Barbanza, por Certo: 26/03/08

26.3.08

Pedro Almodóvar Blog

Pedro Almodóvar Blog

Aínda que non es do Barbanza, benvido á blogosfera. Xa eran horas, non?

Blogged with the Flock Browser

O venres, en Noia, no Noela

Título: Non é tan fácil
Compañía: Malasombra
Clasificación: Teatro adultos / Comedia

Duración: 1 h 25 min
Público: Adulto

Blogged with the Flock Browser

Lesende Campións

Cadetes do Lesende, campións

Data de publicación:26/03/2008 19:37:0
0Departamento:Deportes

O pasado domingo, 2 de marzo, o equipo de fútbol de categoría cadete da Escola Municipal de Fútbol proclamouse matemáticamente campión de liga da 2ª Autonómica Cadete Grupo 7, xa que venceu no Campo Municipal de Cabanetán (Lesende) ao C.D.Boiro por 8 – 0. A falta de 1 xornada para o remate da competición o equipo do concello de Lousame ten unha vantaxe de 4 puntos sobre o 2º clasificado (Atlético Oleiros). Ademáis do campionato o equipo consigue o ascenso de categoría á 1ª Autonómica, para a vindeira tempada 08/09. O equipo está formado polos seguintes xogadores: * Porteiros: Ramón Piso e Alejandro Pouso * Defensas: Brais Blanco, Carlos Romero, Brais Martínez, Alexandre López, Julio Sueiro. * Centrocampistas: Oliver Fernández, Rubén Trillo, Borja Somoza, Jesús Martínez, Sergio Gallardo (capitán) * Dianteiros: Jorge Froján e Adrián Sueiro. * Delegado: Miguel Martínez * Adestrador: Néstor Romero

As novas do Concello

Noraboa...

Blogged with the Flock Browser

Buscando a páxina do IES nº 1 de Ribeira

Páxinas de centros educativos galegos

Desgraciadamente, moitos centros educativos galegos non teñen páxina, outros póñena para simular que a teñen e gañar un premio, algúns usan nas páxinas pesadas animacións ou artificios que dificultan a accesibilidade, a maioría non se actualizan...

Páxinas de centros educativos galegos

Foto da páxina de Enciga.org

Que CERTO é o que di César Salgado na súa páxina. Tanto, que ao buscar a páxina do instituto número 1 de Ribeira fomos dar -dende a súa web oficial- a outra páxina que vende dominios titulada "IES Ribeira.com Lo que necesita en cada momento". Entre as categorías máis visitadas figuran:

Categorías más visitadas

Colleges	Special Education	Eroticas
2º Ciclo Da Esso	Aula 1a	School
Aula 2b	2º Evaluacion	Matricula
Seminars	2º Evaluaci	Notas
4ºa Esso	4º Esso

Claro, é o normal nunha web de instituto, non é? -nótese a ironía- Sobre todo logo de ver que nos medios tradicionais a noticia máis lida estes días é esta.

Este é un exemplo magnífico de como ao querer dar unha noticia sae outra ben diferente. Nós só queriamos facernos eco da Semana das Letras neste centro ribeirense.

Blogged with the Flock Browser

4 minutos e medio ben aproveitados

Inserido Video

Non se di nada. Pero canto se pode chegar a imaxinar! Fenomenal traballo. Premiado no Internet Film Fest de Berlín

Blogged with the Flock Browser

Ruxe Ruxe, tamén na Catedral

Inserido Video

Pero están vestidiños, non vaian pensar... Gustounos moito este videoclip.

Blogged with the Flock Browser

E que din os nosos bateeiros do asunto?

Sociedade, 26 marzo 2008

Mexillóns con porros, o sabor do ano

“Sabor do ano 2007 probado e aprobado polos consumidores”. Esa foi a denominación lograda polo mexillón con porros elaborado pola empresa Disbeconsa de Fene no Salón Alimentaria de Barcelona. Trátase dunha das feiras de alimentación máis importantes do mundo.

Disbeconsa acudiu a Alimentaria a pasada semana dentro do pavillón da Consellería de Pesca. Un xurado composto por 80 persoas valorou o seu mexillón con porros, e lle otorgou unha puntuación de 8,15 sobre 10. O recoñecemento causou unha grata impresión entre os responsabeis da Xunta de Galicia e a natural satisfacción no xerente de Disbeconsa

Mexillóns con porros, o sabor do ano / Contidos / Radiofusión - Radiofusion

Nós cremos que é ceboliño doce ou branco, pero se en Radiodifusión e Chuza o din, mantemos a dúbida. Dubidamos, logo é certo

Blogged with the Flock Browser

Imaxes censuradas do Tibet

Alguén se preguntou nesta redacción: que imaxes serán máis vistas, se as da película porno na catedral ou estas. Evidentemente temos unha resposta, pero podemos estar errados.

Advertimos que as imaxes enviadas polos disidentes tibetanos son DURÍSIMAS. De feito, paramos de miralas na quinta foto. En Certo cremos que só por isto, España debería boicotear os xogos olímpicos de Pekín.

A ligazón é

http://wikileaks.org/wiki/Censored_Tibet_March_2008_protest_photos

Wikileaks: Este lugar, aínda só en inglés, serve para denunciar os trapos suxos das empresas, gobernos e demais organizacións pouco transparentes.

Blogged with the Flock Browser

Outro xeito de promocionar o turismo?

Publicábao un xornal galego. Repercute en Chuza. E agora nós damos a ligazón.

Outra historia: O que non entenden os nosos fotógrafos é como logo hai xente que se queixa por saír en imaxes tomadas na rúa.

Outra opinión: á nosa redactora progre parécelle mal que nos fagamos eco. Que conste. Ao resto parécenos outra información máis, relevante polo feito de que é a primeira vez que se emprega a praza do Obradoiro para este tipo de iniciativas.