6.5.10

Curiosidades: logo din que está faltando imaxinación en Hollywood

Hai un proxecto para converter as famosas letras (que están descoidadas, polo visto) nada menos que nun hotel de luxo. Miren as maquetas en http://reflectionof.me/hollywood-sign-hotel-concept

Posted via web from Certo.es, o xornal virtual de Barbanza e Noia

Infraestruturas: tachan de "prepotencia" e "escasa sensibilidade" o rexeitamento da Xunta de ampliar a estrada entre Noia e Augasantas

Os socialistas viron rexeitada hoxe na Comisión de Infraestruturas do Parlamento esta actuación que pediran en xuño de 2009

O deputado José Manuel Lage láiase de que o "rodillo do PP impida unha mellora notable das comunicacións entre os concellos de Noia, Lousame, Rois e Padrón"

Noia, 6 de maio de 2010. O viceportavoz do Grupo Parlamentario dos Socialistas de Galicia, José Manuel Lage, amosou hoxe a súa “decepción” pola “escasa sensibilidade” e “prepotencia” amosada polo PP ao rexeitar hoxe, na Comisión de Infraestruturas do Parlamento, unha Proposición non de Lei do PSdeG-PSOE para ampliar e mellorar a estrada entre Noia e Augasantas (no Concello de Rois).

Lage lamentou que o “rodillo” do PP impida aprobar esta iniciativa que instaba a “estudar a reforma e ampliación da estrada AC-308 co obxecto de mellorar a comunicación terrestre e dos concellos limítrofes”, así como para levar adiante un Plan de sinalización e mellora dos vieiros autonómicos neste concello. Acusou ao PP de “mentir” ao asegurar no debate da Comisión que a obra estaba sendo executada e que o concello estaba en contra da iniciativa.

O parlamentario socialista lembrou que no concello de Lousame están a favor de mellorar a devandita estrada e apuntou ao PP que “o próximo pleno do concello poderá escoitar as mentiras que dixeron hoxe nesta sesión” con relación a esta infraestrutura. Tamén replicou á resposta do PP, que remitía as melloras da sinalización de vieiros autonómicos a un virtual convenio posterior entre a Xunta e o concello, e lembrou que a competencia para levar a cabo estas actuacións corresponde á Xunta, advertindo que “non creo que teña que ser o concello o quen teña que levar adiante as actuacións de sinalización en estradas autonómicas”.

Lage Tuñas salientou a necesidade de reformar este vieiro e proxectar a súa ampliación “xa que é unha demanda permanente dos veciños e veciñas do concello de Lousame que utilizan asiduamente esta estrada. Considera “fundamental” a mellora destas estradas de titularidade autonómica xa que “o impulso das infraestruturas de comunicación terrestre supón un importante impulso para o citado concello e permite a conexión entre Noia e Padrón”.


Posted via email from Certo.es, o xornal virtual de Barbanza e Noia

A Pobra: o Psoe pregunta pola xuíza de paz de facto e a ausencia de nomeamentos públicos desta e do substituto

A Pobra, 6 de maio de 2010. Semella que nalgúns asuntos o tempo detense nas administracións autonómicas e locais. En agosto do ano pasado (só faltan tres meses para que faga un ano) a socialista pobrense Teresa García Guillán presentaba un escrito perante a secretaría de Goberno do Tribunal Superior de Xustiza de Galicia para que este órgano xudicial se pronunciara por unha posible incompatibilidade do novo xuíz de Paz nomeado en sesión plenaria. Os argumentos principais para que a nova xuíz de paz nomeada, Elena García e o xuíz substituto, Álvaro Viéitez Davila, non puideran  desempeñar estas funcións eran que a primeira desempeñaba funcións profesionais nun bufete, o cal non lle está permitido pola lei aos xuíces de paz, e o segundo ten unha clara cor política, ao ser reiteradas as súas manifestacións partidistas a prol do Partido Popular de A Pobra do Caramiñal.

Nove meses despois, Teresa García solicita que se informe destas cuestións directamente no pleno e se esclareza como é que non foron nomeados publicamente estes dous servidores públicos.

Posted via email from Certo.es, o xornal virtual de Barbanza e Noia

Ribeira: autoridades da comarca homenaxearon ao comandante Ramón Río no seu pase á reserva

Ribeira, 6 de maio de 2010. O club Náutico de Ribeira acubillou hoxe unha comida de homenaxe ao comandante Ramón Río Iglesias, que se despide das súas funcións como tenente coronel do escadrón de Vixiancia Aérea número 10 (EVA 10, sito nos Chans da Barbanza, no monte Iroite) polo seu pase á reserva.

    O comandante Ramón Río deu as grazas a todos os alí congregados e salientou o ben que foi recibido e o cómodo que traballou nesta bisbarra de Barbanza. Na comida entregóuselle unha placa e estiveron representadas autoridades políticas locais de toda a zona, dende Noia a Rianxo, así como autoridades militares (tenente e capitán da Garda Civil, capitán marítimo de Ribeira, comisario e ex comisario da Policía Nacional de Ribeira) e mesmo empresarios, como Ramiro Carregal, presidente de Frinsa.


Posted via email from Certo.es, o xornal virtual de Barbanza e Noia

Música: o selo ribeirense Radix Records xa ten dispoñible a súa primeira referencia

Ribeira, maio de 2010. "Temos a honra de presentarvos a primeira referencia do selo Radix Records. É dos rapaces de Donosti "Madeleine", con edición en CD Digipack". Así comeza a nota deste selo de Ribeira que coñecemos hai pouco e entrevistamos en Certo, aquí.
 

Quen son "Madeleine"?

Cinco rapaces que optaron por un camiño distinto: normalmente a xente máis moza comeza tocando hardcore/punk/metal e logo na madurez céntranse en estilos como o que eles escolleron. Sonan na liña de "God is an Astronaut" ou "Russian Circles". Podedes escoitalos en http://www.myspace.com/madeleinmusika

Canto costa o CD?

8,00€ gastos de envío incluídos. Pedidos a  radixrecords@hotmail.es


Posted via email from Certo.es, o xornal virtual de Barbanza e Noia

Música: o ribeirense Javier Ferreirós é un dos gañadores do certame "A Coruña Son" 2010


Javier Ferreirós na charla que deu sobre Bob Dylan no Ateneo Valle Inclán de Ribeira. Vía Plaza

Ribeira, 6 de maio de 2010. Acaba de fallarse o certame A Coruña Son 2010, que xa vai pola terceira edición, e un dos gañadores é o especialista en Bob Dylan da comarca, o ribeirense Javier Ferreirós. Presentou dous temas a este certame, "O que ten o verán" e "Pandora", que poden escoitar a continuación:

Prodúcese a casualidade de que Javier Ferreirós tamén é letrista doutro dos grupos que gañaron, Duplo Son. Unha das presentadas, Casa do Río, ten un comentario do propio Ferreirós que o di todo: "Temaso. Letrasa". Aquí o teñen:

O resto dos grupos gañadores son:


-Avante
-Esdrúxulas
-Batital
-Os John Deeres
-FucoXabier
-Qronopios
-Esquíos

   Estes grupos e solistas representan os diferentes estilos que están a desenvolverse hoxe en día no ámbito da canción galega, desde o pop ao Heavy, pasando pola canción de autor.

Cal é o premio de A Coruña Son?

O galardón consiste na asistencia entre o 10 e o 15 de maio a un obradoiro de composición, produción e autoedición impartido por Gastón Rodríguez, Andrés Teijeiro, Bieito Romero, Xabier Díaz, Carmen Rey e Sergio Lago. O obradoiro concluirá o sábado 15 de maio cun gran concerto de todos os grupos gañadores na sala Túnel (nos baixos do Coliseum da Coruña) ás 21:00. A entrada é libre até completar aforo.

As persoas interesadas en asistir como oíntes ao obradoiro poden inscribirse enviando un correo a acorunason10@gmail.com.

Onde escoitar a todos os grupos gañadores?

Na páxina web do certame, en http://acorunason.eu

Posted via email from Certo.es, o xornal virtual de Barbanza e Noia

Lousame: este sábado 8 de maio, teatro infantil con "Elba e Marcos e os xoguetes encantados"

O Sábado 8 de Maio, con motivo da Semana da Xuventude de Lousame, represéntase na Casa da Cultura de Lousame a obra de teatro infantil "Elba e Marcos e os xoguetes encantados". Comeza ás 11.00 h.

Posted via email from Certo.es, o xornal virtual de Barbanza e Noia

Curiosidades: tamén chove en Internet

Recoméndano para relaxarse. Vai ser que con este inverno que tivemos e a primavera mollada que está a vir por aquí, algún vaise relaxar de máis...

Posted via web from Certo.es, o xornal virtual de Barbanza e Noia

Twitter

Related Posts with Thumbnails Banner: Regale selva tropical