23.12.09

Medios: sumámonos á preocupación do Colexio de Xornalistas por esta incrible sentenza

Imprimir Enviar

SENTENZA CONTRA DANIEL ANIDO E RODOLFO IRAGO, COLEXIADO DO CPXG

O Colexio de Xornalistas expresa a súa fonda preocupación pola sentencia contra periodistas da SER e solidarízase cos afectados

[23/12/2009] A Xunta de Goberno do Colexio Profesional de Xornalistas de Galicia (CPXG) expresa a súa fonda preocupación polos argumentos empregados polo titular do xulgado do penal nº 16 de Madrid para condear ó director da SER, Daniel Anido, e ó director de informativos, Rodolfo Irago, por "revelación de segredos".

Esta Xunta de Goberno chama a atención sobre o feito de que o xuíz sinale na súa sentencia que "la protección constitucional al derecho a la información se refiere a los medios de comunicación social (televisión, radio o prensa escrita), pero debe matizarse, que Internet, no es un medio de comunicación social en sentido estricto, sino universal".

Para este colexio profesional, Internet convertiuse nun medio de comunicación máis no que tamén debe prevalecer o dereito dos cidadáns a recibiren información veraz e plural, tal e como establece a Constitución, especialmente ao tratarse, neste caso, da páxina web dun medio de comunicación. O CPXG tampouco atopa explicación a esa diferenciación entre medio de comunicación social e medio de comunicación universal. Aínda que a houbese, descoñecemos por que o segundo non debería estar protexido do mesmo xeito có primeiro.

A Xunta de Goberno do CPXG defende abertamente o dereito dos dous xornalistas a non revelaren as súas fontes. A súa negativa a facelo non implica necesariamente que a información fose obtida por mecanismos ilexítimos. Aínda que así fose, habería que demostralo.

Por último, o Colexio Profesional de Xornalistas de Galicia expresa a súa solidariedade cos galegos Daniel Anido e Rodolfo Irago, quen tamén é colexiado do CPXG, e ponse á súa disposición para facer valer os seus dereitos, que son os do conxunto da profesión xornalística.

Xunta de Goberno
Colexio Profesional de Xornalistas de Galicia

Documentos

Outras novas

[23/12/2009] No período comprendido entre o 28 de decembro ata o 8 de xaneiro, ambos os dous...-->
  • A CE critica que maioría de países, incluído España, non adopten aínda novas normas para servizos audiovisuais [22/12/2009]
  • [22/12/2009] A Comisión Europea reprendeu hoxe á maior parte de Estados membros, entre eles...-->
  • Presentada ante a autoridade laboral o acta de acordo no ERE de GPS [22/12/2009]
  • [22/12/2009] A dirección da empresa GPS presentou hoxe ante a Dirección Xeral de Traballo e Muller...-->
  • Google Books: a favor ou en contra? [15/09/2009]
  • [15/09/2009] A polémica sobre o xigante de Internet chega á UE, cuxa Comisión...-->
  • Xornalistas testemuñas da morte de Couso condenan o arquivo do caso [27/07/2009]
  • [27/07/2009] Vinte e dous xornalistas de varios países, sobre todo españois, que estaban no Hotel...-->

    Ante os ataques do executivo á liberdade en Internet no último mes, que agora o faga o poder xudicial a algúns xa non nos colle de sorpresa... Cousas veredes, amigo Sancho.

    Posted via web from Posterous de Certo, o xornal virtual de Barbanza e Noia

    Fotografía: cuestión de crenzas

    Non sabemos quen foi o fotógrafo, pero vaia ollo!

    Posted via web from Posterous de Certo, o xornal virtual de Barbanza e Noia

    Porto do Son: os comuneiros de San Pedro de Muro felicitan as Festas


     

    "Val máis unha terra con árbores nos montes que un estado con ouro nos bancos". Alfonso Daniel Rodríguez Castelao
     
    A Xunta Reitora

     
     Comunidade de Montes Veciñais en Man Común de San Pedro de Muro 
     
    http://sanpedro.blogaliza.org/              cmsampedro@yahoo.es       
     

    Posted via email from Posterous de Certo, o xornal virtual de Barbanza e Noia

    Dodro: a recuperación dos xogos tradicionais, nunha publicación

    Download now or preview on posterous
    Xogos tradicionais.pdf (974 KB)

    Curiosidades:

    1.- Na páxina 10, alguén foi a Noia e non trouxo nada

    2.- Na páxina 20, "gordo lo tengo, más lo quisiera, que entre las piernas no me cupiera" non semella galego. E tampouco unha adiviña para nenos precisamente...

    3.- Na páxina 23: a adiviña linda coa escatoloxía! Vaia rima lle sacaron a diñeiro...

    4.- Páxinas 43-44-45: os xogos das lombas noutros lugares desta bisbarra tiñan o nome de "Ovo, pico, araña". Nunca escoitáramos o de "Os Peidos".

    5.- Páxina 61: encantounos o dos estalos ou estalotes. Mentres a Digitalis só se empregue para iso, vai ben o asunto.

    Unha iniciativa que é para louvar, aínda que se detecte unha castelanización de moitas das adiviñas, que imaxinamos froito de 40 anos de ditadura dun tipo de Ferrol que renegou do arado e da lingua propia.

    Agora o paso seguinte debería ser que os nenos de Dodro lle aprendan a xogar á Nintendo Wii, ou á PlayStation, aos seus avós. A chatear por Internet xa nos consta que están aprendendo rápido.


    Posted via email from Posterous de Certo, o xornal virtual de Barbanza e Noia

    A Pobra: o PSdeG propón un pediatra a tempo completo no centro de saúde


    O PSdeG vén de rexistrar unha Proposición Non de Lei no Parlamento a través do seu deputado e Portavoz da Área Institucional, José Manuel Lage co obxecto de dotar ó centro de saúde da Pobra dun pediatra a tempo completo. 
     
    Lage Tuñas presenta esta iniciativa despois de terse reunido a pasada fin de semana co colectivo de nais e pais de A Pobra que comezaron unha recollida de sinaturas para demandar da Xunta de Galicia a cobertura a tempo completo da especialidade de pediatría no centro de saúde pobrense.
     
    O deputado do PSdeG entende que "é necesario mellorar a cobertura da área de pediatría dotando ó centro de saúde dun profesional a tempo completo. Esto permitiría tamén non saturar as consultas dos médicos de familia xa que agora se fan cargo de nenos e nenas en ausencia dun pediatra que os atenda".

    Posted via email from Posterous de Certo, o xornal virtual de Barbanza e Noia

    Política: o ribeirense Manuel Ruiz Rivas, voceiro do PP, resposta sobre lingua galega

    http://portal.ppdegalicia.com/images/stories/especiales/encuentros_digitales_rivas.png Pregunta: Teño constancia de que vostede sempre fala galego na súa comarca, ¿está cómodo coa política lingüística de Feijóo? Ramón, Boiro
    Respuesta: En primeiro lugar, amigo Ramón, gracias por darme a oportunidade a través da túa pregunta de poder saudar a todolos veciños da comarca de Barbanza e especialmente aos amigos de Boiro. Efectivamente son un galego bilingüe que cre que a lingua e un vehiculo de achegamento entre as persoas, por iso adoito utilizar a lingua en función de quen me escoita. Ante todo creo por tanto na liberdade, inda que reconozo que como deputado do parlamento de Galicia teño un deber ca nosa lingua propia. Dito eso, teño que dicirche que Feijóo o único que fio foi tratar de recuperar o consenso lingüístico, que rachou o bipartito, cando tiñamos normas que perduraron no tempo, como o deber de coñecer o galego para entrar na administración, sen que isto se traducise nunha imposición da lungua na que ti queres amosar os teus coñecementos sobre a materia da que te examines. Ou evitar situacións como que os proxectos de emprendores queden sen axudas públicas porque o proxecto que se presente non teña a mesma valoración independentmente da lingua na que se presnete Agora confío en que o novo Decreto do ensino cumpra tódalas promesas electorais
    Pregunta: Non sexa correcto de máis e responda cun sí ou non, ¿quere vostede ser alcalde de Riveira? Lois, Riveira
    Check out this website I found at ow.ly

    Posted via web from Posterous de Certo, o xornal virtual de Barbanza e Noia

    Dodro: hoxe teatro, "Os da mesa Dez", en Laíño

    O grupo "Raiola Teatro" actúa este mércores 23 de decembro no local da Asociación de Veciños de Laíño (Dodro) ás 20 horas. Representan a obra, Os da mesa dez, do arxentino Osvaldo Dragún, dentro da programación cultural artellada polo Concello e grazas á Rede Cultural da Deputación da Coruña. 

    Neste ano actuaron tamén en Rois, Ortigueira, Cariño, Vilasantar, Arzúa, Padrón e Curtis, ademais de no Colexio Calvo Sotelo e na Escola Oficial de Idiomas, ambos centros da Coruña. Neste blog poden ver algunhas das impresións despois das últimas representacións: http://raiola.blogspot.com/

    A seguires, hai un dossier con información sobre o grupo, que precisa dunhas correcións:

    Xosé:  Antonio López Rico
    María: Ana Garrote 
    Actriz 1: Lucía Ortega 
    Actriz 2: Lucía Román 
    Actor 1: Martín Concha
    Actor 2: Javier Abad

    Dirección: Carme Naveira
    Técnico de luz e son: Carlos López Grueiro.
    Músicos: Guille Antón e Alejo Artime.

    Producción: María Saavedra e Jorge Rey. 


    Download now or preview on posterous
    RAIOLA_MESA_DEZ (1).pdf (2258 KB)

    Posted via email from Posterous de Certo, o xornal virtual de Barbanza e Noia

    Twitter

    Related Posts with Thumbnails Banner: Regale selva tropical