7.7.10

Ribeira: a escola de Remo da Cofradía da Dorna, avante a toda

Dende o pasado día 2 de xullo e tal e como nos propuxemos fai uns meses, Ribeira conta cunha escola de remo na que poden participar nenos e adultos.
Esta organizada conxuntamente pola Cofradía da Dorna, o Concello de Ribeira, o Clube de Remo Pobra, e o Clube Náutico de Ribeira.
Xa participan dela máis de 20 rapaces (22 a día de hoxe) e non se descartan futuras incorporacións que poñan en valor a escola e este deporte.
Esta disciplina deportiva veu a incorporarse logo dun amplo esforzo por parte de tódalas partes, e énchenos de satisfacción a todos ve-la boa acolleita que tivo entre os Ribeirenses.

Vendo o interés dos participantes -entrenan 3 días á semana (luns, mércores e venres); dúas horas cada día (de 11:00 a 13:00 h.)- trataráselle de dar continuidade ó proxecto, sempre que ese interese non decaia.
De momento ahí quedan estas imaxes que dan fé do bo discurrir destas primeiras paladas que está a dar a Escola de Remo.
Dende a Cofradía da Dorna querémos darlle ánimos ós que xa están participando dela, e animar ós que desexan anotarse (Auditorio Municipal - Oficiña de Deportes, de 9.00 h - 14.00

Posted via email from Certo.gl, o xornal dixital de Barbanza e Noia

Política: piden que se explique no Parlamento que se aclaren as xestións e os cartos para a visita do Papa en novembro

O PSdeG-Psoe pide que o conselleiro de Administración Pública, Alfonso Rueda, explique "que tipo de concurso público convocou para contratar a organización das actividades da Xunta na visita de Bento XVI a Compostela".



A Xunta anunciou que vai gastar 4 millóns de euros nunha estadía de 8 horas do Papa, cando as tarefas de seguridade xa as cobre o Estado

Santiago. 7 de xullo de 2010.- Os deputados socialistas José Manuel Lage Tuñas e Xoaquin Fernández Leiceaga, rexistraron hoxe unha iniciativa parlamentaria para pedir que o conselleiro da Presidencia, Alfonso Rueda, acuda ao parlamento e explique en sede parlamentaria “que procedemento seguiu para a contratación da organización das actividades que a Xunta de Galicia quere organizar con motivo da visita de Bento XVI no vindeiro mes de novembo a Compostela”.

O viceportavoz do Grupo Socialista, Lage Tuñas entende que o conselleiro da Presidencia “debe detallar e explicar ben que tipo de actividades van consumir 4 millóns de euros da Xunta de Galicia, xa que debemos recordar que as tarefas de seguridade están cubertas polas Forzas e Corpos de Seguridade do Estado”.

Segundo trascendeu, no interior da Catedral só se permitirán 700 persoas escollidas durante o escaso tempo que vai pasar o teócrata Bento XVI en Santiago

Os deputados do PSdeG pregúntanse “se Feijóo e Rueda consideran “austeridade” o gasto de 4 millóns de euros na organización de actividades paralelas á visita de Bento XVI”.

Fernández Leiceaga e Lage Tuñas tamén queren saber cal é o motivo polo que Rueda subcontrata a organización das actividades da Xunta de Galicia para a visita de Benedicto XVI e “ cal é o procedemento transparente e aberto que seguiu o conselleiro Rueda para contratar a un avogado determinado a través dunha asistencia técnica”.

Lage Tuñas di que ”a falsa austeridade ten caracterizado boa parte dos discursos baleiros pronunciados polos Sr. Rueda e Núñez Feijóo durante o primeiro ano de mandato ao fronte da Xunta de Galicia, por iso sería bó que se fixera unha explicación detallada de como vai gastar recursos públicos, de tódolos cidadáns, neste evento.” explicaba hoxe José Manuel Lage, portavoz da área institucional do Grupo Socialista.

Os andamios do Pórtico vanse retirar case na súa totalidade pola visita de Bento XVI

Os socialistas galegos consideramos importante que o Sr. Rueda explique os gastos que vai asumir a Xunta de Galicia e a subcontratación feita para a organización das actividades da Xunta de Galicia durante a visita de Benedicto XVI a Santiago de Compostela, tendo en conta que son recursos públicos adicados a un acontecemento relixioso, e que estamos nun Estado laico”, expresan os dirixentes socialistas na súa iniciativa parlamentaria.

”Cabe recordar que xa o Estado, a través do goberno de España, asume en visitas destas características os gastos máis relevantes para preservar a seguridade dun Xefe de Estado”, remacha Lage Tuñas.


Posted via email from Certo.gl, o xornal dixital de Barbanza e Noia

Política: os socialistas denuncian que a Xunta leva 21 meses sen nomear un tribunal de oposición no eido turístico

O Viceportavoz do Grupo Socialista no Parlamento, José Manuel Lage Tuñas rexistrou esta mañá unha interpelación no Parlamento "para que o goberno galego explique o caos existente na direccion xeral de Función Pública e a parálise que están sufrindo as oposicións de inspección turística da Xunta de Galicia

Praia de Augas Santas (Catedrais) en Ribadeo

Santiago. 7 de xullo de 2010.- O Viceportavoz do Grupo Socialista no Parlamento, José Manuel Lage Tuñas rexistrou esta mañá na cámara autónomica unha interpelación ao goberno galego “co obxecto de denunciar a situación de indefensión que están vivindo moitos opositores que se inscribiron no proceso selectivo de acceso ao corpo de inspección turística da Xunta de Galicia”.

Lage Tuñas recorda que “os opositores levan 21 meses agardando a que o goberno galego nomee o tribunal das oposicións de inspección turística, e están sen información, sen noticias, e sen expectativas, xa que a opacidade é un rasgo característico da Dirección Xeral da Función Pública dende a chegada de Feijóo e o seu conselleiro Rueda ao goberno galego”.

Os socialistas galegos impulsarán no parlamento iniciativas urxentes para que o goberno galego clarifique “os intereses que están defendendo ao ter paralizada esta oposición”. Lage Tuñas explica que “coa chegada de Alberto Núñez Feijóo á Presidencia da Xunta de Galicia estanse paralizando os procesos selectivos de acceso ao emprego público, e de forma destacada aqueles referidos ás funcións de inspección e control da legalidade.”

Dende o PSdeG exponse que foio pasado 30 de outubro de 2008 cando se publicaba no Diario Oficial de Galicia (D.O.G) a orde do 24 de outubro de 2008 pola que se convocaba o proceso selectivo para o ingreso no corpo de xestión de administración da Xunta de Galicia, subgrupo A2, escala técnica de inspección turística.

Os opositores que aproben deberán inspeccionar os servizos turísticos en Galicia

O portavoz da área institucional do Grupo Socialista explica que “a propia orde da convocatoria deste proceso selectivo expresa con claridade que o primeiro exame realizarase no prazo máximo de corenta días desde a constitución do tribunal que xulgue as probas. “ Engade que “en decembro do ano 2008 a Xunta de Galicia facía pública a lista de admitidos e excluidos no citado proceso selectivo pero seis messes máis tarde, concretamente o 15 de xullo O goberno galego, nunha decisión moi discutible, abre de novo un prazo extraordinario para a presentación de solicitudes para o proceso selectivo, permitindo que se inscriban as persoas que o desexen, amparándose na modificación da Lei da Función Pública, polo cal eliminaron a existencia de alomenos unha proba en galego para os exames de acceso á función pública.”É dicir, un proceso aberto en outono de 2008, coa lista pechada de admitidos e excluidos en decembro de 2008, volve a reabrise en xullo de 2009.” expoñen os deputados Lage Tuñas, Fernández Leiceaga e Quintas Álvarez na iniciativa rexistrada no día de hoxe.

Lage Tuñas denuncia que “durante o ano 2009 os opositores, que levan xa máis de dous anos preparando as probas de acceso ao corpo de inspección urbanística, non teñen noticia nin novidade sobre o nomeamento de tribunal nin a data de exame, nun proceso ao que teñen optado despois de pagar as correspondentes taxas, vivindo unha absoluta desinformación por parte do goberno presidido por Alberto Núñez Feijóo.” “Despois de vinteún (21) meses o proceso selectivo está parado, o goberno galego non ten nomeado o tribunal correspondente, e os opositores non teñen notificación nin comunicación por parte da Xunta de Galicia sobre a convocatoria dos exames da citada oposición", argumentan.

Lage Tuñas asegurou que “os socialistas galegos imos estar ao carón dos opositores e imos a pedir a explicacións necesarias porque a indefensión dos opositores é absoluta” e considera necesario “resolver con urxencia unha situación que afecta á credibilidade da administración pública galega e ao sistema de acceso ao emprego público.” O deputado do PSdeG preguntábase hoxe que decisións inmediatas ten pensado tomar o goberno galego para facer efectiva a Orde do 24 de outubro de 2008 pola que se convocaba o proceso selectivo para o ingreso no corpo de xestión de administración da Xunta de Galicia, subgrupo A2, escala técnica de inspección turística, e cando pensan proceder ao nomeamento do tribunal e posteriormente fixar a data do primeiro exame.


Posted via email from Certo.gl, o xornal dixital de Barbanza e Noia

Rianxo: comeza o VI Ciclo de Bandas "Concello de Rianxo", con concertos o 9 e 10 de xullo

Rianxo, 7 de xullo de 2010. A Xunta Directiva da Escola de Música de Rianxo informa sobre o comezo do VI Ciclo de Bandas "Concello de Rianxo". Os dous primeiros concertos terán lugar o venres 9 e o sábado 10 de xullo ás 21 horas no Campo de Arriba (en caso de chuvia trasládase ao Auditorio) e serán ofrecidos polas Bandas de Música de Arca e de Ordes respectivamente.


Posted via email from Certo.gl, o xornal dixital de Barbanza e Noia

Ribeira: volta a Cúpula Ciencia Máxica mañá e pasado, xoves 8 e venres 9 de xullo


Actividades do ano pasado

Ribeira, 7 de xullo de 2010.- Regresa a Ribeira a Cúpula "Caixanova na Rúa," onde se haberá obradoiros de ciencia para os máis pequenos este xoves 8 e venres 9 de xullo. Toda a información, en castelán, a continuación:

Cúpula para divulgar la ciencia

La cúpula hinchable que alberga las actividades ha sido diseñada en exclusiva para Caixanova por Quim Guixá, ingeniero reconocido mundialmente por su trabajo en eventos del más alto nivel. La cúpula dispone de una estructura hinchable cuya parte superior es un casquete esférico de doble cámara de unos 6 m. de diámetro de donde parten simétricamente 12 cuartos de arco que descansan sobre un toroide que hace de base. Carece de estructura interior, pero una vez hinchada se convierte en un “edificio sin columnas” capaz de resistir cada metro lineal de tela 3.000 kilos de peso. Está equipada con dos accesos y permite la asistencia simultánea de hasta 40 espectadores a los eventos que se desarrollen en su interior.  


TALLER “CIENCIA Y MAGIA” 

En una sociedad en la que la ciencia y la tecnología tienen cada vez más importancia, es necesario convertirla en algo próximo para los ciudadanos y que transmita una imagen de futuro, como la llave que abre a Galicia y España las puertas del futuro, explican los organizadores.


Se presentarán a los visitantes un conjunto de tecnologías que en pocos años estarán integradas en nuestra vida diaria, pero que a día de hoy, parecen extraídas de una película de ciencia ficción.

  • Guante interactivo: como un cambio al uso del ratón para el control del ordenador, los asistentes podrán probar el guante P5  y utilizarlo para controlar un juego.
  • Mando wii: Durante el taller mostraremos como puede ser utilizado este sofisticado periférico que permite el control de múltiples aplicaciones
  • Realidad aumentada: Los asistentes a la cúpula recibirán un dibujo que al ser enfocado hará aparecer en su superficie una imagen relacionada con la población en la que nos encontramos.
  • Interacción visual mediante webcam: En unos años, no será necesario ningún elemento físico para interactuar con el ordenador. Para comprobarlo, utilizaremos dos pequeñas aplicaciones muy sorprendentes.
  • Piano mágico: Vemos nuestra imagen con una cuadricula superpuesta ¿Pero que sucede al movernos?
  • Cambio de cara: Apuntamos una webcam al público y de forma automática, sus caras son sustituidas por las de personajes de cuentos infantiles.
  • Control de ordenadores y dispositivos mediante ondas cerebrales: Nos colocamos un pequeño dispositivo en la cabeza y podemos controlar con la mente dos dispositivos. Sorprendente.
  • Mindflex: Se trata de superar pruebas elevando una bolita que controlamos con la mente
  • Neuroskymindset: Este dispositivo nos permite, entre otras cosas, poder convertir en imágenes la reacción de nuestro cerebro al escuchar música o controlar un videojuego.

Posted via email from Certo.gl, o xornal dixital de Barbanza e Noia

Opinión: a Perspectiva cabaleira desta semana, en plan kafkiano

Jorge Emilio Bóveda explica que non se leva ben coa nai de todas as burocracias en http://certo.es/index.php?page=o_ente

Posted via email from Certo.gl, o xornal dixital de Barbanza e Noia

Opinión: José Manuel Pena ensalza la calidad turística de la zona de Arousa

Estas estampas de viñas sobre los caminos está desapareciendo a marchas forzadas de nuestras tierras. En la imagen, una parra con uvas en Moimenta (Boiro)

Artículo completo en http://certo.es/index.php?page=arousa_turistica

Posted via email from Certo.gl, o xornal dixital de Barbanza e Noia

Política: Rianxo e Porto do Son, con oposicións distintas, irmanados co mesmo problema

Barbanza-Noia, 6 de xullo de 2010. En Rianxo goberna o Psoe en solitario. Na oposición, PP e BNG. Que ocorre? Costa acceder á documentación. En Porto do Son, dende novembro do ano pasado, hai un bipartito PSOE-BNG. Na oposición, o PP, que antes tiña a alcaldía. Que pasa? O mesmo. Mal de moitos... epidemia!

Ambas oposición teñen que acudir ao Valedor do Pobo, cando se supón que os políticos que escollemos son os que nos representan e non deberían ter estes obstáculos para saber o que se fai cos nosos cartos na casa de todos, o Concello.

O Bng de Rianxo remítenos a seguinte nota:

"O Valedor do Pobo admite unha queixa formulada polo BNG de Rianxo, a nome do concelleiro Adolfo Muíños, polos atrancos que o alcalde pon para achegar calquera tipo de documentación aos concelleiros da oposición. Desde febreiro (ver rexistro) leva o BNG agardando por fotocopias e simples accesos a documentación de cuestións diarias e de actualidade adminsitrativa. Tras o silencio por resposta nun segundo intento (ver segundo escrito) presentou a queixa no Valedor do Pobo.

O efecto desta queixa admitida a trámite semella fulminante pois o Alcalde vén de desbloquear o acceso a algunha desta documentación requirida polo BNG. Incríbel que teñamos que denunciar fóra a actitude obstrucionista do Alcalde para garantir dereitos básicos de concelleiros. Que non pasará cos veciños?"

E no blog do PP de Porto do Son pódese ler:

"A CENSURA SISTEMÁTICA DA INFORMACIÓN Á OPOSICIÓN.

O VOCEIRO MUNICIPAL SOLICITOU FAI UN MES A CONSULTA DO PROXECTO DO FUTURO TANATORIO MUNICIPAL.

A APROBACIÓN INICIAL DO PLAN ESPECIAL DE INFRAESTRUCTURAS E INSTALACIÓNS SOAMENTE A COÑECE O PSOE E BNG.

Porto do Son,6 de Xullo de 2010. Todo o anunciado reiteradamente da Censura de Información á que o Goberno Bipartito do PSOE e BNG someten a Oposición, presenta hoxe un novo exemplo de oscurantismo e intereses que o goberno evita informar, comunicar ou mostrar ós distintos grupos políticos que formamos parte da oposición no Pleno da Corporación.

Dende o PPdG de Pto. Do Son fixemos unha Solicitude de Consulta do Proxecto redactado por Consultora Galega S.L. o pasado 3 de Xuño de 2010 (Nº Rxstro. Entrada 3507) e desgraciadamente a día de hoxe non temos notificación nin comunicación de ningún tipo referente a dita petición.

A nosa sorpresa foi que a día de hoxe, xa que a entrega das Actas de Xunta de Goberno coma de Plenos, estánse dilatando con presunta premeditación e aleivosía por parte do Goberno do PSOE e BNG ós restantes partidos, fan que o Partido Popular de Pto. Do Son teña o coñecemento da Aprobación Inicial e Exposición Pública do periodo de Alegacións, a traveso da publicación nos medios de comunicación de maior tirada.

Loxicamente, a nosa indignación é cada día maior visto que non se conta para nada cos partidos da oposición representados no Pleno da Corporación para opinar sobre o Plan de Dotacións de Infraestructuras que se vai a incorporar ó futuro PXOM.

Temos claro que se nos está negando toda posibilidade de coñecemento de información e documentación por parte do goberno do PSOE e BNG, sendo ésta unha mostra máis de dito feito. Está claro que o “Silencio” e a “Falta a verdade” son as bandeiras deste bigoberno, xa que presuntamente tiveron traslado do Avance do Borrador do futuro PXOM o pasado mes de Marzo de 2010 do que unicamente teñen Copia da mesma os dous grupos de goberno, PSOE e BNG.

O Alcalde Xoán Pastor Rodríguez, negou publicamente que ao Concello chegase ningún tipo de documento referente ó futuro Plan Xeral de Ordenación Municipal, algo do que está mentindo públicamente, algo que o igual que a Tenente Alcalde, a Sra.Franco, nos teñen acostumado. Esperemos que coma ós demáis veciños, teñamos oportunidade de consultar dito Proxecto, algo que non nos sorprendería nada que se nos puxesen impedimentos. Esta forma de actuar reiterada, puxémola en coñecemento do Valedor do Pobo na que imos a cumplimentala con esta nova denuncia formal".

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical