Tamén lle podería interesar:
Entroido: o martes 8, na Paxareira
Posted via email from Certo.gl, o xornal dixital de Barbanza e Noia
3.3.11
Dodro: este sábado 5 de marzo, contacontos pola Igualdade na Paxareira
Compártelo
Ribeira: a homenaxe á Muller Traballadora terá como protagonistas ás coidadoras de dependentes
Ribeira, 3 de marzo de 2011.- Con motivo da conmemoración do Día Internacional da Muller Traballadora, o Concello realizará unha homenaxe ás coidadoras de persoas dependentes do municipio ao entender que "non sempre se sabe valorar como se merece o labor tan sacrificado que realizan estas persoas, entre as que predomina, e con moito, o sexo feminino", segundo explicou esta mañá nunha rolda de prensa a concelleira de Igualdade, Acción Social, Maiores e Dependencia, Esther Patiño, quen estivo acompañada da directora do Centro de Información á Muller, María Dolores Crujeiras.
Aínda que o Día Internacional da Muller Traballadora é o 8 de marzo, esta homenaxe desenvolverase no Auditorio Municipal o próximo venres 11 de marzo, evitando así a celebración do acto nun martes de Entroido que é festivo local. Será a partir das 18.30 horas.
As persoas coidadoras que acudan ao mesmo recibirán uns diplomas conmemorativos e uns agasallos como agradecemento polo seu sacrificio. Ademais, haberá unha charla sobre masaxes terapéuticos a cargo da profesional do ramo Elena Isabel Lagoa Pazos.
Os grupos de baile e de cantareiras da Asociación de Amas de Casa de Ribeira encargaranse de amenizar a acción, que rematará cun pincho.
Posted via email from Certo.gl, o xornal dixital de Barbanza e Noia
Compártelo
Ribeira: o Concello abre contas nos principais servizos sociais de Internet para achegar información axiña á veciñanza
Dende hoxe xa é posible agregarse ás contas do Concello en facebook, tuenti, twitter, youtube e flickr. Tamén se habilita un programa chamado "Entérate!" de alertas por correo electrónico
Ribeira, 3 de marzo de 2011.- Co propósito de chegar de maneira máis eficaz, cómoda e rápida á veciñanza de Ribeira, o Concello acaba de dar inicio no día de hoxe a un novo proxecto no que se fai uso das novas tecnoloxías e redes sociais para ofrecer información das actividades culturais, festivas e xuvenís organizadas por esta Administración. Trátase do programa ENTÉRATE!, que foi presentado hoxe polos concelleiros de Cultura e Festexos e de Xuventude e Turismo, Luciano Fernández e Vicente García.
Un dos aspectos máis atractivos deste novo servizo reside na posibilidade, xa dende hoxe mesmo, de agregar como amigo ao Concello nas redes sociais das redes sociais facebook, tuenti, twitter, ademais dos enlaces de servizos para publicación de fotos e vídeos youtube e flickr.
Por outra parte, os interesados poderán ter a posibilidade de recibir no seu e-mail as novas do Concello en tempo real, simplemente inscribíndose nun apartado destinado ao efecto na páxina www.riveira.es (un banner de ENTÉRATE!). Para iso hai que rexistrarse no formulario poñendo o nome, email e localidade ou parroquia. Cada vez que haxa unha novidade os inscritos recibirán un correo coa información respectiva.
Luciano Fernández informou de que o Concello vai enviar 10.000 cartas nas que se recolle toda a información necesaria para aproveitarse dos beneficios deste novo servizo.
Podes engancharte aos diversos perfís premendo nos logotipos:
Posted via email from Certo.gl, o xornal dixital de Barbanza e Noia
Compártelo
Boiro: o Bng organizou hoxe un acto de precampaña con Guillerme Vázquez
O portavoz nacional do BNG anima á sociedade galega a manifestarse o día 13 para “esixir un cambio porque as políticas do Goberno Central e do goberno da Xunta estannos levando a unha situación cada día peor” Boiro, 3 de marzo de 2011. O portavoz nacional do BNG, Guillerme Vázquez, puxo esta mañá ao concello de Boiro, gobernado polo BNG “como exemplo de que o BNG dende os concellos si toma medida para combater o paro e a crise, fronte a un goberno da Xunta que non fai nada”. Guillerme realizou esta mañá un reparto informativo no centro da vila boirense para animar á sociedade galega á manifestarse o domingo día 13 en Santiago en defensa do emprego, dos sectores produtivos, do país e do aforro galego baixo o lema “Galiza ten dereito”.
Posteriormente, realizou unha visita ao “Centro de Formación-Escola de Hostalaría-Viveiro de Empresas”, unha iniciativa posta en marcha polo BNG dende o Goberno de Boiro e que foi merecente do premio “Ciudad de las Ciencias y la Innovación”, un galardón que foi entregado polos Príncipes de Asturias o pasado 13 de xaneiro en Madrid. Guillerme estivo acompañado en todo momento polo alcalde de Boiro, o nacionalista Xosé Deira; o Grupo Municipal do BNG de Boiro e a responsábel comarcal do BNG, Dores Torrado, entre outros.
En declaracións aos medios, o portavoz nacional do BNG recoñeceu que “hoxe estou en Boiro para dalgún xeito amosar o orgullo do BNG coa actividade dun goberno municipal que ten proxecto, que ten estratexia, que sabe o que hai que facer á fronte dun concello e que, como unha das vías de actuación práctica, toma iniciativas na dirección de fomentar a creación de emprego”. Neste sentido, Guillerme salientou que “a diferencia de actuación entre un concello gobernado polo BNG, encabezado por Xosé Deira, que fai verdade o que dicimos de que tamén dende os concellos, aínda que sexa modestamente, podemos contribuír na liña de fomentar o emprego, e a actitude dun goberno galego que fronte ao problema do paro simplemente di que carece de competencias e que nada ten que facer”.
A este respeito, advertiu da “grave situación na que nos atopamos: estamos xa na fronteira dos 250.000 parados e paradas en Galiza; os sectores produtivos galegos están sendo agredidos un detrás de outro sen que haxa ningunha defensa política por parte do Goberno do Núñez Feijóo, e estamos nunha situación onde o aforro galego pode camiñar sen reacción algunha por parte da Xunta de Galiza cara a súa privatización”. Ademais, subliñou que “teríamos que preguntarnos como será posíbel crear emprego neste país se todos e cada un dos sectores produtivos van camiño da súa desaparición e se non hai medios financeiros que apoien o noso tecido produtivo”.
Ante esta situación, Guillerme asegurou que “fronte á inactividade e a inacción do Goberno do PP na Xunta o BNG e outras organizacións non estamos dispostos a aceptar estas políticas que están poñendo en marcha o Goberno da Xunta e o Central e que nos están levando a onde nos están levando”. Por iso, subliñou que “é o momento de petar na mesa, de reaccionar e dicir que a pesar do que pense o Goberno Central e o Goberno de Feijoo Galiza si ten dereito e por iso o domingo 13 convocamos unha manifestación á que convidamos a toda a sociedade galega para dicir alto e claro que temos dereito e vivir e traballar na nosa terra, para demandar un cambio radical nas políticas que se están a facer e que nos están levando a unha situación cada día peor”.
Declaracións
En declaracións aos medios, o portavoz nacional do BNG recoñeceu que “hoxe estou en Boiro para dalgún xeito amosar o orgullo do BNG coa actividade dun goberno municipal que ten proxecto, que ten estratexia, que sabe o que hai que facer á fronte dun concello e que, como unha das vías de actuación práctica, toma iniciativas na dirección de fomentar a creación de emprego”. Neste sentido, Guillerme salientou que “a diferencia de actuación entre un concello gobernado polo BNG, encabezado por Xosé Deira, que fai verdade o que dicimos de que tamén dende os concellos, aínda que sexa modestamente, podemos contribuír na liña de fomentar o emprego, e a actitude dun goberno galego que fronte ao problema do paro simplemente di que carece de competencias e que nada ten que facer”.
Camiño de 250.000 parad@s
A este respeito, advertiu da “grave situación na que nos atopamos: estamos xa na fronteira dos 250.000 parados e paradas en Galiza; os sectores produtivos galegos están sendo agredidos un detrás de outro sen que haxa ningunha defensa política por parte do Goberno do Núñez Feijóo, e estamos nunha situación onde o aforro galego pode camiñar sen reacción algunha por parte da Xunta de Galiza cara a súa privatización”. Ademais, subliñou que “teríamos que preguntarnos como será posíbel crear emprego neste país se todos e cada un dos sectores produtivos van camiño da súa desaparición e se non hai medios financeiros que apoien o noso tecido produtivo”.
Manifestación o día 13
Ante esta situación, Guillerme asegurou que “fronte á inactividade e a inacción do Goberno do PP na Xunta o BNG e outras organizacións non estamos dispostos a aceptar estas políticas que están poñendo en marcha o Goberno da Xunta e o Central e que nos están levando a onde nos están levando”. Por iso, subliñou que “é o momento de petar na mesa, de reaccionar e dicir que a pesar do que pense o Goberno Central e o Goberno de Feijoo Galiza si ten dereito e por iso o domingo 13 convocamos unha manifestación á que convidamos a toda a sociedade galega para dicir alto e claro que temos dereito e vivir e traballar na nosa terra, para demandar un cambio radical nas políticas que se están a facer e que nos están levando a unha situación cada día peor”.
Posted via email from Certo.gl, o xornal dixital de Barbanza e Noia
Compártelo
Ribeira: o candidato polo PP á alcaldía escoita este venres aos veciños nun obradoiro de ideas
Será ás sete da tarde nun lateral da igrexa de Santa Uxía
Ribeira, 3 de marzo de 2011.- O candidato á alcaldía de Ribeira polo Partido Popular, Manuel Ruiz Rivas, organiza mañá un Obradoiro de Ideas no que todos os veciños que así o desexen poderán achegarse ata a praza situada ao lado da Igrexa de Santa Uxía (onde está o Botter) para propoñer aquelas suxerencias e consideracións que consideren axeitadas para a mellora e o avance das nove parroquias do municipio.
Esta actividade terá lugar a partir das 19 horas e, con tal motivo, na citada praza estarán dispostas unha serie de mesas informativas distribuídas en función de distintas temáticas: asuntos sociais, urbanismo, xuventude, cultura, deportes, facenda, seguridade cidadá, educación, medio ambiente, etc…
Manuel Ruiz e o seu equipo do Partido Popular de Ribeira serán os encargados de atender as propostas dos cidadáns. Preto dun centenar de veciños xa aportaron ideas ao candidato por medio da páxina web www.manoloruiz.org, e amosáronse dispostos a acudir mañá áo Taller de Ideas para departir sobre elas.
Posted via email from Certo.gl, o xornal dixital de Barbanza e Noia
Compártelo
Ribeira: as obras do premio internacional de arte gráfico "Jesús Núñez" poden verse ata o 15 de marzo no auditorio
-
Foto da exposición (I) -
Foto da exposición (II) -
Foto da exposición (III) -
Foto da exposición (IV)
Posted via email from Certo.gl, o xornal dixital de Barbanza e Noia
Compártelo
Suscribirse a:
Entradas (Atom)
