11.3.11

Boiro: o presidente da Deputación estivo vendo a senda peonil entre Boiro e Cespón

A Deputación da Coruña investiu 126.706 euros nela

11 de marzo de 2011. O presidente da Deputación da Coruña, Salvador Fernández Moreda, realizou esta mañá unha visita ao Concello de Boiro, onde visitou as obras, xa rematadas, da nova senda peonil da DP 1106 que une Boiro e Cespón e participou no acto inaugural do Centro de Formación, Escola de Hostelería e Viveiro de Empresas do concello boirense.

Fernández Moreda, acompañado polo alcalde de Boiro, Xosé Deira Triñanes, e polo tenente de alcalde do municipio, Juan Jesús Ares, percorreu un tramo da nova senda peonil Boiro-Cespón, cun percorrido dun kilómetro, entre os pk. 2,260 e 3,220, que supuxo un investimento provincial de 126.706, 60 euros.

Segundo afirmou Salvador Fernández Moreda, a Deputación da Coruña destinou nos últimos catro anos máis de 5,5 millóns de euros para a construción deste tipo de vías peonís nos tramos máis urbanos e frecuentados por peóns dos 2.200 kilómetros de estradas provinciais, “co obxectivo de mellorar a seguridade” dos veciños.

Novos proxectos por importe de máis de 460.000 euros

Neste sentido, Fernández Moreda anunciou que a Deputación xa ten redactados os proxectos para a construción de dúas novas sendas peonís de dous metros de anchura en Moimenta e Comoxo, que terán respectivamente 700 e 810 metros de lonxitude, e que contan cun orzamento de 273.983, 84 euros.

O presidente da Deputación da Coruña anunciou ademáis a próxima licitación das obras de ensanche e e mellora da estrada de Triñanes (DP 1101 de Triñanes á Ponte de San Francisco), cun orzamento de 186.641,12 euros, e que contemplan o ensanchamento da estrada ata os seis metros, con dous carrís de 3 metros en cada sentido de circulación.

O alcalde de Boiro, Xosé Deira, agradeceu á Deputación a resposta aos nosos requeriementos e considerou que, coa finalización das obras desta senda peonil, complétase o investimento realizado pola institución na estrada Boiro-Cespón, tamén de titularidade provincial.

Posted via email from Certo.gl, o xornal dixital de Barbanza e Noia

Arqueoloxía: charla sobre os Castros de Neixón (Boiro) en Ourense

<embed width="640" height="476" flashvars="playlistfile=http://tv.uvigo.es/gl/video/playlist/33549.xml&http.startparam=start&repeat=list&provider=http&autostart=true&stretching=uniform" wmode="opaque" allowscriptaccess="always" allowfullscreen="true" quality="high" name="player33549" id="player33549" style="" src="http://tv.uvigo.es/swf/player.swf" type="application/x-shockwave-flash">
Impartida en Ourense en 2010. "Os castros de Neixón: Paisaxe, sociedade e territorio ó longo da Idade de Ferro", por Xurxo Ayán, director das escavacións en Cespón dende 2003 a 2008.

Vía Universidade de Vigo TV

Posted via email from Certo.gl, o xornal dixital de Barbanza e Noia

Ribeira: o alcaldable polo PP organiza mañá un acto público de precampaña en Aguiño

Proxecto Riveira destino turístico.doc Download this file


Ribeira, 11 de marzo de 2011. O porto de Aguiño será escenario mañá da actividade “Dúas horas con Manolo Ruiz”, unha iniciativa concibida co afán de que os veciños e veciñas que así o desexen poidan conversar, realizar preguntas e plantexar propostas persoalmente ao candidato polo Partido Popular, segundo informa o gabinete de prensa do PP local. Con dúas horas de duración, esta acción terá lugar entre as 18 e as 20 horas diante da sede da Confraría de Pescadores.  

No transcurso desta actividade, haberá un área habilitada con inchables, pista de baloncesto, futbolín, zona de aerobic e outros deportes e afeccións para disfrute dos veciños de todas as idades.

Reunión sectorial: turismo

Por outra banda, hostaleiros e restauradores, responsables de axencias de viaxe, empresarios de transportes, xestores de hoteis e de cámpings e representantes doutros sectores afíns xa confirmaron a súa presenza, mañá sábado a partir das 12 do mediodía, no acto de presentación de "Ribeira, destino turístico", un traballo no que se delimitan as principais liñas de actuación que contempla o candidato á Alcaldía do PP, no seu plan sectorial de turismo. 

Coa xuntanza de mañá, Ruiz Rivas pretende expoñer o seu plan de actuación ante os colectivos que son precisamente os máis implicados no desenvolvemento turístico de Ribeira, pero tamén escoitar as suxestións e ideas que lle formulen estes profesionais, a fin de ser tidas en conta para a súa acción de goberno, no caso de que os ribeirenses lle deran a opción cos seus votos. O acto terá lugar na sede do Partido Popular local, sita na rúa Pérez Galdós, número 14, entreplanta. 

Posted via email from Certo.gl, o xornal dixital de Barbanza e Noia

Ribeira: o Bng denuncia a "actitude chulesca e prepotente" do alcaldable do PP, "que emprega o Concello como gancho para as súas promesas"

Brin


Ribeira, 11 de marzo de 2011.
A alcaldable nacionalista de Ribeira, Dominga Brión, vén de denunciar no seu blog a "actitude prepotente e chulesca" do alcaldable do PP, Manuel Ruiz Rivas, a quen acusa de empregar o Concello de Ribeira "como gancho para as súas promesas electorais".

Segundo comenta Dominga Brión, "en varias reunións cos veciños e veciñas de diferentes lugares e parroquias do concello, o candidato, que nin sequera é membro da Corporación Municipal, adicouse a anunciar diversas obras e actuacións municipais, mesmo con afirmacións do tipo: “xa está o proxecto feito” ou “xa temos unha partida económica para facelo”. Arróxase, deste xeito, unha representatividade que non ten concedida pola vontade popular nas pasadas eleccións municipais e eríxese, ademais, en falso representante das veciñas e veciños de Ribeira por enriba, e para a súa vergoña en caso de ser consentidor, do actual Alcalde que aínda o é".

Desde o BNG denuncian tamén que nestas reunións “de intoxicación preelectoral masiva” aparezan membros (autorizados?) do actual Goberno Municipal "amparando e dando cobertura ás falsas promesas do candidato así como o uso dos traballadores municipais para o adecentamento dos lugares que, cal visita imperial, realiza o candidato: até 14 xardineiros/as se puideron ver hoxe pola mañá limpando os xardíns do porto de Aguiño".

Pretenden perpetuar un réxime

Do mesmo xeito, continúa a nacionalista, "resulta cando menos sospeitoso que a empresa encargada do alumeado público sexa a mesma que se encarga de colocar as pancartas do PP. O BNG de Ribeira quere poñer en evidencia a escasa calidade ética e democrática que agochan estas actuacións tanto do candidato como do actual goberno municipal. Actuacións que por outra parte demostran que, lonxe de ofrecer á cidadanía unha alternativa para as vindeiras eleccións municipais, o que se pretende é perpetuar un réxime. Réxime que, polo demais, é o principal responsable da actual situación do noso Concello".

Posted via email from Certo.gl, o xornal dixital de Barbanza e Noia

A Pobra do Caramiñal: o conselleiro de Medio Rural visitou obras do seu departamento

A Xunta destinou a obras de abastecemento, saneamento e pavimentación preto de 290 mil euros e ten previsto acometer en breve novas actuacións relacionadas tamén coa mellora de infraestruturas viarias e saneamento
Media_httpfarm6static_cbqjz

A Pobra ten costa, pero tamén hai moito terreo rural

A Pobra, 11 de marzo de 2011.- O conselleiro do Medio Rural, Samuel Juárez, desprazouse este mediodía ata o municipio da Pobra do Caramiñal para visitar sobre o terreo diferentes investimentos realizados polo seu departamento en infraestruturas rurais neste concello e avanzar novas actuacións previstas, tamén relacionadas coa mellora de viais e saneamento.

O titular de Medio Rural, que estivo acompañado polo director xeral de Desenvolvemento Rural, Antonio Crespo Iglesias, e polo alcalde da localidade, Isaac Maceiras, coñeceu as obras de abastecemento, saneamento e pavimentación en Vilariño de Arriba e pavimentación en Portocarro-Ponte Barbanza, así como a actuación de abastecemento, saneamento e pluviais no lugar do Pozo.

As intervencións neste municipio da comarca da Barbanza, que se enmarcan nos diferentes plans que está a impulsar o departamento que dirixe Samuel Juárez para a mellora xeral das infraestruturas e servizos no medio rural galego, supuxeron un investimento total de preto de 290 mil euros.

Novas iniciativas
Ademais destas obras, a Consellería do Medio Rural ten previsto executar en breve prazo novas iniciativas relacionadas tamén coa mellora das infraestruturas viarias e o saneamento.

Trátase, en primeiro lugar, da pavimentación e acceso a Campo de Angustia, obra que vai desde a estrada AC-305 (saída da autovía) ata este Campo, e que consiste no ancheado do vial con asfaltado en quente, así como na limpeza das súas marxes.

Ademais, levarase a cabo a pavimentación do contorno da Tomada e o saneamento no vial O Campo-Xunqueiras, que contempla tamén a recollida de pluviais e a execución de gabias a todo o ancho do camiño. Por último, unha vez rematado o saneamento na zona, pavimentarase dende a estrada AC-305 á Praia da Mercé con asfaltado e recollida de pluviais, adecentando tamén os accesos ao areal.

Posted via email from Certo.gl, o xornal dixital de Barbanza e Noia

Ribeira: o Psoe local presentou a súa candidatura para o 22 de maio

Os socialistas ribeirenses comprométense a darlle un xiro á “situación de letargo que existe en la ciudad"
Media_httpfarm6static_pzqdz

Ribeira, 11 de marzo de 2011. A candidatura liderada por Andrés Fariña para a alcaldía de Ribeira o 22 de maio próximo presentouse esta tarde de xeito oficial. Na sede da agrupación socialista local, o alcaldable Fariña comprometeuse "a darle un giro a la situación de letargo que existe en la ciudad".
“Nos presentamos con propuestas progresistas y no conformistas, con la premisa de defender los intereses colectivos y recuperar todos los proyectos bloqueados durante los últimos años”, asegurou Andrés Fariña. Xunto ao cabeza de lista, nado en Ribeira en 1957, figuran Encarna Romero, Francisco Mareque, José Manuel Vilas e María Dolores Fernández Guillán nos cinco primeiros postos da candidatura.
Media_httpfarm6static_cqewh

“Es una lista con formación, vocación social y una elevada capacidad de servicio a la ciudadanía, garantizamos una acción de gobierno basada en proyectos concretos, nunca en ocurrencias”, engadiu o alcaldable socialista. A candidatura conta con numerosas facianas novas e a súa media de idade sitúase entre 35 e 50 anos. Os socialistas din que van traballar co obxectivo de cambiar o estilo da Centenaria, pois "Ribeira tiene un atraso considerable como consecuencia de políticas que han sido un engaño para la ciudadanía, por lo que consideramos imprescindible la puesta en marcha de medidas eficaces en materia portuaria, empresarial, económica, de saneamiento y cultural”. O cabeza de lista dos socialistas de Ribeira lembrou as queixas de diferentes colectivos locais sobre a escaseza de transparencia na xestión municipal, "una situación que la candidatura de Fariña modificará si los ciudadanos nos dan su confianza". Tamén se referiu aos laios dos colectivos de mozos, que expresaron as dificultades para o uso de recursos municipais.

Ricardo Fernández vai como sexto na lista, ao que seguen María Gude, Antonio Piñeiro, Narciso Coira, Dolores Gómez, José Ventura, Pilar Dios, Delia García, David Mosquera, Juana Casais, José Manuel Martínez, Julia Noya, Adrián Romay, Sonia Abeijón, Dolores Ayuso e Manuel García.

Posted via email from Certo.gl, o xornal dixital de Barbanza e Noia

Dodro: actividades da Primavera Cultural, do 12 de marzo ao 8 de abril

Inclúe charlas arqueolóxicas e presentacións de libros

Dodro, 11 de marzo de 2011. O Concello de Dodro vén de publicar as actividades previstas para esta primavera, dentro do programa "Primavera cultural". Son as que seguen:

SÁBADO, 12 de marzo ás 17 horas,  inauguración das pistas polideportivas en Bexo.

SÁBADO, 12 de marzo ás 20,00 horas LOCAL SOCIAL “O MONTIÑO”: Homenaxe a Avelino Abuín de Tembra

Representación de «Os vellos non deben namorarse» polo grupo de teatro Airiños de Asados. Actuación musical de Xosé e Maruxa de Os Rosales e intervención de Anxo Angueira.

LUNS 14 de marzo ás 17,15 horas LOCAL SOCIOCULTURAL IMO (antiga unitaria), comeza o ciclo de charlas : “O patrimonio de Dodro: hórreos, cruceiros, reloxos de sol e pombais”, coa arqueóloga Beatriz Pereiras

MÉRCORES, 16 de marzo ás 16 horas ESCOLA UNITARIA DE DODRO, a mesma charla anterior.

VENRES, 18 de marzo ás 20 horas CASA DO REGADÍO

Presentación do libro sobre TOPONIMIA DE DODRO E DE LAÍÑO. Autor: Manuel Lorenzo Baleirón

As 18.00 en Lestrobe, obradoiro de debuxo con Fran Bueno para o público xuvenil

MÉRCORES, 23 de marzo ás19,30 horas CASA DO REGADÍO, charla arqueolóxica de novo.

VENRES, 8 de abril ás 20 horas CASA DO REGADÍO

Presentación do libro de poemas gañador da XXIII edición do Premio de Poesía Eusebio Lorenzo Baleirón co autor Luis Valle.

Posted via email from Certo.gl, o xornal dixital de Barbanza e Noia

Boiro: inaugurado o viveiro de empresas e centro de formación da Espiñeira

Boiro, 11 de marzo de 2011. O delegado do Goberno, Antón Louro, acudiu esta mañá a Boiro para a inauguración oficial do viveiro de empresas e centro de formación ubicados no polígono da Espiñeira.

Antón Louro salientou que esta actuación conlevou o único galardón para un municipio galego a Boiro como "Ciudad de la Ciencia y la Innovación", e valorou a aposta do equipo de goberno (Bng e Psoe) polo "fomento do emrego, a formación e a competitividade". No seu discurso o delegado lembrou que para construír o viveiro de empresas empregáronse Fondos Locais do Goberno de España (1.371.882 euros), que xestionou o Ministerio de Política Territorial. Construír o edificio supuxo case un millón de euros do primeiro Fondo Estatal de Inversión Local (Feil) do 2009, aos que houbo que engadir 378.000 euros da segunda fase, que se financiou dende o Fondo Estatal para o Emprego e a Sostibilidade (FEESL) do 2010. Ambos fondos permitiron levar adiante nove proxectos en Boiro e contratar a 139 persoas cun orzamento que superou os 5,4 millóns de euros.
                       
.- Nave industrial para obradoiros e almacéns de oficio dos servizos municipais.
- Nave destinada a centro de formación e viveiro.
- Proxecto para dotacións deportivas, aparcadoiros e outros usos.
- Segunda fase centro formación e viveiro.
- Segunda fase dotacións deportivas e aparcadoiro.
- Pistas polideportivas descubertas en Barraña.
- Alumeado da zona deportiva.
- Adecuación e mellora do edificio municipal para Emerxencias.

Posted via email from Certo.gl, o xornal dixital de Barbanza e Noia

Noia e Porto do Son: o Psoe di que a Xunta paraliza unha inversión de sete millóns de euros en seguridade viaria

Lage Tuñas denuncia que o goberno de Feijóo "leva dous anos sen executar unha obra prevista nos orzamentos da Xunta e que supón unha importante inversión para estes dous concellos"
Media_httpfarm3static_gkcpx

Noia, 11 de marzo de 2011. O Portavoz da Área Institucional do PSdeG-PSOE, Jose Manuel Lage Tuñas rexistrou hoxe no parlamento de Galicia unha nova iniciativa co obxecto de coñecer os motivos polos que o goberno galego non executa a obra de acondicionamento e mellora da estrada AC-550 entre Noia-Taramancos e Porto do Son (A Coruña), tal e como contemplaron os orzamentos da Xunta de Gaicia que reservaban máis de 7 millóns de euros para esta actuación de seguridade vial.

Lage Tuñas denuncia “a paralización dunha importante inversión de sete millóns de euros para Noia e Porto do Son” e explica que “a ausencia de explicacións por parte do goberno galego está sendo a tónica habitual”.

O deputado noiés do PSdeG-PSOE recorda que “durante o ano 2010 o conselleiro Hernández respondeu con evasivas ás miñas preguntas sobre este tema, sen dar ningunha explicación sobre a paralización desta inversión, por iso será bo que se produza un debate sobre este importante investimento”.

Lage Tuñas dixo que “a mellora da seguridade vial nas estradas de titularidade autonómica forma parte das preocupacións constantes dos socialistas galegos, co obxectivo de reducir a siniestralidade e adecentar e mellorar diferentes tramos da rede viaria pública. E con este fin foi concebido un proxecto que xa foi elaborado no ano 2008 e que agora non sabemos porque está paralizado”.

Na comarca de Noia a Xunta de Galicia ten contemplado nos seus orzamentos unha importante actuación viaria denominada Mellora e Acondicionamento da AC-550 entre Noia, Taramancos (Noia) e Porto do Son, tal e como reflexan as memorias orzamentarias autonómicas dos últimos anos”, explica Lage, quen lembra que “a obra de acondicionamento e mellora do vial que une Noia con Porto do Son contemplaba unha inversión de 7,4 millóns de euros tendo como obxectivo fundamental a mellora do firme, a dotación de equipamentos de seguridade, a mellora de beirarrúas e unha boa sinalización nos diferentes núcleos de poboación polos que discorre a AC-550.

O parlamentario socialista denuncia que “durante o ano 2009 o goberno galego non executou a citada obra, e durante o ano 2010 tampouco comezaron os traballos da citada mellora na seguridade viaria. En 2011 seguimos sin noticias, non sabemos porque está paralizada a inversión” e engadiu que “os socialistas galegos entendemos que é necesario coñecer os motivos polos que o goberno galego non executa a obra de acondicionamento e mellora da estrada AC-550 entre Noia-Taramancos e Porto do Son (A Coruña), tal e como contemplan os orzamentos da Xunta de Gaicia que reservaban máis de 7 millóns de euros para esta actuación de seguridade viaria.”

Os socialistas galegos estamos interesados en que se fagan inversións na comarca de Noia e se mellore a seguridade viaria e entendemos que de non executarse a obra a Xunta de Galicia debería dar a coñecer os motivos polos que ten paralizada esta actuación viaria”, explica José Manuel Lage.

A falta de información existente ao respecto é alarmante, e unha vez máis un dos múltiples proxectos anunciados polos responsables do goberno galego queda paralizada sin que se poida coñecer os motivos polos que non se executa esta obra.”

Lage_tuas-tribuna_parlamento-o

61997-INT Acondicionamento e mellora da estrada AC-550.pdf Download this file

Posted via email from Certo.gl, o xornal dixital de Barbanza e Noia

Ribeira: este sábado 12, charla sobre "Os dereitos dos traballadores autónomos"

Cartel-mini

Media_httpfarm6static_svjem

Ribeira, 11 de marzo de 2011. Este sábado 12 de marzo, de 19:30 a 22:30, na 

rúa do Mendiño, 2 B - Edificio Promiventa, portal 5 B Entpta. (Sede do Partido Socialista de Ribeira) hai unha charla informativa co título "Os dereitos dos traballadores autónomos".

Relación de temas da charla:

- Presentación de UPTA-GALICIA.

- O Estatuto do Traballo Autónomo.

- A prestación por cese de actividade.

- Traballo autónomo economicamente dependente.

- Turno de preguntas

Posted via email from Certo.gl, o xornal dixital de Barbanza e Noia

Noia: o Bng considera "falto de ideas" ao equipo de goberno polo do campo de céspede artificial

Cualifican esta dotación como "dispendio económico"
Media_httpfarm5static_fbzdy

Noia, 11 de marzo de 2011. O convenio asinado entre a Deputación de A Coruña e o Concello de Noia para dotar ao municipio dun campo de fútbol de herba artificial "vaise converter nun dispendio económico inxustificado, o que popularmente se coñece polo
dito de “vestir un santo para espir outro”, segundo manifestou hoxe o alcaldable polo Bng noiés, Bieito González.

"Inicialmente tal intervención estaba pensada para a construción dun novo recinto con herba sintética, xa que o actual Estadio Municipal de San Lázaro conta, a maiores do campo de fútbol, cunhas instalacións de atletismo que son incompatibles coa presencia da herba artificial, xa que automaticamente isto representaría a perda de homologación de tales instalacións", continúa o nacionalista, quen asegura que "sobre o manto artificial xa non se podería practicar toda unha serie de disciplinas de atletismo, como por exemplo o lanzamento de xavelina, ou mesmo o lanzamento de pesos. Hai que lembrar que a construción destas instalacións de atletismo foron, no seu día, financiadas pola mesma Deputación, e acadaron a contía de 600.000 euros".

Lugar alternativo

Para o Bng noiés, "un grupo de goberno responsable tiña que ter dirixidos os seus esforzos á procura dun lugar alternativo para a construción deste novo equipamento
deportivo, e non ir ao fácil, substituíndo a herba natural por outra artificial, polo mero feito de dicir que non se perde a contía da subvención, condenando a un segmento importante da poboación amante da práctica do atletismo a non poder exercitala, e o que é peor, deixar Noia sen unhas instalacións de atletismo onde se poidan realizar competicións de carácter oficial".

Relacionada:


Campo de césped artificial en San Lázaro: 250.000 euros da Deputación


Podería interesarlle:


Programa cultural de marzo: todas as datas e actividades


Feira do comercio: 11, 12 e 13 de marzo

Posted via email from Certo.gl, o xornal dixital de Barbanza e Noia

Boiro: doazón dun cadro da Virxe do Sagrado Corazón en Lampón


Boiro, 11 de marzo de 2011. Un grupo de Cofrades de Nosa Señora do Sagrado Corazón, protectora da sección de Santiago de Lampón de Escarabote, doaron un cadro da Virxe con esta advocación durante a celebración da vixilia da Adoración Nocturna.

O cadro foi recibido, e agradeceuno moito, o presidente da Adoración Nocturna e o párroco de Santiago de Lampón, Marcelino Sánchez.



Os cofrades pousaron co cadro da súa protectora
  

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical