, e David Chipperfield en Traballo Ben Feito.

 

Máis de 150 persoas asistiron á cerimonia que se desenvolveu no restaurante Baiuca, na parroquia de Artes; entre eles o alcalde Manuel Ruiz, a conselleira do Medio Rural e do Mar, Rosa Quintana; a presidenta das Amas de Casa (entidade que colabora na organización), Magdalena Bringas; os rexedores de Boiro e A Pobra, Juan José Dieste e Isaac Maceiras; e un longo etcétera de autoridades e veciños que quixeron estar presentes neste evento de carácter anual.

 

Sen perder a solemnidade propia deste tipo de celebracións, a comida-festa caracterizouse tamén por unha gran amenidade e distensión, grazas en boa medida á disposición dos propios galardoados, unha amenidade da que se contaxiaron as autoridades e os propios espectadores, que mesmo interromperon varias veces cos seus aplausos o acto.

 

Un dos que máis influíron no carácter distendido da gala foi o polifacético artista Quico Cadaval, quen, tras recibir de mans de Magdalena Bringas o seu galardón (consistente nunha escultura orixinal obra do creador Miguel Couto), espertou en varias ocasións as gargalladas do público coas súas ocorrencias.

 

Cadaval: o patrimonio inmaterial

Quico Cadaval significou durante a súa intervención que a parroquia de Carreira da que procede a súa familia e a cidade de Ribeira na que naceu son para el territorios míticos onde se sinte “capaz de colocar calquera suceso extraordinario”. A este respecto, lembrou a súa infancia na taberna da súa nai, onde recibía “sen filtro” todo tipo de historias e persoaxes que se converteron en materia do seu traballo. Tamén quixo facer unha lembranza especial a Antonio Novo, propietario do desaparecido bar Nordeste, por demostrar a transcendencia “da aventura de cada persoa anónima e puxo en valor a importancia do patrimonio inmaterial como “alimento das persoas”.

 

Previamente, Ángeles Cores, como presidenta de Cruz Vermella de Riveira, recibiu a distinción que lle entregou a conselleira Rosa Quintana.

 

Acción humanitaria

Ángeles Cores salientou a importancia da colaboración das administracións e entidades sociais e manifestou a necesidade de saibamos valorar “o moito que temos”. Tamén enumerou algunhas das accións solidarias que está a impulsar esta organización humanitaria, como o ropeiro social, a entrega de alimentos, o desenvolvemento de clases e asesoramento a inmigrantes, cursos de primeiros auxilios, charlas nos colexios ou salvamento marítimo a través da súa embarcación “Marte”. Tamén salientou o labor desenvolvido polos voluntariose e voluntarias que cooperan coa institución.

 

Manuel Ruiz entregou o obsequio polo traballo ben feito ao arquitecto inglés David Chipperfield, que ten a súa residencia de lecer, deseñada por el mesmo, na parroquia de Corrubedo.

 

Chipperfield: premio por estar de vacacións

David Chipperfield ofreceu unhas verbas en inglés que se encargou de traducir a súa muller Evelyn. Así tras bromear con que “é a primeira persoa que recibe un premio por estar de vacacións”, este profesional londinense –un dos arquitectos máis laureados do mundo, segundo recordaría despois o alcalde- lembrou que leva vinte anos veraneando neste “lugar marabilloso” e declarou que “a veces é necesario que alguén veña de afora para recordar o tesouro que temos, pois con frecuencia damos por descontadas as cosas fermosas que hai ao noso arredor”. Neste senso, proclamou que “nestes tempos difíciles debedes recordar que tedes nesta terra un tesouro sen igual que ninguén pode tomarvos”. E sentenciou: Por favor, “coidádeo”.

 

Finalmente chegaría o momento das intervencións das autoridades, falando en primeiro lugar a presidenta das Amas de Casa, quen recordou algúns dos persoeiros xa falecidos que recibiron este premio en anteriores edicións, como é o caso de Gonzalo Torrente Ballester, Isaac Díaz Pardo ou Francisco Lorenzo, quen fora cura de Aguiño.

 

Manuel Ruiz lembrou as orixes deste certame, que naceu por iniciativa da xenerosidade de Román Padín (propietario de La Onza de Oro) coa colaboración das Amas de Casa e manifestou o orgullo do Concello de seguir celebrándoo. En referencia aos galardoados, manifestou que é para el unha satisfacción poder organizar este sinxelo acto, pois “son eles co seu traballo os que durante a toda a súa vida están premiando a Ribeira”.

 


Posted via email from Certo.gl, o xornal dixital de Barbanza e Noia

Lousame: o VI Encontro de Bandas recibe a "Las musas de Guadalupe" de Murcia e á banda de Valga



Lousame, 30 de xullo de 2012. O día 5 de agosto de 2012 terá lugar no Campo da festa de San Roquiño (Tállara) o VI Encontro de Bandas Concello de Lousame (Homenaxe a Prudencio Romo). Este ano as bandas invitadas son a Banda Municipal de Valga e a Agrupación Músico-Cultural "Las Musas de Guadalupe", que devolve a visita feita pola banda anfitriona a terras murcianas o ano pasado. No evento participará tamén a Coral Polifónica de Noia, que xunto coa voz solista de José Manuel Barreiro Pérez “Secho” interpretará temas de Los Tamara para homenaxear a figura do emblemático Prudencio Romo, director fundador da Banda de Lousame no ano 1996 e excelente persoa e músico que nos deixou no ano 2007, pouco despois de ceder a dirección da banda ó noso actual director Fernando.

O acto estará presentado, como vén sendo habitual, pola xornalista noiesa Loli Gómez, e estase a consolidar como a xuntanza de bandas máis importante das comarcas de Noia e do Barbanza, medrando en calidade, organización e público.


Intercambio

 

Devolvendo a visita que a Banda de Lousame realizou o pasado ano a terras murcianas, este próximo venres día 3 chega a Galicia a Agrupación Músico-Cultural “Las Musas de Guadalupe”. Esta banda da pedanía de Guadalupe no Concello de Murcia estará ata o martes día 7 realizando diversas actividades como visitas polo concello lousamián e a comarca, recepción polas autoridades municipais e comida de confraternidade entre as dúas bandas, partido de futbol entre una selección de cada banda, visitas a Santiago de Compostela e outros puntos da comarca como as dunas de Corrubedo ou o Castro de Baroña e diversas actividades máis.

Tamén intervirá no VI Encontro de Bandas Concello de Lousame (Homenaxe a Prudencio Romo) o día 5 de agosto ás 6 da tarde no campo da festa de San Roquiño xunto coas bandas de Valga e Lousame. Tratase dunha banda importante na súa comunidade autónoma con varios premios no Certamen Nacional de Bandas Ciudad de Murcia e que dá continuidade ós intercambios feitos nos últimos anos pola Banda de Lousame coas bandas de Ogíjares (Granada), San Indalecio de La Cañada (Almería) ou Ciudad de Irún.

Posted via email from Certo.gl, o xornal dixital de Barbanza e Noia

Muros: instan a Portos a arranxar os problemas relacionados cos amarres e convocan concentración o domingo 5 de agosto

  • Aprobada moción no pleno cos votos a favor dos nacionalistas e o Psoe e coa abstención do PP
  • O problema afecta a moitos mariñeiros, tanto xubilados como non xubilados, de Muros e hai bastante malestar e preocupación no pobo
  • Convocan concentración o vindeiro domingo 5 de agosto para presionar a Portos e á Xunta de Galicia

Concentracin_barcos

Moción plazas amarre portos.doc Download this file

Posted via email from Certo.gl, o xornal dixital de Barbanza e Noia

Dodro: medio milleiro de vellos na XIII Festa das Persoas Maiores

Dodro, 30 de xullo de 2012. A Festa dos Maiores de Dodro, que se celebrou onte a pesares dos recortes en sanidade, dependencia e funcionariado por parte do mesmo partido que goberna en Dodro pero a nivel central, acolleu a medio milleiro de persoas de moita idade (vellos segundo o dicionario da Real Academia Galega, inda que sexa unha palabra denostada pola corrente do pensamento politicamente correcto) tivo este ano cambios significativos. O cambio principal foi que non se celebrou como viña sendo habitual na Fonte Primeiral. Este ano celebrouse unha misa na igrexa parroquial de San Xulián de Laiño e logo a comida foi no restaurante Scala.

 

Durante a xornada puideron disfrutar dunha exposición de labores realizadas polas participantes do obradoiro de Seráns de Labores e Fíos organizado polo concello durante o curso pasado. Despois da comida riron con ganas cunha actuación humorística e posteriormente bailaron ata rematar a xornada.

 

Os maiores de Dodro foron recibidos polo alcalde e a concelleira de Servizos Sociais e Igualdade, a cal abriu o acto. A concelleira, Marisol Boga, deu a benvida a todos os asistentes e tivo un recordo moi especial para todas aquelas persoas “que nos deixaron” ao longo do ano e manifestou o seu recoñecemento a todos eles neste día.


En relación aos cambios da festa mencionou que esperaba foran en beneficio da mesma agradecendo a asistencia de todos e o desexo de compartir ese día todos xuntos. Comentou que organizaron e prepararon a festa con moito cariño e que “de todas as funcións que teño encomendadas no Concello, esta é a máis satisfactoria de todas”.

 

Posteriormente realizouse un recoñecemento á muller e ao home máis maiores asistentes á festa. A muller máis maior foi Josefa Sóñora Abuin de Teaio, nacida en 1915 e o home foi Gerardo Fernández Casal de Lestrobe nacido en 1922. Ambos recibiron, como recordo dese día,  unha figura de Sargadelos gravada en prata que representaba a dous maiores.

 

Para rematar antes do xantar doulles a benvida o alcalde, quen recoñeceu a labor de todos os maiores, axudando a construír un país mellor exercendo a solidariedade dun xeito que é exemplo para as xeracións presentes e vindeira. Recordou a mala situación económica pola que está a pasar o concello pero “podemos e debemos saír adiante, e deixar atrás canto antes as dificultades que agora nos presionan”. Para rematar dixo que “os que conformamos hoxe o goberno, traballamos para que vos sigades sentindo orgullosos do voso concello”.

Posted via email from Certo.gl, o xornal dixital de Barbanza e Noia

Noia: do venres 3 ao domingo 5 de agosto, torneo de baloncesto internacional feminino

Muros: denuncian a parálise do novo edificio xudicial que ían facer na vila

  • O Psoe di que hai tres anos que estaba previsto
  • Pedirán no Parlamento que se constrúa na parcela cedida polo Concello e co proxecto xa redactado dende hai tres anos

Vista do Concello de Muros


Muros, 30 de xullo de 2012. O portavoz da área institucional do Psoe, José Manuel Lage, vai interpelar no novo periodo de sesións ao goberno galego para reivindicar na Xunta a execución dun edificio que aloxe as dependencias do xulgado de primeira instancia do partido xudicial de Muros.O que hai actualmente está no interior da casa consistorial muradana.

”Existe non só o proxecto, senón que o anterior goberno deixou unha partida económica de máis dun millón e medio de euros para a citada infraestrutura xudicial”, explicou Lage Tuñas, quen lembrou que “o goberno socialista de Pérez Touriño redactou o proxecto e adxudicouno. Cando chegou Feijóo á presidencia da Xunta, o seu goberno anulou a adxudicación e tivo que indemnizar á empresa afectada”. “Sempre entendimos que a sede xudicial de Muros ubicada dentro da casa do Concello estaba alí de forma temporal e que o propio era dotar ao Partido Xudicial cun edificio propio onde se ubicaría o xulgado de primeira instancia, entre outros servizos” explica Lage Tuñas.

Millón e medio de euros para o novo xulgado

”Existe ademais non só o proxecto, senón que o anterior goberno deixou unha partida económica de máis dun millón e medio de euros para a citada infraestrutura xudicial”, sinalou o Portavoz da Área Institucional do Grupo Socialista, José Manuel Lage, quen vai interpelar ao goberno galego no comezo do novo período de sesións no parlamento galego, para reivindicar diante da Xunta de Galicia a execución dun edificio destinado a albergar as dependencias do xuzgado de primeira instancia do partido xudicial de Muros.

Posted via email from Certo.gl, o xornal dixital de Barbanza e Noia

27.7.12

Ribeira: así deixaría o quecemento global a cidade, segundo Sarasquete e Ámbar

  •  Unha das instalacións simula por onde estaría asolagada Ribeira no caso de que toda Grenlandia perdese o xeo e subiran os mares sete metros

 

Ribeira, 27 de xullo de 2012.- O escultor Gonzalo Sarasquete, a asociación de personas con diversidade funcional Ámbar e o biólogo Ignacio Munilla tiveron ocasión de ofrecer este mediodía a dobre actividade “O Efecto Groenlandia” e “A Sombra da Marea”, dúas propostas que teñen por obxecto sensibilizar á poboación sobre as consecuencias do quecemento global e o aumento continuado do nivel do mar.

 

O evento iniciouse coa intervención-happening "A Sombra da Marea", que pretendeu simbolizar unha liña de marea marcada polo refugallo que a humanidade bota aos océanos, refugallo recolleito con anterioridade polos propios usuarios da asociación Ambar.

 

A continuación os asistentes ao acontecemento desprazáronse ata a Oficina do Celador de Obras do Porto de Ribeira, no Malecón, para descubrir a instalación "O Efecto Grenlandia", que ficará instalada durante o verán na parede desta edificación e consta dunha escala de mareas e elementos escultóricos inspirados na fauna de invertebrados da banda intermareal. A súa finalidade, segundo propósito do seu autor Gonzalo Sarasquete, estriba en marcar onde chegaría a marea se os océanos subiran 7 metros, que é a elevación prevista se o xeo de Grenlandia se fundise.

 

Os concelleiros municipais Vicente Mariño, Elvira Pisos e Anxo Orellán estiveron presentes na actividade no nome do Concello de Ribeira, que colaborou na súa posta en marcha.

 

Efecto Groenlandia.doc Download this file

Posted via email from Certo.gl, o xornal dixital de Barbanza e Noia

Ribeira: orde do día do pleno do luns 30 de xullo

Ribeira: programa das Festas do Verán, do mércores 1 ao luns 6 de agosto

  •  Dover, o gaiteiro Budiño, o grupo La Guardia e a cantante Rosa Cedrón son os pratos fortes
  • O pregoeiro é desta volta Rubén Riós, actor ourensán famoso por "Libro de Familia", "Vilamor" e "Pradolongo"

 

Ribeira, 20 de xullo de 2012.- Os membros da nova comisión presentaron hoxe o programa de espectáculos e concertos que este ano van integrar as Festas de Verán de Ribeira 2012, entre os cales figuran actuacións de grupos e solistas tan destacados no panorama tanto galego como nacional e mesmo internacional como Dover, La Guardia, Rosa Cedrón e Xosé Manuel Budiño, entre outros.

 

A tal efecto, interviñeron no acto o presidente e o vicepresidente da comisión, José Andrés Alonso e Mariano Moares, ademais da concelleira de Cultura Elvira Pisos.

 

O actor ourensán Rubén Rs será o encargado de protagonizar o pregón deste ano. Nacido en 1980 en Riós (Ourense), ten aparecido en películas como Pradolongo ou Vilamor, estreada este ano baixo a dirección de Ignacio Vilar.

 

Todos os comparecentes na presentación quixeron facer fincapé na implicación das empresas que coa súa colaboración desinteresada permitiron a confección dun programa ambicioso e de interese para todas as franxas de idade.

 

Sorteo

Unha das grandes novidades referidas no acto de presentación é o sorteo dunha cesta de compra valorada en 500 euros. As rifas custan un euro e procurarase ir casa por casa para que todos os veciños teñan a oportunidade de gañar o premio.

 

Para promocionar o evento vanse editar 5.000 libros que se porán a disposición dos veciños.

 

PROGRAMACIÓN DAS FESTAS

 

Día 1 de Agosto (Mércores)

 

DÍA DEDICADO A DÉCADA DOS 80

 

09:30h  21 bombas de palenque anunciarán o comezo do día.

 

10:00h  Dianas e alboradas a cargo do Grupo de Gaitas GANDAINA e O PICHOTE de Palmeira

 

10:30h  Ruada a Cargo da Banda de Música SEMENTEIRA. Rematarán a ruada na Residencia do Maior.

 

12:00h  Xornada multixogos, para todas as nenas e nenos. Na praza do Concello.

 

22:00h  PREGÓN dende o Balcón do Concello a cárrego de Rubén Riós, actor das  películas Vilamor e Pradolongo e da serie Libro de Familia.

 

23:00h Gran Verbena (no Malecón) a cargo da  Orquestra TANGO

(PRIMEIRO PASE)

                           

00:00 Actuación na praza de España de La Guardia

 

 

Dia 2 de Agosto (Xoves)

 

DIA DEDICADO A POBOACIÓN INFANTIL

 

09:30h  21 bombas de palenque anunciarán o comezo do día.

 

10:00h  Dianas e alboradas a cargo do Grupo de Gaitas GANDAINA e O PICHOTE de Palmeira.

 

10:30h  Ruada a Cargo da Banda de Música Isabel II de Touro. Rematarán a ruada na Residencia do Maior.

 

12:00h Actuación de Monicreques na Praza do Concello: “Elías contra Calvin” de Duendesico Teatro.

 

22:30h Gran Verbena (no Malecón) a cargo da Orquesta ISMAEL

 

00:00h Gran Verbena (no Parque García Bayón) a cargo da  Orquesta ODISEA

 

00:00 Espectacular actuación na Praza de España.

 

 

Dia 3 de Agosto (Venres)

 

DIA DEDICADO Á EMIGRACIÓN E A XUVENTUDE

 

09:30h  21 bombas de palenque anunciarán o comezo do día.

 

10:00h  Dianas e alboradas a cargo do Grupo de Gaitas GANDAINA e O PICHOTE de Palmeira.

 

10:30h  Ruada a Cargo da Banda de Música Santa Cruz de Rivadulla. Rematarán a ruada na Residencia do Maior.

 

11:30h  Xornada Multixogo e de Xogos Populares FESTIRIVEIRA, na Praza Uxío Novoneyra.

 

12:00h  Recepción no Salón de Plenos do Concello aos Clubes e Asociacións de Emigrantes.

 

20:00h  Futbol, Trofeo Comisión de Festas. No campo Municipal da Fieiteira: Atlético Riveira – Sálvora C.F.

 

20:00h Actuación no Auditorio de Riveira do Grupo de Baile de Casa Galicia de New York  e Aires de Dorna.

 

22:30h Gran Verbena (no Malecón) a cargo da Orquesta CARTOON BAND

 

00:00 Actuación na Praza de España de DOVER

 

01:00 Discoteca Móbil  para toda a xuventude. Na praza da Lonxa.

 

 

Dia 4 de Agosto (Sábado)

 

DÍA DO CARME. DEDICADO AS XENTES DO MAR

 

09:30h  21 bombas de palenque anunciarán o comezo do día.

 

10:00h  Dianas e alboradas a cargo do Grupo de Gaitas GANDAINA e O PICHOTE de Palmeira.

 

12:00h Exposición do artista local JONTXU ARGIBAY en O FAIADO, Tenda – Galería, sita na Rúa de Galicia nº 82.

 

18:00h Misa Solemne na Honra da Virxe do Carme, cantada pola Coral Polifónica do Círculo Mercantil e Industrial de Riveira, dirixida por Antonio Fernández. Celebración na lonxa de Riveira.

 

TRADICIONAL PROCESIÓN MARÍTIMA.

 

A continuación saída a Procesión Terrestre, da lonxa ata a Igrexa Parroquial, acompañada da Banda de Música de Negreira, Policía Infantil de Gala, Asociacións Culturais e Grupo de Gaitas de Casa Galicia de New York.

 

00:00h QUEIMA DE FOGOS DE ARTIFICIO. No Peirao.

 

00:30h Actuación na Praza de España de BUDIÑO

 

01:00h Gran Verbena (no Malecón) a cargo da  Orquesta MARIMBA

 

 

Dia 5 de Agosto (Domingo)

 

DIA DEDICADO AO TECIDO SOCIAL

 

09:30h  21 bombas de palenque anunciarán o comezo do día.

 

10:00h  Dianas e alboradas a cargo do Grupo de Gaitas GANDAINA e O PICHOTE de Palmeira.

 

10:30h  Ruada a Cargo da Banda de Música Eduardo Pondal. Rematarán a ruada na Residencia do Maior.

 

12:30h Misa Solemne na Honra de San Pedro.

 

[[posterous-content:dlszfJEvGJvIigehcxcf]]


19:00h Coroación das Raíñas da Flor no Adro da Igrexa. Gran desfile de Carrozas acompañadas no pasarrúas co espectáculo “Gala de Circo – Ruactiva”

 

22:30h Gran Verbena (no Malecón) a cargo da Orquesta AMERICA

 

00:00h Actuación na Praza de España de ROSA CEDRÓN

 

 

LUNS, 6 DE AGOSTO. Celebrarase o DÍA DO NENO/A coas ATRACCIÓNS DE FEIRA A PREZOS POPULARES.

Posted via email from Certo.gl, o xornal dixital de Barbanza e Noia

Rianxo: o servizo de Deportes programa tres andainas en agosto, o 3, o 4 e o 25

Rianxo, 27 de xullo de 2012. O Servizo de Deportes do Concello de Rianxo organiza para o mes de agosto tres andainas: a nocturna, que este ano se desenvolverá no entorno do Castro Barbudo, a dirixida á 3ª idade, que os levará ata O Grove e a de adultos que percorrerá o Río Vilacoba en Lousame.

Inscrición e información no Servizo de Deportes ou nos Pavilóns deportivos municipais.

 

Partindo de Campo Maneiro, descorrerá por doce quilómetros nos arredores do Castro Barbudo que permitirán disfrutar dunhas inmellorables vistas nocturnas desde o mirador e das sensacións especiais de camiñar pola noite.

Data: 3 de agosto

Dirixido a: maiores de 16 anos (menores acompañados)

Punto de encontro: Campo Maneiro

Hora: 22:30 h.

Distancia: 12 quilómetros aprox.

Dificultade: media - baixa

Prezo: gratuíta

 

 

 

 

 

A andaina discorrerá polas sendas peonís de madeira que van desde o porto deportivo de Pedras Negras ata a zona do Con Negro, camiñando entre cantís e o mar de Arousa, aquí un mouco mais bravo que no interior da ría.

Completará a viaxe unha visita guiada ao Acuario do Grove e, se queda tempo, ao Mirador do Monte A Siradella.

Dirixido a: 3ª idade, con preferencia os participantes nas Actividades Deportivas Municipais

Horario: de 8 a a 15 h.

Distancia: 4 km. aprox.

Dificultade: baixa

Prezo: 10 € (inclúe autobús e visita guiada ao Acuario)

Andaina que percorre as fermosas marxes do Río Vilacoba, en Lousame.

Dirixido a: maiores de 16 anos (menores acompañados)

Hora: 8:30 h.

Prezo: 5 €

Posted via email from Certo.gl, o xornal dixital de Barbanza e Noia

Volei: a praia de Coroso en Ribeira acubilla esta fin de semana a primeira proba do circuito "Barbanza de volei praia"


 

Ribeira, 27 de xullo de 2012.- Mañá e pasado, sábado 28 e domingo 29 de xullo, vaise a disputar no Concello de Ribeira a primeira proba do “XII Circuíto Barbanza de Volei-Praia”.

A competición desenvolverase na praia de Coroso, e será a primeira das catro das que consta o circuíto. Todas as probas son puntuables para o Campionato Galego e para o ranking nacional.

O torneo constará de dúas categorías: masculina (mínimo 20 parellas) e feminina (mínimo 12 parellas), as dúas sen límite de edade.

Sistema de competición

Todo o torneo xogarase ao mellor dun set de 21 puntos (sin tope, gañando con diferenza de dous), polo sistema de acción-punto (tie-break, 1 tempo morto por equipo), excepto as semifinais e final, que se xogarán ao mellor de 3 sets a 21 puntos.

 

Para optar aos premios finais do circuíto será obrigatorio participar nun mínimo en 3 probas das 4 que ten, incluíndo a final.

 

Datas das probas do circuíto

 

      Ribeira 28 e 29 de Xullo          (Praia de Coroso)

      Dumbría 4 e 5 de Agosto        (Praia de Ézaro)

      Boiro 11 e 12 de Agosto          (Praia de Barraña)

      Pobra 18 e 19 de Agosto         (Praia da Lombiña)

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical