17.12.09

A Pobra do Caramiñal: entregados os premios do concurso de debuxo de Nadal de Ámbar

O pasado luns, 14 de decembro, a presidenta de Ámbar, MILAGROS REY, e o director do centro social da Pobra, Ricardo Lago fixeron entrega dos premios do "CONCURSO DE DEBUXO DE NADAL" que cada ano organiza a entidade en colaboración co centro social de A Pobra do Caramiñal.

O acto celebrouse no centro social da Pobra, onde se deron a coñecer os gañadores:


1º premio: Marisa Vidal Regueira "O lume da Chimenea" -- 90€
2º premio- Óscar Muñiz Maneiro "Debuxo de Nadal --- 60 €
3º premio- Olaia Perez "O Nadal" --- 60€

TRADICIONALMENTE OS PARTICIPANTES DESTE CONCURSO SON PERSOAS CON DIVERSIDADE FUNCIONAL DA COMARCA -SOCIOS E NON SOCIOS DE AMBAR- QUE PRESENTAN TRABALLOS CON INTERPRETACIÓNS MOI PERSOAIS SOBRE O NADAL. Ó GAÑADOR, ADEMÁIS DO PREMIO en metálico, CORRESPONDELLE  A DISTINCIÓN DE TER EDITADA A SÚA OBRA COMO POSTAL DE NADAL DO CENTRO SOCIAL E DA ASOCIACIÓN AMBAR.

Posted via email from Posterous de Certo, o xornal virtual de Barbanza e Noia

Música: presentan en Rianxo o sábado 19 un libro para aprender a facer palletas de gaita

O sábado 19 de decembro ás 20.30 h., Vai de Roda presenta no Cuartel Vello de Rianxo o libro O Berce das Palletas. Ten textos e ilustracións de Xoán Ramón Marín e é un traballo editado pola Asociación de Gaiteiros Galegos. Trátase dunha ferramenta que nos permite coñecer a fondo cal é o proceso de construción desta peza que constitúe a alma da gaita galega.

É un bo punto e final para o curso de empalletado tradicional impartido por Alexandre Cadarso que está a xuntar na antiga Casa de Cultura a quince persoas interesadas en se achegar a esta confección artesanal.

(vía http://www.blogoteca.com/vaideroda/index.php?cod=75751)
-----------------------------------------
'O Berce das Palletas' é un método de construción de palletas e pallóns elaborado por Xoán Ramón Marín, que a Asociación de Gaiteiros Galegos edita dentro da súa liña de difundir e por en valor a nosa cultura musical tradicional.

'O Berce das Palletas. A construción de palletas e pallóns' contribuirá a que os nosos gaiteiros e gaiteiras teñan a man unha ferramenta que lles permita coñecer a fondo cal é o proceso de construción da peza que constitúe a alma da gaita. Sabendo como construíla, será entón doado manexala e adaptala ás nosas propias necesidades tímbricas e de afinación. Así pois, desde a Asociación de Gaiteiros Galegos agardamos que esta nova publicación que agora poñemos nas vosas mans vos sexa útil e contribúa a afastar do esquecemento outro anaco do noso coñecemento tradicional.

'O Berce das Palletas' pódese atopar á venda nas principais librerías, distribuído por Arnoia e cun PVP recomendado de 9 €. Os socios da AGG poden mercalo directamente nos locais da AGG en Pontevedra e Lugo ou solicitar o seu envío a domicilio por un prezo de 5€ + gastos de envío (se é o caso).

Para solicitar o seu exemplar chame ao teléfono 986 847 074 ou envíe un e-mail a secretaria@gaiteirosgalegos.com
(vía http://www.gaiteirosgalegos.com)

Posted via web from Posterous de Certo, o xornal virtual de Barbanza e Noia

Ribeira: concentración en solidariedade con Aminetu Haidar este venres 18 ás sete da tarde

http://farm3.static.flickr.com/2770/4178818126_7fff8301d6.jpg A concentración será na Praza do Concello, que agora presenta este aspecto

(Nota do Bng ribeirense)
Concentración en solidariedade con Aminetu Haidar e pola autodeterminación do Sahara

Dia: venres, 18 de decembro
Lugar: Ribeira (Praza do Concello)
Hora : 19.00h

Aminatou Haidar, loitadora polos dereitos humanos e a autodeterminación do seu pobo, o Sahara Occidental, segue retida e en folga de fame no aeroporto canario de Lanzarote debido á negativa do goberno de Marrocos, que ocupa ilegalmente o seu país desde 1975, a permitir o seu regreso ao seu domicilio d’El Aaiun, negativa que conta coa colaboración cúmplice do goberno español malia infrinxir o Dereito Internacional que estabelece que ningunha persoa poderá ser privada arbitrariamente do dereito a entrar no seu proprio país. Non é a primeira vez que Aminatou Haidar, que xa estivera até 2006 detida no infame cárcere d’El Aaiun, sofre a represión do réxime marroquino.

A dignidade de Aminatou Haidar lémbranos a todos e todas a urxencia de procurar unha solución democrática á situación do pobo saharaui, solución que pasa polo exercicio do dereito de autodeterminación tal e como ten recoñecido a comunidade internacional, e a responsabilidade histórica do Estado español como antiga potencia colonial que, en 1975, abandonou o pobo saharaui e permitíu a ocupación do seu territorio. Lémbranos tamén que o Estado español debe exixir firmemente do Reino de Marrocos o respecto aos dereitos humanos e da legalidade internacional e, en particular, o fin da ocupación do Sáhara Ocidental e da represión sobre os seus habitantes.

Iniciativa Municipal en todos os concellos da Barbanza

O BNG presentou unha iniciativa municipal para instar á Xunta de Galiza a que demande do Goberno do Estado unha actuación eficaz para lograr o regreso de Aminatou Haidar ao Sáhara Occidental, exixindo de Marrocos o respecto dos dereitos humanos e da legalidade internacional e, en particular, o fin da ocupación do Sáhara Occidental e da represión sobre os seus habitantes así como a recoñecer oficialmente a República Árabe Saharaui e Democrática e ao Frente Polisario como únicos e lexítimos representantes do pobo saharaui.

Iniciativa Municipal:
http://bng-ribeira.org/domi/wp-content/uploads/2009/12/2009-12-17_aminatou_haidar.pdf

Posted via web from Posterous de Certo, o xornal virtual de Barbanza e Noia

Noia: o alcalde doa ás monxas da Corredoira a indemnización dun xuízo

O alcalde de Noia, o socialista Rafael García Guerrero, fixo entrega hoxe, xoves, 17 de decembro, de 250 euros ao Convento de San Xosé das Monxas Trinitarias de Noia, na Corredoira.

Esta cantidade provén da indemnización pola sentenza que condena a sete persoas por unha falta cualificada de coaccións contra a persoa do alcalde. Os feitos acaeceron o 3 de Maio de 2008 cando foi insultado e perseguido na Alameda de Noia e no Campo da Feira por estas persoas e varias ducias máis que os acompañaban, que proviñan dunha manifestación contra a variante que rematara un tempo antes. O alcalde neses intres paseaba coa súa, a súa filla e unha amiga.

En Xaneiro de 2009 o xulgado número 1 de Noia xa condenara a estas persoas, que recurriron a sentenza que foi ratificada en segunda instancia en Outubro de 2009. Ordenouse o pago da indemnización en novembro deste mesmo ano. Unha vez cobrada foi doada á orde das Trinitarias de Noia.  Ademais estas persoas foron condenadas ao pago, cada unha delas, de 120 euros de multa.

"Quero expresar a miña gran ledicia por este feito, xa que este tipo de comportamentos deben ser condenados porque non son propios dunha sociedade civilizada e democrática", remata o alcalde noiés no seu blog.

Deste xuízo informamos en Certo no seu día, aquí.

Posted via email from Posterous de Certo, o xornal virtual de Barbanza e Noia

Ribeira: xa se pode reciclar o aceite de cociña usado en xeito e forma

O anuncio fixérano o 17 de novembro, vexan.
Un mes despois, aquí están os primeiros contedores.


 


Posted via email from Posterous de Certo, o xornal virtual de Barbanza e Noia

Música: este sábado 19 de decembro, gospel en Ribeira

Posted via email from Posterous de Certo, o xornal virtual de Barbanza e Noia

Lingua galega: preséntase este sábado 19 "Queremos galego" de Muros-Noia


Unha plataforma da que lles falamos en http://certo.es/index.php?page=queremos_galego

Tamén temos entrevista cunha das voceiras de Barbanza, a cantante de "Fía na Roca", Sonia Lebedynski, en http://certo.es/index.php?page=sonia_lebedynski

Posted via email from Posterous de Certo, o xornal virtual de Barbanza e Noia

Twitter

Related Posts with Thumbnails Banner: Regale selva tropical