30.9.10

Porto do Son: o PP fai varias propostas para a fachada marítima, como un carril bici



PROPOSTA DE SUXERENCIAS DO PP SON SOBRE PROXECTO REFORMA FACHADA MARÍTIMA

Vista a Reunión de Constitución da Comisión de Traballo sobor do Proxecto de Reforma da Fachada Marítima no Casco da Vila, o pasado Mércores 15 de Setembro de 2010 na Sede de Portos de Galicia.

En dita Reunión de Traballo, acordouse por parte dos presentes, enviar as súas diferentes Propostas a valorar e considerar por parte do Ente Autonómico co gallo de integralas, na medida das súas posibilidades en dito proxecto.

Ante dito acordo, o Partido Popular de Porto do Son e mediante o seu Portavoz Municipal D. Manuel Tomé Piñeiro, vistas as súas demandas, acorda transmitir as seguintes Suxerencias para a súa valoración e consideración oportuna a integrar en dito Proxecto:

1-Consideramos como Premisa Fundamental que Tódalas Entidades, en base as súas propias e lexítimas demandas, se integren da forma que mellor consensúen, partindo do Principio de ecuanimidade por parte de tódalas partes afectadas.

2-Técnicamente, consideramos que este Proxecto debe establecer unha homoxenidade e continuidade no encontro das distintas rúas que confluen a dita fachada portuaria. Por elo, consideramos que o tipo de material granítico que representa o pavimento das beirarrúas sexa igual o que provoca os cruces de encontro coas rúas que finalizan na mesma.
Debemos indicar que toda as beirarrúas da primeira linea, deben ser contínuas en toda a lonxitude existente, é decir,que o encontro beirarrúa-rúa debe ter unha mínima rampla que faga a accesibilidade dos vehículos sin por elo perder a bifuncionalidade da beirarrúa. Tamén decir que, na medida do posible, a alineación de delimiticación de xurisdicción que foi cedida a Portos de Galicia, debe aproveitarse na súa integridade, quero esto decir, que a extensión do pavimento de pedras albardera chegue ós laterais da fachada naqueles lugares que non teñan unha alineación lineal sino que se adentre para atrás de dita linea.

3-Unha das obras estrela que debería na medida posible de facerse realidade, sempre con visos de futuro, sería a Creación dun Aparcadoiro Soterrado en toda a extensión existente dentro da delimitación do bordillo da explanada portuaria, cumpliría así unha doble funcionalidade:

a)+ Servizo o Casco da Vila

b)+Servizo a tódalas Entidades Usuarias do ámbito da Zona Portuaria do Casco sonense.

Consideramos que é perfectamente factible e viable, sempre pensando no Proxecto de creación dentro do Casco da Vila dunha Área de Rehabilitación Integral (ARI), onde unha das súas grandes estratexias consistirá na Peatonalización e Limitación de aparcamentos dentro das rúas do Casco da Vila, partindo da singularidade das rúas que como pobo mariñeiro tradicional presenta sen unhas alineacións e ordenacións acorde o que hoxe se considera normal.

4-Estudo da proposta para minimizar a entrada de area na zona verde existente dentro do porto. Hai que lembrar que a formación recente dunha praia dentro do Casco da Vila, pola modificación artifical das correntes marinas, está a provocar, coma ben se manifestou na reunión, unha preocupación cada vez máis crecente polo fenómeno de sedimentación de area que empeza a provocar os primeiros problemas na dársena o igual que o continuo coste de retirar do petril a acumulación de area que os ventos predominantes transportan.
Plantexamos en dito petril unha actuación para a súa consideración da Instalación de paneis de metacrilato dunha altura entre 2-2.5m atornillados a todo o largo do petril o fronte de area como medida preventiva ou no seu caso estudar unha actuación de Creación dunha doble Duna Artifical a cabalo entre o Parque e a Praia da Vila (xusto a zona pavimentada) e a fixación e consolidación de ditas dunas mediante especies propias e endémicas dos sistemas dunares.

5-Na entrada o muelle portuario polo lado do parque, onde actualmente está o petril grande que chega case a caseta do surtidor de combustible, Estudar o Acceso o mesmo retirando un par de aparcamentos de dita batería e facendo unha prolongación da acera de gris mondariz que se executou na segunda fase de reforma do porto.
A idea é que este muelle que leva á rampla de varada, se plantexe a todo o largo do petril un Aparcadoiro en espiña inclinada (45º) e habilitando unha pequena rotonda o final do petril para que xiren os vehículos que acceden tanto á Praia da Vila coma a Zona de Varada das embarcacións.
Dicir que en este lugar, plantexar o Peche perimetral que delimite toda a zona de varada e reparación de embarcacións sería o máis prudente en canto a riscos para os viandantes e usuarios da zona da Praia e o seu entorno.

Consideramos dende o PPdG Sonense, que a limitación a vehículos dende a zona de varada hacia o muelle de contención de area coma o petril de contención de area,debería estar automáticamente prohibida, exceptuando os servizos de emerxencia ou similares para dito areal.

6-Igualmente foi exposto nesa reunión, a Creación dunha Infraestructura que dé cobertura ás necesidades de Waters, Cambiadores,así coma unha Cafetería que en conxunto den servizo tanto a Praia coma o Parque Infantil así coma a Zona de reparación de varada das embarcacións.

7-Finalmente, unha proposta que o Portavoz Popularanunciou en dita reunión, era a Creación a todo o longo da Fachada Marítima dun Carril-Bici que chegaría ata o límite xurisdiccional da competencia de Portos e que entroncaría co Paseo Marítimo na zona da Sagrada co gallo de facer unha continuidade en todo o perímetro da costa do Casco da Vila.

Posted via email from Certo.gl, o xornal dixital de Barbanza e Noia

Lousame: do 8 de outubro ao 8 de novembro, "Naturezas Mortas" de José Luis Veiras Manteiga na casa de cultura


Imaxe da anterior exposición que fixo Veiras Manteiga

Lousame, 30 de setembro de 2010. Dende o 8 de outubro ao 8 de Novembro a sala de exposicións da Casa da Cultura do Concello de Lousame acubillará a exposición -"Naturezas Mortas" Bodegóns: 1977-2010, do autor local José Luis Veiras Manteiga.

A inauguración da exposición terá lugar o venres 8 de outubro as 20.30h na Casa da Cultura. O horario de apertura da exposición é de 9.00h a 14.00h e de 18.00h a 20.00h.

Posted via email from Certo.gl, o xornal dixital de Barbanza e Noia

Boiro: os castros de O Achadizo e Neixón, nunha charla sobre arqueomalacología na Lanzada

Boiro: as remeiras de Cabo de Cruz, recibidas polo secretario xeral para o Deporte na Xunta

No curso 2010-2011 introducirase o remo no deporte escolar para fomentar futuros remeiros que levarán o remo galego ao recoñecemento internacional

Boiro, 30 de setembro de 2009.- O secretario xeral para o Deporte, José Ramón Lete Lasa, recibiu onte aos remeiros galegos do club vasco Urdaibai e ás remeiras do galego S.D.R. Rías Baixas, entre as que se atopan varias deportistas cabocrucenses. O responsable político do Deporte na Xunta reiterou a aposta do goberno autonómico polo remo tradicional no acto de recepción.

O secretario xeral salientou a aposta do Goberno galego polo remo e lembrou a confianza depositada na Asociación de Clubs de Traíñas no 2003, a posta en marcha da Liga galega de traíñas no 2004 e da liga feminina no 2009. Lete Lasa, que lembrou a importancia estratéxica dos deportes de mar, afirmou que no curso 2010-2011 se introducirá o remo no deporte escolar para fomentar, deste xeito, futuros remeiros que levarán o remo galego ao recoñecemento internacional.

Os clubs que asistiron á recepción son ben recoñecidos no ámbito do remo. Por unha banda, o S.D.R. Rías Baixas foi premio ao deporte galego como mellor equipo feminino do ano 2009 e vén de gañar, por segundo ano consecutivo, a Liga Galega, a Liga Euskotren e, por terceiro ano, a Regata da Concha. Por outro lado, o club vasco Urdaibai, cuxo adestrador e cinco remeiros son tamén galegos, proclamouse como gañador da Liga ACT e da Regata da Concha.


Posted via email from Certo.gl, o xornal dixital de Barbanza e Noia

Ribeira: donan caricaturas de Pepe Núñez para ser expostas na Casa Museo Municipal

Ribeira, 30 de setembro de 2010. O Concello de Ribeira foi obxecto hoxe dunha doazón dunha serie de creacións artísticas de Pepe Núñez, principalmente caricaturas, co fin de ser expostas na Casa Museo Municipal que abrirá as súas portas en breve. Ramona Romero Mariño, amiga persoal do autor e propietaria do material obxecto de cesión gratuíta, e José Luis Torres Colomer, o alcalde, foron os encargados de formalizar o acordo.

Pepe Núñez foi un ribeirense moi coñecido entre os seus veciños dende a época da Posguerra. Perruqueiro de profesión, o seu local situado na actual rúa de Galicia era moi visitado polos veciños para participar nas tertulias que nel tiñan lugar. Ademais, era un gran debuxante. Finou no ano 1983.

 

O Museo Municipal abrirá en breve na coñecida Casa de doña Adela, na rúa Galicia

O material doado está  composto por sete caricaturas, algunhas delas doutros coñecidos ribeirenses como o taberneiro Julio Bravo, Juan O Bruxo ou a esposa de Pepe Núñez, Marcela Pariente Santos. Integran a cesión tamén un cadro (mariña), dous textos de felicitación con texto manuscrito ao dorso (datados en 1979 e 1980), unha tarxeta de visita de Pepe Núñez e a súa dona Marcela; dous pequenos textos manuscritos (saúdos); dúas reproducións de caricaturas de Pepe Núñez convocando sendas exposicións sobre o autor (unha na Casa de Cultura en marzo de 1992 e a outra no Círculo Mercantil e Industrial), dous recortes de periódico con caricaturas e un recorte de periódico sobre a figura do debuxante. 

Ramona Romero Mariño é natural de Ribeira, pero leva afincada nas Palmas de Gran Canaria dende o ano 1951. É a madriña da Policía Infantil de Ribeira.


Posted via email from Certo.gl, o xornal dixital de Barbanza e Noia

Deportes: o sábado 2, máis dun cento de ciclistas na XXII edición da Promoción do Ciclismo Boiro 2010

A actividade está organizada polo Club Ciclista Barbanza coa colaboración do Concello de Boiro

Boiro, 30 de setembro de 2010. Este sábado, día 02 de outubro, disputarase en Boiro a proba ciclista para as categorías de escolas, cadetes e féminas “XXII Promoción do Ciclismo Boiro 2010”, organizada polo Club Ciclista Barbanza coa colaboración do Concello de Boiro. Está previsto que participen entre 120 e 150 deportistas, de idades comprendidas entre os 6 e os 16 anos.

A saída terá  lugar ás 16.30 horas na Avenida da Constitución. Para realizar a proba será preciso cortar o tráfico no tramo comprendido entre a rotonda da confluencia coa avenida de Compostela e a rúa Borobó, entre as 14.30 e as 19.30 horas. O tramo inhabilitado á circulación, así como o desvío alternativo, serán sinalizados convenientemente. O Alcalde, Xosé Deira Triñanes, e a concelleira de Deportes, Dores Torrado Ares, realizarán a entrega de trofeos aos gañadores ás sete da tarde.

Posted via email from Certo.gl, o xornal dixital de Barbanza e Noia

Boiro: 700 participantes na comida anual da terceira idade, o venres 1 de outubro, Día Internacional dos Maiores


Boiro, 30 de setembro de 2010. Este venres, día 1 de outubro, terá lugar a tradicional comida anual da Terceira Idade do Concello de Boiro, organizada polo departamento municipal de Servizos Sociais deste Concello. A xornada celebrarase no pavillón municipal de deportes de Barraña ás 14.00 horas e nela participarán máis de 700 maiores. 

Ademais do Alcalde, Xosé Deira Triñanes, e da Concelleira de Servicios Sociais, Natalia Laíña Lojo, asistirán outros membros da corporación, así como representantes políticos e outras autoridades da comarca. Igual que na edición anterior, cómpre sinalar a colaboración que o Concello tivo por parte de diversas empresas da zona para levar a cabo esta festa tan importante para o colectivo da terceira idade, empresas ás que o Concello agradece dita colaboración. 

A festa estará amenizada por un grupo de música e haberá autobuses para o traslado dos asistentes ao lugar do evento.

Centro de Día


O Día 1 de Outubro é o Día Internacional das Persoas Maiores. Por este motivo, o equipo terapéutico do Centro de Día de Boiro decidiu homenaxear a tódolos maiores realizando unha actividade no seo da comunidade.

De 11:30 a 12:30 haberá unha saída á praza de abastos do Concello de Boiro para montar unha mesa de reparto de folletos e  facer unha mostra dalgunhas das actividades que os maiores do centro de día realizan por medio de fotografías. Serán os propios maiores os que se encargarán de dito reparto e de establecer contacto coas persoas que se acheguen a interesarse pola actividade.

Pola tarde, no centro de día, haberá bingo e merenda especial en homenaxe aos maiores do Centro de Día. Ao longo de todo o día, e como iniciativa do persoal da Escola Infantil A Galiña Azul de Boiro, os maiores do Centro de Día recibirán a visita dos cativos da escola que traerán agasallos para os maiores nesta data tan especial. 

     Con esta actividade preténdese sensibilizar á poboación e promover un envellecemento activo, así como permitir a interacción dos nosos maiores coas persoas do entorno. Por outra banda fomentarase o contacto dos/as usuarios/as do centro de día coa poboación boirense e promóvese unha saída na que están en contacto co entorno máis próximo ao centro.

Posted via email from Certo.gl, o xornal dixital de Barbanza e Noia

Ribeira: a cantante Ugía Pedreira presenta o seu poemario "Noente Paradise" o 7 de outubro

Non sabes quen é Ugía Pedreira? Pois mira

Posted via email from Certo.gl, o xornal dixital de Barbanza e Noia

28.9.10

Ribeira: agardan 1.500 participantes na quinta edición da Xuntanza de Maiores o 24 de outubro

Ribeira, 28 de setembro de 2010. A Concellería de Igualdade, Acción Social, Maiores e Dependencia, que dirixe María Esther Patiño Rey, pon en marcha un novo curso do Programa de Dinamización e Ocio dos Nosos Maiores, cuxas actividades dirixidas a propiciar unha actitude activa e participativa dos veciños de máis idade na vida do municipio riveirense. 

Dentro dese elenco de actividades, cabe salientar en primeiro lugar a Xuntanza dos Maiores de Ribeira, que cumpre a súa quinta edición e terá lugar o domingo día 24 de outubro no recheo portuario aledaño ao Club Náutico. O programa desta celebración iniciarase ás 12.30 horas cunha Misa Solemne na Igrexa Parroquial de Santa Uxía. Ás 13.15 horas, terá lugar a recepción dos asistentes na carpa da xuntanza, mentres que a comida dará inicio ás 14 horas. O acontecemento estará amenizado polo grupo  de gaiteiros Gandaina de Palmeira, a orquestra Odisea e o grupo Reflexos. 

Cun importe de dez euros, as entradas xa están á venta na Tesourería do Concello. Poderán adquirilos todos os maiores empadroados en Ribeira. A organización prevé alcanzar os 1.500 participantes. 

Por outra parte, María Esther Patiño informou dos Obradoiros de Terceira Idade do novo curso 2010-2011 que terán lugar a partir de outubro no marco do Programa de Dinamización e Ocio dos Nosos Maiores: trátase do taller de Reestructuración Cognitiva, que será impartido polo profesorado do Departamento de Servizos Sociais; o obradoiro de Reforzo Educativo, impartido polo voluntariado social; de Pandeireta, por membros do grupo de música tradicional Tahúme; As Nosas Historias; polo Departamento de Normalización Lingüística de Riveira; e o taller de Informática, a impartir pola Rede de Dinamización da Consellería de Innovación e Industria da Xunta de Galicia).

Posted via email from Certo.gl, o xornal dixital de Barbanza e Noia

Boiro: obradoiro de frivolité dende o 5 de outubro en O Faiado 2


Frivolité, por needledreams

Boiro, 28 de setembro de 2010. A entidade cultural O Faiado 2 organiza e imparte, a partires do martes 5 de outubro, un obradoiro onde se aprenderán os labores de ganchillo chamados "frivolité". O nome de “frivolité” é esencialmente francés e foi adoptado en case todos os países de Europa. Nembargantes, os italianos denominan este labor “occhi” (ollos), e os orientais manteñen o seu antigo nome de “makuk”, por ser ese o nome das lanzadeiras coas que se executa. 

     Os labores de “frivolité” son traballos de pasamanería máis que  labor de encaixe. Compóñense de nós e baguillas que forman aneis ou semicírculos. 

     Os obxectos que poden ser adornados con “frivolité” son tan variados, coma os materiais para a súa execución, que son tamén do máis diverso, dependendo de se son destinados para adornar roupa branca, vestidos de nenos ou outras pezas.    
Es posible que tu navegador no permita visualizar esta imagen.

O lugar onde se imparte o curso é o local social de O Faiado 2, sito na rúa Fernández Mato 14 de Boiro. O horario irá de cinco e cuarto a sete e cuarto da tarde. Para inscribirse, diríxanse ao correo electrónico  ofaiadodous@gmail.com ou ao teléfono 981846392.

Posted via email from Certo.gl, o xornal dixital de Barbanza e Noia

Boiro: presentación do libro que gañou o premio "Ramón Piñeiro" de ensaio en 2009, este venres 1 de outubro

Boiro, 28 de setembro de 2010. Este venres, 1 de outubro, terá lugar na Galería Sargadelos de Boiro a presentación do libro "Un longo e tortuoso camiño. Adaptación, crise e cambio no Bng 1971-2009", do ourensán Xosé Ramón Quintana, que gañou con el o premio "Ramón Piñeiro" de ensaio o ano pasado. O acto terá lugar ás oito e media da tarde. O autor estará acompañado por cargos do Bng da comarca e por Alberto Piñeiro, coordinador de Barbantia, ente cultural que organiza.

Xosé Ramón Quintana é profesor asociado da área de Historia Contemporánea da Universidade de Vigo. Tamén publicou unha obra sobre Otero Pedrayo, en coautoría co tamén ourensán Marcos Valcárcel (As uvas na solaina).

Posted via email from Certo.gl, o xornal dixital de Barbanza e Noia

Lousame: Camboño tamén celebra o San Miguel este 29 de setembro e o sábado 2 de outubro

27.9.10

Lousame: datas dos obradoiros de memoria nas parroquias, do 5 ao 8 de outubro


Lousame, 27 de setembro de 2010. Por oitavo ano consecutivo o Concello de Lousame , dentro do Programa de Envellecemento activo, subvencionado pola Deputación Provincial, pon en marcha a actividade Taller de Memoria dirixido a tódalas persoas maiores de 65 anos.

Baixo o lema ¡Activa - mente!, este Taller ten como obxectivo, por unha banda, mellorar a calidade de vida das persoas maiores, previndo o posible deterioro das capacidades cognitivas, e por outra, promover a interacción entre os que participan, facilitando un punto de encontro semanal para estes veciños/as.

O Taller de Memoria desenvólvese en sesións semanais dende outubro ata xuño, impartidas por monitoras dos Servizos Sociais do Concello. Nestas sesións lévanse a cabo actividades dirixidas a manter e mellorar capacidades como a atención, a memoria, as funcións executivas, o cálculo e a linguaxe.

Estas áreas trabállanse mediante dinámicas e exercicios adaptados ao nivel do grupo e tamén ao nivel de cada participante cando é necesario.

O calendario semanal dos grupos do Taller de Memoria é o seguinte:

Local social

Data

Hora

Tállara

Martes, 5 outubro

10.00h

Camboño

Mércores, 6 outubro

10.30h

Vilacoba

Martes, 5 outubro

10.00h

Lesende

Martes, 5 outubro

12.00h

Escabia

Mércores, 6 outubro

10.00 h

Aldeagrande

Mércores, 6 outubro

11.30h

Cruido

Venres, 8 outubro

10.00h

Dende o Concello anímase a tódolos veciños e veciñas maiores de Lousame a participar nesta actividade.

Posted via email from Certo.gl, o xornal dixital de Barbanza e Noia

Noia: a Xunta investirá 450.000 euros en prospeccións de hidrocarburos ao oeste da Ría, no Gran Burato

Economía e Industria financia a expedición ao “Gran Burato” fronte ás costas Galicia, a uns 250 quilómetros ao oeste da ría de Muros e Noia, en augas españolas.

Noia, 27 de setembro de 2010.- Mentres a confusión entre as diversas administracións segue a reinar no que atinxe á limpeza das 400 hectáreas da Ría de Noia, o conselleiro de Economía e Industria, Javier Guerra, asinou hoxe un convenio de colaboración coa Universidade de Vigo co que a Xunta financiará a exploración xeofísica e xeolóxica da zona do “Gran Burato”, co propósito de establecer e valorar a existencia e extensión de posibles xacementos de hidrocarburos. Esta zona xeolóxica está situada, curiosamente, enfronte á Ría de Muros e Noia, a 250 quilómetros cara ao oeste. Aínda que as novas na Universidade de Vigo falan de que está a 140 quilómetros, segundo se pode ler aquí. Estarán xogando ao despiste para que non lle saquen o "tesouro"?

Investigadores Ana Bernabeu, Belén Rubio, Daniel Rey e Federico Vilas, do proxecto Geoma, da Universidade de Vigo

Co apoio da Consellería de Economía e Industria, o Grupo de Xeoloxía Mariña e Ambiental da Universidade de Vigo levará a cabo o proxecto de exploración do maior volcán submarino, producido por unha erupción de gas, dos atopados até o de agora no mundo. O cráter deste “Gran Burato” ten uns tres quilómetros de diámetro e está situado a unha profundidade de entre 2.500 e 2.800 metros. O conselleiro de Economía e Industria destacou que o Grupo de Xeoloxía Mariña e Ambiental da Universidade de Vigo é “o máis apropiado para levar a cabo este proxecto, se temos en conta que liderou a campaña Marbanga, co apoio do Buque Oceanográfico Hespérides” na que se detectou un BSR (bottom-simulating reflector), xeralmente indicativo da presenza de gas, “un achado, que xunto cos datos obtidos da análise preliminar das mostras, pode considerarse como un indicio razoable da posible existencia de hidrocarburos explotables”.

Segundo explica a Xunta, Guerra destacou que na Consellería de Economía e Industria, ao igual que na comunidade científica, manteñen a “esperanza fundada de que o Gran Burato podería albergar unha gran bolsa de gas”. Deste xeito, o Goberno galego tense convertido no promotor dos labores de exploración da morfoestrutura singular atopada na marxe continental occidental de Galicia e coñecida como “O Gran Burato”, achado no 2007 por investigadores de varias institucións científicas españolas, fronte ás costas Galicia, a uns 250 quilómetros ao oeste da ría de Muros e Noia, en augas españolas.

Buque Sarmiento de Gamboa, cuxo nome homenaxea ao aventureiro mariño pontevedrés

Javier Guerra asegurou que a Consellería de Economía e Industria financiará o proxecto e contratará por 15 días o Buque Oceanográfico Sarmiento de Gamboa ao Consello Superior de Investigacións Científicas (CSIC) para poñelo ao dispor do Grupo de Xeoloxía Mariña e Ambiental da Universidade de Vigo durante a exploración do “Gran Burato”, cun orzamento duns 450.000 euros.

O propósito desta expedición é establecer e valorar a existencia e extensión de posibles xacementos de hidrocarburos, para iso tentarán acadar uns obxectivos básicos que pasan por detectar a presenza de gas por caracterización de atributos sísmicos; caracterizar a natureza dos fluídos presentes nos sedimentos (auga, gases ou hidratos de gas); determinar a extensión espacial e temporal dos eventos de fluxo inferidos, e construír un modelo de evolución xeolóxica, explicativo dos fenómenos asociados coa presenza de gas na zona de estudo. Ademais, os traballos a desenvolver concluirán na emisión dun informe final que conterá a análise de todos os datos solicitados.

Intentos fallidos anteriores

Non é a primeira vez que se intenta buscar petróleo en augas da costa galega. Na era Fraga, constituiuse unha empresa pública chamada Gali Oil con ese obxectivo. Resultado: seis millóns de euros de débeda (mil millóns, pois entón só había pesetas) e nada de petróleo. Na época do Bipartito só houbo tímidas declaracións: buscaríase petróleo se Repsol o atopaba en Asturias. Irá desta volta? Ou teremos que seguir colaborando co maior depredador de petróleo do mundo en países como Afganistán para ver se nos toca un pouquiño máis barato? Segundo os expertos, aínda que se atopara gas no "Gran Burato", se este estivese xeado (o máis probable) tardaríase entre dez e vinte anos en desenvolver a tecnoloxía necesaria para extraelo. Por certo, na nota da Xunta non citan -non vaia se-lo demo- que o "Gran Burato" está situado cerquiña de onde repousan os restos do Prestige. De novo curiosidades e casualidades da vida, o Gran Burato foi descuberto mentres se analizaban as consecuencias daquel gran desastre e as consexuencias xeoambientais daquela zona.

Posted via email from Certo.gl, o xornal dixital de Barbanza e Noia

Porto do Son: o PP lamenta que o goberno non chamara a empresas especializadas da bisbarra para o servizo de bicicletas

!!Os que loitan polas empresas da Comarca!!


TOMÉ ACUSA O GOBERNO DO PSOE E BNG DE “AMAÑO” NA ADXUDICACIÓN DA XESTIÓN DA REDE MUNICIPAL DE BICICLETAS

* EMPRESAS ESPECIALIZADAS DA COMARCA ESTABAN INTERESADAS EN PARTICIPAR.

*O GOBERNO SONENSE DO PSOE E BNG
NON INVITOU A NINGUNHA EMPRESA DA COMARCA COSA QUE OUTROS CONCELLOS SÍ O FIXERON.

*ESTE PROXECTO SUPRAMUNICIPAL ESTÁ INTEGRAMENTE FINACIADO POLO INEGA E CONQUERIUNO O EX ALCALDE MANUEL TOMÉ.

Porto do Son, 24de Setembro de 2010

O Portavoz sonense do Partido Popular Manuel Tomé Piñeiro, acusou o Goberno bipartito do PSOE e BNG de “facer o concurso a medida”da adxudicación da dotación, instalación e xestión do sistema de bicicletas de uso público no Concello sonense.

Hai que lembrar que este Proxecto ten ámbito supramunicipal abarcando os Concellos de Lousame, Noia e Porto do Son.

Esta iniciativa parte do anterior rexedor, o popular Manuel Tomé que acadou os apoios dos rexedores dos concellos limítrofes anteriormente citados.

Este proxecto será o primeiro que se desenvolva dentro da nosa Comunidade e que englobe a máis dun concello, xa que tódolas anteriores iniciativas desenvolvéronse nas Grandes Cidades de Galicia.

O importe desta subvención que é integramente financiada polo INEGA, elévase ata os cento corenta mil euros e a súa posta en servizo deberá estar en funcionamento antes de que finalice o 2010.

Durante o Goberno Popular Sonense, o ex alcalde Manuel Tomé Piñeiro reuniuse con distintas empresas da comarca especializadas no sector das dúas rodas, os que lle agradeceron a iniciativa e plantexaron a posibilidade de constituir unha sociedade para presentarse á xestión de ditas instalacións.

A raíz da Moción de Censura o pasado Novembro 2009, o proxecto mantúvose vivo gracias a solicitarlle Manuel Tomé unha prórroga para cumprir o compromiso dos prazos dados polo ente autonómico.

Desgraciadamente, distintas empresas da comarca dirixíronse ó Departamento de Deportes sonense co gallo de interesarse polo tema, pero non conquerindo que se lle informase nin se lle dese a opción de poder presentarse a dito concurso.

Está claro que este Goberno do PSOE e BNG non lles importa nada como se atopen as empresas de bicicletas da comarca e despreciándoas a non invitalas a dito concurso, cousa que outro Concello dentro do proxecto sí que tivo a sensibilidade e a interese de preocuparse polas empresas de bicicletas da comarca.

O Goberno Local Sonense volta a demostrar coas súas actuacións o desprezo ás empresas da comarca e con máis preocupación, as da noso concello.

A invitacion a empresas foráneas e a “causalidade”do concurso adxudicándose a unha empresa de Albacete e non presentándose ningunha das outras dúas ás que se lle invitou,demostra o presunto amaño premeditado do mesmo.

O Partido Popular Sonense acusa de forma directa ó BNG por ser os máximos responsables da área en que se engloba dito Concurso.

Está claro que os nacionalistas sonenses voltan a demostrar cada día de forma máis notoria o seu interese polo país e máis especialmente polas empresas comarcais e locais.

Posted via email from Certo.gl, o xornal dixital de Barbanza e Noia

Medio Ambiente: Dez preguntas básicas sobre a enerxía en Galicia, por Verdegaia

Dez preguntas básicas sobre a enerxía en Galicia PDF Imprimir Correo-e

 A produción, a transformación e o consumo de enerxía son a princct_meirama.jpgipal causa de deterioración ambiental, tanto en Galicia como a nivel mundial. Convidámoste a ler as respostas actualizadas a algunhas cuestións básicas para entendermos mellor a realidade enerxética da nosa terra: cais son as fontes enerxéticas empregadas en Galicia?, somos un país excedentario en enerxía?, a electricidade xerada nos parques eólicos substitúe á electricidade sucia?, que custos dentro e alén das nosas fronteiras implica o modelo enerxético galego?, que propón Verdegaia para avanzarmos cara a un modelo enerxético sustentable?,...

1. Cales son as fontes enerxéticas empregadas en Galicia?

A enerxía primaria son os recursos enerxéticos empregados para un uso final  ou para a súa transformación noutra forma de enerxía (por exemplo, carbón ou vento para xerar electricidade). Segundo o Balanzo enerxético para o ano 2008 do Instituto Enerxético de Galicia -o último dispoñible- só o 13,2 % da enerxía primaria total é de orixe renovable (hidráulica, eólica, solar, biomasa e outros residuos de biomasa). Xa que logo, a maior parte da enerxía primaria procede de combustibles fósiles. O petróleo constitúe a principal fonte de enerxía,  fornecendo o 57,6% da enerxía primaria total. A achega do gas natural medrou moito nos últimos anos até chegar en 2008 a supor o 14,3% e superar así lixeiramente en importancia ao carbón, que agora é a terceira fonte, proporcionando o 14,1% da enerxía primaria.

O artigo enteiro en http://www.verdegaia.org/content/view/176/122/
Convén lelo para desmontar tópicos que temos arraigados na cachola (como que somos excedentarios en determinadas enerxías).

Posted via email from Certo.gl, o xornal dixital de Barbanza e Noia

Noia: programación cultural prevista en outubro

Boiro: Comoxo celebra o San Miguel na primeira fin de semana de outubro

Cartel cortesía de Dani Gestoso no seu Facebook

Boiro, 27 de setembro de 2010. A aldea de Comoxo celebra as súas segundas maiores festas adicadas a San Miguel (este mércores 29 de setembro, que coincide desta volta coa folga xeral). O traslado á fin de semana é por simple sentido común, non por política nin outras gaitas: na fin de semana pode asistir máis xente aos actos. Nembargantes, o mércores 29 mantense a misa na honra do santo, que será ás doce do mediodía, na capela de San Salvador e cantada polo coro de Boiro.

Xa o venres 1 de outubro comeza a foliada. Ás 12 do mediodía, misa cantada polo coro de Postmarcos (A Pobra) e logo sesión vermú con Panamá, na que haberá unha mexilloada de balde. Pola noite tamén será a orquestra Panamá a que amenice a verbena, pero antes estará o Dúo Togayán para ir quentando.

O sábado 2 de outubro a misa tamén será ás 12, cantada polo coro do Loreto. A continuación, sesión vermú con Atenas, que é a orquestra que tamén actúa esa noite. Na sesión vermú a comisión organiza unha degustación de empanadas de varias clases. Non lle teñan medo ao tempo: haberá carpa!


Posted via email from Certo.gl, o xornal dixital de Barbanza e Noia

Noia: representantes do Concello asistiron a un cumio de loita contra as drogas en Coímbra

A concelleira de Sanidade, Rosa Ana Mariño, e o coordinador do Plan Comarcal de Prevención de Drogodependencias, David Saavedra, foron invitados pola Alianza de Cidades de Tratamento de Drogas

Noia, 27 de setembro de 2010. Máis de 100 participantes que representaban a 30 cidades (entre elas o Concello de Noia) de 28 países da Unión Europea, América Latina e o Caribe estiveron presentes no Foro de Coimbra que tivo lugar entre os días 22 e 25 de
setembro. "A presenza neste foro internacional da representación institucional de Noia supón un impulso ás actuacións en materia de drogodependencias", explicou David Saavedra.
A delegación de Noia estivo encabezada pola Concelleira de Sanidade Rosa Ana Mariño González e o Coordinador do Plan Comarcal de Prevención de Drogodepedendencias David Saavedra Pino, invitados pola Alianza de Cidades de Tratamento de Drogas que é unha iniciativa da CICAD (Inter American Drug Abuse Control Commission). Durante as sesións de traballo tratáronse os retos das novas estratexias no deseño dos diagnósticos locais, os modelos de xestión de servizos de tratamento e prevención a nivel local, así como o apoio dende os Organismos Internacionais a programas de redución da demanda.

No Cumio de Coímbra as cidades participantes ratificaron a Declaración de Lugo, na cal se considera unha declaración de intencións onde se recoñece que as políticas e programas de redución da demanda de drogas, deben ser amplas, de longo prazo e incluír a promoción de estilos de vida saudables, a prevención do uso e abuso de drogas, o tratamento e a rehabilitación das persoas dependentes das drogas, así como a oferta de servizos de apoio á recuperación da comunidade.

A asistencia ao cumio vén motivada por un interese en impulsar as políticas sociais sobre atención aos drogodependentes e fortalecer os programas de prevención de drogodependencias comunitarios, así como o intercambio de experiencias no eido local.
No mesmo cumio deuse continuidade á iniciativa EU-LAC da alianza de cidades en tratamento e reducción da demanda de drogas, na que se promove a inclusión do problema das drogodependencias na axenda política.

Posted via email from Certo.gl, o xornal dixital de Barbanza e Noia

25.9.10

Autovía do Barbanza: o luns comeza o seu repintado para mellorar a seguridade viaria

Medio Ambiente informa que será necesario realizar cortes nun carril do tronco da autovía, de lonxitude de 4,5 quilómetros, deixando en todo momento un carril habilitado para a circulación en cada sentido. Durante o tempo que estea cerrado ao tráfico o carril, manteranse informados aos usuarios da vía mediante os paneis de sinalización móbil


Barbanza, 25 de setembro de 2010.- A Consellería de Medio Ambiente, Territorio e Infraestruturas iniciará o luns o repintado de parte das marcas viais da autovía do Barbanza (AG-11). Os traballos, que se centrarán no repintado daquelas marcas que non cumpren os parámetros esixidos, prolongaranse ao longo de tres semanas, aproximadamente ata o 15 de outubro.

A Xunta de Galicia, para realizar o repintado, debe executar cortes dun carril no tronco da autovía, de lonxitude de 4,5 quilómetros, deixando en todo momento un carril habilitado para a circulación en cada sentido. Ademais, durante o tempo que estea cerrado ao tráfico o carril, manteranse informados aos usuarios da vía mediante os paneis de sinalización móbil.

As obras de repintado, que se enmarcan dentro do contrato de mantemento da concesionaria, levaranse a cabo na parte esquerda, xa que a zona dereita e o eixo central xa foron pintados o ano pasado.

Posted via email from Certo.gl, o xornal dixital de Barbanza e Noia

24.9.10

Ribeira: prazo ata o 9 de outubro para solicitar axudas para a promoción do deporte deste ano


Ribeira, 24 de setembro de 2010. O Concello informa de que xa están publicadas no Boletín Oficial da Provincia da Coruña (BOP do día 22 de setembro) as bases reguladoras da convocatoria para a concesión de achegas para a promoción de actividades deportivas correspondente ao exercicio 2010. 

Ditas achegas prevén unha contía orzamentaria de 66.000 euros. A comisión avaliadora estudará a solicitudes presentadas, formulando proposta de concesión de achega despois da consideración das actividades a realizar, de acordo en todo caso cos seguintes criterios:

  • Interese xeral da actividade.
  • Continuidade, estabilidade e solvencia da entidade solicitante.
  • A dificultade para acudir a outros medios de financiamento, así como os medios económicos cos que conte a entidade.
  • Número estimado de persoas que poidan resultar beneficiadas polo programa ou actividade.
  • Emprego da lingua galega.

O último día para solicitar estas axudas será o sábado 9 de outubro.

Posted via email from Certo.gl, o xornal dixital de Barbanza e Noia

Ribeira: os socialistas presentan unha moción para que se sanee o río Listres en Carreira

Ribeira, 24 de setembro de 2010. Segundo informa a web dos socialistas ribeirenses, que comezou a funcionar estes días, o concelleiro Manuel Ageitos presentou unha moción para que o Concello proceda a sanear o río Listres.

Argumentan os socialistas que a rede de saneamento e sumidoiros "está feita hai vinte anos" e a que procede de Filgueira-Carreira emborca diretamente no río Listres, sen que estea a día de hoxe conetado á rede de saneamento municipal pola estrada xeral Carreira-Aguiño. Entre as consecuencias deste desleixo, os socialistas destacan os cheiros na zona da Pontella "cada tarde, que son nauseabundos" e mesmo temen pola saúde dos veciños afectados.

Web do Psoe de Ribeira:
http://www.psoeribeira.es

Posted via email from Certo.gl, o xornal dixital de Barbanza e Noia

23.9.10

Rianxo: din que queren censurar as páxinas escolares de Bico da Ría, do IES Félix Muriel

Así son as páxinas escolares que pide censurar Gloria Lago

Galicia Bilingüe tenta criminalizar a labor dos Equipos de Normalización baseándose nun youtube e unha suposta imaxe en dúas webs, unha das cales condena explicitamente a violencia.

Por Galicia Confidencial | Cuntis | 23/09/2010

  • versión para imprimir

Os medios informan hoxe que Galicia Bilingüe (GB), o colectivo vigués contrario á normalización do galego, pediu á Xunta a censura de dúas webs elaboradas polos Equipos de Dinamización e Normalización Lingua (EDNL) de dous centros de Rianxo e Cuntis.

Desas novas o lector pode deducir que se trata de portais radicais e violentos e que GB ten bases firmes para a súa petición de "medidas cautelares" contra os funcionarios . Porén, unha análise rápida devela que son páxinas educativas sobre o galego e que, ademais, non son os sitios oficiais deses centros.

Un completo portal sobre a normalización en Rianxo

O primeiro obxectivo de GB é Bico da Ría. Non se trata dun "blog", como apunta a asociación de Gloria Lago, senón do rico portal do EDNL do IES Felix Muriel de Rianxo.

Nel informase, ademais de actividade a prol do galego como o Dia das Letras, dos múltiples aspectos da vida do instituto, como viaxes ou competicións deportivas.

A denuncia concreta de GB sobre Bico da Ría é "pide que se eliminen cuanto antes imágenes en las que se muestra simbología del grupo Briga, protagonista en los últimos años de incidentes violentos y contra la libertad de expresión de otros ciudadanos. En una de esas imágenes del blog se muestra a un joven portando un cóctel molotov y una frase amenazante contra las personas que pudieran participar en una manifestación que Galicia Bilingüe".

Galicia Confidencial non foi quen de atopar tal imaxe no portal, que ten multitude de seccións e contidos didácticos.

Condena explícita da violencia durante protesta de GB

É máis, a liña editorial de Bico da Ría é expresamente contraria á violencia. Así, despois dos incidentes na manifestación de GB en Santiago en precampaña (secundada, entre outros, pola Falanxe, PCPE, UpyD e PP) o EDNL publicou unha condena aos que intentaron boicotear o acto.

"Non estamos de acordo coa postura antinormalizadora de Galicia bilingüe e a súa reiterada propaganda de 'maltrato ó castelán'. Non aceptamos nin compartimos ningún acto violento daqueles que, anunciándose como defensores do idioma, fan actos de vandalismo", aseguraba ese EDNL.

En Cuntis meteron un youtube de Skarnio nun blog

O segundo obxectivo de Gloria Lago é o blog do EDNL don Aurelio de Cuntis. "Na Lingua de todos" está na blogoteca, polo que en ningún caso a súa publicación ou eventual censura depende da Xunta. Unicamente un xuíz podería tomar medidas contra el, no caso de que se probase algún delito.

O cargo contra el de GB é "el enlace a un vídeo del grupo Skarnio". O blog contén múltiples recursos e noticias sobre a normalización.

Un dos seus usuarios escribiu no verán de 2008 un post, sen alusión política algunha, no que se facía eco do próximo concerto do grupo de ská vigués, e incluíu un vídeo da banda no Youtube. Na canción non se nomea a Uxío e Giana, que foron condenados pola bomba no Caixa Galicia de Santiago, cuxas fotos si saen no videoclip.

Para GB isto é mostra da "frenética actividad de muchas de estas entidades evidenciando el uso politizado de la mayoría o buena parte de sus acciones referidas al idioma". Consciente de que calquera acción da Xunta contra os Equipos de Normalización precisaría dunha sentencia, GB pide ao goberno "medidas cautelares". Entre elas, a eliminación dos enlaces, malia que non están en servidores da Xunta ,e "contra la actividad de dos equipos de normalización".

O inicio dunha campaña

Gloria Lago xa anunciou na asemblea deste verán que un dos obxectivos de GB no novo curso sería denunciar aos que desafiasen ao polémico "decreto do plurilingüismo".

Posted via email from Certo.gl, o xornal dixital de Barbanza e Noia

Porto do Son: o PP critica que non se fagan as obras requeridas en Queiro, Nebra



OS VECIÑOS DE QUEIRO “ESTÁN FARTOS” DAS PROMESAS INCUMPLIDAS DO GOBERNO BIPARTITO SONENSE.

*A ACTUACIÓN DE ARRANXO DO VIAL DE ACCESO A ALDEA FOI PROXECTADA E ORZAMENTADA POLO GOBERNO DE MANUEL TOMÉ.

* A PONTE DE QUEIRO NECESITA UNHA URXENTE ACTUACIÓN PARA EVITAR UNHA DESGRAZA.


Porto do Son, 23 de setembro de 2010


Os veciños da aldea sonense de Queiro atópanse desesperados ante os continuos incumprimentos que o Goberno bipartito do PSOE e BNG lles levan prometendo dende a súa entrada no goberno municipal.
Dicir que dita aldea atópase na parroquia de Nebra, nas faldas do monte Iroite e que actualmente preto dunha dúcia de veciños compoñen de forma permanente dito núcleo de poboación.

As queixas revindicativas véñense sucedendo dende fai anos, sin que ata a data de hoxe non conseguiran arranxar os problemas de acceso que teñen a dita aldea.

Hai que lembrar que dende que se construiu dito vial, unicamente o goberno popular de Manuel Tomé, fixo unha pequena actuación con carácter provisional de bacheado e deixando redactado e ornamentado para unha actuación integral de asfaltado xunto a unha actuación de carácter prioritario para arranxar a estructura da Ponte de Queiro, integrada en dito vial de acceso.

Está claro que este goberno non demostra a máis mínima preocupación en que se atopan os viales de acceso a distintos núcleos, prometendo actuacións pero que esperando as primeiras choivas do outono, non se ven perspectivas de actuar, oque pode provocar que finalmente queden intransitables a calquer vehículo convencional e chegado o caso, quedar totalmente desfeita e ter que facer unha nova actuación con uns investimentos moi superiores ós previstos.

Dende o PPdG imos seguir insistindo en reclamar dunha vez por todas que as verbas tan fácilmente explicativas de compromisos por parte do goberno do Sr. Pastor Rodríguez adquiridos, sexan realidades e non política electoralista, á que nos teñen con suma facilidade acostumados.

Posted via email from Certo.gl, o xornal dixital de Barbanza e Noia

Noia: a Xunta segue ignorando á vila como Porto Xacobeo na súa programación cultural


Lauda do peregrino en Santa María a Maior

Noia, 23 de setembro de 2010. A última nota de prensa da Xunta de Galicia sobre actividades dos Portos Xacobeos, unha iniciativa totalmente improvisada e inconexa que aparece e desaparece da programación cultural da Xunta como por arte de maxia, volve ignorar a Noia como Porto Xacobeo.

Logo de todos os esforzos dos empresarios da vila e mesmo dos políticos -incluso o alcalde chegara a peregrinar a Compostela baixo o lema Portus Apostoli e na Feira Medieval escolleuse como subtítulo do cartel o latinaxo "Portus Apostoli in Ani Santi Iacobi MMX"- Noia segue sen ter unha programación cultural de seu baixo esta denominación.

Ponte de Betanzos, que tamén é Porto Xacobeo

O anuncio da programación do Porto Xacobeo de Betanzos de hoxe recolle un apartado que di así:

"Portos Xacobeos
Esta aportación ao fenómeno Xacobeo supón unha gran oportunidade para dar a coñecer por primeira vez a vinculación dos portos cos diferentes Camiños, nunha aposta por favorecer o coñecemento das nosas instalacións portuarias. Tamén se aproveita a oportunidade que nos ofrece este ano Santo para achegar a realidade sociocultural dos municipios galegos tanto aos seus habitantes coma aos seus visitantes.
En total, 15 portos forman parte deste programa que engloba cinco Camiños de Santiago: o do Norte, Fisterra-Muxía, Camiño Inglés, Portugués e ruta Marítima de Arousa. Os portos distinguidos como Portos Xacobeos son os de Ribadeo, Betanzos, Pontedeume, Corcubión, Cee, Muxía, Fisterra, Tui, Pontevedra, Pontecesures, Vilanova de Arousa, Cambados, Rianxo, A Pobra do Caramiñal e Ribeira".

Como se pode observar, Noia non aparece, a pesares do anuncio da mesma Xunta de Galicia o 12 de xuño, no que recoñecían, logo de que así llo fixeran ver varios historiadores e das protestas do empresariado, que "a súa vinculación coa ruta marítima xacobea así o demostra, pois segundo contan as crónicas, foi un dos portos máis importantes de Galicia". Agás unha exposición con trece cadros de artistas contemporáneos (Iacobus Gallaecia) que recalou na vila, a Xunta non programou nada máis nesta vila da súa amplísima oferta cultural deste ano 2010. Por haber, nin houbo feira do libro (e este ano é o Ano do Libro e da Lectura en Galicia, tamén segundo a Xunta). Para máis, unha actividade que está consolidada e medrando cada ano en número de espectadores como é o Certame de Curtas "Vila de Noia",  tampouco a apoian ou a inclúen en "Xacobeo Filme", mentres que a outras localidades que aínda van polas primeiras edicións, si que as patrocinan.

Antes publicamos:


Portus Apostoli: Noia, por fin nomeada Porto Xacobeo


Porto de Compostela
: a canción de Los Tamara que non escoitaron na Xunta

Protesta: o 21 de maio, marcha nocturna reivindicando o Portus Apostoli


Porto Xacobeo: o Psoe pide ese estatus para Noia no Parlamento 


Cinema: Xacobeo Filme patrocina 11 festivais. Noia, fóra de novo


Historia: 8 de xuño de 1147, arriban 200 naves dende Inglaterra

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical