20.11.12

Ribeira: piden no Congreso asistencia diplomática urxente ao armador do "Eros", retido en Liberia dende febreiro

  • A deputada pobrense do BNG, Rosana Pérez, quer saber se o Executivo realizou algunha xestión para axudar a Manuel Alberto Suárez e á tripulación de 19 persoas que non poden sair do país africano

Media_httpfarm4static_xcmnw

O "Eros" ten bandeira portuguesa pero é propiedade do armador de Ribeira M.A. Suárez


Ribeira, 20 de novembro de 2012. A deputada do BNG no Congreso, Rosana Pérez, rexistrou unha iniciativa parlamentar na Cámara Baixa na que pide ao Goberno que axude e dea asistencia diplomática urxente ao armador de Ribeira, Manuel Alberto Suárez, propietario do “Eros” retido desde o mes de febreiro en Liberia.

Rosana Pérez pregunta ao Executivo se está  atento á preocupante situación do barco pesqueiro “Eros” de bandeira portuguesa pero propiedade do armador ribeirense. “Que xestións realizou para axudar a este cidadán español que alega ter sido vítima dun engano na cuestión do prazo de duración da licenza de pesca”.

“Vai o Goberno a interesarse pola difícil situación deste armador e os 19 membros da súa tripulación que xa están nun estado preocupante desde o punto de vista humano, económico e xurídico? Considera o Goberno que goza das garantías xurídicas pertinentes cando lle cambiaron varias veces a contía da sanción?”, son algunhas das cuestións que dirixe ao Executivo.

O Goberno debe preocuparse pola situación de Manuel Alberto Suárez

Rosana Pérez demanda ao Executivo que fale co armador galego e coa súa familia a fin de lle facilitar toda a axuda necesaria. A deputada do BNG descrebe na súa iniciativa este caso: “desde o pasado mes de febreiro permanece retido en Liberia o pesqueiro “Eros” do armador galego, Manuel Alberto Suárez e cunha tripulación de 19 membros. Foron acusados de sabotaxe económico con intención de pesca ilegal.

A parlamentar nacionalista pón de manifesto que o armador ribeirense alega que cando decidiu faenar en Liberia mercou por 400.000 dólares unha licenza privada a unha das axencias marítimas autorizadas polo Goberno liberiano, que exixe facer os trámites con empresas de alí. Sinala o propietario que foi enganado en canto aos prazos da licenza, de feito que en febreiro estaba caducada.

O armador nega que a licenza fose falsificada, e que actualmente a axencia que fixo os trámites está desaparecida. Rosana Pérez traslada ao Goberno a “lóxica preocupación por un barco que leva meses retido en Monrovia, á cuestión humanitaria únese o tema económico posto que se lles piden grandes sumas de cartos por diversas sancións. Viven no barco e as condicións son difíceis. Por riba se aproximan as datas de Nadal e non se poden mover porque lles retiraron os pasaportes.

Ademáis, Rosana Pérez subliña que o propietario do barco pediu asistencia diplomática pero sen moito éxito. “A tripulación do Eros e o armador síntense desprotexidos e abandonados á súa sorte nun páis lonxano e envolto nun auténtico lío xudicial".

19-11-12-situación_armador_tripulación_EROS_retenidos_Liberia.pdf Download this file
https://twitter.com/Certo/status/270964448288714752

Posted via email from Certo.gl, o xornal dixital de Barbanza e Noia

A Pobra: o Psoe presenta unha moción a prol da dación en pago contra os desafiuzamentos

Moción desafiuzamentos.docx Download this file


A Pobra, 20 de novembro de 2012. Xusto un ano despois de que fora escollido Mariano Rajoy  como novo presidente do goberno, o Psoe da Pobra vén de presentar unha moción para que se paralicen os desafiuzamentos e se faga por aprobar a dación en pago, algo que non se contempla no último decreto aprobado polo PP en Madrid.


Segundo a nota de prensa dos socialistas, "coa crise e o aumento alarmante do desemprego, centos de miles de familias están a chegar a unha situación límite que non lles permite cubrir as súas necesidades máis básicas. O Concello de A Pobra do Caramiñal non é alleo a este fenómeno, xa que continúan a producirse cada día máis casos de familias completas con todos os seus membros no paro. E aínda por riba de perder a vivenda, estarán expostos a  unha condena financeira de por vida.

No procedemento xudicial hipotecario a vivenda póxase e, no caso de non presentarse poxadores, algo que acontece na maioría dos casos, o banco ou a entidade prestamista pode adxudicarse a vivenda polo 60% do valor da taxación. É dicir: non só poden quedar coa vivenda por un prezo moito menor do que se taxou ao firmar a hipoteca, senón que ademais unha boa parte da débeda mantense, incrementada por grandes gastos xudiciais e honorarios profesionais. Ademais, como resultado de todo iso, aos debedores embárganselles os bens e ingresos, tanto presentes como futuros, para saldar a totalidade da débeda.

Esta  lexislación era descoñecida polas familias cando rubricaron as hipotecas. Pode considerarse que os hipotecados se viron sometidos a unha publicidade enganosa, sometidos á sobrevaloración das taxacións das vivendas e tamén, a unha linguaxe pouco doada de comprender os contratos que firmaron.

Polo tanto, o Real decreto sobre desafiuzamentos que aprobou o pasado xoves, día 15 de novembro, o Goberno de España é un parche insuficiente que non soluciona o problema na súa dimensión real, ao quedar excluídas das medidas miles de familias que van a seguir sufrindo igual que ata o de agora a súa dramática situación, que levou a horrorosos desenlaces coa perda de vidas.

As expectativas reveláronse como publicidade enganosa e consideramos arbitrario e un fiasco o Real Decreto aprobado o pasado xoves porque:

- Se exclúen da suspensión os casos nos que a casa a queda un terceiro e non o banco, e dicir nos casos na que un particular ou inmobiliaria se quede ca casa na subasta, a familia poderá ser desahuciada aínda que cumpra os requisitos do RD.

-Non se paralizan os intereses de demora. O que aprobou o Goberno non é unha moratoria senón unha suspensión do desaloxo, de tal forma que a débeda se segue xerando e os elevados intereses de demora seguen aumentando. Todo iso porque os bancos non teñen presa en recuperar a vivenda porque nestes intres non teñen a quen vendela pero si teñen interese en non perder os dereitos económicos.

- Requisitos económicos exhaustivos e de cargas familiares. Non superar ingresos de 19.000 euros ao ano ademais de ser necesario ter tres fillos, polo que as familias que teñan dous fillos quedan fora.

- Familias monoparentales con un fillo van para a calle. Teñen que ter dous fillos ao seu cargo.

- Os pensionistas tamén están excluídos

SOLICITAMOS.- Instar ao Goberno Central para que ninguén quede sen vivenda por non poder facer fronte ao pago da súa hipoteca,  e que de igual maneira que xa se fai cas empresas, se lles permita renegociar a súa débeda, dándolles tempo para pagala. 

.- Máis aló das medidas de competencia estatal,propoñemos:

6.1. Revisión dos protocolos de actuación de Servizos Sociais

6.2. Non poñer ningún axente da Policía Local a disposición das ordes de desafiuzamento. 

6.3. Interpelar ás entidades financeiras que operan no municipio para esixirlles a paralización dos desafiuzamentos e a condonación de débedas ilexítimas, coa indicación de que en caso contrario, procederase á retirada dos fondos municipais de ditas entidades.

6.4. Colaboración dos servizos xurídicos do Concello en todos os casos que o requiran".


Relacionada:


Posted via email from Certo.gl, o xornal dixital de Barbanza e Noia

Noia: este venres 23, Ramón Blanco presenta o seu poemario "Emily on the road"

  • Na casa da cultura, ás 20:30 horas. Haberá recital do autor ambientado polo saxofonista Pablo Sax
  • Acompañarano a polígrafa Iria Lago, de Sacou e o poeta Manuel L. Rodrigues, da editorial Acha Escrava e tamén compoñente de Sacou ao igual que o autor

Noia, 20 de novembro de 2012. A editorial Acha Escrava presentará  en Noia o novo libro de poesía de Ramón Blanco (Outes, 1979), que leva por título Emily on the road (Unha viaxe ás terras do oeste). Será na casa da culura municipal, o vindeiro venres 23 de novembro, ás 20:30 horas. O autor estará acompañado por Manuel L. Rodrigues, en representación da editora; e Iria Lago, do colectivo literario Sacou, onde Ramón Blanco se iniciara como escritor.

O acto rematará cun recital poético-musical no que o autor lerá algúns fragmentos do libro, que ambientará coa súa música o saxofonista Pablo Sax*. Para a ocasión Mónica Montero deseñou uns decorados (como xa fixo na presentación que tivo lugar en Outes o pasado día 16 de novembro).

Ao finalizar, serviranse uns viños e uns petiscos.

Esta é a sexta dunha serie de presentacións por diversas vilas e cidades, no que a propia editora denominou "Xira Emily on the road".

Axenda futura de "Emily on the road":

23 de novembro (venres): Noia (Casa Cultura), 20:30 
26 de nov. (luns): Burela (IES Perdouro; recital estilo Modelo Burela), 16:30 
30 de nov. (venres): Boiro (bar Pousada das ánimas), 23:00 
2 de decembro (domingo): (Culturgal; Pontevedra) 
5 de decembro (mércores): Vilagarcía (Esc. Oficial de Idiomas), 18:30 
9 de decembro (domingo): Porto do Son (Casa Cultura), 20:00 
10 de decembro (luns): Lugo (Asoc. Cultura de País) (20:30) 
14 de decembro (venres): Arteixo (Libraría "A lus do candil), 20:00 
16 de decembro (domingo): Noia (Bar Fina Stampa), 21:30 
17 de decembro (luns): Gondomar (libraría Libraida), 20:30

 

Todo sobre a Xira Emily on the road en:

http://www.facebook.com/acha.escravaeditora?fref=ts    

www.achaescrava.blogspot.com 

 

*Pablo SaxMúsico saxofonista e improvisador.

Pablo "Sax" Fdez. Sinde naceu en Remkum-Oosterbeek (Países Baixos), a finais dos 60. Adícase á música de xeito profesional dende marzo do 86, percorrendo vilas e cidades dos países que visita, tocando nas rúas ó longo de dez anos, voltando sempre a Compostela, onde participa da vida cultural emerxente, colaborando en proxectos de música, teatro, danza, imaxe, performance ou pintura. Na actualidade forma parte de O.M.E.Ga. (Orquestra de Música Espontánea de Galicia), 2M12 (Dúo de Free Jazz), Trilito (Improvisación libre), Paranojazz e Saxandra (Folclore). Mora en Noia e tamén escribe versos que ás veces fai soar no saxo.

……………………..

NOTA EDITORIAL SOBRE O LIBRO:

Acha Escrava publica Emily on the road, o novo (e moi agardado) libro de Ramón Blanco (Outes, 1979).

Emily on the road (Unha viaxe ás terras do oeste) dálle nome ao poema narrativo no que Ramón Blanco traballou entre 2006 e 2012. En todo este tempo o autor non dera á luz ningún outro libro, desde o seu prometedor inicio cos poemas recollidos en Orfeu en soños (Toxosoutos, 2005).

Esta historia, que o autor ten definido como "unha mestura de road movie e enterro aldeán", transcorre a través dunha longa noite, durante unha viaxe en coche que fan os dous protagonistas (ben poderían ser o propio Orfeo e mais Emily Dickinson), que serve de pretexto para reflexionar sobre a morte, a loucura, a escrita e outras rexións aínda máis escuras. Cun estilo esixente, desenvolve unha linguaxe herdeira da prosa espontánea de Jack Kerouac e dos poemas de Emily Dickinson, tal como xa se constata no propio título.

As ilustracións interiores e mais o deseño da cuberta de Emily on the road son obra de M. M. Reino, que tamén xa ilustrara o libro Orfeu en soños, do mesmo autor.

BIOGRAFÍA DO AUTOR:

Ramón Blanco naceu en 1979. Criouse en Cando (Outes) e alí vive. Aos dezaoito anos uniuse ao colectivo literario Sacou, de Noia, co que participa en diversos proxectos artísticos e culturais. Publicou os primeiros poemas nas revistas A Caramuxa (voceiro de Sacou) e Casa da Gramática (do IES Virxe do Mar, onde estudara). No 2005 apareceu o seu primeiro libro individual, Orfeu en soños, na editorial Toxosoutos. Vén de publicar o seu novo traballo poético: Emily on the road, en Acha Escrava editora. 

O pasado 4 de novembro gañou o segundo torneo poético do Slam Arousa.

Blog do autor: www.aoutrabanda.blogspot.com   

Cartaz 1.pdf Download this file

RESEÑA E BIOGRAFÍA Ramón Blanco. Emily on the road. Acha Escrava. Presentación editorial.pdf Download this file

Posted via email from Certo.gl, o xornal dixital de Barbanza e Noia

Arte: exposición "Quijotes y Sanchos", dende o venres 23 de novembro no Museo de Artes

  • A inauguración será o venres 23 ás cinco da tarde no museo
  • Tamén haberá reunión anual do Padroado da Fundación do Museo
  • A mostra inclúe obras de Salvador Dalí e de importantes artistas galegos

Media_httpfarm3static_jmaie

Museo do Gravado de Artes, en Ribeira

Máis información, aportada polo Museo de Artes:

Salvador Dalí ha dado quizá lo mejor de su espíritu creador en estas ilustraciones del Quijote y queda incorporado a la nómina de altos nombres que se han unido al inmortal de Cervantes, en la larga caravana del Quijote en castellano, que se inició cuando apenas comenzaba a despuntar el siglo XVII, y que continuará, sin duda, por muchísimos años más, mientras persista el culto de lo caballeroso, de lo noble y de lo heroico.

La innovación de esta edición es que es accesible al hombre medio. La mano de Dalí  ha dado a la obra 10 acuarelas a doble plana y treinta y tres dibujos a pluma. No ha escatimado, pues, su arte. Hay que darle las gracias por habernos dado esta interpretación de Don Quijote, quimérica como lo fue el caballero, alejada del historicismo de tantos ilustradores españoles, o del tono pueblerino.

Dalí ha dibujado un héroe dinámico y elucubrador, hasta casi un poco más rebelde de lo que el mismo Cervantes quisiera. Su recio expresionismo se concreta en la configuración del perfil de las figuras; nada de motivos de fondo ni tramoya, sino solo la valoración de los elementos humanos de la obra descontados a través de su fantasía frenética. El espacio y el paisaje quedan aquí dominados por el dinamismo de las figuras.

Dalí se coloca al lado de Cervantes en la visión de los varios momentos circunstanciales de la obra. Por ejemplo, en la composición representativa de la aventura de los molinos de viento, la nota dominante es la desenfrenada imaginación del Caballero, que veía gigantes en aquellas aspadas construcciones. Este momento de locura ilusoria quijotesca ha sido llevado al arte plástico por Dalí con perfección acabada. El episodio del manteamiento de Sancho en la venta, tiene toda la descarnada ironía de las composiciones goyescas. En otras láminas es el vigor cromático quien logra la pujanza de las representaciones, como, por ejemplo en el episodio de los penitentes.

El Quijote Gallego

No podemos olvidar la obra El Quijote Gallego, ilustrado por algunos de los artistas más representativos de la gráfica actual.

 Al enfrentarse a la tarea de traducir el libro al gallego, se piensa también en una ilustración gallega que, de la mano de unos cuantos ilustradores de primera fila, desde sus particulares modos de ver, a una hª que, de forma desigual se repartieron. Los capítulos del once al veinte llevan la firma de Alfonso Abelenda. Su fantasía, su sencillo y creador modo de colorear, su acercamiento personal a los personajes y anécdotas hacen muy valiosa su aportación a este trabajo colectivo.

Del capítulo veintiuno al treinta se encarga Lodeiro, realizando una pintura equilibrada, perfectamente estructurada, laboriosa con un temple expresionista. En esta obra las bandas de negro y otros colores se entremezclan con fondos singulares, misteriosas figuras… de una interpretación muy particular de la narración literaria.

Responsable de las ilustraciones de los capítulos treinta al cuarenta se encarga X. Conde Corbal. Un expresionismo bien moderno, personal e irónico.

De los capítulos cuarenta y uno al cincuenta se encarga Manuel Torres. Nos ofrece dibujos de traza matizada, presentando a los personajes una vez de forma individual, otra en parejas y alguna vez en grupo.

Alfonso Sucasas cierra con su labor pictórica el primer Tomo del Quijote. Dibujos cubistas, expresionistas, tormentas figurativas que nos evocan a F Bacon en unas formas de indudable carácter gallego.

Alfonso Costa se encarga de inaugurar el Tomo II entre los capítulos nueve y dieciocho. Mil y un matices en el color y el dibujo presentando complejas composiciones neofigurativas, cerca del surrealismo.

Manuel R Moldes hace las ilustraciones de los capítulos diecinueve al veinticinco.

Javier Correa Corredoira ofrece entre los capítulos veintinueve y treinta y ocho sus ilustraciones personales, llenas de color, con figuras de composiciones imposibles desde la razón y llenas de fuerza imaginativa.

Costa Beiro se encarga de los capítulos treinta y nueve al cuarenta y ocho, presentando esbozos del mundo cervantino en los que la acción transforma la temática en imágenes dramáticas y muy dinámicas, con una luz imposible y colores muy imaginativos.

A Lamazares realiza los capítulos del cuarenta y nueve al cincuenta.

Virgilio se encarga de los capítulos cincuenta y uno hasta el sesenta. Se ven en su obra las confluencias entre lo popular y lo moderno.

Alberto Datas hace de los capítulos sesenta y uno al setenta. Los personajes de la acción cervantina dejan paso a expresiones de situaciones anímicas en las que la personalidad del pintor habla con voz propia.

Leopoldo Novoa es el responsable de los demás capítulos. Utiliza algunas notas figurativas y también epígrafes que se pueden entender como claves justificadoras de lo imaginario.

La imaginación y el buen hacer de todos ellos habla bien claro del magnífico momento que vive hoy día el arte en Galicia.

De esta forma con otras ediciones en diversos idiomas y con unas nuevas fisionomías de Quijote y Sancho queremos acercar al público una vez más a nuestras salas y como no a estas dos figuras entrañables. Los estudiantes y visitantes se deleitarán con estas obras y nos harán recordar la hazañas de estos dos personajes.

Antes, en Certo:

Posted via email from Certo.gl, o xornal dixital de Barbanza e Noia

Ribeira: programación polo Día Internacional para a Eliminación da Violencia de Xénero

  • Presentaron un documento no que se recolle o itinerario de coordinación interinstitucional en materia de violencia de xénero que costou dous anos de traballo
  • Hai un ciclo de cine enfocado a maiores e charlas no auditorio sobre o tema

Media_httpfarm9static_igbgd

Aroa Fernández e Dores Crujeiras

Ribeira, 20 de novembro de 2012.- A Concellería de Igualdade do Concello de Ribeira, que dirixe Aroa Fernández Cadórniga, aproveitou a presentación dos actos organizados en conmemoración do Día Internacional contra a Violencia de Xénero, que se celebra o 25 de novembro, para facer a presentación pública do “Itinerario de coordinación interinstitucional en materia de violencia de xénero”: un documento que pretende que todas as institucións do contorno vinculadas con esta problemática se rexan por unhas pautas de actuacións predefinidas e coordinadas. Este texto veu a luz despois do traballo desenvolvido nos anos 2011 e 2012 por medio de reunións periódicas entre os profesionais competentes, pertencentes a ámbitos como o xudicial, sanitario, o xurídico, o policial ou o de servizos sociais.

O documento recolle, segundo afondou a directora do CIM Dolores Crujeiras, abundante información sobre os recursos existentes cando se produce unha posible situación de violencia de xénero e establece as pautas de seguimento e avaliación da eficacia rexistrada no tratamento dos casos. Aínda está pendente unha xornada de presentación deste documento aos profesionais implicados en xeral e outra dirixida aos sanitarios.

Ámbito educativo

En canto aos actos conmemorativos, a programación arrancou no día de onte, segundo manifestou Aroa Fernández, cunha xornada sobre prevención desenvolvida no Auditorio. Participaron alumnos de 4º de ESO dos distintos centros educativos do municipio. Entre os temas abordados, figuraban os estereotipos na pantalla e os realities, por parte de Francisco Negreira, xefe do Departamento de Imaxe da Escola de Imaxe e Son en A Coruña; e as relacións afectivas a través das novas tecnoloxías: unha charla que correu a cargo da psicóloga especialista en sensibilización e prevención creativa contra a violencia de xénero, Yanire Estébanez.

Tamén cos centros escolares, estase a desenvolver un Programa dirixido á xuventude que busca favorecer a coeducación tanto no ámbito educativo como no da familia e a sociedade. Os resultados queren servir para deseñar un paquete de accións en prevención e intervención en igualdade.

Maiores

No marco dos actos programados, mañá dará comezo, coa participación do Fondo Galego de Cooperación, un ciclo de cine enfocado aos maiores de Ribeira. Co nome de “As desigualdades de xénero”, esta acción terá lugar na Aula Multimedia situada na avenida do Malecón e á mesma asistirán en cada sesión media centenar de maiores que están a asistir aos obradoiros impulsados desde Servizos Sociais.
A acción dará comezo mañá coa proxección do filme “Princesas”, de Fernando León de Aranoa. O día 30 novembro emitirase  “O sorriso da Mona Lisa” (de Mike Newell); o día 5 de decembro “Iron Jawed Angels” (de Katja von Garnier) e, finalmente, o 14 de decembro, “Auga” (de Deepa Mehta).

Todas as sesións darán comezo ás 10 da mañá.

Noutros concellos:

 

Posted via email from Certo.gl, o xornal dixital de Barbanza e Noia

Noia: actos simbólicos e informativos sobre a Violencia de Xénero o vindeiro domingo 25 de novembro

  • É o Día Internacional para a Eliminación da Violencia de Xénero
  • Os actos están organizados polo Centro de Información á Muller, que depende de Servizos Sociais 

Media_httpfarm4static_scdzh

Haberá acendido de velas polas vítimas de violencia de xénero deste ano


Noia, 20 de novembro de 2012. Con motivo da celebración, o vindeiro día 25 de novembro, do “DÍA INTERNACIONAL PARA A ELIMINACIÓN DA VIOLENCIA DE XÉNERO”,  a Concellería de  Benestar e Igualdade do Concello de Noia, a través do Centro de Información á Muller (CIM) comunica a celebración dos seguintes actos:

-A partir das 12:00 horas diante da Casa do Concello, mesa informativa  sobre violencia de xénero.

- 12:30 horas, lectura dun manifesto en repulsa da violencia de xénero por parte  da Concelleira de Igualdade e Benestar. Sofía Caamaño.

- Minuto de silencio en memoria ás Mulleres Vítimas de Violencia de Xénero

- Acendido dunha vela, en conmemoración de cada unha das mulleres falecidas ao longo deste ano por violencia de xénero.

- “STOP VIOLENCIA”, actividade onde se invita a que as persoas que desexen participar  deixen unha mensaxe de repulsa á violencia.

- Reparto de lazos contra a Violencia de Xénero.

Vindeira actividade do CIM: obradoiro de terapia ocupacional

O CIM de Noia está a organizar un “Obradoiro de terapia ocupacional con menores expostos a situacións de violencia de xénero a través de artes plásticas”, así coma obradoiros de risoterapia e un ciclo de charlas dirixidas ás mulleres nas diferentes asociacións da vila.

Noutros concellos:


 

Posted via email from Certo.gl, o xornal dixital de Barbanza e Noia

Boiro: o domingo, 25 de novembro, flash-mob polo Día contra a Violencia de Xénero

Boiro_25n
Noutros concellos:




Posted via email from Certo.gl, o xornal dixital de Barbanza e Noia

Ribeira: o alcalde pide á embaixada de Estados Unidos que non peche a axencia consular na Coruña

  • É a única oficina consular de EE.UU. no norte de España. Se pecha, habería que ir a Madrid
  • Hai unha comunidade de ribeirenses residentes en Estadous Unidos moi importante, a cal se vería prexudicada por este peche
  • Polo visto, a decisión do peche estaría baseada nun informe con moitas deficiencias

Juana_de_vega
A oficina de USA está na rúa Juana de Vega, nº 8

Ribeira, 20 de novembro de 2012. O alcalde de Ribeira vén de solicitar ao Goberno dos Estados Unidos que reconsidere a decisión de pechar a Oficina Consular en A Coruña da nación norteamericana, a única situada no norte de España. O rexedor fixo esta petición mediante unha carta dirixida ao embaixador en España de EE.UU., despois de ter celebrado a semana pasada unha reunión cunha representación da comunidade norteamericana residente en Galicia, que o puxo en coñecemento deste problema.

Erros de vulto no informe norteamericano

Segundo tivo ocasión de escoitar o rexedor municipal, a decisión de pechar a oficina consular coruñesa despois de 32 anos de funcionamento baséase nun informe que ten importantes erros. Así, este documento manifesta que o Consulado atende a unha comunidade de 400 persoas, cando en realidade son 4.500 os cidadáns norteamericanos residentes en España.

Por outra parte, o informe afirma que son poucos os turistas americanos que viaxan a Galicia, obviando que esta Comunidade Autónoma serve de escala ás máis importantes liñas transatlánticas, que son utilizadas por un gran número de norteamericanos (9.570 no que vai de ano 2012), e esquecendo tamén que o Camiño de Santiago é a maior ruta de peregrinación de occidente e que EEUU é a día de hoxe o quinto país estranxeiro en número de peregrinos.

New York e New Jersey están cheas de ribeirenses

Á hora de sumarse a esta petición, Manuel Ruiz Rivas tivo moi en consideración a existencia dunha nutrida comunidade de cidadáns de Ribeira emigrados aos Estados Unidos que hoxe contan coa dobre nacionalidade e que, por tanto, se verían seriamente prexudicados de materializarse o peche. O alcalde deixou constancia no seu escrito ao embaixador de que a presenza de riveirenses é especialmente significativa nos estados de New York e New Jersey: territorio este último ao que pertence a cidade de Newark, coa que a cidade barbanzana está irmanada dende o ano 1994.

Neste sentido, en Galicia dáse a circunstancia de que moitos emigrantes con dobre nacionalidade retornaron a esta terra despois de xubilarse, ata o punto de que a Comunidade ten a día de hoxe a maior concentración de pensionistas da Seguridade Social Americana de España, cun total de 2.368 individuos.

Froito de todo isto, o peche da Axencia Consular conlevaría serios prexuízos tanto para a comunidade estadounidense en Galicia como para a comunidade galega en EE.UU., xa que a oficina máis próxima sería a localizada en Madrid, a máis de 600 quilómetros de distancia.





 

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical