24.7.12

Noia: a Xunta non quere o novo centro de saúde que piden os socialistas


  • O goberno galego respostou de xeito negativo á petición do PsdeG-Psoe para dotar a Noia cun novo centro de saúde
  • Lage Tuñas insistirá en outono no Parlamento cunha nova petición e critica que a Xunta diga "non" á mellora dos servizos sanitarios da vila
  • Lage lembra que Noia é cabeceira de comarca e que ten un PAC que da servizo médico a habitantes de varios concellos, co cal "sería lóxico que Sanidade se dote cun edificio propio para centro de saúde"
  • Lage Tuñas, que tamén é secretario xeral dos socialistas noieses, lamenta que o goberno de Feijóo sexa "todo fume, propaganda e pouca concreción". 
  • O socialista quere para Noia un centro de saúde novo "que mellore os espazos de traballo para os profesionais, e sexa máis cómodo para os cidadáns ao tempo que incremente os servizos que se prestan no PAC para evitar a masificación do Hospital Clínico". 
  • A xuízo de Lage Tuñas, "as instalacións do PAC actual son moi mellorables", xa que hai numerosas queixas de que, por exemplo, agora no verán é un forno.

79521-PRE Construción novo centro de saúde en Noia (I).pdf Download this file

83208[1].pdf-Resposta Xunta sobre previsión dun novo centro de saúde en Noia-xullo 2012.pdf Download this file

Posted via email from Certo.gl, o xornal dixital de Barbanza e Noia

Motor: do 27 ao 29 de xullo, concentración de motos en Boiro, e do 12 ao 14 de agosto, en Noia

Ribeira: balizan a praia Castro-Catía en Aguiño coa fin de mellorar a seguridade no seu uso

  • Así o solicitaban veciños da zona
  • Deste xeito delimítase o paso de vehículos mariños para que non colidan con mergulladores ou bañistas
Media_httpfarm4static_jpjcf

O areal é lindeiro entre as parroquias de Aguiño e Castiñeiras

 

Riveira.- 24 de xullo de 2012.- O Concello vén de balizar a praia de Castro-Catía –que se estende polas parroquias de Castiñeiras e Aguiño- co obxectivo de delimitar a área de baño así como de poder dirixir o paso de vehículos mariños, como lanchas e motos acuáticas tanto en dirección á costa como no sentido contrario, circulando por zonas específicas.

 

Instaláronse un total de 40 balizas e establecéronse dúas entradas de acceso ao longo do areal, dando así resposta a unha ampla demanda dos veciños e usuarios do entorno que suxerían a posibilidade desta actuación.

 

Esta experiencia novidosa no perímetro litoral do municipio permitirá afianzar a seguridade da xente que se encontre na auga, e moi especialmente a dos mergulladores.



25 de xullo: en Aguiño, Campionato Galego de Traíñas


27 de xullo: comeza o bus turístico a funcionar


 

Posted via email from Certo.gl, o xornal dixital de Barbanza e Noia

Política: Compromiso por Galicia xulgou como "un retroceso" os case catro anos do goberno Feijóo na comarca

Rolda

Noia, 24 de xullo de 2012. A nova formación Compromiso por Galicia, resultado de simpatizantes e edís nacionalistas que se foron do Bng, deron unha rolda de prensa para xulgar o feito ata agora polo goberno Feijóo a nivel xeral en Galicia e, en concreto, nas bisbarras de Muros e Noia.

Feijóo ía rematar coa crise en 45 días

En primeiro lugar Manuel Gónzalez (membro da Executiva Nacional) fixo unha valoración da situación política xeral. Recalcou a afirmación de Nuñez Feijóo que reiterou ao longo da campaña electoral das autonómicas do 2009, na que aseguraba que se el gobernaba remataría coa crise en 45 días. “Moi lonxe de saír da crise, en tres anos e medio o goberno Feijoo tradúcese nun aumento dun 7% do paro”, explicou Manuel González, que argumentou que "os servizos básicos que ofrece a Xunta son peores que hai 3 anos", e puxo por exemplo o re-pago de medicamentos, as longas lista de agarda, a liquidación da gratuidade dos libros, a suba do IVE do material escolar e o encarecemento das taxas da universidade. Tamén criticou a desaparición das axudas á dependencia. Logo da valoración negativa da xestión do Partido Popular, González fixo fincapé en que "estes recortes que está levando a cabo o Partido Popular non son inocentes senón que teñen o obxectivo de desmantelar o Estado do Benestar e centralizar o poder político”.

Logo desta intervención, foi a quenda de Lola Caramés, secretaria comarcal de Compromiso por Galicia, a cal se centrou en temas moi concretos desta comarca. Comezou a súa intervención recordando o incremento dun 20% no paro nas Comarcas do Barbanza e Muros-Noia. “Agora mesmo hai 532 parados máis na Comarca de Muros-Noia e 1118 na no Barbanza o que se traduce nun incremento na primeira dun 14,2% e un 23% na segunda”. Ademais criticou o esquecemento dos investimentos que xa estaban orzamentads na comarca no goberno bipartito e que non se levaron a cabo neste novo goberno. “ Exemplos destes investimentos son, en Noia a escola infantil ou o arranxo do Coliseo Noela, en Muros tamén a escola infantil e o centro de día. En Outes quedou no esquecemento o Centro para persoas con discapacidade dual, ademais en Lousame está no aire a conexión deste Concello co corredor Noia-Brión que prometera o goberno Feijóo”.

Máis Ive para o luxo e supresión das deputacións

Aproveitou a súa intervención para solicitarlle ao alcalde de Outes, Carlos Crespo, que non se esqueza do Centro para persoas con discapacidade dual previsto que estaba previsto instalar en Ceilán. Segundo Lola Caramés, "estas medidas tradúcense nun retroceso nos dereitos básicos como a educación, en sanidade e na Seguridade Social”. Suxeriron tamén as medidas polas que aposta Compromiso X Galicia: a creación dun IVE para produtos de luxo nun 33% e a eliminación das deputacións o que implica un aforro en gasto corrente de 600 millóns de euros só en Galicia. Compromiso propón tamén a posibilidade dun imposto sobre as grandes fortunas entre outras medidas.

Posted via email from Certo.gl, o xornal dixital de Barbanza e Noia

Ribeira: este xoves 26 de xullo, ximcana sobre renovables, reciclaxe e coidado da natureza

Media_httpfarm3static_sfkzn

Ribeira.- 24 de xullo de 2012.- Grazas á Ximcana Bioambiental e de Enerxías Renovables, os nenos e nenas dos obradoiros do Verán Cultural  coñecerán este xoves o que son as enerxías renovables, a importancia da reciclaxe para a natureza e o coidado das sementes para que dean froito. A xornada estará chea de xogos ao ar libre, xa que a mellor forma de aprender é divertíndose.

 

A iniciativa, impulsada pola Concellería de Cultura, comezará entre as 11.00h e 11.30h, tras un pequeno almorzo, e dividirase en 5 estacións.

 

1ª estación: A RECICLAXE. Faranse xogos de reciclaxes, coa explicación precedente e canción acorde ao tema. 

2ª estación: RELEVOS PIN-PON. Xogo de aire, que ten como fin entender o funcionamento da enerxía eólica.

3ª estación: PLACAS SOLARES. Xogarase á pita sol, para explicar o funcionamento da enerxía solar.

4ª estación: TERRA, MAR e AIRE. Explícase neste xogo, todo o que implica a enerxía e porque é imprescindible para a vida.

5ª estación: A AUGA. Xogo con paracaídas simulando o mar, que da enerxía para por en marcha un xogo de forza e resistencia.

 

En cada actividade, rotarán todos os grupos de idade, e cantarase unha canción axeitada a cada tema. Serán cancións en galego, respectando as claves da campaña do Servizo Galego de Normalización Lingüística  "O Galego Campa 2012".

 

Por último, farase no patio de atrás de Frións unha plantación de pipas de xirasol, para concienciar aos rapaces da importancia do respecto a natureza e que vexan como, coa a axuda das enerxías que se explicaron ao longo da mañá, pode chegar a crecer unha planta.

 

Cada estación, aproximadamente, durará entre 5 e 7 minutos, co fin de ter todo rematado antes das 13.00h. Participarán os 150 nenos e nenas de 2 a 7 anos do obradoiro Xoga con Nós de Ribeira e os 30 de 3 a 7 anos de Verán Rechinán de Aguiño.




Posted via email from Certo.gl, o xornal dixital de Barbanza e Noia

Rianxo: Exaltación da Xouba este mércores 25 de xullo

Rianxo, 24 de xullo de 2012. O Santiago Apóstolo é tempo de xoubas en Rianxo. Mañá celébrase a XX Exaltación da Xouba de Rianxo. É un día adicado a un produto típico da zona que se prepara de distintas maneiras: asadas, en empanada, en escabeche, con patacas cocidas... A partir das 12.00 e ata as 18.00 horas a Praza de Castelao e o Campo de Arriba serán os escenarios onde se poderán degustar a prezos populares as racións de xouba frita con pementos e en empanada acompañadas de pan de millo e viño, así coma mexilóns ao vapor: http://bit.ly/NOYsUe.

Actos institucionais do Psoe

Por outra parte, mañá, día 25 de xullo, os socialistas celebrarán o Día de Galicia en Rianxo coa lectura dun manifesto que nesta ocasión leva o lema de “A Galicia do crecemento, do emprego e dos servizos públicos esenciais”. A Secretaria de Coordinación Institucional e Participación, a ourensana Laura Seara, asegura que a única alternativa valida para a saída da crise é “sen dúbida ningunha apostar por incentivar o crecemento, pola creación de emprego” e que mentres isto non se produza “non daremos saído da recesión na que nos meteron Rajoy e Feijoo”, rematou.

Os socialistas entenden tamén estes días como “días de reivindicación”. “Son datas simbólicas para os galegos e galegas, pero o mesmo tempo son días para poñerlle voz a esas miles de persoas que neste momento están desesperados pola situación que están a vivir”, aclarou Laura Seara.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical