16.2.12

A Pobra: o Psoe denuncia os continuos recortes da sanidade pública do goberno Feijóo e pon como exemplo o centro de saúde local

  • Aseguran que no centro sanitario da Pobra hai "graves deficiencias" e "non sempre se cubren as baixas de persoal sanitario"
  • O parlamentario Lage Tuñas di que o PP "está deteriorando os servizos sanitarios pola vía dos recortes tanto na atención primaria como nos centros hospitalarios"
  • Piden que se arranxen os graves problemas do centro de saúde actual "pois A Pobra non vai ter un novo polo menos ata 2013"

Media_httpfarm6static_eayee

A Pobra do Caramiñal, 16 de febreiro de 2012. O Portavoz da Área Institucional do PSdeG-PSOE, José Manuel Lage desprazouse esta mañá á Pobra do Caramiñal para ofrecer unha rolda de prensa en compañía da voceira municipal socialista, Teresa García e presentar diversas iniciativas parlamentarias relacionadas co centro de saúde da citada localidade.

O deputado socialista expresou a súa preocupación “polo grave deterioro da sanidade que comezamos a sufrir da man dos gobernos do Partido Popular. Creo que hai que ser realistas e sabendo que como mínimo ata o 2013 a Pobra do Caramiñal non vai dispor dun novo centro de saúde, polo que lle pedimos á Xunta de Galicia que arranxa o actual, resolva os problemas existentes e o acondicione para mellorar as condicións laborais dos profesionais e as prestacións sanitarias que reciben os veciños e veciñas”.

Lage Tuñas explicou que “o PP está deteriorando os servizos públicos coas súas políticas de recortes, fundamentalmente na sanidade e na educación, cando podían recortar noutros ámbetos nos que hai marxe. Para os socialistas a sanidade universal e a educación gratuita son liñas vermellas que imos defender con uñas e dentes”.

O PSdeG-PSOE denuncia “os continuos recortes na sanidade pública” e pon como exemplo “o centro de saúde da Pobra do Caramiñal, que presenta graves deficiencias e onde non sempre se cubren as baixas do persoal sanitario”.

Teresa García, voceira municipal do PSdeG, explicaba esta mañá que “ata o de agora a Xunta de Galicia fixo oídos xordos ás peticións veciñais para unha mellora do inmoble que alberga ao centro de saúde de Pobra do Caramiñal. O alcalde mira para outro lado como se non fose con el”.

“A existencia de defícits no ámbito da limpeza, a presencia permanente de humidades na sala de extraccións, pintura descunchada tanto nas consultas como en urxencias; un claro déficit hixiénico nas fiestras, as continuas e reiteradas avarías nos baños, así como o estado deplorable do exterior do edificio entre outras cousas deixan ver a situación na que se atopa o centro sanitario da Pobra do Caramiñal”, afirmou Teresa García.

Os socialistas entenden que “é necesario que a administración actúe con inmediatez e faga as reparacións e obras de mantemento necesarias para mellorar o inmoble do centro de saúde pobrense, e de igual xeito introduzca as melloras tecnolóxicas que permitan unha mellora na prestación dos servizos sanitarios.”

O deputado Lage Tuñas rematou sinalando que “o PP está deteriorando os servizos sanitarios pola vía dos recortes tanto na atención primaria como nos centros hospitalarios e un bo exemplo témolo na Pobra do Caramiñal”.

Antes, en Certo:


Sanidade: moción socialista sobre as deficiencias do centro de saúde


Centro de saúde: alegacións do Bng


 
 
 

77765-PNC Centro de saúde A Pobra.pdf--.pdf Download this file

76849-PNP Plan de actuación para a mellora técnica e física do centro de saúde da Pobra do Caramiñal.pdf Download this file

76875-Artigo 9.- Copia informes técnicos 2010-2011 sobre o centro de saúde da Pobra do Caramiñal.pdf Download this file

77110-POP Visita técnica centro de saúde A Pobra do Caramiñal no ano 2011.pdf Download this file

77760-POP Centro de saúde A Pobra.pdf Download this file

77765-PNC Centro de saúde A Pobra.pdf Download this file

Posted via email from Certo.gl, o xornal dixital de Barbanza e Noia

A Pobra: o Bng presenta unha iniciativa no Parlamento ante as continuas verteduras industriais sen arranxar

77638-asinado.pdf Download this file

  • Acusan ao goberno municipal do PP de "mirar para outro lado ante estes atentados ecolóxicos"
Media_httpfarm2static_cxrgz

A Pobra do Caramiñal, 16 de febreiro de 2012. O Bng vén de presentar unha nova iniciativa no Parlamento que atinxe á últimas -e semella que non derradeiras- verteduras industriais producidas na estación depuradora do municipio.

Segundo os nacionalistas, "á vista de que estamos a falar dunha instalación concesionada pola Xunta, a cal, ademais, forma parte da comisión de control de verteduras constituída no 2009 na Pobra e, comprobado que o goberno municipal do PP fai oídos xordos ás denuncias e solicitudes de Bng, recorremos agora ao Parlamento para intentar obter do goberno de Feijóo as respostas que o de Isaac Maceiras non nos quere dar, ou nos dá con evasivas pouco serias e responsables. O Bng seguirá insistindo nesta teima ata que o goberno municipal exerza as súas competencias e se deixe de consentir a determinadas empresas que sigan provocando atentados ecolóxicos, danos para a saúde das persoas e prexuízos económicos para sectores tan importantes na localidade como o marisqueiro. Non pararemos ata que o goberno municipal, co alcalde Isaac Maceiras á fronte, persigan con todo o peso que a lei permite aos infractores e ata que o propio executivo local deixe de infrinxir el mesmo a lei ao mirar para outro lado cada vez que se produce unha vertedura industrial que, por desgraza para a veciñanza da Pobra, é con moita asiduidade".

Antes, en Certo:


Medio Ambiente: o Bng denuncia de novo verteduras industriais na depuradora local



Pode que tamén lle interese:

Presentación de libro: o venres 24 de febreiro, "Laura no deserto" no Liceo


Entroido 2012: programación prevista


Viaxe: a Madrid, do 22 ao 25 de marzo. Anótate!

Posted via email from Certo.gl, o xornal dixital de Barbanza e Noia

Ribeira: xogadores locais acudirán ao Torneo Internacional de Fútbol Base de Vila Real, en Portugal

NA FOTO DE PÉ, DE ESQUEDA A DEREITA: RAMÓN MARTÍNEZ, JUAN LUIS MARTÍNEZ, FRANCISCO SIEIRA, CÁNDIDO CASTRO E MARÍA VIDAL.
  • Un total de 84 xogadores nados entre 1999 e 2004 participarán neste torneo, que chega á súa vixésimo segunda edición
  • Repártense entre seis seleccións municipais que xogarán entre o 19 e 21 deste mesmo mes

Ribeira, 16 de febreiro de 2011.- O Concello estará representado no prestixioso 22º Torneo Internacional de Fútbol Base de Vila Real (que se disputará nesta localidade portuguesa do 19 ao 21 de febreiro) a través da participación de seis seleccións municipais de xogadores pertencentes a outras tantas categorías.  

Así o deu a coñecer hoxe o concelleiro de Deportes Juan Luis Martínez Queiruga, quen explicou que estes seis combinados nútrense de xogadores procedentes do Xuventude de Aguiño, do Carreira, do Oleiros e do Sálvora Club de Fútbol: clubs que estiveron representados no acto de hoxe polos directivos María Vidal, Francisco Sieira, Cándido Castro e Ramón Martínez, respectivamente. 

Os equipos corresponden ás categorías aquí coñecidas como prebexamíns, benxamíns e infantís, se ben o torneo luso subdivide cada unha das mesmas en dúas categorías, segundo o ano de nacemento: 2004 e 2003 para prebenxamíns; 2002 e 2001 para benxamíns; e 2000 e 1999 para infantís. 

O Sálvora encargarase de coordinar os equipos de 2004 e 2003; o Aguiño os de 2002 e 2000; o Carreira o do 2001; e o Oleiros, 1999. 

Cada un dos equipos estará  composto por 14 xogadores (o que suma un total de 84 futbolistas) e dous adestradores. Todas as categorías está compostas por dous grupos de catro equipos, o que propiciará que os conxuntos riveirenses xoguen alomenos tres partidos. 

Juan Luis Martínez recalcou o carácter formativo desta competición internacional, que lle permitirá aos xogadores locais medirse con deportistas doutras importantes localidades, e ratificou o compromiso do Concello de seguir apoiando o deporte base, tanto no balompé como noutras disciplinas.

Pode que tamén lle interese:


Entroido 2012: programación prevista


Viaxe á neve: do 24 ao 26 de febreiro. 135 euros. Anótate!


Gala do Deporte: é o 24 de febreiro. Xa se saben os candidatos


Entroido: bases do festival de murgas e comparsas



Posted via email from Certo.gl, o xornal dixital de Barbanza e Noia

Ribeira: a policía local denuncia a dous veciños por levar o volume alto no coche, a outro por tirar lixo e a un cuarto por levar o can ceibe


Ribeira, 16 de febreiro de 2012.- O Concello informou hoxe de que "no que vai de ano, a Policía Local ten denunciadas distintas prácticas que alteran ou perturban a normal convivencia entre os cidadáns". 

Máis en concreto, dous cidadáns foron sancionados “por empregar equipos de reprodución sonora en vehículos cun nivel acústico causante dunha perturbación evitable”. Ambas incidencias producíronse na rúa Rosalía de Castro e, de acordo coa ordenanza municipal reguladora da emisión de ruídos e vibracións, esta práctica está sancionada con multas de entre 60,10 e 1.502,53 euros. 

Outro cidadán foi denunciado por botar desperdicios á vía pública (ocorreu na avenida do Malecón, diante da praza de abastos) o que segundo a ordenanza de limpeza pode ser multado con ata 30 euros. 

E por andar cun can ceibe no parque de Pedra Pateira abriuse un expediente sancionador a outro veciño, o que pode comportar unha multa de entre 30 e 300 euros. 

O Goberno Municipal desexa apelar á poboación a que na medida do posible preservemos entre todos os nosos espazos públicos como lugares de convivencia e civismo nos que poder desenvolver en liberdade os nosos dereitos.  

Hai que recordar que o Executivo está traballando nestes momentos na redacción dunha nova Ordenanza de Seguridade e Convivencia Cidadá sobre a base dun documento aprobado pola Federación Española de Municipios e Provincias (FEMP).

Pode que tamén lle interese:


Entroido 2012: programación prevista


Viaxe á neve: do 24 ao 26 de febreiro. 135 euros. Anótate!


Gala do Deporte: é o 24 de febreiro. Xa se saben os candidatos

Posted via email from Certo.gl, o xornal dixital de Barbanza e Noia

Ribeira: este venres 17, obradoiro de BicGalicia sobre espírito emprendedor para alumnos de FP do Coroso

  • O obxectivo principal do taller é facilitar o espertar da iniciativa emprendedora nos máis novos, para mellorar as súas posibilidades futuras de emprego e autoemprego
  • A iniciativa enmárcase dentro do Programa ACTUA, que desenvolven as consellerías de Economía e Industria e Cultura, Educación e Ordenación Universitaria, que o curso pasado xa beneficiou a máis de 3.200 estudantes
Media_httpfarm5static_cbryj

Ribeira, 16 de febreiro de 2012.- A Consellería de Economía e Industria continúa a promover o espírito emprendedor entre os máis novos para mellorar as súas posibilidades de emprego e autoemprego. Deste xeito, mañá venres se celebrará un novo taller de BicGalicia dirixido aos alumnos dos últimos cursos de ciclos de formación profesional do CIFP Coroso.

Con esta iniciativa, enmarcada no programa ACTÚA, fomentase o espírito emprendedor dos estudantes para mellorar as súas posibilidades de emprego e empresarialidade. O taller, impartido baixo o título “E logo que?”, permitirá aos asistentes, arredor de 30 alumnos dos ciclos de FP de Instalacións Electrotécnicas e Automoción, reflexionar sobre as súas perspectivas profesionais unha vez rematados os estudos.

Esta iniciativa enmárcase dentro dun plan de fomento do emprendemento denominado Eduemprende, que impulsa a Consellería de Economía e Industria, en colaboración coa de Cultura, Educación e Ordenación Universitaria, e no que se recollen varias accións que se desenvolven en centros de ensino de Galicia, baixo o programa ACTÚA, a través dunha serie seminarios de motivación e sensibilización a prol do emprendedurismo.

A través deste programa, durante o pasado curso 2010-11, Economía e Industria impartiu talleres nun total de 41 centros da Comunidade, dirixidos a 3.290 estudantes, maioritariamente de ciclos formativos de FP, buscando desenvolver as capacidades emprendedoras do alumnado e fomentar e difundir a cultura empresarial entre os máis novos.

Posted via email from Certo.gl, o xornal dixital de Barbanza e Noia

Lousame: o Entroido celébrase este sábado 18 de febreiro

Lousame_entroido_2012

Lousame, 16 de febreiro de 2012. O Concello de Lousame organiza un Gran Festival de Entroido o vindeiro sábado 18 de 17.00 a 20.00 horas no Polideportivo Municipal. Haberá o tradicional concurso de disfraces, degustación de balde de orellas e filloas, obradoiro de caretas, maquillaxe e animación.

Pode que tamén lle interese:


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical