via bbc.co.uk
Si, señores, como llo contamos. Este músico tan xenial no seu -para o que lle guste- pero tan parvo na predición do futuro (acaba de dicir que internet está caduca e que non vale para a música) púxolle "20ten" ao seu próximo disco. Vinte10 é o nome da televisión cultural do Instituto de Porto do Son, un xogo de verbas que pensaron ben antes que este excéntrico cantante. Miren http://certo.posterous.com/?sort=&search=vinte10
Posted via email from Certo.gl, o xornal dixital de Barbanza e Noia
Noia, 5 de xullo de 2010. O vindeiro domingo 11 de xullo terá lugar, ás cinco da tarde, na casa da Agra (praza do Tapal) a clausura do curso de repostería infantil, que pon fin ao programa Parroquias Creativas por este curso. A este obradoiro de repostería asistiron, dende o pasado mes de outubro de 2009, máis de 80 alumnas e alumnos con idades dende os 3 aos 16 anos. A despedida consistirá na elaboración dun postre sorpresa ao que convidarán a merendar á familia dos alumnos dos futuros reposteiros que ata alí se acheguen. Tamén levarán os rapaces un agasallo polo esforzo realizado durante todo o obradoiro e, dende as seis e media da tarde, haberá unha Festa da Escuma na praza do Tapal para todos os rapaces noieses que se queiran sumar.
Rosa Ana Mariño, a concelleira de Relacións Veciñais, aproveita para emprazar a todos aqueles interesados en retomar as actividades do programa "Parroquias Creativas" no mes de outubro deste ano a que se anoten nos diferentes cursos dende o vindeiro mes de setembro. 
