28.2.11

Ribeira: un grupo de veciños foron a Lalín, á Festa do Cocido

Ribeira, 28 de febreiro de 2011. Este pasado domingo, 27 de febreiro, viaxaron a Lalín un grupo de ribeirenses, capitaneados por Edmundo Martínez, para asistir á mundialmente famosa Festa do Cocido. Segundo comentaron, "este ano había máis murgas que nos anteriores e o percorrido durou algo máis de dúas horas polas rúas céntricas da capital d comarca do Deza e punto cero de Galicia. Os excursionistas aprovecharon a viaxe para mercar os típicos queixos e embutidos desta área galega.

Posted via email from Certo.gl, o xornal dixital de Barbanza e Noia

Boiro: programa de Antroido 2011

Cultura: o ribeirense Carlos Callón gaña o premio "Vicente Risco" de ensaio, dotado con 6.000 euros

Ribeira, 28 de febreiro de 2011. O pasado 26 de febreiro fallouse a edición XVI do premio de ensaio "Vicente Risco", convocado pola fundación do mesmo nome. A obra gañadora foi Amigos e sodomitas. A configuración da homosexualidade na Idade Media, do ribeirense Carlos Manuel Callón, coñecido sobre todo pola súa faceta como activista da lingua galega dende a presidencia da Mesa pola Normalización Lingüística.


Callón, de formación filolóxica, explica no seu blog como acolleu o premio e de que vai a obra premiada:

"Nesta obra analizo como se constitúe o prexuízo anti homosexual, como se crea a idea de sodomía e como se converte nun pecado central para o cristianismo, a pesar de que está ausente dos primeiros mil anos de historia desta relixión. Mais tamén observo como, xunto co xurdimento da homofobia, aínda se mantén na Idade Media un clima de permisividade nas relacións afectivas entre homes. Pode sorprender, mais as fontes son clarísimas: partillar leito, bicarse en público ou manifestarse "amor" son comportamentos que fan parte do día a día dos varóns, que irán desaparecendo cando estes relacionamentos se vexan desde o signo da homofobia. O amigo e o sodomita conviven nun mesmo terreo de estremas neboentas.

Cada capítulo do libro comeza cun texto literario, historiográfico ou xurídico. En ocasións, o que fago é pór o foco sobre escritos que non foran observados desde esa perspectiva. Por exemplo, detéñome nas "amizades intensas" entre homes en obras da prosa galega medieval, de xeito especial na Crónica Troiana.

Outros son documentos galegos pouco coñecidos. Está nese caso unha cantiga que, sen burla ningunha, fala do amor entre dous homes, o cal ten provocado o estupor da crítica, que viu difícil o seu encadramento nas normas trobadorescas. Tamén é o que acontece coa haxiografía de Paio que se escribiu para a igrexa de Tui no século IX, onde este mártir galego aparece como un Ganimedes cristián. Mais talvez o documento máis importante sexa o da unión entre dous homes no século XI en Rairiz de Veiga, xa que constitúe o testemuño máis antigo que encontramos dun emparellamento homosexual institucionalizado en Galiza, así como un dos máis vellos conservados en Europa.

Por certo, este último texto trae consigo unha importante efeméride. O 16 de abril deste ano fanse 950 anos xustos desta unión. Oxalá non pase desapercibido".

Dende Certo, onde o entrevistamos no seu día, sumámonos aos parabéns por este premio.

Webs de referencia:
http://www.fundacionvicenterisco.com
http://www.carloscallon.com

 

Posted via email from Certo.gl, o xornal dixital de Barbanza e Noia

Noia: programa de Entroido do Liceo

A Pobra do Caramiñal: as obras de reparación do paseo do Areal estarán rematadas antes de Semana Santa

A Pobra, 28 de febreiro de 2011. Cos derradeiros temporais do mes de xaneiro máis de 150 metros lineais do paseo do Areal sufriron importantes danos e chegou mesmo a desaparecer máis dun metro de area de profundidade, co que se deixou o muro de contención ao descuberto, explicaron hoxe dende o Concello.

     A primeiros de febreiro, enxeñeiros de Costas do Estado, encabezados polo xefe territorial dese organismo, Ricardo Babío, visitaron o lugar para inspeccionar os danos e realizar os cálculos necesarios para proceder a elaboración do proxecto de rehabilitación.

     O pasado xoves día 24 comezaron as obras de dito proxecto que lle foron asignadas á empresa TRAGSA, por un importe de 190.000 euros e que consistirán na retirada de todo o muro afectado e a reconstrucción do mesmo cos mesmos materiais cos que estaba feito.

     O Concello agradece a Costas do Estado en Galicia a celeridade coa que actuou para resolver esta incidencia e agarda que ditas obras estean rematadas a últimos de abril, antes das festas da Semana Santa.

Posted via email from Certo.gl, o xornal dixital de Barbanza e Noia

Noia: o Bng presenta unha moción sobre infraestruturas viarias necesarias e tamén pide unha rotonda na Barquiña


Noia, 28 de febreiro de 2011. O Bng de Noia emitiu unha nota de prensa na que informa que no Pleno celebrado en novembro do pasado ano aprobouse una moción promovida polo Grupo Municipal desta formación "que versaba sobre a necesidade da mellora das infraestructuras viarias, lembrando naquel entón que Noia ten pendente unha solución que contemple na súa globalidade o remedio aos problemas de tráfico na vila e un plan de infraestructuras comarcais, buscando a solución máis acaída para a comunicación desta e da súa comarca co conxunto do país, e nomeadamente coa ría de Arousa e por extensión co sur de Galicia".
 
Os nacionalistas explican que "no acordo plenario en cuestión facíase una mención expresa ao Plan MOVE, solicitando a modificación de determinados aspectos do mesmo, como por exemplo a comunicación con Boiro que se contemplaba mediante a mellora da actual estrada provincial prevista para o ano 2017, e que nós coidamos debía facerse a través dunha estrada de nova construción que avanzaría ao longo do Confurco. Tamén dentro do mesmo Plan, concretamente no programa de seguridade viaria, era onde engadíamos a necesidade de  construción dunha rotonda á altura do cruce de A Barquiña, xa necesaria naquel entón, e hoxe coa posta en servizo da nova estrada a Santiago de Compostela, e o acceso e desembocadura da mesma no lugar de Orro, maniféstase máis necesaria que nunca. Hai que lembrar que son case 600 veciños os habitantes do lugar de A Barquiña e a estos hai que engadirlle o tráfico ocasionado polos clientes que acuden a un coñecido centro comercial existente no lugar dos Carballiños-Carracido".
 
Polos motivos expostos, demandan da Consellería que atenda o acordo do Pleno Ordinario do Concello celebrado o 26 de novembro do pasado ano, e proceda á construción da rotonda que regule o fluxo de tráfico no Cruce de A Barquiña.

Posted via email from Certo.gl, o xornal dixital de Barbanza e Noia

A Pobra: este venres 4 de marzo preséntase "Memoria de cidades sen luz", de Inma López Silva

A Pobra do Caramiñal, 28 de febreiro de 2011. A Asociación Cultural Barbantia, Ler librerías e a Editorial Galaxia convidan á presentación de MEMORIA DE CIDADES SEN LUZ, de Inma López Silva, nun acto que terá lugar na librería Ler da Pobra o venres 4 de marzo, ás 20:30 horas, e no que estarán presentes a autora; a directiva de Barbantia María Xesús Blanco; o coordinador da asociación, Alberto Piñeiro; amais do presidente, Xesús Laíño.

Posted via email from Certo.gl, o xornal dixital de Barbanza e Noia

Rianxo: o alcaldable nacionalista reuniuse coa Directiva do CD Unión de Asados


Campo de fútbol de Vilas. Tomada de http://fotosderianxo.wordpress.com

Rianxo, 28 de febreiro de 2011. Adolfo Muíños, candidato á alcaldía polo Bng en Rianxo,  xuntouse o pasado xoves coa directiva do Club Deportivo Unión, acompañado de Ramón Vicente - Nero- membro da dirección local e ex-xogador do equipo de Asados. Forma parte este encontro da andaina que está a levar o candidato do BNG á alcaldía rianxeira polos colectivos rianxeiros para coñecer de primeira man a problemática e demandas dos clubs e asociacións con vistas ao programa electoral do Bloque Nacionalista Galego.

Da directiva do Unión coñeceu da boa marcha do equipo de primeira autonómica que o fará loitar polo ascenso de categoría e, sobre todo, do traballo colectivo que hoxe fai que se achegue aos 150 rapaces nas diferentes idades, todo un traballo de canteira feito con dedicación persoal e desinteresada de moitas persoas polo amor ao fútbol. Como diante doutros colectivos avogouse polo mantemento do convenio coa Deputación da Coruña para a permanencia dos monitores que permiten o mantemento dos adestradores que promoven unha formación de calidade para o traballo técnico e físico cos rapaces e rapazas rianxeiras.

Recuperar o Trofeo de fútbol "Concello de Rianxo"

Adolfo Muíños plantexou tamén buscar alternativas para a recuperación do trofeo de fútbol  "Concello de Rianxo" que enfrontaba ao Taragoña co Unión de Asados e que por diversas vicisitudes non se está a desenvolver nestes dous últimos anos. Unha cita en todo caso moi importante para ambos clubes e que debe recuperarse no calendario deportivo abrindo o verán e a tempada futbolística.

O candidato do BNG abordou tamén cuestións como a necesidade de crear a figura dun encargado específico de mantemento e conserxería das instalacións deportivas da Lomba e de Vilas, que puidera realizar pequenas actuacións e reparacións, ademais de reforzar un servizo de limpeza que se antolla debe ser diario pois todos os días hai adestramentos e competicións.

Por último, Adolfo Muíños trasladou aos directivos a vontade de crear un órgano de participación entre os clubs deportivos, técnicos municipais e corporación. Un Padroado Municipal do Deporte ou Fundación que dirixa a actividade deportiva municipal, xestione as instalacións, posibilite a entrada de patrocinadores privados e cree sinerxias entre as diferentes especialidades deportivas. É unha realidade en moitos concellos e abre vías para a participación e o diálogo fluído entre administración e colectivos sociais.

Posted via email from Certo.gl, o xornal dixital de Barbanza e Noia

Boiro: a Apa Loureda celebrará este venres 4 un entroido centrado no medievo, con mercado e obradoiros


Boiro, 28 de febreiro de 2011.
  A dirección e equipo docente no colexio Santa María do Castro de Cabo de Cruz, en colaboración coa Apa Loureda están ultimando os derradeiros detalles para celebrar o Antroido 2011, que nesta ocasión será temático, sobre a Idade Media.

     A festa terá lugar o día 4 de marzo, no patio do centro, aínda que está previsto que si o tempo non permite levalo a cabo no exterior, emprazarase o pavillón deportivo sito ó carón do centro.

     A temática elixida para este ano é  a época medieval, e a novidade  con respecto doutros anos é que haberá un mercado medieval onde os rapaces montarán diversos postos, nos cales, se poderán mercar productos elaborados e confecionados por eles mesmos. Ademais, teñen previsto levar a cabo durante o transcurso de toda a mañá ( de 10:00 a 13:15h), obradoiros (pan artesanal, cestería, coiro, etc.) nos cales poderán participar, de forma rotatoria, ademais dos cativos, todas aquelas persoas que asistan ó mercado.


           Como xa é costume, a APA Loureda convidará, a media mañá, a tódolos presentes a un chocolate quente acompañado dos doces tradicionais do momento (filloas, orellas, melindres...) elaborados polos familiares dos nenos.


     Música, xogos e moita diversión completarán o programa para a celebración do Antroido 2011.

Aberto ao público: pero só se vén disfrazado!

     Tanto o Persoal do Centro, coma a Apa Loureda convidan a todas aquelas persoas que o desexen a asistir a esta festa. Eso si, condición indispensable vir disfrazado dun personaxe da Época Medieval (cabaleiro, dama, bufón, arqueiro, ferreiro, panadeiro, mendigo, soldado, escudeiro, mosqueteiro, ......).

Posted via email from Certo.gl, o xornal dixital de Barbanza e Noia

Volei: el Hipescar Boiro pierde pero sigue de primero, empatado con el Valladolid

Crónica de María Cortés Ayaso

Fin de semana intermedio. Tropiezo de nuestros chicos del HIPESCAR (pese al cual mantiene su primera posición en la clasificación, aunque empatado con Valladolid) y de las juveniles, y victoria de nuestros cadetes de REYCA. 
https://lh4.googleusercontent.com/-gMn5CKMkN60/TWtboKtwacI/AAAAAAAAANI/4SD4EOEPTyY/s400/CIMG1321.JPG
Imagen de http://boirovoleibol.blogspot.com

PRIMERA DIVISIÓN NACIONAL MASCULINA

HIPESCAR BOIRO VOLEIBOL 1 - 3 CV RIANXO (25-15, 17-25, 24-26, 20-25)

Merecido tropiezo del HIPESCAR, con un resultado de tres sets a uno, en el derbi comarcal de la 1ª división. El partido empezaba con los de Emilio Palacio muy acertados en la recepción-ataque, lo cual, sumado a los errores del CV Rianxo hacían que el parcial cayera con facilidad en el bolsillo local. A partir de este momento el HIPESCAR desapareció del partido. El alto bloqueo rianxeiro, unido a la acertada actuación que demostraron los jugadores de Pablo Alonso en la segunda línea de defensa, complicó y condicionó mucho el ataque de los boirenses a partir del segundo set, que terminaría con un contundente resultado favorable para lo de la villa de Castelao. Mejoró ligeramente el juego del HIPESCAR en el tercer set. A pesar de ir la mayor parte del set 2-3 puntos por debajo en el marcador, los nuestros consiguieron llegar al momento caliente del mismo con opciones de llevarse la victoria. Una acertada acción de los rianxeiros en su ataque permitió anotarse el set por la mínima. Comenzaba el cuarto set, y los nuestros salían decididos a darle la vuelta a la situación adversa y demostrar porqué son el líder de la competición. No fue posible. Elevado nivel de bloqueo y acierto y continuidad en su contraataque fue el resumen del último parcial que se llevó merecidamente el CV Rianxo. No hay excusa, el rival fue superior y debemos hacer un correcto análisis de los errores cometido para no volver a repetirlos en el trascendental partido que los de Boiro afrontarán el próximo sábado en tierras viguesas ante un rival directo en la pele por esta competición.

Por el HIPESCAR BOIRO VOLEIBOL jugaron: Iván Souto "Pas", Narciso Abalo, Manuel Pérez, Critóbal Álvarez, Jesús Vázquez "Pivot", Óscar Gómez y Adrián Alves "Chicho" (líbero). Como reservas estaban Daniel Eiras, Ignacio Cibeira "Frigu", Miguel Vázquez, Gustavo Romero y Antón Pérez.

Pese al adverso resultado el HIPESCAR sigue al frente de la clasificación y conserva el liderazgo de esta 1ª División Nacional Masculina. Los rivales directos tuvieron suerte dispar en sus partidos, por una parte el Universidad de Valladolida vencía con solvencia al Zalaeta de Coruña por 3-1; en cambio el Club Vigo Voleibol sucumbía ante el Intasa San Sadurniño por un rotundo 3-0.

SEGUNDA DIVISIÓN A MASCULINA

REDESYL BOIRO VOLEIBOL descansa

SEGUNDA DIVISIÓN A FEMENINA

PROBOIN BOIRO VOLEIBOL descansa

LIGA GALLEGA JUVENIL MASCULINA

LIGA PROVINCIAL JUVENIL FEMENINA

AD XIRIA ASESORÍA CERVANTES 3 - 0 BOIRO VOLEIBOL (25-23, 25-17, 25-16)

Derrota en 3 sets de nuestras juveniles ante el líder de su categoría. El Boiro comenzó el primer set con acierto, buen ataque, buena posición, sobre todo en defensa, y buen saque. Todo el set estuvo marcado por la igualdad entre ambos equipos, y los cambios en el marcador, ya que en ambos consiguieron momentos con el marcador favorable en 3-4 puntos, que luego el contrincante rebajaba. Un set muy igualado, que pudo haber sido para cualquiera, pero que consiguió el Xiria. A partir de ahí el Boiro desapareció del partido. El juego de las nuestras estuvo marcado por la imprecisión, errores en ataque y fallos en recepción. El Xiria supo aprovechar esta circunstancia para alcanzar la victoria sin dificultades.

Por el BOIRO VOLEIBOL jugaron: Ana, Sara, Angela, Cati, Evelyn, Sheila e Iria (líbero). También viajaron Andrea, Adriana y Patri.
 

LIGA GALLEGA CADETE MASCULINA

REYCA BOIRO VOLEIBOL 3 - 0 STA MARÍA DEL MAR (25-23, 25-15, 25-18)

Contundente triunfo del REYCA Boiro Voleibol ante un rival directo de esta liga gallega. Los de Andrés Martínez empezaron el partido dubitativos, situación que aprovecharían los coruñeses para adelantarse en la mitad del primer set. A medida que se acercaban los momento decisivos de este primer parcial el REYCA mejoraba su juego para igualar el marcador y conseguir la victoria apoyándose en el orden defensivo y el acierto en contraataque de sus jugadores. En el segundo, los nuestros no daban opción a los visitantes. Orden táctica y acierto en su ataque por ambas bandas fueron las balas que usaron los boirentes para anotarse el parcial. Destacaron en este set Daniel Vázquez y Abel Sánchez. La tónica se mantenía en el tercero: los chicos de REYCA mostraron un juego bien organizado y con un alto porcentaje de acierto en su ataque, motivos más que suficientes para hacer perecer a los de Santa María del Mar. Destacados en este set fueron Ismael Martínez, Fran Dieste y Abel Sánchez.

Por el REYCA jugaron: Abel Sánchez, Daniel Vázquez, Xián Pérez, Ismael Martínez, Lois Vázquez y Fran Dieste. Como reservas estaba Óscar Refojo, Raúl Lojo y Alfonso Rey.

LIGA PROVINCIAL CADETE FEMENINA

BOIRO VOLEIBOL  FINAL DE COMPETICIÓN

 Esperamos mejoría en los fallos en las próximas jornadas, sobre todo el HIPESCAR, ante su próximo partido importante.

Posted via email from Certo.gl, o xornal dixital de Barbanza e Noia

Ribeira: este martes 1, o Mago Cali actúa para escolares no auditorio

Ribeira, 28 de febreiro de 2011. O Servizo de Normalización Lingüística do Concello de Riveira programa para mañá, en coa Secretaría Xeral de Normalización Lingüística e no marco do programa de dinamización Bocaberta 2010-2011 promovido desde a Xunta de Galicia, a realización da actividade “Contos de Maxia”, baseada no libro titulado “Contos de maxia” de Agustín Fernández Paz, consistente na realización dun espectáculo de promoción da lingua galega dirixido a nenos e nenas de 9 a 14 anos. A Editorial Xerais, editora do libro, é a encargada de promover e guiar esta actividade de dinamización lingüística, apoiándose para isto nos servizos de normalización lingüística dos concellos galegos. 

Co espectáculo “Contos de Maxia” ábrese a porta á imaxinación. As palabras convértense en fascinantes historia máxicas. O Mago Cali mostra, con sorpresa, humor, diversión e moita ilusión como con calquera palabra se pode facer maxia.  

Os 150 nenos e nenas que estarán mañá ás 12 horas no Auditorio van ser agasallados cun exemplar do libro no que se basea o espectáculo de maxia, “Contos por palabras”. Este volume contén un feixe de historias que parten de anuncios por palabras atopados nos xornais e que son aparentemente normais mais que dan lugar a historias sorprendentes. Os textos non só chaman a atención polo que neles acontece senón tamén polos seus protagonistas nos que se mesturan persoas normais con seres extraordinarios como un bruxo, unha unicornia, Drácula, Spiderman ou o home-lobo. 

Esta acción ten os seguintes obxectivos: 

   - Fomentar a creatividade en lingua galega.

    - Dar a coñecer nos máis novos o Auditorio Municipal como lugar de extensión da cultura galega.

    - Difundir a creación literaria e artística en galego.


 

Posted via email from Certo.gl, o xornal dixital de Barbanza e Noia

Ribeira: denuncian a desaparición dun petróglifo debaixo das obras da depuradora de Corrubedo

Ribeira, 28 de febreiro de 2011. O grupo municipal socialista presentou unha pregunta ante o Concello ao constatar que desapareceu debaixo dos restos das obras da depuradora o chamado "petróglifo da Pedra de Santiago".

Pregunta íntegra:

Sr. Alcalde/Presidente:
O Grupo Municipal do PSDG-PSOE de Ribeira, no transcurso dun seguemento rutinario das obras de instalación da Depuradora de Corrubedo, ven de comprobar a existencia dos feitos que de seguido se indican.

Unha comisión do PSDG-PSOE de Ribeira desprazouse na mañá de onte, domingo, 27 de febreiro de 2011, á parroquia de Corrubedo para, entre outros asuntos veciñais, comprobar a marcha das obras da Depuradora e canalizacións, nos terreos aledaños á Praia do Prado, á Punta do Prado e Pozo Salgueiro. Durante as comprobacións notaron que HABÍA DESAPARECIDO DA SÚA UBICACIÓN O GRUPO DE PETROGLIFOS DENOMINADO “DA PEDRA DE SANTIAGO”, e que xusto enriba dese punto estaban a operar maquinarias pesadas de excavación, presentando o lugar concreto signos ben visibles de remoción, trituración de rochas de gran volume e amoramento de escombro rochoso cercano. Dito grupo de petroglifos consistía nunha forma de espada, un serpentiforme e dúas formas en cazoleta ou media lúa (calificadas como de orixe medieval); e figuran, aparte de en varias fontes documentais e traballos de índole etnográfica, na propia páxina web do Concello de Ribeira; sendo considerados por este grupo municipal como elementos de indubidable valor patrimonial, histórico, cultural e turístico.
Este grupo municipal pode constatou igualmente que hai aínda poucas datas o mencionado petroglifo seguía no seu sitio con normalidade. En vista de tales feitos este grupo municipal, ademáis de solicitar ao goberno de Ribeira unha indagación sobre os mesmos, formula as seguintes preguntas:
¿SABE O GOBERNO DE RIBEIRA O QUE SUCEDEU CO GRUPO DE PETROGLIFOS DE CORRUBEDO DENOMINADO “DA PEDRA DE SANTIAGO”?
¿FÍXOSE O ESTUDO PREVIO SOBRE O TRAZADO DAS OBRAS QUE NO LUGAR CITADO SE ESTÁN A DESENVOLVER, DE CARA A PRESERVAR OS BENS  COÑECIDOS E/OU SE CONSIDERASEN PRESERVABLES?

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical