16.6.10

Noia: este é o cartel da Feira Medieval 2010

Así que xa saben: reserven datas entre o 16 e o 18 de xullo!

Posted via web from Certo.es, o xornal virtual de Barbanza e Noia

Fotografía: o antes e o despois, en plena Operación Biquini

Política: os socialistas presentan unha proposición para garantir a transparencia na publicidade institucional


Lage Tuñas adianta que o texto lexislativo introduce a limitación dos actos institucionais en período electoral: “prohíbese realizar a publicidade obxecto desta Lei nos períodos electorais”

A Lei que propoñen os socialistas galegos obrigará  a facer públicos os contratos de publicidade por parte das administracións públicas

Santiago de Compostela, 16 de xuño de 2010. O portavoz da Área Institucional do Grupo Parlamentario dos Socialistas de Galicia, José Manuel Lage entregou hoxe no rexistro da cámara a Proposición de Lei de Publicidade Institucional de Galicia, a primeira iniciativa lexislativa do Grupo Socialista neste período de sesións. Esta iniciativa, explicou, nace co obxecto de “garantir a transparencia e boas prácticas na actividade publicitaria do conxunto das administracións públicas galegas.” 

O PSdeG aposta por un texto innovador que introduce “garantías no período electoral, introducindo limitacións claras á realización de actos institucionais en época electoral”. Esta norma determinará tamén as limitacións e garantías en períodos electorais que afecten ao territorio da Comunidade Autónoma, prohibindo os actos publicitarios nos devanditos períodos, continuando coa liña marcada pola Lei 4/2006 de Transparencia e Boas Prácticas da Administración Pública Galega. 

Lage Tuñas explica que “o texto legal obrigará ás administracións públicas a ser plenamente transparentes na contratación da publicidade electoral e no uso dos recursos públicos, co fin de evitar un uso partidario das institucións”. O parlamentario socialista sinala que esta norma “recolle expresamente as limitacións e prohibicións establecidas durante as campañas electorais de todos aqueles actos que supoñan a manifestación pública de presentacións, inauguracións e eventos similares”. 

A iniciativa socialista, engade, incluirá por vez primeira a regulación das axudas da publicidade institucional aos medios de comunicación social “con criterios obxectivos e favorecendo a transparencia informativa” e “co obxectivo de erradicar prácticas opacas e discrecionais no manexo de fondos públicos”.  

A lei proposta polo PSdeG establece tamén a obriga de remitir ao Parlamento cada catro meses a relación de contratos, axudas, subvencións e convenios. Finalmente, determina a constitución dunha Comisión de Publicidade Institucional que controle e fiscalice o uso dos recursos públicos neste sentido.

Posted via email from Certo.es, o xornal virtual de Barbanza e Noia

Arqueoloxía: entrevistamos a Roberto Rodríguez, director das escavacións na Lanzada

"Creo que hai que traballar na liña da concienciación, por eso debemos voltar á difusión do noso traballo e á súa valorización. Hai que concienciar á xente do valor do seu Patrimonio para lograr que sexan eles os verdadeiros defensores deste. E se alguén cun detector ven ao xacemento e se pon a escañar o máis normal é que teña que dar explicacións á Garda Civil, que percorre a zona con frecuencia".
Toda a entrevista en http://certo.es/index.php?page=rafael_rodriguez_martinez

Posted via web from Certo.es, o xornal virtual de Barbanza e Noia

Ribeira: está na lista vermella de WWF España por non ter controis sobre produtos forestais

via wwf.es

Ribeira, 16 de xuño de 2010. Dentro do seu observatorio "Cidades polas fragas", a organización ecoloxista WWF, na súa sección de España, meteu á cidade de Ribeira xunto a outras 17 localidades galegas na súa lista vermella, ao considerar que non teñen os controis suficientes sobre o tipo de madeira que consumen. Segundo esta asociación ambientalista, son merecentes de estar neste listado as cidades con máis de 20.000 habitantes que aínda non desenvolveron instrumentos para evitar a entrada de produtos forestais de orixe insostíbel ou que non facilitaron información ao respecto a WWF.

O Observatorio Cidades polos Bosques, de WWF España, valorou as medidas que toman os gobernos das cidades de España con máis de 20.000 habitantes para evitar a compra de produtos forestais de orixe ilegal e dar prioridade a aqueles que proceden da xestión ambiental e socialmente responsable dos bosques.

WWF España incluíu a 18 cidades galegas na súa lista vermella: Ames, Arteixo, Cambre, Carballo, Culleredo, Ferrol, Lalín, Lugo, Marín, Monforte de Lemos, Narón, Ourense, Ponteareas, Pontevedra, Ribeira, Santiago de Compostela, Vigo e Vilagarcía de Arousa.

Esta organización non incluíu ningunha localidade galega na lista verde de cidades que contan cun programa de compra responsable de produtos forestais que controla a orixe sostíble de produtos e dá prioridade a aqueles certificados por un sistema certo como o FSC (Forest Stewardship Council ou Consello de Administración Forestal). Máis información en http://www.wwf.es/que_hacemos/bosques/nuestras_soluciones/gestion_forestal/

Só A Coruña e Oleiros están na lista ámbar de cidades que incorporan nas súas compras algún instrumento de control sobre a orixe da madeira, pero que resulta insuficiente.

Posted via web from Certo.es, o xornal virtual de Barbanza e Noia

Arqueoloxía: Neixón (Boiro) versus A Lanzada (O Grove-Sanxenxo)

Ribeira: organizan este xoves 17 un simulacro de incendio no colexio "O Grupo"


Imaxe doutro recente simulacro perpetrado en Ribeira

Ribeira, 16 de xuño de 2010.-
Protección Civil de Ribeira vai coordinar mañá xoves, día 17 de xuño, un simulacro de incendio no CEIP O Grupo. Esta acción, que terá lugar a partir das 11.30 horas, ten como principais obxectivos poñer en práctica o plan de autoprotección do centro educativo, adestrar ao persoal do centro e do persoal exterior con implicación neste tipo de sinistros (protección civil, Grumir, Policía nacional, policía local e bombeiros), comprobar a capacidade de resposta dos medios que interveñen e observar os erros que se cometan para posteriormente emendalos e incluílos no plan de autoprotección.
No desenvolvemento do simulacro partirase dunha suposta alarma de incendio nunha aula baldeira sita na primeira planta do centro. O exercicio constará da evacuación total e correcta do centro educativo, o control de alumnos e persoal desaloxado no exterior, e a valoración dos tempos de evacuación e de resposta de medios externos.

Actividade codirixida por Protección Civil de Riveira e a dirección do centro educativo O Grupo, contará cos seguintes medios participantes: persoal interno do colexio, persoal de Protección Civil e do Grumir, bombeiros comarcais e persoal da policía local e da policía nacional.

Día do Samaín no colexio "O Grupo"

Desenvolvemento do exercicio

O desenvolvemento do exercicio terá lugar do seguinte xeito: ás 11 horas un responsable do centro educativo informará por teléfono ao 112 de que se está a producir un incendio nunha aula da primeira planta do edificio e de que proceden á súa evacuación. O 112 da aviso aos bombeiros comarcais, policías nacional e local, protección civil e Grumir para que se preparen para atender a suposta emerxencia. A policía local enviará unha patrulla ao lugar de aviso, onde acudirán tamén unha dotación de bombeiros, efectivos da policía nacional e un equipo de protección civil e Grumir cun camión motobomba e un vehículo dotado con medios de intervención e extinción en incendios urbanos. 

Mentres tanto, no centro estarase a realizar o desaloxo polos cauces establecidos no plan de autoprotección, e levarase a cabo unha estrita vixilancia tanto da evacuación como da orixe da emerxencia. Unha vez rematado o desaloxo procederase ao reconto de alumnos no punto de reunión, e o responsable máximo da evacuación esperará a chegada dos medios de intervención externos para informar ao responsable destes da situación. No caso de que á chegada do equipo de intervención externa aínda non se rematase coa evacuación ou co reconto dos alumnos, este equipo colaborará na finalización destas tarefas. 

A continuación, o equipo de intervención externa entrará no centro acompañado polo responsable do mesmo e revisarán o peche de portas e fiestras, así como o correcto desaloxo do edificio. Unha vez rematada o exercicio, valorarase o seu desenvolvemento con especial fincapé nos erros cometidos. 

De todo o desenvolvemento do exercicio, así como da súa finalización, informarase puntualmente á Central de Emerxencias 112 a través de Protección Civil de Ribeira, telefonicamente ou por terminal remoto.

Posted via email from Certo.es, o xornal virtual de Barbanza e Noia

Ribeira: vinte señoras maiores clausuraron o obradoiro de reforzo educativo

Ribeira, 16 de xuño de 2010. Unha vintena de mulleres maiores de Ribeira asistiron ao acto de clausura do Obradoiro de Reforzo Educativo da Terceira Idade que tivo lugar esta mañá nas aulas dos Servizos Sociais situadas na rúa Cristobal Colón de Santa Uxía. 

No acto exhibiuse un mural colectivo no que se podían apreciar imaxes dos hórreos máis sobresaíntes da Comunidade Autónoma e moi particularmente do municipio ribeirense. Ademais, media ducia de participantes no taller leron uns textos no que explicaban as orixes e funcións deste símbolo etnográfico de Galicia. 

A concelleira de Educación de Ribeira felicitou ás mulleres que tomaron parte neste taller iniciado o pasado outubro e destacou a excelente labor desenvolvida polas seus alumnas. Estivo acompañada das tres integrantes do Voluntariado Social encargadas de impartir o curso: Cruz Rivadulla, María Gago e Antonia Vilas.


Posted via email from Certo.es, o xornal virtual de Barbanza e Noia

Opinión: Jorge Emilio Bóveda liga na súa columna os últimos paradoxos da actualidade

Boiro: o 2, 3 e 4 de xullo, Mostra das Culturas 2010

Mostra das Culturas 2010 (2, 3 e 4 de Xullo)
Por unhas festas galegas e populares!

Venres 2 de Xullo:

Ás 22h
na porta do Mercado de Abastos (praza do peixe, Rua Peatonal, Boiro):

De Tabernas con
ZUM BOM, un proxecto de TRÓPICO DE GRELOS (pódese mercar bono de 10 consumicións por 10€, cervexa ou refresco).

Despois do roteiro tabernario:

Concerto d´OS TRES TREBONS en Aturuxo, arredor das 00.00

Sábado 3 de Xullo

(CAMBIO IMPORTANTE: Os concertos do sábado 3 de Xullo cambian de sitio!! Faranse na rua Principal ao caron do Meson Boiro, Yuko´s, etc, no caso de que chova (que non vai chover!) os concertos fanse dentro de Aturuxo!!)

desde as 22.30h concertos na Rúa Principal (á altura do Meson Boiro e Yuko´s) con:

A COMPAÑIA DO RUIDO 

CUCHUFELLOS 

SINEFRES 

PICADISCOS SOUND SISTEMA

Domingo 4 de Xullo

20h. Actuación
d´A Banda de Balbina na Carpa da Diversidade (Parque da Cachada)
00h. Actuación en Aturuxo dunha nova banda de Boiro! Rock, blues e moita improvisación!!

O sábado e o domingo Aturuxo terá un posto de material e información na CARPA DA DIVERSIDADE (Mostra das Culturas, Parque da Cachada) ali poderedes recoller información do colectivo e tamén mercar algunha das camisolas ou cd´s.

Toda a info actualizada no blogue:





Posted via email from Certo.es, o xornal virtual de Barbanza e Noia

Twitter

Related Posts with Thumbnails Banner: Regale selva tropical