E veñan bises! Os Mordecans son de Porto do Son, evidentemente. E tocan, como xa anunciamos, o 16 de maio, para quentar para a manifestación do 17. Non somos de Porto do Son, pero como se pega o demo de canción esta!
Posted via web from Certo.es, o xornal virtual de Barbanza e Noia
Na véspera do Día das Letras Galegas e da grande manifestación que volverá a encher a Praza do Obradoiro en Compostela, a Concellaría de Deportes e Mocidade de Porto do Son organiza un concerto para celebrar e perserverar por un Son en galego. O acto contará cun mestre de cerimonias de luxo, o músico, xornalista e escritor -sempre animador da música e a cultura do país- Xurxo Souto, que será o encargado de presentar as bandas Os Mordecáns, autores do célebre himno “O son do Son”, e Som do Galpóm, un dos grupos revelación da música galega actual.
Non o esquezas, vémonos o domingo ás 23:00 no Xardín Portuario do Son… en Galego!
Os Mordecans: http://www.myspace.com/mordecans
Som do Galpom: http://www.somdogalpom.com
E a Xurxo Souto, por se non o coñecen: http://es.wikipedia.org/wiki/Xurxo_Souto
Posted via web from Certo.es, o xornal virtual de Barbanza e Noia
Posted via email from Certo.es, o xornal virtual de Barbanza e Noia
Posted via email from Certo.es, o xornal virtual de Barbanza e Noia
Na presentación da proba anunciouse que estará dedicada ao ribeirense José Antonio Nespereira, cunha excelente traxectoria deportiva no atletismo
Ribeira, 10 de maio de 2010.- A sétima edición da Carreira Popular Virxe da Guía estará dedicada ao ribeirense José Antonio Nespereira. Así o anunciou esta mañá Abraham Benítez, organizador do evento xunto co Concello de Ribeira, durante a presentación desta proba valedoira para Terceiro Circuíto de Carreiras Populares Concello de Riveira. Abraham Benítez (quen estivo acompañado na presentación do edil municipal de Deportes Miguel Ángel Vidal e da colaboradora Belén Callón), resaltou a excelente traxectoria deportiva do homenaxeado, que inclúe o campionato galego de cross e o subcampionato por equipos.
Como xa é tradicional, o certame disputarase o Día das Letras Galegas (luns 17 de maio). Dará comezo sobre ás 10.45 horas e constará dun percorrido sobre asfalto de 5.200 metros que o propio Benítez cualificou de “bastante duro e no que predominan as subidas”. Como é lóxico, os participantes máis pequenos deberán correr distancias máis curtas: 75 metros no caso dos pitufos; 600 metros, os de 6 a 8 anos, e 1.500 metros, os de 9 a 12.
100 euros por rebaixar o récord
Unha das grandes novidades, informou Miguel Ángel Vidal, é un premio especial de 100 euros que se concederá a quen logre rebaixar o record da carreira, tanto en categoría masculina (15’42’’) como feminina (18’17’’).
Abraham Benítez declarou que o marroquí Hassan Lekhili (vixente gañador da medio maratón Vig-Bay de Vigo) é o gran favorito para levarse o título en categoría absoluta masculina e, de feito, acode ao evento co obxectivo de rebaixar o record. Outros corredores con grandes posibilidades de entrar no podio son Rubén Caamaño e o atleta local Ramón Folgar. En canto a categoría feminina, Benítez Sobrido destacou a Yolanda Gutiérrez.
Os menores de 12 anos non clasificarán nin recibirán trofeo, pero si que optarán ao sorteo dunha bicicleta. O prazo para inscribirse remata este xoves ás 20 horas.
Máis información e inscricións:
Posted via email from Certo.es, o xornal virtual de Barbanza e Noia
Esta información é válida para todos os concellos de Galicia. Só teñen que poñerse en contacto co departamento de Servizos Sociais do seu municipio.
Boiro, 10 de maio de 2010. O departamento de Servizos Sociais do Concello de Boiro informa da convocatoria (DOG 10 de maio de 2010) da prestación familiar por fillo menor a cargo.
Persoas beneficiarias:
Persoas que teñan ao seu cargo fillos menores de 3 anos na data de 1 de xaneiro de 2010 ( nacidos entre o 02.01.07 ao 01.01.10 incluídos) e que, por razón dos ingresos obtidos durante o ano 2008 nin elas nin ningún dos membros da unidade familiar estivesen obrigadas a presentar a declaración do IRPF.
Quedan excluídas:
As unidades familiares nas cales os seus ingresos considerados de forma individual ou conxunta , superasen no exercicio 2008 os 22.000 €.
A axuda consistirá no pagamento único de 360 € por cada fillo menor de 3 anos.
O prazo de presentación de solicitudes rematará o vindeiro 19 de xuño.
Para máis información dirxirse ao departamento de Servizos Sociais do Concello de Boiro (de martes a venres de 8:00 a 13:00)
Posted via email from Certo.es, o xornal virtual de Barbanza e Noia
Tamén haberá xogos tradicionais para todos os públicos e unha especie de serán no que se convida a participar aos músicos dos arredores con instrumentos tradicionais. Tamén está prevista a actuación de Recambios Tucho, chegados directamente de Santa Eugenia de Juisconsin (http://www.myspace.com/recambiostucho) e Banda da Balbina, gañadores de A polo ghit co tema que lles deixamos a continuación:
Posted via email from Certo.es, o xornal virtual de Barbanza e Noia
