4.4.11

Ribeira: o Bng quere melloras no parque natural, "no que a Xunta segue sen implicarse"

Ribeira, 4 de abril de 2011. O BNG presentou dúas iniciativas en relación co Parque Natural de Corrubedo e Lagoas de Carregal e Vixán. Os nacionalistas interésanse polas inversións e actuacións realizadas pola Xunta no Parque e pola situación na que se atopa a concesión de axudas en materia de conservación dos recursos naturais e o fomento de accións para a poboación local e para o desenvolvementos sustentábel do mesmo.

"Vinte anos despois da declaración de Parque Natural deste privilexiado entorno co que contamos no noso concello, a Xunta segue sen implicarse na atención e coidado do mesmo. A pesar de ser o Parque galego máis visitado as queixas relativas á ausencia de estratexias de implicación e colaboración das persoas que viven nestes espazos, así como polo recorte dos medios e inversións neste espazo están á orde do día. Recentemente as queixas son relativas á falta de guías no Parque ao despedir ás persoas que viñan realizando estas funcións e á ausencia dunha planificación axeitada dos usos e xestión deste espazo natural", explican.

Iniciativas parlamentarias:
Parque Natural
Parque Natural investimentos

Posted via email from Certo.gl, o xornal dixital de Barbanza e Noia

Porto do Son: os comuneiros de Xuño son os anfitrións dunha xornada sobre gando no monte o sábado 9 de abril

Media_httpfarm6static_whlha

Porto do Son, 4 de abril de 2011. A Mancomunidade Serra do Barbanza organiza unha xornada sobre as posibilidades que ten o uso controlado do gando no monte. Será este sábado 9 de abril no centro de interpretación das Lagoas de Xuño e San Pedro.

Falarán, ás doce do mediodía, Eloi Villada, sobre aproveitamentos silvopastorís nos montes galegos; e á unha da tarde, Fuco Barreiro, que disertará sobre o Monte cabalar: Unha experiencia de silvopastoreo.

Posted via email from Certo.gl, o xornal dixital de Barbanza e Noia

Ribeira: a presentación oficial da candidatura do Bng é o venres 15 de abril

A Pobra: a presentación oficial da candidatura dos socialistas é este venres 8 de abril

INVITACION.pdf Download this file

A Pobra do Caramiñal, 4 de abril de 2011. A presentación da candidatura dos Socialistas da Pobra terá lugar o vindeiro venres día 8 de abril ás 20,30 horas no restaurante o Lagar. Contarán coa presenza de José Manuel Lage Tuñas, (Parlamentario) e Elena Espinosa Mangana (ex Ministra de Medio Ambiente, Medio Rural e Mariño). Presentará o acto José Carlos Alonso.


A continuación haberá unha cea para a cal pregan confirmen asistencia.

Posted via email from Certo.gl, o xornal dixital de Barbanza e Noia

A Pobra: os socialistas acusan ao alcalde de enganar á poboación con caros folletos sobre deportes

A Pobra, 4 de abril de 2011. Os socialistas pobrenses denunciaron hoxe que "unha vila para o deporte é o título dun panfleto que o goberno da Pobra enviou a tódalas vivendas do pobo. Este libelo, que consta de 16 páxinas, con numerosas fotografías e de calidade excelente, financiado cos cartos de todos os Pobrenses, (para que non teñamos dúbidas ó respecto ten  o escudo do Concello na súa portada) mostra futuras instalacións e pretende que os veciños crean que este goberno estivo implicado co deporte e cos deportistas ao longo da lexislatura".


O grupo municipal socialista engade que "nese panfleto que pagamos todos, e carísimo, nos agochan o abandono de numerosas instalacións deportivas. Hoxe estamos no Camiño Ancho para demostrar que doado é falsear a realidade tendo cartos. Estamos dentro dunha pista deportiva que ten dúas porterías sen anclaxes e unhas canastras sen aros que ademais serve de almacén de pedras. Parece que ao Sr. Alcalde non lle importan os rapaces que queiran practicar deporte nesta pista. Nas noticias vemos con máis frecuencia que a que quixeramos accidentes por caídas de porterías enriba de nenos con resultados de mortes, os rapaces que queiran practicar deporte no Camiño Ancho non interesan ao PP deste concello, a súa seguridade é  insignificante para os actuais responsables do deporte".


Ademais, cren que esta pista deportiva o aire libre, así como a de Lamas e Andrés, deberían poder ser utilizadas para o deporte recreativo e útiles para o máximo número de especialidades compatibles  e alcanzar unha rentabilidade maioritaria.


"O abandono é visible e recuperar espazos en desuso e infrautilizados para a práctica deportiva non é a prioridade do Sr. Maceiras. Aproveitamos para felicitar ós numerosos deportistas do pobo que alcanzan éxitos nos distintos campionatos aos que acoden. Eses éxitos persoais son debidos ao seu esforzo e dedicación e o sacrificio propio e das súas familias e non á axuda recibida polo Alcalde da Pobra, tal e como quere aparentar nos libelos propagandísticos que está repartindo na precampaña electoral", conclúen.

 


Posted via email from Certo.gl, o xornal dixital de Barbanza e Noia

Ribeira: la plataforma social de Aguiño pide al alcaldable socialista un plan turístico para la zona y mejor saneamiento

Media_httpfarm4static_onchd

Ribeira, 4 de abril de 2011. El candidato del PSOE a la alcaldía de Ribeira, Andrés Fariña, se reunió con las diez organizaciones y colectivos que forman la plataforma social y vecinal de Aguiño, que le demandaron un plan turístico que ponga en valor los recursos naturales de la zona y mejoras en el saneamiento.

“Los miembros de la plataforma piden una atención especial a la promoción turística de Aguiño, en coherencia con los espacios de protección medioambiental que representan el Parque das Illas Atlánticas y el complejo dunar de Corrubedo”, afirma Fariña, que se comprometió a impulsar las peticiones si los ciudadanos le dan su confianza en las urnas. Las asociaciones de la zona esperan ver pronto una bandera azul en la playa do Castro.

La plataforma la componen la asociación Sagres; la asociación de vecinos Ardora; el club de jubilados de Aguiño y Carreira; la asociación Francisco Lorenzo Mariño; la cofradía de pescadores; el colectivo Pax in Requiem; la asociación de padres del colegio de Aguiño; la comisión de fiestas A Dourixeira; la sociedad deportiva Xuventú Aguiño, y la asociación musical Albéniz.

El saneamiento fue un tema importante en la reunión, ya que además está pendiente la construcción de una nueva depuradora en Ribeira. Las asociaciones de Aguiño se comprometen a aunar esfuerzos en beneficio de la colectividad, pero exigen correspondencia a la hora de poner en marcha de forma urgente un Plan de Saneamiento Integral para la ciudad, que incluya el polígono industrial.

Los vecinos de Aguiño mostraron a Fariña su descontento con la evolución posterior del polígono de Couso, prometido con garantías medioambientales y resultando ser un foco de olores y vertidos al mar.

Por otra parte, la cofradía solicitó un mayor protagonismo en la gestión marisquera de la zona y la plataforma demandó por último al candidato socialista la recuperación del muelle fenicio de A Cobasa.

Posted via email from Certo.gl, o xornal dixital de Barbanza e Noia

Ribeira: o alcaldable polo PP pretende dotar de máis solo industrial ao municipio

Ruiz Rivas dixo que ten a confirmación de Medio Ambiente de que o macropolígono vaise desbloquear este mes

Ribeira, 4 de abril de 2011.- Contar con máis metros de chan industrial no municipio para afianzar a competitividade de Riveira foi unha das necesidades que se lle espuxeron a Manuel Ruiz Rivas na reunión que o candidato á Alcaldía polo Partido Popular mantivo onte cos veciños e veciñas de Castiñeiras. O cabeza de cartel do PP coincidiu con esta afirmación e opina que, coa demanda de chan existente, xa é posible desenvolver unha fase do Parque Empresarial de Barbanza (comunmente coñecido como macropolígono), na zona de Moldes.

O candidato popular manifestou ante a numerosa asistencia reunida no adro da igrexa parroquial, que el aposta firmemente polo desenvolvemento industrial do municipio, e que con tal motivo contempla dúas vías de actuación: o proxectado macropolígono e a ampliación do parque de Xarás. 

Sobra a primeira vía, Ruiz Rivas informou aos veciños de que o conselleiro autonómico competente (Agustín Hernández, de Medio Ambiente, Territorio e Infraestruturas) lle confirmou persoalmente que o Consello da Xunta aprobará este mesmo mes o Plan Sectorial do macropolígono, “desbloqueando así a situación lamentable que nos deixou o Bipartito, ao planificar a construción do macropolígono nun solo que tiña especial protección forestal”.

Neste punto, Ruiz Rivas explicou que, “para corrixir este despropósito”, a Xunta actual tivo que realizar un primeiro cambio lexislativo nunha lei de acompañamento aos Orzamentos e que, coa aprobación do plan sectorial, o chan do macropolígono por fin será apto para o seu desenvolvemento industrial, satisfacendo así as demandas de empresas que precisan de máis solo para expandirse, como Frinsa.

Xarás

En canto ao polígono de Xarás, Manuel Ruiz manifestou que, de serlle encomendada en xuño a acción de goberno, fará cantas xestións sexan necesarias para lograr a súa ampliación, obstaculizada no seu día polo goberno autonómico que comandaban PSOE e BNG. 

Neste sentido, Manuel Ruiz indicou que foi o goberno do PP o que puxo en funcionamento a segunda fase do parque de Xarás e que “son precisamente os que agora se enchen a boca falando de chan industrial os que impediron a súa ampliación en 70.000 metros cando estaban gobernando no Bipartito”.



Posted via email from Certo.gl, o xornal dixital de Barbanza e Noia

Ribeira: o programa de saídas culturais para maiores inclúe seis roteiros este ano

Sadas_culturais

Dende Santiago ata Madrid, as Médulas e León, Illas Cíes, A Mariña de Lugo e San Andrés de Teixido

Ribeira, 4 de abril de 2011.- A concelleira de Igualdade, Acción Social, Maiores e Dependencia, María Esther Patiño Rey, presentou hoxe o programa de Saídas Culturais organizado polo Departamento de Servizos Sociais para os maiores do municipio.

Segundo informou a edila, Santiago de Compostela será o primeiro punto de destino cunha excursión que se celebrará o vindeiro 15 de abril e incluirá  a visita dos Xardíns dos Pazos e da Cidade da Cultura. O prazo de inscrición para esta viaxe comeza no día de hoxe e rematará o día 8. O prezo é de 25,20 euros por persoa.  

Todos os interesados en participar nesta ou nas outras cinco viaxes incluídas na programación deben cumprir os requisitos establecidos (é dicir, estar empadroado en Ribeira e contar cunha idade igual ou superior aos 60 anos, ou ben ter 55 ou máis e estar xubilado) e entregar as súas solicitudes no Departamento de Servizos Sociais, sito na rúa de Correos nº5 de Santa Uxía (números de teléfono 981 874 131 e 981 873 409).


A segunda das viaxes terá como destino Madrid e se celebrará entre o 6 e o 9 de maio. O seu prezo é de 212,10 euros e o prazo de inscrición terá lugar do 25 ao 29 de abril.


Media_httpfarm6static_meryu

A seguinte viaxe será ás Médulas e A León e desenvolverase nos días 8 e 9 de xuño. O prezo é de 90,30 euros e o prazo de inscrición abrangue entre o 30 de maio e o 3 de xuño.

A antepenúltima das excursións partirá rumbo ás Illas Cíes. Celebrarase o día 15 de xullo por un prezo de 39,20 euros. O prazo de inscrición ábrese o 4 e péchase o 8 de xullo.

Para o día 19 de agosto está prevista unha ruta pola Mariña Lucense. O seu prezo é  de 28,70 euros e os prazos de inscrición, entre o 8 de xuño e o 12 de agosto.

A última saída cultura será a San Andrés de Teixido o día 16 de setembro. O seu prezo é de 27,30 euros e os prazos de inscrición, entre o 5 e o 9 de setembro.

Cabe lembrar que as inscricións realizaranse como máximo para dúas persoas. O prezo inclúe autobús, entrada en museos, guía durante todo o percorrido, comida e seguro de viaxe.

As prazas serán adxudicadas por estrito orde de chegada.

Posted via email from Certo.gl, o xornal dixital de Barbanza e Noia

Sanidade: a Plataforma en Defensa da Sanidade pública da Barbanza concentrouse hoxe diante do Hospital

Na concentración estivo o parlamentario outiense Lage Tuñas

Ribeira, 4 de abril de 2011. Hoxe concentráronse na porta do Hospital da Barbanza os integrantes da  Plataforma en Defensa da Sanidade Pública da comarca da Barbanza. Segundo explicaron, queren "evitar a intención da Consellería de Sanidade de privatizar o Servicio de Diálise do centro, e adxudicarlle a súa xestión a unha Fundación totalmente privada. Se esto ocorre, os doentes-usuarios deste servizo serán atendidos en condicións inferiores ás prestadas na actualidade cun servicio dependente o 100% do Servicio Galego de Saúde".

Dende a Plataforma, que  está integrada por diversas asociacións plurales da comarca da Barbanza, Sindicatos e Partidos Políticos, teñen pensado realizar máis mobilizacións para acadar os seus obxetivos, sendo o fundamental a loita frente a privatización.

Máis información no weblog:

http://plataformabarbanza.blogspot.com


Nota do Psoe:

LAGE TUÑAS: “ O PP ESTÁ ENSAIANDO NO HOSPITAL DO BARBANZA A PRIVATIZACIÓN E EXTERNALIZACIÓN DOS SERVIZOS DOS HOSPITAIS COMARCAIS ”


-O Portavoz da Área Institucional do Grupo Socialista desprazouse hoxe á localidade de Ribeira par participar concentración diante do hospital para defender a ampliación do servizo de diálise do Hospital do Barbanza pero “sin privatizalo”.


-”O Partido Popular está preparando a privatización do servizo de diálise, e non imos a quedar calados." asegurou José Manuel Lage.


-”Vese con claridade que o PP concibe a Sanidade como un negocio e non como un dereito universal a prestar polos servizos públicos” explicaba José Manuel Lage.

Ribeira, 4 de abril de 2011. O portavoz de Área Institucional do Grupo Parlamentario dos Socialistas de Galicia, José Manuel Lage participou hoxe na concentracion de protesta contra a posible privatización do servizo de diálise do hospital do Barbanza.

Lage Tuñas dixo hoxe que “o PP está ensaiando no hospital do Barbanza a privatización e externalización dos servizos dos hospitais comarcais ”. A concentración de protesta foi organizada polo comité de empresa do hospital do Barbanza e pola plataforma en defensa da sanidade pública do Barbanza. O deputado socialista leva xa presentadas varias iniciativas parlamentarias en defensa da calidade asistencial do hospital do Barbanza e da mellora dos recursos económicos e de persoal neste centro hospitalario.

O Comité de Empresa do Hospital do Barbanza daba conta fai días da visita de técnicos dunha entidade privada para coñecer o funcionamento actual do servizo de diálise do complexo hospitalario asentado en Ribeira (A Coruña) co obxecto de facerse cargo da xestión do citado servizo.

O Portavoz da Área Institucional do Grupo Socialista desprazouse hoxe á localidade de Ribeira par participar concentración diante do hospital para defender a ampliación do servizo de diálise do Hospital do Barbanza pero “sin privatizalo”.

“Posto que foron os propios responsables do SERGAS os que deron crédito á posibilidade de que unha fundación privada se faga cargo dun servizo público do hospital, os socialistas galegos aquí estamos para defender o servizo público sanitario e a ampliación do mesmo para evitar que os cidadáns da comarca teña que desprazarse ao hospital a Santiago” explicou hoxe José Manuel Lage, deputado socialista no parlamento de Galicia.

O Portavoz da Área Institucional do Grupo Socialista desprazouse hoxe á localidade de Ribeira par participar concentración diante do hospital para defender a ampliación do servizo de diálise do Hospital do Barbanza pero “sin privatizalo”.

”O Partido Popular está preparando a privatización do servizo de diálise, e non imos a quedar calados." asegurou José Manuel Lage ao tempo que engadiu que “ vese con claridade que o PP concibe a Sanidade como un negocio e non como un dereito universal a prestar polos servizos públicos”


Posted via email from Certo.gl, o xornal dixital de Barbanza e Noia

Noia: o Bng esixe que se reparen as vías de servizos afectadas pola nova estrada a Santiago, no tramo que corresponde a Noia


Noia, 4 de abril de 2011. Os concelleiros do BNG, Bieito González e Xosé Bernaldo Castro, denunciaron hoxe en rolda de prensa, realizada no lugar de Sampaio, o abandono da empresa que estaba a realizar as obras de reposición de camiños de servizos, recollida de augas e acceso ás fincas privadas. A marcha da empresa en cuestión coincideu co remate do pasado mes de marzo. Os concelleiros puxeron de manifesto que, segundo o proxecto técnico, “hai 7.800 metros lineais de camiños de servizos, e que moitos tramos dos mesmos debían ir perfectamente asfaltados, sobre todo aqueles nos que existe unha forte pendente a fin de garantir a súa perduravilidade ao longo do tempo, e en definitiva que sexan transitables”, non sendo así ata o momento.


Tamén afirmaron que hai unha chea de propiedades sen acceso ás mesmas, incluso “unha de propiedade municipal, sita no lugar de Sampaio, á que se accedía directamente desde a estrada vella, sendo agora imposible facelo ao ter que dar un rodeo de preto de dous quilómetros”. Do mesmo xeito explicaron que hai unha morea de deficiencias nas recollidas das augas, que se non se corrixen ocasionarán no futuro múltiples dificultades. Reprocharon ao goberno local de Noia o feito de non ter posto en marcha "con verdadeira vontade de facer algo, a Comisión de seguimento das obras da estrada Noia-Santiago” aprobada polo Pleno do Concello en novembro de 2009, a instancias do propio BNG; así como a falta de control, nesta materia concreta, da Consellería de Medio Ambiente e Infraestructuras. Informaron que na Xunta de Voceiros, a celebrar na tarde de hoxe, poñerán no coñecemento da mesma os feitos que denuncian, sen desbotar presentar unha iniciativa diante do Pleno do Concello, e mesmo ante o Parlamento Galego.

Posted via email from Certo.gl, o xornal dixital de Barbanza e Noia

Noia: o Boletín Oficial do Estado recolle a Declaración de Impacto Ambiental que permitirá derrubar as escolleiras da Ría


Este mesmo mes está previsto que comecen as obras para retirar este lixo

Noia, 4 de abril de 2011. O Ministerio de Medio Ambiente Rural e Mariño avalía de xeito favorable o proxecto de derrubo da canle da escolleira de acceso á Ría de Noia, segundo recolle a Declaración de Impacto Ambiental que sae hoxe no Boletín Oficial do Estado (BOE). A resolución esixe que se manterá informado ao sector pesqueiro e marisqueiro das actividades de derrubo para evitar interferencias non desexables, así como o control de calidade das augas previsto no Plan de Vixiancia Ambiental confirmará que as obras non producirán afeccións sobre estes recursos.

Entón, "sempre e cando se autorice na alternativa escollida e nas condicións deducidas do proceso de avaliación, quedará adecuadamente protexido o medio ambiente e os recursos naturais. O obxecto do proxecto é retirar as actuais escolleiras de
encauzamento do esteiro da ría de Muros-Noia coa fin de facilitar a recuperación dos calados orixinais da zona e a rexeneración natural das praias situadas a ambas marxes da ría, ademáis de corrixir o impacto visual e ambiental causado por estas infraestruturas. As escolleiras, segundo relatan fontes do citado Ministerio, foron construidas co propósito de facilitar labores de
navegación, pero a progresiva acumulación de lama no arredor propiciou a súa inoperancia para estes labores. Na actualidade a canle de acceso de embarcacións non ten utilidade algunha para a navegación, dado que non existe actividade comercial ou pesqueira no porto de Noia que xustifique a súa presencia.

O promotor é a Dirección General de Sostenibilidad de la Costa e Mar do MARM. O proxecto contén un estudo da hidrodinámica da zona do peirao de Noia, que contempla os principais cambios que a demolición das escolleiras pode producir na dinámica litoral desta área. Os resultados indican que producirá un aumento xeral do fluxo mareal na enseada de Noia, desprazando as
correntes que enchen e baleiran os arredores da zona, ocupada actualmente por diques. Como consecuencia deste aumento de fluxo, vaise producir unha limpeza parcial dos sedimentos de finos acumulados no entorno das escolleiras, redundando nunha mellora da calidade das aguas.

Coa fin de evitar efectos sinérxicos indesexados, as obras de demolición proxectadas deberán coordinarse coa construción do viaduto sobre a ría de Muros-Noia, cuxa execución depende da Dirección General de Obras Públicas da Xunta de Galicia, co obxectivo de que os efectos acumulativos entre ambas actuacións resulten ser os mínimos posibles. Unha vez que se completen todos os traballos de demolición da escolleira e de retirada de cascallos das zonas de Punta de Testal e A Chaínza vaise, sempre segundo o Ministerio, constatar unha mellora da calidade visual de toda a zona final da ría de Muros-Noia, ao eliminar elementos de orixe antrópico alleos á paisaxe natural. O estudo de impacto ambiental inclúe un programa de vixiancia ambiental no que se detallan especificacións necesarias para o seguemento das obras.

Antes publicamos:


Escolleira: aprobada a Declaración de Impacto para retirala toda

Réplica: O Bng reitera que é todo "un puro engado"

Posted via email from Certo.gl, o xornal dixital de Barbanza e Noia

Cultura: concentración co lema "Pola paz, non á guerra", este xoves 7 en Santiago

Logomaria

Barbanza-Noia, 4 de abril de 2011. A Coordinadora Galega pola Paz organiza este xoves, 7 de abril, unha concentración en Santiago baixo o lema "Pola paz, non á guerra", con moitivo da intervención do noso país na guerra en Libia. Comeza ás oito e media do serán. Estarán, entre outros persoeiros, Uxía Senlle, e lerán un texto de Antón Reixa (director de cinema, ex Resentidos).

Organiza: 

Seminario Galego de Educación para a Paz
FUNDACION CULTURA DE PAZ
www.sgep.org
Tfno: 981-554053
Rúa do Valiño 13-1º
15703- SANTIAGO DE COMPOSTELA

Manifesto:

Pola paz, non á guerra 

      As persoas que hoxe respondemos á chamada da Coordinadora Galega pola Paz, o facemos para manifestar publicamente a nosa oposición á guerra, ás guerras como maneira de resolver os conflitos.  

      A guerra, o belicismo, a cultura da violencia, o terror, non significan a continuación da política por outros medios, como dicía  Carl von Clausewitz, senón o fracaso da política, o fracaso da diplomacia, o fracaso da palabra, o fracaso da humanidade. 

      As guerras son sempre xustas para aqueles que as inician. Os agresores, sexan quen sexan, énchense de razóns para xustificar as súas accións militares. Todas as guerras buscaron sempre a compracencia da cidadanía, a súa parálise, a inacción, cando non a súa complicidade. Sen a complicidade ou a parálise da poboación, sen a silencio dos pobos, o delito de silencio, as guerras non son posibles. 

      En todas as guerras a primeira vítima é sempre a verdade. As mentiras están na orixe dos conflitos armados. E os bandos enfrontados menten, menten máis que falan, menten cando non din a verdade, ou cando a contan a medias. A propaganda e a manipulación anulan á información. E a mentira trunfa. 

      A intervención militar occidental en Libia está chea de cinismo, de hipocresía e de mentiras. Ninguén nega que a Resolución 1973 do Consello de Seguridade sexa legal. Ou que a decisión de apoiar a intervención do Parlamento Español non sexa maioritaria, coas honrosas excepcións do BNG e de IU. Son legais. Sen embargo, a súa lexitimidade, a súa xustiza, non están tan claras. Como tampouco o están os intereses secretos e non confesados dos intervintes. 

      Non podemos ser xuíces e parte nos conflitos armados. Non debemos esquecer que o Consello de Seguridade está formado polos estados que son os principais vendedores de armas do mundo. Tamén por aqueles que teñen enormes intereses económicos e xeoestratéxicos en Libia, particularmente Francia, Italia e o Reino Unido. Libia é, ademais, o segundo provedor de petróleo e gas do Estado Español. A participación española na guerra costa ás arcas do estado, a todas e a cada un de nós, 1 millón de euros ó día. Como podemos ver, neste caso, o déficit está ben xustificado, as guerras non contan, son un gran negocio, para algúns, para os mercadores da morte. 

      Os mesmos que, ata hai un mes, vendíanlle armamento convencional sen límites a Gadafi, os mesmos que o paseaban polas cancilerías e o presentaban como un actor principal no Mediterráneo, son agora os que aborrecen do ditador e o cualifican de asasino do seu propio pobo, merecedor polo tanto de detención e xuízo no Tribunal Penal Internacional, corte aínda non recoñecida, por certo, polos EE.UU. 

      Gadafi non é precisamente un modelo de gobernante democrático. Desde logo non o é máis que Mubarak en Exipto ou  Ben Ali en Túnez. Como tampouco o son moitos gobernantes da rexión, algúns deles aliados da Coalición de Voluntarios. Como tampouco o é Mohamed VI de Marrocos, os príncipes dos estados do Golfo ou Arabia Saudita, por citar só a algúns. 

      ¿Como non imos compartir o dereito a protexer á poboación civil?. Claro que si, mais en todo o mundo, non só en Libia e só dun bando. Para impoñer o dereito de protección non é necesario atacar militarmente a un estado soberano. Para impoñer a exclusión aérea non é necesario converterse no brazo armado dunha das partes no conflito, armala e asesorala, calada ou abertamente.  

      En Barheim, onde por certo existe unha base USA, tropas de Arabia Saudita interviron militarmente con extrema dureza non para protexer á  poboación civil, senón para asegurar ó réxime monárquico que actuaba contra do seu propio pobo. Curiosa forma de impoñer o dereito de protección precisamente contra da poboación civil. En Gaza, por exemplo, os bombardeos do goberno sionista de Israel, contra da poboación civil son constantes e reiterados, vulnerando tódalas resolucións de Nacións Unidas, diante da total pasividade da comunidade internacional. ¡Canto cinismo, canta hipocresía!. 

      Non, así non se protexe. Non, así non se resolven os conflitos. Non, así non garantimos a paz e a seguridade. 

      Son moitas as mentiras. Son moitas as medias verdades no caso da guerra en Libia. ¿Quen pode crer o repentino entusiasmo de Sarkosy, Cameron ou Berlusconi polos dereitos humanos, a poboación civil libia ou a axuda humanitaria?. O cheiro a petróleo é abafante… 

      Todos sabemos que non se esgotaron as medidas de presión económica e diplomática previas. Tampouco se buscou o dereito de protección sobre a base da interposición de forzas da ONU para procurar un alto o fogo real e multilateral. Nin se propiciaron acordos políticos sobre a base da democracia representativa. O penoso papel do Secretario Xeral da ONU, Ban Ki-Moon, neste conflito, evidencia o seu sometemento absoluto ós poderosos e á industria do petróleo e do armamento. 

      Rematar canto antes os ataques aéreos, interpoñer de inmediato forzas de vixianza de paz das Nacións Unidas, retomar o papel da diplomacia, garantir un tránsito pacífico sobre a base do diálogo entre as partes, deberan ser os obxectivos da comunidade internacional. 

      Non podemos seguir lexitimando a guerra e a violencia. Nin tampouco a partición do Estado Libio, nin a apropiación das súas riquezas petrolíferas e gasísticas por parte de Occidente, nin a tutelaxe política da súa cidadanía. 

      As persoas que hoxe estamos aquí, convocadas pola Coordinadora Galega pola Paz, reiteramos que a democracia non se impón con bombas e misís, que as matanzas non se evitan provocando novas masacres. Que o dereito de protección non pode materializarse sobre a base da xeralización da guerra e da violencia. 

      Sobran as razóns. Estamos cargados de argumentos para  seguir a berrar, unha e outra vez: 

pola paz, non á guerra. 
 

COORDINADORA GALEGA POLA PAZ 
 

CONCENTRACIÓN NACIONAL 

POLA PAZ, NON Á GUERRA 

XOVES, DÍA 7, ÁS 20:30 HORAS 

PRAZA DO TOURAL 

SANTIAGO DE COMPOSTELA

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical