6.4.10
Noia: linaxes no escudo da igrexa de San Francisco (ao pé do Concello )
"En el primer cuartel van los roeles de los Castro; en el segundo, cuartelados a su vez, alternan los jaqueles de Bermúdez con las ondas de Mariño; en el tercero campean las armas de Caamaño, y en el cuarto, las de Villamarín. El quinto vuelve a ser acuertelado con los emblemas de Prego y de Romay, y, finalmente, en el sexto van las cinco lises en sotuer.
Lleva debajo un perro sujeto al escudo mediante una cadena y se decora con follajes."
Fonte: www.tamaranoia.com/heraldica/heraldica03.html
( Lansbricae )
Posted via web from Posterous de Certo, o xornal virtual de Barbanza e Noia
Compártelo
Porto do Son: Paco do Martelo subiu imaxes da Semana Santa
Esta foi tomada no "cruceiro da Guitarra". Pero hai 25 máis en http://picasaweb.google.com/PacodoMartelo/ProcesionDoSantoEnterro
Posted via web from Posterous de Certo, o xornal virtual de Barbanza e Noia
Compártelo
Política: o Psoe volta denunciar as presións do PP para que non dimita ninguén polo escándalo das oposicións
(Nota do PSdeG-PSOE)
O Viceportavoz do Grupo Socialista, José Manuel Lage afirmaba hoxe que se precisan "grandes cambios nos sistemas de exame das oposicións da Xunta e non parches ou reformiñas. A renuncia do Tribunal do grupo A1 veu a dar a razón ás denuncias que levamos facendo nos últimos quince días e é a demostracción de que o escándalo era maiúsculo, xa que examinadores examinados compartían o mesmo Tribunal”.
O PSdeG DENUNCIA QUE “A CONSELLEIRA DE FACENDA NON PODE CESAR AO DIRECTOR XERAL DA FUNCIÓN PÚBLICA PORQUE CARLOS NEGREIRA E O APARATO DO PP ESTÁN IMPEDÍNDOLLO”.
Santiago de Compostela, 6 de abril 2010. O viceportavoz do Grupo Parlamentario Socialista, José Manuel Lage, reclamou hoxe á conselleira de Facenda da Xunta de Galicia que “tome decisións inmediatas para restablecer a confianza da cidadanía no sistema de acceso ao emprego público e proceda ao cese do Director Xeral da Función Pública”.
“Máis aínda si temos en conta as declaracións pornográficas que fai hoxe nos medios de comunicación recoñecendo que era coñecedor das irregularidades e inmoralidades que se estaban producindo nos procesos selectivos de acceso ao grupo A1 da Xunta de Galicia.Di Barreiro (Diretor Xeral da Función Pública) que dimiten por alarma social e non porque o Goberno vira nada ilegal, o que é unha auténtica barbaridade, ademais de resultar pornográfico”.
”A Conselleira de Facenda debería cesar inmediatamente ao seu Director Xeral de Función Pública pero témome que non está na súa man, xa que José María Barrreiro é o secretario do PP da cidade de A Coruña, e man dereita de Carlos Negreira, e o aparato do PP non lle deixa á conselleira tomar unha decisión que é necesaria por hixiene democrática”.
Lage Tuñas explicaba no día de hoxe que “a Sra. Fernández Currás é consciente de que é un auténtico escándalo que os dous cargos da súa consellería compartiran tribunal con que os estaba examinando e evaluando nas oposicións de promoción interna do mesmo grupo A1. Por iso deberíamos saber tódolos galegos e galegas si quen goberna o seu departamento é o Sr. Rueda e o Sr. Negreira ou polo contra é ela a conselleira”.
O viceportavoz do PSdeG no Parlamento recorda que “o director xeral da Función Pública foi consentidor e encubridor do escándalo das oposicións nas que participan dous cargos de Facenda xa que coñecía dende fai tempo a situación de desigualdade e falta de imparcialidade que se estaba producindo, ao terse celebrado unha proba das oposicións compartindo estos cargos de Facenda o tribunal cos mesmos que os examinaban e evaluaban a eles”.
“O Sr. Barreiro (DX Func Pública) estivo encubrindo o escándalo ata que saltou aos medios de comunicación, pero foi coñecedor do que pasaba dende fai meses xa que algúns membros do Tribunal así llo fixeron saber, e él calou a ver si o tema non trascendía”.
O Viceportavoz do Grupo Socialista, José Manuel Lage afirmaba hoxe que ”precísanse grandes cambios nos sistemas de exame das oposicións da Xunta e non parches ou reformiñas. A renuncia do Tribunal do grupo A1 veu a dar a razón ás denuncias que levamos facendo nos últimos quince días e é a demostracción de que o escándalo era maiúsculo, xa que examinadores examinados compartían o mesmo Tribunal”, afirmaba Lage Tuñas.
O PSdeG defenderá no vindeiro pleno do parlamento unha proposición non de lei con “cambios profundos no sistema de selección de tribunais nas oposicións”.
O Viceportavoz do Grupo Socialista, José Manuel Lage Tuñas afirmou hoxe que “o recoñecemento por parte do propio Director Xeral da Función Pública de que tiña coñecemento do escándalo dos Tribunais do grupo A1 da Xunta de Galicia é unha declaración pornográfica que debería escandalizar ao propio Presidente da Xunta de Galicia, e nós imos impulsar dende o Parlamento unha reforma profunda do sistema de oposicións para traballar na Xunta de Galicia”.
“Os cidadáns esperan transparencia e garantías de imparcialidade e limpeza nos procesos selectivos, algo que agora está en cuestión pola neglixente xestión de Núñez Feijóo e do seu goberno”.
”É preciso restablecer as máximas garantías no acceso á función pública galega. Os continuos escándalos ó redor das oposicións á Xunta están xerando unha gran alarma social e introduce desconfianza en moitas persoas que están optando a un emprego público con moito sacrificio persoal, e estudando moitas horas”, sinalou Lage Tuñas, quen tamén aproveitou para recordarlle ao conselleiro da Presidencia e Administración Pública que “o Sr. Rueda (PP) tentou tapar “o escándalo dos dous cargos de Facenda” dicindo que todo era legal e correcto o que demostra como entende él a Función Pública. Creo que o Sr. Rueda faría mellor en preocuparse sobre a posible existencia de máis casos de irregularidades nas oposicións da Xunta de Galicia xa que a alarma social creana eles mesmos dende o Goberno cando consinten e amparan que poidan existir graves sospeitas de irregularidades nas oposicións. Os socialistas o que estamos é protexendo a milleiros de opositores que vén como se producen graves sospeitas e o PP tenta tapar as posibles anomalías”.
Lage Tuñas afirmou hoxe que “Alfonso Rueda leva un ano sendo conselleiro da Presidencia e Admon Pública, e ata que lle puxemos luz ás sospeitas de graves irregularidades nas oposicións, non fixo nada para cambiar nin o proceso de elaboración nin o sistema de tribunais. Agora o que se precisa é unha reforma urxente e profunda da Función Pública e non reformiñas express para sair do paso”.
Lage Tuñas entende que “Núñez Feijóo ten que tomar decisións urxentes porque queda demostrado que nas oposicións á Xunta de Galicia non hai garantías suficientes de limpeza e imparcialidade, tal e como viñamos denunciando”.
Posted via email from Posterous de Certo, o xornal virtual de Barbanza e Noia
Compártelo
Noia-Muros: visita do nacionalista Guillerme Vázquez a actuacións de recuperación do patrimonio
Detalle da recuperación dos muíños de Pedrachán en Noia. Toda a memoria aquí
Foto de RGG
Xa en Noia, o portavoz nacional visitou o centro histórico, acompañado de cargos orgánicos e institucionais. Así, ensináronlle diversas actuacións impulsadas dende as Concellarías de Patrimonio e Cultura do BNG de Noia, como a rehabilitación do claustro da Casa do Concello, obra do século XVI de estilo renacentista, e a reforma das rúas Porta da Vila e Carreiriña, ademais da restauración da contorna dos muíños de Pedrachán.
A rehabilitación do claustro foi realizada a través dun convenio entre as Concellarías de Casco Histórico e Patrimonio, Concellaría de Cultura e a Xunta de Galiza, cun investimento de 224.046 euros. Canto á reforma das rúas Porta da Vila e Carreiriña, foi unha obra propiciada polo BNG a través da Concellaría de Casco Histórico e Patrimonio, incluída no Fondo Estatal de Investimento Local no ano 2009. O investimento foi de 900.000 euros. A actuación realizada conta con todos os servizos soterrados, agás o cableado eléctrico, por mor da modificación do proxecto orixinal introducida polo grupo municipal do PSdeG. A rehabilitación da contorna dos muíños de Pedrachán, nas marxes do río Traba, concretouse na mellora dos camiños de acceso coa colocación de pavimento de pedra, substitución de ramplas de formigón por pedra labrada, renovación do lavadoiro, construción de bancos, mellora do aspecto de fachadas de casas coa substitución de canalóns e baixantes, ao tempo que se dotou de auga potábel aos muíños que carecían dela. Así, o portavoz nacional, acompañado dos concelleiros Bieito González Domínguez e Xosé Bernaldo Castro, visitou o muíño de Arriba ou de san Bernardo, datado no século XV, e o muíño das Cinco Rodas, do século XVII, convertidos nun centro etnográfico destinado a dinamizar o turismo na zona.
Ánxela Franco, tenente alcalde de Porto do SonAdemais, Guillerme Vázquez mantivo un encontro coa tenente de alcalde de Porto do Son, Ánxela Franco, e cos concelleiros Xosé Manuel Alonso e Xoán Xosé León, para intercambiar opinións sobre cuestións de política municipal de actualidade.
Posted via email from Posterous de Certo, o xornal virtual de Barbanza e Noia
Compártelo
Ribeira: a lonxa bateu o seu récord histórico de facturación en marzo ao pasar dos catro millóns de euros
Imaxe de arquivo da lonxa ribeirense
(Nota do Concello)
Ribeira, 6 de marzo de 2010.- A pesar do mal tempo, que impediu que gran parte da flota saíse a faenar, a Lonxa Municipal rexistrou no pasado marzo un récord ao superar por primeira vez na súa historia a barreira dos catro millóns de euros de facturación mensual, ata acadar un total de 4.234.000 euros. A mellor cifra rexistrada ata o momento fora establecida fai un ano, en marzo de 2009, cando se logrou unha facturación total de 3.957.000 euros. Polo que respecta ao volume de descargas, a do pasado mes ascendeu aos 3.455.000 kilos, cifra sensiblemente inferior aos 5.700.000 de fai 12 meses.
Un dato que tamén merece ser destacado foi o do prezo medio acadado en marzo, que ascendeu a 1,23 €/kg. Esta cifra ven a duplicar practicamente a establecida no mes de marzo de 2009, o que evidencia a significativa alza na demanda de peixe rexistrada.
Xarda
Como especies máis importantes, cómpre destacar tanto en descargas como en facturación o caso da xarda, especialmente se se ten en conta que no caso do cerco e das artes varias, as embarcacións non puideron capturar esta especie a partir do día 11 de marzo, mentres que no caso dos barcos de arrastre o último día de desembarcos foi o día 15 de marzo. Malia así, o volume de xarda capturada en arrastre ascendeu a 1.560.000 kilos, con 1.025.000 euros de facturación.
Tamén merecen ser destacados o lirio, o xurel e a pescada. En canto ao lirio, descargáronse 504.000 kilos, cun volume de facturación de 856.000 euros. Polo que respecta ao xurel, descargáronse en arrastre 414.673,42 euros, cunhas transaccións de 443.000 euros. E no caso da pescada, descargáronse 197.000 kilos en arrastre, por un importe total de 408.000 euros.
Posted via email from Posterous de Certo, o xornal virtual de Barbanza e Noia
Compártelo
Infraestruturas: o PSOE pedirá no Parlamento que se cumpran os prazos no corredor Brión-Noia
Segundo os socialistas, debería estar en funcionamento todo o tramo o 1 de xaneiro de 2011
"Durante máis de 16 anos de gobernos do PP na Xunta (1990-2005) non fixeron un só metro de novas estradas entre Noia e Santiago. Baixo o goberno socialista construiuse a autovía Santiago-Brión e comezaron as obras do corredor de Brión a Noia. Agora o que esperamos é que o goberno de Feijóo complete os plans que deixou aprobados o PSdeG na pasada lexislatura e o corredor entre Brión e Noia entre en funcionamento na súa totalidade, o 1 de xaneiro de 2011”, explicaba hoxe o Viceportavoz do Grupo Parlamentario dos Socialistas de Galicia.
Noia, 10 de febreiro de 2010. O Viceportavoz do Grupo Parlamentario dos Socialistas de Galicia, José Manuel Lage, impulsou hoxe no Parlamento de Galicia a través dunha iniciativa parlamentaria “o cumprimento estricto dos prazos de execución e entrada en funcionamento do corredor Brión-Noia.”Lage Tuñas presentou unha Proposición Non de Lei no Parlamento de Galicia “co obxecto de que se cumpran os prazos previstos na resolución da adxudicación dos tramos Brión-Martelo e Martelo-Noia, pertencentes ao corredor Brión-Noia que foi deseñado e adxudicado polo Goberno socialista de Pérez Touriño”.
“Durante o século XX o Partido Popular negoulle a Noia a conexión con Santiago a través dunha vía de alta capacidade. Tivo que ser un goberno socialista na Xunta de Galicia o que fixera posible a autovía Santiago-Brión e o comezo das obras do corredor Brión-Noia”, recordaba hoxe o deputado noiés.
O Viceportavoz do Grupo Socialista, José Manuel Lage presentou unha Proposición Non de Lei co obxectivo de impulsar “o cumprimento dos prazos de execución do corredor Brión-Noia e a súa entrada en funcionamento o 1 de xaneiro de 2011”. Lage Tuñas demandara no Parlamento galego “un acordo das tres forzas políticas presentes no parlamento para que a Xunta de Galicia cumpla coas previsións e os prazos xa proxectados polo Goberno socialista de Pérez Touriño, cando Noia foi posta no mapa da comunicación terrestre ao deseñar o corredor Brión-Noia e adxudicar os dous tramos Brión-Martelo e Martelo-Noia”.
Lage apunta que a obra Brión-Martelo debería estar rematada en febreiro, e xa é abril
O deputado noiés propón “que a Xunta de Galicia aproveite o deseño feito polo anterior goberno para permitir o desdoblamente do corredor que se está a construir entre Brión e Noia e deste xeito axilizar a conversión do corredor en autovía”. ”A obra do primeiro tramo Brión-Martelo tiña que estar rematada no mes de febreiro de 2010 e a día de hoxe acumúlase retraso ao igual que no caso do segundo tramo entre Martelo e a ponte de Ceilán”, afirma Lage Tuñas.
”Durante máis de 16 anos de gobernos do PP na Xunta (1990-2005) non fixeron un só metro de novas estradas entre Noia e Santiago. Baixo o goberno socialista construiuse a autovía Santiago-Brión e comezaron as obras do corredor de Brión a Noia. Agora o que esperamos é que o goberno de Feijóo complete os plans que deixou aprobados o PSdeG na pasada lexislatura e o corredor entre Brión e Noia entre en funcionamento na súa totalidade, o 1 de xaneiro de 2011” explicaba. Lage Tuñas recordou hoxe que “o goberno socialista na Xunta foi o que cambiou o trazado do corredor Brión-Noia e modificou o proxecto de anteriores gobernos do Partido Popular que deseñaran unha vía rápida sen posibilidade de desdobramento”. “Nós aprobamos un deseño do corredor con previsión de desdobramento ao incluir xa as expropiacións do conxunto dos terreos necesarios para construir a autovía de Noia a Santiago”.
“O goberno socialista deixou os terreos expropiados e o deseño do corrredor previsto para convertirse en Autovía, agora o que esperamos é que Núñez Feijóo continúe cos plans que xa tiña o goberno anterior”, concluíu.
Posted via email from Posterous de Certo, o xornal virtual de Barbanza e Noia
Compártelo
Boiro: denuncian unha nova desfeita no entorno do CAB
Nunhas horas publicaremos a carta de Xurxo Ayán, arqueólogo do CSIC que dirixiu as escavacións de Neixón durante anos, sobre o que está a acontecer coas obras innecesarias de ampliación do Centro Arqueolóxico da Barbanza.
Posted via web from Posterous de Certo, o xornal virtual de Barbanza e Noia
Compártelo
Rianxo: os do Bng estrean bitácora en Bngrianxo.blogaliza.org
Escollemos este cartaz para lembrar o acto deste mércores, que xa publicamos en Certo.
Dámoslle a noraboa por esta iniciativa aos nacionalistas rianxeiros e a benvida á blogosfera (ou blogomillo). Agardamos que sachen con ansie neste eido virtual e que non lle aconteza como a tantos blogs, que non dan froito porque non se coidan.
Posted via web from Posterous de Certo, o xornal virtual de Barbanza e Noia
Compártelo
Ribeira: o prestixioso músico cubano Andrés Alén impartiu un cursiño de piano e composición
Na foto de esquerda a dereita: Teresa Bretal, Rosalía Gómez, Adrián Davila, Andrés Alén, Leticia Recamán e Carolina Borja
Ribeira, 6 de abril.- O Conservatorio Profesional de Música ribeirense tivo a honra de recibir ao gran pianista e compositor cubano Andrés Alén Rodríguez, que ofreceu o "Primeiro Curso de Piano y Composición" en dito centro, organizado pola profesora Teresa Bretal Martínez. Este cursiño celebrouse durante os días 29, 30 e 31 de marzo.
Asistiron ao mesmo alumnos e profesores da localidade así como estudantes de numerosos conservatorios de toda Galicia para ter a oportunidade de coñecer de cerca ao mestre Andrés Alén.
Máis información sobre este músico: http://www.myspace.com/andresalen
Balada del amor adolescente, peza composta por el:
Posted via email from Posterous de Certo, o xornal virtual de Barbanza e Noia
Compártelo
Boiro: procesión do Venres Santo
Posted via email from Posterous de Certo, o xornal virtual de Barbanza e Noia
Compártelo
Boiro: CANCELADO!! o dos locais de ensaio do Centro Social, abertos para os grupos de Rianxo este sábado 27
Avisarán na data na que se poida voltar organizar...
A causa ten nome de muller: Xynthia.
Cal é a razón? Os de Galiza Nova cóntano no seu Facebook:
"Este sábado de catro a nove os locais de ensaio do Centro Social de Boiro estarán abertos para todos aqueles grupos de Rianxo que queiran ensaiar alí. Este é un acto de protesta ligado á campaña a prol dun local para a mocidade en Rianxo. Deste xeito manifestaremos que a realidade é distinta do que refflicte o goberno actual. É unha mágoa que a cultura que nace debaixo das pedras rianxeiras teña que ir a outro concello para poder, neste caso, ensaiar ao quente e sen pagar nada, nadiña. Quen estea interesado que se poña en contacto connosco".Por se non chegase, argumentan nunha nota de prensa:
"Este sábado 27 de febreiro, Galiza Nova Rianxo celebrará unha Xornada de Portas Abertas no Centro Social de Boiro desde as 4 ata as 9 como protesta pola falta de locais desta índole no seu propio Concello, onde os grupos rianxeiros que o desexen poderán participar. Demostrarase in situ a numerosa cultura musical emerxente nas súas aldeas. En verdade, é unha mágoa que teñan que recorrer a outro concello, neste caso Boiro, para poder ensaiar ó quente e de balde. Os nacionalistas rianxeiros queren dar a ver deste xeito que é unha realidade manifesta. Existen mozos que ensaian e non teñen onde, polo que se demanda a posibilidade do uso do Auditorio. Dado que o goberno actual non destinou os cartos do Plan Anticrise na reforma da antiga clínica para convertela nunha Casa para a Mocidade, agora o mínimo é que este colectivo poida empregar as instalacións xa existentes no Concello".
Un asunto do que en Certo xa falamos no seu día aquí e aquí
nullPosted via email from Posterous de Certo, o xornal virtual de Barbanza e Noia
Compártelo
