A historia de Galicia non se podería entender sen a historia de Rianxo. Non coñeciamos este blog de dous rianxeiros que tanto teñen colaborado en libros...
http://rianxeiros.blogspot.com/
Posted via web from Posterous de Certo, o xornal virtual de Barbanza e Noia
Está en plena forma este golfiño!
Posted via web from Posterous de Certo, o xornal virtual de Barbanza e Noia
Ribeira, 17 de marzo de 2010. O BNG presentou unha iniciativa municipal pola que solicita unha serie de melloras na biblioteca municipal, tales como: a eliminación do depósito de 3 euros no préstamo a domicilio, dotación orzamentaria para o incremento e actualización de fondos, así como, para a dotación de mobiliario. Tamén demanda que se organicen regularmente actividades culturais de animación, fomento da lectura e promoción do uso das instalacións, así como a elaboración dun Regulamento de funcionamento da Biblioteca "acaído". 
A Biblioteca Municipal é un servizo público e de existencia obrigatoria especificada na Lei 7/1985, de 2 de abril, Reguladora das Bases de Réxime Local, explican os nacionalistas. "É unha institución que ten como finalidade facilitarlle á cidadanía o exercicio do dereito á cultura e á información, polo tanto deben ofrecer posibilidades para a dinamización, potenciación e democratización da cultura. En este sentido son múltiples as actividades que tería que desenvolver para que funcionara como un verdadeiro centro de cultura que fomente non só a lectura e a escritura senón outro tipo de actividades dos diferentes eidos da cultura".
"O principio de democratización da cultura anúlase ó ter que depositar 3 euros para realizar o préstamo á domicilio dun libro: nos tempos de crise que vivimos supón un desembolso importante e innecesario para moitas familias", argúen. Os fondos da Biblioteca aproxímanse ós 15.000 títulos, "cifra pequena para unha biblioteca dun concello como o noso, e agravado pola temporalidade dos mesmos: as distintas seccións non están suficientemente actualizadas procedendo o groso do depósito dos anos 70 e 80". Ademais, aconsellan que a sala de lectura mellore a súa distribución de espazos e que o mobiliario, sobre todo na sección infantil, se adecúe con estantes axeitados e que lle permitan o acceso ás nenas e nenos. Posted via email from Posterous de Certo, o xornal virtual de Barbanza e Noia
Ribeira, 17 de marzo de 2010. O próximo domingo, 21 de marzo, vai ter lugar un baile para celebrar o Día do Pai no Liceo Marítimo de Ribeira, que preside José Gude. Actuará a orquestra Odisea, a partires das nove da noite. 
Posted via email from Posterous de Certo, o xornal virtual de Barbanza e Noia
.
Gozoso día para realizar traballos silvícolas en prol da comunidade. Desta volta plantáronse freixos (Fraxinus excelsior) e pradairos (Acer pseudoplatanus) a ambas marxes do río noval no lugar de Os Regueiros, en Basoñas. Ademais, os castiñeiros que non sobreviviron da plantación de 2008, mais os afectados con chancro, repuxéronse con carballos (Quercus robur).
Hai que destacar a escasa participación da veciñanza de Muro. Quizais, facendo autocrítica, non soubemos publicitala actividade axeitadamente… porque magoa pensar que o algúns cremos beneficioso para todos/as, a outros lles resulte indiferente.
E non lles fixo falta que fose o Día Internacional de nada: só amor polo seus montes e cariño pola natureza. Láianse de que foron poucos, pero oxalá houbese moitos poucos así!
Posted via web from Posterous de Certo, o xornal virtual de Barbanza e Noia
(Vía Portelo) O próximo xoves día 18 de marzo ás 19:00 terá lugar no Auditorio Municipal o acto conmemorativo do Día Internancional da Muller, promovido pola Area de Servizos Sociais do Concello de Rianxo.
19 horas: Presentación oficial da Xornada que incluirá os seguintes actos:
Posted via email from Posterous de Certo, o xornal virtual de Barbanza e Noia
336 alumnos de 11 centros escolares do concello de Ribeira participaron na plantación de 24 árbores e levaron para plantar na casa outras 800 autóctonas
Posted via email from Posterous de Certo, o xornal virtual de Barbanza e Noia
O delegado territorial da Xunta na Coruña visitou o novo aulario de infantil no que a Xunta investiu máis de 200 mil euros
Posted via email from Posterous de Certo, o xornal virtual de Barbanza e Noia
No porto de Porto do Son protagonizou unha complexa situación pois deixou a unha chalana sen remos nunhas pedras xa que os colleu desapercibidos tirándolle os remos ao mar. A cousa non foi a maiores aínda que enterouse toda a xerarquía de Portos de Galicia.
Entre o Cemma e o Gremmar (esta foto é deles, no porto de Ribeira a primeiros deste mes de marzo), non paramos de recibir novas sobre o golfiño máis famoso que fai turismo nas augas de Galicia...
Posted via web from Posterous de Certo, o xornal virtual de Barbanza e Noia
II Semana da Ciencia do I.E.S. Coroso
Ribeira, 17 de marzo de 2010. O I.E.S. Coroso de Ribeira informa a toda a comunidade educativa e a toda a sociedade do Barbanza da celebración da 2ª Semana da Ciencia. Do 22 ó 25 de marzo realizaranse actividades tanto para E.S.O. e Bacharelato como para Ciclos. Dende a análise dos espazos protexidos do noso litoral, o problema climático e proxección de películas de divulgación sobre a labor científica, ata conferencias sobre superconductividade, o acelerador de partículas e prácticas de aplicación de coñecementos técnicos. Organizadores e alumnado colaborador orientarán a visita de pais e representantes de medios e concello.
CONFERENCIANTES:
Coa presenza dos conferenciantes Dna Sonia Vázquez Blanco, bióloga e educadora ambiental da Consellería de Medio Ambiente, D. Ramón Cid Manzano, catedrático de física e química e profesor asociado da Universidade de Santiago en Didáctica das Ciencias Experimentais, D. Jesús Mosquera Rey, doutor en Ciencias Físicas e profesor de Física do Estado Sólido na Facultade de Física, e D. Miguel Rodríguez Sanmartín, Licenciado en Física e profesor de Máquinas Frigoríficas, Instalacións Eléctricas e Seguridade nas Instalacións Térmicas.
PROGRAMACIÓN SEMANAL:
O luns 22 abre a semana a conferencia do profesor Miguel Sanmartín sobre cambios de estado físico, seguido dun experimento que se proseguirá día a día co alumnado. Ademáis recibiremos a visita da educadora ambiental Sonia Vázquez Blanco, quen nos informará da riqueza biolóxica dos espazos protexidos do noso litoral.
Acelerador do Cern, na Wikipedia
O martes, o D. Ramón Cid Manzano exporá os experimentos cruciais que se realizan no acelerador de partículas europeo en Laussane, Suiza, para desentranar a natureza da materia. Proxectarase despóis o filme October Sky, baseado no espertar á curiosidade intelectual e primeiros experimentos de Homer Hickam, científico da NASA.
O mércores, o propio alumnado, asesorado e formado por persoal do Proxecto de Educación Ambiental “Climántica” da Dirección Xeral de Desenvolvemento Sostible, son os protagonistas ao preparar un taller no que amosarán aos seus compañeiros os efectos do cambio climático. Ás 10.40 dará comezo a conferencia de Jesús Mosquera Rey sobre as propiedades da superconductividade en distintos materiais e a súa aplicación ás novas tecnoloxías.
O xoves, xunto co remate do experimento de Miguel Rodríguez Sanmartín, pecharanse asimesmo as xornadas coa proxección do capítulo ‘Ceo e Inferno’ da serie de divulgación científica Cosmos, onde o visionario Carl Sagan adiantaba as posibles catástrofes ambientais no planeta.
CRONOGRAMA:
LUNS 22
| ACTIVIDADE |
|
| 9.00-9.50 | Conferencia Sanmartín
| ABERTO Á PRENSA |
10:00-11:30 | “O noso litoral” | ABERTO Á PRENSA |
| MARTES 23
| ACTIVIDADE |
|
10:40-11:30 | Conferencia:LHC, O maior experimento da historia | ABERTO Á PRENSA |
| MÉRCORES 24
| ACTIVIDADE | PROFESORADO SEMANA CIENCIA |
9.00-9.50 | Stand Climántica |
|
| 9.50-10.40 | Stand Climántica | ABERTO Á PRENSA |
Posted via email from Posterous de Certo, o xornal virtual de Barbanza e Noia
O BNG de Rianxo demanda obras no vial do Laxido a Asados por parte da concesionaria da autovía barbanzá
Rianxo, 17 de marzo de 2010. (Nota íntegra do Bng) Pasado xa máis dun ano da posta en funcionamento da autovía do Barbanza son moitas aínda as actuacións pendentes por parte da concesionaria. É por iso que mediante unha iniciativa plenaria o BNG rianxeiro quere que o executivo esixa a inmediata actuación na zona do Laxido-Barral para eliminar unha ponte fora de uso, o amaño xeral e acondicionamento da zona e a recollida de diferente material plástico de sinalización e de restos de material de obra ciscado polas inmediacións creando unha imaxe de abandono e provisonalidade neste lugar que debe atallarse.
No que atinxe á ponte inutilizada sinalada, salva un talude que quedou fóra de uso coas obras do novo trazado e hoxe obriga aos veciños a dar un xiro de 90 graos na estrada atravesando dous túneles seguidos, con escasa visibilidade entre eles, nun vial que comunica o Barral con Asados a nova zona deportiva en Vilas e mesmo a capela de San Pedro. Cremos se debe esixir un proxecto que a elimine a ponte e boa parte do talude e repoña os diferentes viais melllorando esta contorna.
Esta actuación formaría parte dunha obra máis ampla de recuperación ambiental dos tramos que quedaron fora de uso ao variar o trazado da autovía con respecto á antiga vía rápida. Unha tarefa parcialmente iniciada pero que camiña con exasperante lentitude moitas veces a golpe de reclamación veciñal.
Posted via email from Posterous de Certo, o xornal virtual de Barbanza e Noia
Unha interesante web de Domingo Regueira, ao que xa coñecen en Certo:
http://certo.posterous.com/?sort=&search=Domingo+Regueira
Posted via web from Posterous de Certo, o xornal virtual de Barbanza e Noia
