Barbanza, por Certo: 10/07/11

10.7.11

A Pobra: estrean banda de música municipal logo de máis de 80 anos sen ela

A Pobra non tiña banda municipal dende o ano da Gran Depresión, 1929

A Pobra, 10 de xullo de 2011. Onte, sábado 9 de xullo, o Teatro Elma acubillou o peche do curso 2010-2011 da Escola de Música que conta na actualidade con 76 alumnos/as, un director e seis mestres e tamén se presentou a Banda de Música, integrada por 21 nenas e nenos desta escola, na que aprenden e tocan dende os catro anos de idade instrumentos como piano, frauta, batería, clarinete, saxo, tuba, trompeta, guitarra, marimba, pandeireta, metalófono, caixón flamenco ou guitarra.

No acto estiveron presentes varios membros do equipo de goberno, ademais do alcalde, Isaac Maceiras, que dixo estar "moi orgulloso da Escola de Música, xa que en só dous anos que leva funcionando, acadou os seus obxetivos como era o reto de poñer en funcionamento a Banda de Música". Lembrouse que A Pobra non ten unha banda dende o ano 1929; e hoxe en día era un dos poucos concellos que non a tiña. Fixo referencia a que este esforzo "é posible primordialmente ao traballo dos alumnos e dos seus pais, pola dedicación e o entusiasmo que poñen nisto, así como a profesionalidade dos seus mestres. E como recompensa o mellor premio que poden recibir é o apoio e o cariño de tódolos pobrenses".

Tamén estivo no acto o Director Xeral de Xuventude e Voluntariado, Ovidio Rodeiro Tato, que dixo que "un pobo culto e o que crea cultura, e que dá gusto ver a todos estes nenos e nenas, mozos e mozas volcados nunha tarefa nada fácil como a de involucrarse na creación dunha Banda de música, pero coa súa tenacidade, empeño e ilusión conseguíronno nun tempo simbólico". Tamén fixo referencia a que dende a Dirección Xeral que el dirixe e dende a Xunta de Galicia "farase todo o que estea nas nosas mans para apoiar iniciativas como ésta, que poñen á Pobra do Caramiñal no lugar que debe ocupar no mapa cultural de Galicia".

O teatro-cine Elma estaba totalmente ateigado e ao remate da actuación da Banda de Música, o público pusoxe en pé para cos seus aplausos fecilitar aos compoñentes desta Banda recén estreada.

See the full gallery on Posterous

Posted via email from Certo.gl, o xornal dixital de Barbanza e Noia

Noia: este luns 11 de xullo, seminario sobre as supostas vantaxes das Sociedades de Fomento Forestal

Segundo a Xunta, estes seminarios pretenden dar a coñecer as vantaxes dunha xestión sostible e rendible do monte galego, dirixido aos axentes do sector e ao persoal da Administración Autonómica
A iniciativa enmárcase no proxecto de cooperación transfronteiriza Interreg “Xes-Silvae”, cofinanciado polo Fondo Europeo de Desenvolvemento Rexional (FEDER)

Noia, 10 xullo de 2011.- Durante esta semana terán lugar diversos seminarios coa fin de dar a coñecer as Sociedades de Fomento Forestal (SOFOR), unha nova figura impulsada pola Consellería de Medio Rural. Este luns, 11 de xullo, hai un en Noia.

Xestión sostible do monte
Un dos obxectivos fundamentais que perseguen estes seminarios baséase en difundir, tanto aos axentes do sector como ao propio persoal da Administración Autonómica, a necesidade de acadar unha xestión máis sostible e rendible do monte, tendo como principal ferramenta as pequenas parcelas de propiedade forestal particular, a partir das que se pretende acadar unha xestión baseada na viabilidade económica e a sustentatibilidade ambiental e social.

Con estas accións divulgativas e formativas o departamento que encabeza Samuel Juárez, quere difundir as vantaxes das denominadas “sociedades de fomento forestal”, nas que se leva a cabo unha agrupación dos propietarios de pequenas parcelas, susceptibles do aproveitamento forestal e que ceden os dereitos de uso á sociedade. Asemade, as SOFOR inclúen a posibilidade de inclusión doutras persoas físicas que non sexan titulares de dereitos de uso de parcelas, sempre que a súa participación non supere o 49% das participacións sociais.

Vantaxes das SOFOR
As Sociedades de Fomento Forestal teñen unha serie de vantaxes non só referidas á prevención de incendios forestais. Alén deste propósito, as SOFOR pretenden poñer en valor o monte galego e o aumento da renda agraria. Ao mesmo tempo, garántese o dereito de propiedade dos socios, xa que só se ceden os dereitos de uso, tendo ao seu favor a adscrición voluntaria dos propietarios. Ademais permítese a entrada de capital privado investidor só no capital social, xa que poden coexistir socios propietarios con outros capitalistas. Por último, cabe salientar que o feito de que estas sociedades estean suxeitas ao dereito privado, contan cunha regulación mercantil específica.

Críticas a estas sociedades

O Bloque Nacionalista Galego cre que este tipo de sociedades son a antesala da privatización dos montes en man común. Extenso artigo sobre este asunto en Terra e Tempo, aquí

Decreto que regula as Sofor, aquí

Posted via email from Certo.gl, o xornal dixital de Barbanza e Noia

Dodro: as festas de Bexo, o sábado 16 e o domingo 17 de xullo

O venres 15 de xullo, un día antes, hai festa en Teaio, con verbena amenizada por América SL e Los Españoles

Dodro, 10 de xullo de 2011. As festas non paran en toda Galicia. Na parte que atinxe a Dodro, as de Bexo serán esta vindeira fin de semana.

Programa:

Sábado 16

Pola mañá gran tirada de foguetes (Prohibidos por Medio Rural en Galicia por mor dos incendios forestais, nunca tal se viu...)

Pasarrúas a cargo dos gaiteiros "Os Mersenarios"

9:30h Misa rezada na igrexa parroquial de San Xoán de Laiño.

12:30h Misa solemne na igrexa parroquial de San Xoán de Laiño.

Ó remate da misa, no campo da festa, sesión Vermout co grupo SUPER-T.

E pola noite gran verbena con:
LOS PLAYER'S e SUPER T

Domingo 17

Pasarrúas a cargo da Banda Municipal de Negreira

10:00h Misa rezada na capela de San Amaro de Bexo.

13:00h Misa solemne na capela de San Amaro de Bexo.

Información recollida vía

Posted via email from Certo.gl, o xornal dixital de Barbanza e Noia

A Pobra: o Psoe presenta a primeira moción desta lexislatura, sobre a limpeza da praia da Corna

A Pobra, 10 de xullo de 2011. A oposición en varios concellos da nosa bisbarra (acabamos de publicar algo similar en Rianxo) quéixase da falta de limpeza nalgúns areais, agora que é a época na que se frecuentan máis, por propios e foráneos. A primeira moción desta nova lexislatura, por parte dos socialistas pobrenses, versa sobre este problema que é raro que non se dea cada verán nesta parte da Ría de Arousa, ben sexa por desleixo dos concellos ou por temporais a destempo.

Texto completo da moción:

A nosa vila está situada nun enclave privilexiado da ría de Arousa, con fermosas praias que serven na época estival como soporte para o ocio dos nosos veciños e para as numerosas persoas que nos visitan.

Nos meses de verán, o pulo do turismo ten un efecto balsámico para o comercio da nosa vila, que é preciso coidar especialmente nesta época de crise económica, e correspóndenos a todos manter as nosas praias e o conxunto da nosa vila en perfectas condicións, nomeadamente e en situación preferente como garante ao Concello.

Como de costume, a Deputación Provincial da Coruña concedeu ao Concello unha subvención para a limpeza das praias da nosa localidade, con cuxos fondos se contratou, previo concurso de méritos, a persoal a media xornada para acometer as tarefas de limpeza dos areais.

Porén a praia da Corna, pese á súa importancia e valor natural e paisaxístico, xa que se trata dunha das praias menos antropizadas desta banda da ría de Arousa, é unha vez máis a grande esquecida das accións de limpeza, circunstancia que anoada á maior afluencia de xente propia desta época e á falta de vixilancia, provoca que se acumulen notorias cantidades de lixo sobre a area e os accesos, máis aló dos habituais que se depositan pola acción do mar e do vento.

As subvencións que concede a Deputación para a limpeza das praias teñen un obxectivo claro, cal é reforzar as labores de limpeza que se desenvolven dende o Concello de cara a mellorar a imaxe turística das nosas praias e a paliar os efectos do aumento de visitantes, que inciden no valor ecolóxico e no mantemento de condicións de hixiene e salubridade esixibles nas praias abertas ao baño.

A contratación de persoal opera como un medio para ese fin, resultando a dilixente dirección dos equipos de persoal e a asignación dos lugares e quendas de traballo a ferramenta política do Concello para obter uns resultados óptimos en termos de eficacia e de eficiencia, a fin de evitar incorrer en causas de reintegro da subvención consonte o art. 33.1.b da Lei 9/2007, de 13 de xuño, de subvencións de Galicia -e concordantes-; e sobre todo, para tentar que o noso Concello manteña unhas condicións axeitadas que favorezan que os que nos visiten, repitan nos próximos anos.

Por todo iso, este grupo que represento solicita a adopción dos seguintes

ACORDOS

1.- Que se proceda á limpeza inmediata do lixo acumulado na praia da Corna, tanto no seu areal como nos seus accesos e nas súas inmediacións.

2.- Que se adopten as medidas oportunas que eviten a acumulación de lixo no futuro, especialmente no verán.

3.- Que se realicen labores de vixilancia periódica a fin de verificar que o areal se atope en perfecto estado, así como para disuadir aos autores das condutas incívicas que ensucian a praia da Corna.

moción limpeza parai da corna.docx Download this file

See the full gallery on Posterous

Posted via email from Certo.gl, o xornal dixital de Barbanza e Noia

Noia: cartel e programa provisional da Feira Medieval 2011

VIERNES 15 DE JULIO

Tarde

17:30 h.Desfile inaugural, con todos los grupos, por las calles del mercado

Desfile infantil

20:00 h.Musica medieval (Acribreira)

21:00h. Concierto de música medieval en Sta. María a Nova.

Noche

22:00 h.Sbandieratoris (Sbandieratoris Citta di Firenze)

22:00 h.Musica medieval (Acribreira)

22:00h.Cena Medieval no Claustro do Concello

01:00 h.La Santa Compaña (Comedía Andante)

SÁBADO 16 DE JULIO

Mañana

11:30 h.Domador de serpientes (El Indio)

12:30 h.Animación musical (Tuttis Catraputtis)

13:30 h.Llegada de la comitiva real y lectura de la Carta Puebla (Comedia Andante)

Sbandieratoris (Sbandieratoris Citta di Firenze)

Domador de serpientes (El Indio)

Música medieval (Acibreira)

Animación musical (Tuttis Catraputtis)

Tarde

18:00 h.Animación musical (Tuttis Catraputtis)

18:30 h.Domador de serpientes (El Indio)

19:00 h.El Rey imparte justicia (Comedia Andante)

19:30 h.Musica medieval (Acribreira)

19:30 h.Domador de serpientes (El Indio)

20:00 h.Sbandieratoris (Sbandieratoris Citta di Firenze)

Desfile Caballeros Participantes en el Torneo.

21:00 h.Torneo medieval (Legend Especialistas)

20:00 h.Animación musical (Tuttis Catraputtis)

20:30 h.Musica medieval (Acribreira)

Noche

21:00 h.Domador de serpientes (El Indio)

21:30 h.Musica medieval (Acribreira)

22:30h.Sbandieratoris (Sbandieratoris Citta di Firenze)

23:00 h.Ejecución de sentencias (Comedia Andante)

23:30 h.Animación musical (Tuttis Catraputtis)

00:00 h.Acrovision (Toniton)

DOMINGO 17 DE JULIO

Mañana

11:30 h.Música medieval (Acibreira)

12:00 h.Torneo medieval (Comedia Andante)

Los Gremios (Comedia Andante)

12:15 h.Domador de serpientes (El Indio)

12:30 h.Animación musical (Tuttis Catraputtis)

13:00 h.Sbandieratoris (Sbandieratoris Citta di Firenze)

13:15 h.Domador de serpientes (El Indio)

13:30 h.Música medieval (Acibreira)

14:00 h.Animación musical (Tuttis Catraputtis)

Tarde

18:00 h.Animación musical (Tuttis Catraputtis)

18:30 h.Domador de serpientes (El Indio)

19:00 h.La Invasión (Comedia Andante)

19:30 h.Musica medieval (Acribreira)

19:30 h.Domador de serpientes (El Indio)

20:00 h.Sbandieratoris (Sbandieratoris Citta di Firenze)

Desfile Caballeros Participantes en el Torneo.

21:00 h.Torneo medieval (Legend Especialistas)

20:00 h.Animación musical (Tuttis Catraputtis)

20:30 h.Música medieval (Acribreira)

Noche

21:00 h.Domador de serpientes (El Indio)

21:45 h.Musica medieval (Acribreira)

22:30 h.Sbandieratoris (Sbandieratoris Citta di Firenze)

22:30 h.Animación musical (Tuttis Catraputtis)

23:30 h.La Hoguera de la Victoria (Comedia Andante)

Posted via email from Certo.gl, o xornal dixital de Barbanza e Noia

Rianxo: izouse a bandeira azul en Tanxil, As Cunchas e Aula Activa do Mar

Adolfo Muíños non quere polemizar sobre a falta de limpeza das praias que denunciou o PP: "Con medios propios do concello estase tentando adecentar desde comezos de xullo todos os areais", terciou.

Rianxo, 10 de xullo de 2011. Segundo explicou onte o alcalde de Rianxo, o nacionalista Adolfo Muíños, "unha vez incorporados ao completo á brigada de limpeza de praias, composta de dez efectivos, e instalados todos os servizos nos areais rianxeiros das Cunchas e Tanxil, procedeuse por parte do Concello este sábado 9 de xullo a erguer as bandeiras azuis outorgadas a este municipio".
O alcalde, Adolfo Muíños, o primeiro tenente de alcalde Carlos Gey e os concelleiros de turismo e medioambiente, Marité Sobradelo e Xoán Vicenzo Ces, procederon a izado oficial da bandeira en Tanxil. Xunto a eles estiveron presentes os oito socorristas que velan pola seguridade das praias.

Polémica polas Cunchas e O Porrón

No que atinxe ás fotos aportadas polo Partido Popular con datos exif do 19 de maio pero que segundo esa formación foron tomadas o 6 deste mes de xullo, o alcalde dixo que non ía polemizar nada sobre este tema. "Con medios propios do concello estase tentando adecentar desde comezos de xullo todos os areais. Xoves as Cunchas e o Porrón en concreto melloraban moitísimo o seu aspecto, incluso as ramplas de madeira. Hoxe (por sábado) volveron limpar nel. Os servizos estaban como unha patena. Desde o venres hai dez operarios especificamente de limpeza de praias que irán resolvendo os problemas día a día. O sur das chuvias e vento deste venres trouxeron argazo aos areais, que se irá sacando día a día", concretou Adolfo Muíños.
Imaxes aportadas polo Concello e tomadas onte, sábado 9 de xullo: