8.7.11

Rianxo: o PP denuncia o desleixo das praias das Cunchas e o Porrón en plena campaña turística

Rianxo, 8 de xullo de 2011. O PP denuncia e amosa con fotos o desleixo no que se atopan as praias de O Porrón e As Cunchas "que a dous días da segunda fin de semana de xullo, seguen sen limpar nen acondicionar, a pesares de que o señor alcalde fai uns días saíu en prensa dicindo que contratara unha brigada de limpeza para dar solución a estas necesidades".

Como se pode observar nas numerosas imaxes con que o PP ilustra a súa denuncia, a area está chea de lixo, "e a pouca que limparon tirárona a un lado xunto á praia", a praia semella un prado con matos de algas que trae o mar e que levan días sen limpar, a pasarela está tapada con area e onde non está hai herbas, ademais de que as boias de seguridade para que embarcacións non se aproximen á orela e os bañistas estean seguros están amontoadas ao pé da entrada da praia...

"É triste que unhas praias tan coñecidas e que incluso tiveron bandeira azul estean nestas condicións. E máis triste aínda que o partido que antes defendía o adecentamento das praias como xeito de conseguir para Rianxo turismo e dar servizos decentes ao pobo, ao estar gobernando se esqueza de todas estas necesidades", conclúen fontes do PP.

 

 


Posted via email from Certo.gl, o xornal dixital de Barbanza e Noia

Deportes: recepción ao Atlético Riveira no Concello tras gañar a Copa do Sar

  • É a primeira vez que este equipo gaña este trofeo
Ribeira, 8 de xullo de 2011. O alcalde de Ribeira, Manuel Ruiz Rivas, recibiu na tarde de onte no Salón de Plenos da Casa Consistorial á directiva, corpo técnico e xogadores do Atlético Riveira, que veñen de conquistar a Copa do Sar por primeira vez na súa historia, en partido disputado o pasado domingo en San Lázaro contra o Lamela. Os integrantes do equipo futbolístico quixeron ofrecer o trofeo en acto oficial ao alcalde como representante de todos os cidadáns do concello. 

O presidente do club, Alberto Villaverde foi o primeiro en intervir. Tras recordar que facía pouco que o equipo fora recibido nese mesmo solemne espazo (foi o 13 de maio, con motivo da subida a primeira autonómica, en que os recibiu Torres Colomer) Villaverde tivo palabras de alabanza para os preto de mil siareiros que acudiron a San Lázaro, para os seus xogadores e corpo técnico e tamén para a propia cidade: “Sempre  representaremos a Riveira por todos os rincóns e lugares que visitemos –manifestou-, facendo o posible para conquerir os mellores logros para a cidade e a entidade”. 

Ricardo Villaverde tamén recordou o pasado de Ruiz Rivas como xogador e adestrador da entidade que el preside e felicitouno polo labor que está realizando á fronte do Concello dende que tomou posesión. 

Pola súa parte, o rexedor riveirense, quen tamén lembrou que case vinte anos da súa vida os pasou no Atlético Riveira, declarou que “un resultado como este pode cambiar a faciana dun pobo”. Así mesmo, Ruiz Rivas dixo que o fútbol ten que recuperar o potencial que lle corresponde e que o feito de poder acudir dúas veces ao Salón de Plenos en practicamente dous meses é síntoma de que se están facendo as cousas ben. “Non me cabe a menor dúbida de que dentro dun ano estaremos de novo aquí”, concluíu. 

Antes de rematar o acto oficial aínda falaría José López (“o mellor embaixador do equipo” en palabras de Ricardo Villaverde) e  ao final os integrantes do Atlético Riveira doaron ao alcalde unha camisola do club e unha placa conmemorativa.

Antes, en Certo:

foto

 


Posted via email from Certo.gl, o xornal dixital de Barbanza e Noia

A Pobra: o I Festival "Amigos da Música" será o vindeiro venres 15 de xullo

Noia: imparten clases de tango arxentino e bailes de salón de xeito intensivo este verán

A Pobra: a artista brasileira Di Carvalho expón na Casa Mariñeira

Exposicion_dscf5220

A Pobra do Caramiñal, 8 de xullo de 2011. Na casa Mariñeira do Parque do Castelo da Pobra do Caramiñal, está exposta o público unha exposición de pinturas de Raquel di Carvalho, en horario de martes a domingo de 12:00 a 14:00 h e de 18:00 a 20:00h.

Raquel di Carvalho, artista plástica, vén desenvolvendo o seu traballo paso a paso , no mundo das artes. Brasileira de orixe, Di Carvalho chegou a España hai 5 anos, e estableceuse en Galicia desde 2008. A pintura é a súa paixón. Tanto a súa técnica como os seus motivos pictóricos foron evolucionando a o longo dos 17 anos da súa traxectoria profesional, onde colleitou premios e realizou exposicións en Brasil e España. É mestra desde hai 15 anos, despois de diplomarse en Belas Artes no seu país. Artista polifacética na pintura e na formación de alumnos/as, intenta recuperar a esencia da arte nos tempos actuais.

En canto ao contido da súa obra, Di Carvalho non pode esquencer as súas raíces, onde retrata costumes, paixases, e persoas cercanas representadas de forma nostálxica. Outro tema do seu traballo son “Os camiños do camino”, paisaxes do Camiño francés na súa experiencia como peregrina. E por último, o principal de todos, a serie de cadros que expresa a visión da vida a través dos ollos dun neno. Chámase “Amén mi mundo es otro”. Esa mesma visión que impregna sentimentos de total entrega, ausente de prexuízos, críticas, cinismo e crueldade, que adquirimos no percorrido da nosa existencia. Pódese dicir que esta serie é un reflexo da súa calidade humana.

Posted via email from Certo.gl, o xornal dixital de Barbanza e Noia

Rianxo: o I Curso de Saxofón, do 16 ao 18 de agosto

Rianxo, 8 de xullo de 2011. A Escola de Música de Rianxo vai organizar os días 16, 17 e 18 de agosto o seu I Curso de Saxofón impartido polo mestre Adrián Pais Abuín. Máis información no cartaz adxunto.

Pode que tamén lle interese:

Ribeira: este sábado 9 de xullo, concerto de saxo na igrexa de Sta Uxía


Pre-Guadalupe: festa Coju e póker, o 8 e 9 de xullo


Concertos fin de semana en Rianxo: venres 8 e sábado 9


Curso_i_saxofon_a3

curso I saxofon A3.pdf Download this file

Posted via email from Certo.gl, o xornal dixital de Barbanza e Noia

Sanidade: a Plataforma en Defensa da Sanidade Pública de Barbanza reuniuse co alcalde de Boiro

Media_httpfarm3static_jbpmg

Imaxe de arquivo de integrantes da Plataforma entregando sinaturas na Xunta

Boiro, 8 de xullo de 2011. A Plataforma en Defensa da Sanidade Pública da Comarca da Barbanza reuniuse hoxe, venres 8, co alcalde de Boiro. A Plataforma ten solicitada unha recunión con cada un dos alcaldes da zona (Boiro, Pobra, Porto do Son, Ribeira), e foi o de Boiro o primeiro en citalos.

Na reunión, a que asistiron tres representantes da plataforma, o alcalde a a concelleira de Sanidade, espuxéronlle as preocupacións da Plataforma polas distintas iniciativas privatizadoras da sanidade pública e a situación actual do servizo de diálise do Barbanza.

Charla coloquio o xoves 14 na Pobra

Tamén se lle invitou ao alcalde e a todos aqueles interesados a acudir á charla-coloquio  que terá lugar o próximo xoves día 14, ás 20.30 horas, no salón de actos do ISM da Pobra, sobre iniciativas privatizadoras na sanidade pública. Falarán: Manuel Martín , voceiro de SOS Sanidade Pública, co tema : ¿É posible manter o sistema sanitario público en Galicia? ¿Qué estratexias utiliza a Xunta para privatizalo? e Marian Rodríguez, pola plataforma en defensa da sanidade pública da comarca da Barbanza, co tema : Intento de privatización do servizo de diálise no Hospital da Barbanza.

Posted via email from Certo.gl, o xornal dixital de Barbanza e Noia

Ribeira: reclaman a solución das verteduras do polígono do Couso, que matan semente de bivalvos

  • Marisol Soneira presenta unha serie de iniciativas parlamentarias para solucionar os prexuízos das verteduras ás empresas acuícolas
Media_httpfarm5static_nsbtu

Zona de Punta Couso

Ribeira, 86 de xullo de 2011. A portavoz de Pesca do Grupo Parlamentario dos Socialistas de Galicia, Marisol Soneira, reclamou á Xunta que solucione os problemas de verteduras das empresas do Polígono do Couso que están a destruír a semente de bivalvos e a produción das empresas acuícolas afincadas nesa costa. Así o fixo a través dunha serie de iniciativas que serán debatidas no Parlamento de Galicia. 

Soneira sinala que as carencias medioambientais do polígono provocan que as empresas vertan directamente ao mar con “consecuencias tan importantes para algunhas das actividades que alí se desenvolven”. Esta situación, sinala, “mesmo ten levado ao peche de algún dos proxectos mais innovadores e interesantes para o sector marisqueiro, como é a produción de semente de bivalvos para os bancos marisqueiros”. 

As verteduras, engade, tamén prexudican aos bancos naturais próximos ao encrave, “con incidencia moi forte como é o caso de Aguiño, ou a presenza de empresas acuícolas na zona que dependen da calidade das augas para sobrevivir”. 

Parquistas de Carril 

A parlamentaria socialista sinala que esta contaminación afecta especialmente ao proxecto empresarial de produción de semente de bivalvos posto en marcha no Concello de Ribeira polos parquistas de Carril e que se atopa coa “desidia e falla de compromiso da Xunta” que provoca “serios problemas de viabilidade” tanto pola falla de apoio financeiro como polo desleixo diante da contaminación. 

Sinala que estas iniciativas “tentan responder a unha necesidade evidente e tamén poden significar a resposta galega á produción de semente de bivalvos en calidade e cantidade” suficientes para o mercado interior e pala exportación. Estas experiencias contrastan coas “promocionadas e financiadas pola administración que, a pesar da propaganda oficial, non parece que dean respostas axeitadas ás demandas do sector”. 

Por este motivo pregunta á Xunta polas súas avaliacións das necesidades de semente de bivalvos nos parques e concesións marisqueiras, así como a súa valoración e as medidas de apoio postas en marcha para o proxecto empresarial posto en marcha polos parquistas de Carril.

14 PNC contaminacion poligono couso ribeira 040711 MARISOL 66744-asinado.pdf Download this file

30 POC semente bivalvos ampromar 040711 MARISOL 66741-asinado.pdf Download this file

Posted via email from Certo.gl, o xornal dixital de Barbanza e Noia

A Pobra: o Curro das Cañizadas é este domingo 10 de xullo, coa tradicional rapa e carreiras de cabalos

Curro_001

A Pobra do Caramiñal, 8 de xullo de 2011. O tradicional Curro da Barbanza, tamén coñecido como Curro das Canizadas, terá lugar este domingo 10 de xullo. Presentárono esta mañá no Concello.

O programa é o que segue:

10:30 h Encerro de animais “O Curro”

          Xantar Campeiro á sombra dunha carpa

Despois de xantar

RAPA E MARCA DAS BESTAS

18:30 h. MONTA SALVAXE CAMPO A TRAVES

             1º premio……………………………..50 € + trofeo

             2º premio……………………………..30 + trofeo

             3º premio……………………………..20 € + trofeo

19:00 h CARREIRA DE CABALOS DE RAZA LIBRE

                 1º PREMIO………………………..90 € + TROFEO

                 2º PREMIO………………………..60 € + TROFEO

                 3º PREMIO………………………..30 € + TROFEO

20:00 h CARREIRA DE CABALOS DO PAIS

                   1º PREMIO……………………..90 € + TROFEO

                  2º PREMIO……………………..60 € + TROFEO

                  3º PREMIO……………………..30 € + TROFEO

Seguidamente SORTEO das rifas dun CABALO e un PORCO  e despois entrega de premios. Todos os participantes nas carreiras hípicas deberán anotarse con 1 hora de antelación e debe haber un mínimo de 4 participantes por carreira.

Trofeos doados por institucións (Xunta e varios concellos), tendas e os comuneiros de montes de Postmarcos.

Posted via email from Certo.gl, o xornal dixital de Barbanza e Noia

Ribeira: este sábado, mostra de música tradicional no auditorio con cinco grupos folclóricos locais

Cartel_mostra_musica_tradicona

Ribeira, 8 de xullo de 2011. Organizada pola Concellería de Cultura, mañá sábado 9 de xullo, o auditorio acubillará ás 20.30 horas á celebración da Mostra de Música Tradicional de Ribeira. 

Cinco grupos participarán na actividade: o Grupo Tradicional Tahume de Olveira (que figurará coas seccións infantil e adulto), O Rueiro dos Fillos de Palmeira, o Grupo de Gaitas O Pichote de Palmeira, O Grupo de Pandereteiras Tanxedoira de Palmeira e o Grupo de Canto A Gandaina de Palmeira. 

A Mostra durará  en torno a unha hora e media e incluirá tres pezas infantís de Tahume, 5 pezas do Rueiro, 2 pezas do Pichote, 2 de Tanxedoira, 2 dos cantareiros da Gandaina e 3 de Tahume adultos.  

Entrada gratuíta

O acceso é de balde ata encher aforo. As entradas poderán ser retiradas media hora antes de comezar o espectáculo.  

Ao remate do mesmo, a concelleira de Cultura, Elvira Pisos, agasallará a cada grupo participante cunha figura conmemorativa da Mostra para agradecer a súa participación.


O mesmo día en Ribeira:


Festa da Dorna: derradeira asemblea, este sábado 9 de xullo


Concerto de saxo: este sábado 9 de xullo na igrexa de Sta Uxía

Arousa Norte: este sábado, xornada por un litoral sostible

Posted via email from Certo.gl, o xornal dixital de Barbanza e Noia

Ribeira: unha ducia de mozos interesáronse pola futura Lei de Xuventude de Galicia

  • A maioría representaban a asociacións da cidade
Ribeira, 8 de xullo de 2011. Unha ducia de mozos e mozas ribeirenses déronse cita, tanto a título particular como en representación de asociacións xuvenís do municipio, no auditorio para coñecer de primeira man o contido do borrador de anteproxecto da Lei de Xuventude de Galicia: un texto en que está traballando actualmente a Dirección Xeral de Xuventude e Voluntariado da Xunta e para cuxa elaboración desexa contar coas propostas e suxestións dos propios xóvenes. 

Con tal motivo, un técnico desprazouse onte pola tarde á devandita instalación municipal e lles explicou aos presentes por espazo de algo máis de media hora os obxectivos e liñas xerais presentará o texto, do que destacou o seu carácter integrador e transversal das políticas xuvenís e a súa vocación de impulsar o asociacionismo e a participación directa dos mozos e mozas. 

Ademais, animou aos partipantes a facer as súas propostas a través da web  www.xuventude.net, con prazo ata o próximo día 15 de xullo. 

No acto, que finalizou cunha quenda de preguntas, estivo presente a concelleira de Xuventude e Igualdade, Aroa Fernández, así como o técnico municipal Mario Vidal.

 


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical