13.6.12

Muros: os nacionalistas piden que se reúna xa o Consello Escolar Municipal ante a desinformación sobre os colexios

Muros, 13 de xuño de 2012. Segundo explican os concelleiros nacionalistas de Muros (que saíron do Bng) en nota de prensa, o pasado día 5 de xuño de 2012 nun xornal publicouse un artigo onde se afirmaba que hai importantes danos que afectan ás estructuras dos colexios de Muros e Esteiro e o día 8 de xuño, noutro xornal, o xefe territorial comunica que non hai problemas graves en ningún dos dous colexios. "Estes artículos provocaron alarma e confusión entre as comunidades educativas dos dous colexios. Pola información da que dispoñemos os concelleiros nacionalistas de Muros non hai problemas de importancia na edificación do colexio Ramón de Artaza de Muros pero si no Ricardo Tobío de Esteiro, polo que nin nos dous colexios hai problemas graves nin en ningún", aseguran.

Tamén engaden que o colexio de Louro, as unitarias de Muros e Tal e os dous institutos, tamén teñen necesidades que cubrir, tanto de obras e mantemento como de persoal ou organizativas. Polo que, por parte da alcaldesa e o seu equipo de goberno se debería ter aproveitado a visita do xefe territorial de Educación para trasladarlle a situación concreta de todos e cada un dos nosos centros de ensino e as súas necesidades, e en lugar disto, limitáronse a acompañalo ao patio dun dos dous colexios.

Segundo os nacionalistas non adscritos "é importantísima a unidade de acción de toda a comunidade educativa de todos e cada un dos centros de ensino do noso concello, pero para que esa unidade de acción sexa posible é necesario que haxa unha perfecta información e coordinación entre a citada comunidade educativa, e a mellor ferramenta para  acadar isto é o Consello Escolar Municipal. Para que toda a comunidade educativa estea correctamente informada da situación de cada un dos nosos centros de ensino e para poder trasladarlle á Consellería de Educación e Cultura un informe ou documento con todas as necesidades dos centros de ensino do noso concello solicitamos que a alcaldesa convoque para finais do mes de xuño unha reunión do Consello Escolar Municipal".


Posted via email from Certo.gl, o xornal dixital de Barbanza e Noia

Ribeira: medio cento de veciños foron comprobar o funcionamento de Sogama a Cerceda

  • Liderados polo Tenente Alcalde do concello, Vicente Mariño, desprazáronse na tarde de onte a Cerceda para visitar as instalacións que conforman o complexo medioambiental de Sogama e comprobar o tratamento que reciben os desperdicios que xeran día a día.
  • Esta visita enmárcase na Semana do Medio Ambiente, que este ano a empresa pública dedica aos nove concellos incorporados recentemente ao seu programa de compostaxe doméstico, entre os que se atopa Ribeira.
  • Tralo percorrido guiado realizado polo complexo industrial, o grupo de visitantes puido tomar conciencia da importancia que ten a aplicación do principio dos tres erres (reducir, reutilizar e reciclar) de cara a alcanzar importantes beneficios ambientais, pero tamén económicos para as arcas locais, tendo en conta que a axeitada xestión do lixo ten un custo que debe ser sufragado coas achegas de todos os cidadáns.
  • Namentres, o Concello foi denunciado por delito ecolóxico e nin alcalde nin concelleiro responsable de Saneamento dan explicacións

Cerceda, a 13 de xuño de 2012.- Un grupo de 50 veciños procedentes da localidade coruñesa de Ribeira e liderados polo Tenente Alcalde do concello, Vicente Mariño, trasladáronse na tarde de onte a Cerceda para coñecer o funcionamento do complexo medioambiental e comprobar de primeira man a actividade industrial desenvolvida no mesmo.

Esta visita enmárcase na Semana do Medio Ambiente, que Sogama vén promovendo anualmente e que este ano quixo dedicar de forma especial aos nove concellos que recentemente se incorporaron ao seu programa de compostaxe doméstica, como é o caso de Ribeira, que participa nesta iniciativa con medio centenar de vivendas. Todas elas contan xa co correspondente composteiro, así como co material didáctico de apoio que lles servirá de guía no proceso de elaboración do compost, que en todo caso será supervisado polo persoal ao servizo do concello, entre eles os membros de Protección Civil, os cales visitarán casa por casa para chequear o correcto desenvolvemento da técnica, corrixindo posibles erros e prestando o asesoramento necesario para que o programa poida fluír con totais garantías.

Nuns meses, as familias adscritas a esta iniciativa poderán utilizar o abono resultante nos seus xardíns e hortas como fertilizante de alta calidade. Con isto, non só se propiciará a reciclaxe da materia orgánica en orixe, senón que se evitará o seu depósito nos contedores convencionais, diminuíndo as cantidades de residuos a entregar a Sogama e polas que o concello debe pagar.

MÁIS ALÓ DO CONTEDOR

A pretensión da viaxe a Sogama era precisamente que os veciños de Ribeira puidesen tomar nota do itinerario que emprenden os seus desperdicios tras ser recollidos polos servizos municipais e transportados ao complexo medioambiental de Cerceda, previo paso pola correspondente planta de transparencia. E para facilitar a comprensión do modelo utilizado, realizaron unha visita guiada ás distintas plantas que conforman a infraestrutura central da Sociedade Galega do Medio Ambiente.

Así, os riveirenses adentráronse na planta de clasificación de envases lixeiros, a donde chegan os residuos depositados nos contedores amarelos para ser sometidos a un proceso de separación por tipoloxía (plástico duro, fino, pet, aceiro, aluminio, brick), remitíndose posteriormente á industria transformadora para ser convertidos en novas materias primas.

O traxecto proseguiu a través das naves que integran o tratamento da denominada bolsa negra, ou o que é o mesmo, os refugallos non reciclables depositados pola cidadanía nos contedores verdes convencionais e a partir dos cales Sogama prepara un combustible que alimenta unha planta termoeléctrica para producir electricidade. Deste xeito, a empresa consegue poñer en valor aquela parte do lixo que xa non ten utilidade e que, de non seguir este camiño, estaría condenada a acabar irremediablemente nun vertedoiro, co risco engadido do seu máis que previsible impacto medioambiental.

A AXEITADA RECOLLIDA SELECTIVA PREOCUPA Á CIDADANÍA

O complexo impresionou a moitos dos integrantes do colectivo visitante, conscientes das grandes cantidades de lixo que no mesmo se reciben a diario e que deben ser tratadas cumprindo rigurosamente coa legalidade vixente; un tratamento cuxo custo debe ser sufragado pola poboación a través das correspondentes taxas municipais. Diminuílo implícanos a todos. A fórmula reside na práctica da coñecida estratexia dos tres erres, e que non é máis que reducir a produción, apostando decididamente por un consumo responsable, reutilizar os produtos o maior número de veces posible e colaborar, desde o interese e o convencemento, na separación de refugallos e posterior depósito dos mesmos nos correspondentes contedores de recollida selectiva como única vía para posibilitar o seu posterior reciclado.

Ademais dos beneficios ambientais que traerían consigo estas prácticas cidadás, contribuíndo a aforrar enerxía e materias primas, resulta evidente que as arcas locais sairían beneficiadas. E é que cantos máis materiais remita o concello aos centros recicladores e maior sexa a calidade destes, máis ingresos recibirá por parte dos Sistemas Integrados de Xestión, podendo reducir o importe da factura que mensualmente debe abonar a Sogama. Agora ben, se esta segregación de residuos non se leva a cabo e se deposita todo xunto e de forma indiscriminada no contedor convencional, os custos para as arcas locais dispáranse de forma alarmante. Elixir un camiño e outro depende de todos e cada un de nós.

Namentres, a dura realidade:




Posted via email from Certo.gl, o xornal dixital de Barbanza e Noia

Ribeira: xa hai semáforos provisionais no cruce do conservatorio

  •  Entre as rúas Miguel Rodríguez Bautista e Canarias

 

Ribeira, 13 de xuño de 2012.- O Concello informa de que hoxe mércores, pasadas ás dúas da tarde, entraron en funcionamento os novos semáforos que van regular o tráfico na confluencia da avenida Miguel Rodríguez Bautista coas rúas Canarias e Cordieiro e coa vía que sube a carón do Conservatorio.

 

Hai que recordar que estes equipos semafóricos teñen carácter provisional, de tal xeito que, de comprobarse que a súa presenza contribúe a mellorar a seguridade e a ordenación viaria neste cruce, entón serán substituídos por outros elementos xa definitivos e máis modernos, do mesmo xeito que xa aconteceu no Malecón.

 

Nun principio non se vai producir ningunha variación en canto as sentidos de circulación xa establecidos. Pero non se descarta que nun futuro próximo o Concello baralle implantar outras posibles alternativas, mudando a dirección dalgunhas vías da redonda, a fin de comprobar se estes cambios redundan nunha maior fluidez do tráfico rodado, ao tempo que nunha maior seguridade viaria para vehículos e peóns.


Antes, en Certo:







Posted via email from Certo.gl, o xornal dixital de Barbanza e Noia

Ribeira: o Psoe posiciónase fronte á investigación da fiscalía por delito ecolóxico contra o Concello

  • O Psoe denuncia o oscurantismo do PP ante esta investigación, da que nada se dixo en xunta de goberno nin en comisión
  • A denuncia foi posta por bateeiros e a Fiscalía reclama o sucedido entre 1999 e 2011, o que implica a Torres Colomer e ao actual alcalde, Ruiz Rivas
  • Os socialistas queren que compareza o alcalde e o concelleiro responsable e expliquen ao pobo o que está a pasar co asunto

Ribeira, 13 de xuño de 2012. Ante a investigación solicitada pola fiscalía de Medio Ambiente ao xulgado de Ribeira por delito ecolóxico contra o Concello de Ribeira, o Partido Socialista fai público este comunicado:

"Es un hecho clamoroso que el saneamiento de la ciudad de Ribeira conduce las aguas residuales directamente al mar sin la más mínima depuración y por ello pagamos un canon a la Xunta de 678.000 €uros anuales. Son muchos años los que los ciudadanos de Ribeira llevamos soportando esta situación extraña de inmovilismo asfixiante y repugnante pasotismo tácito, en la que todo el mundo sabe de la impunidad con la que se actúa en el control de las aguas residuales. Nuestras playas están acribilladas por tuberías y desagües inmundos, que solo gracias a las mareas de nuestra explotada ría de Arousa nos ha permitido llegar hasta aquí.
Este lugar modélico de convivencia social, hoy por ti, mañana por mí, se ha encontrado con una denuncia ante la fiscalía por delito ecológico, que ante las pruebas recabadas queda acreditada la veracidad de los hechos denunciados y por ello se da trámite al juzgado para que inicie las investigaciones necesarias con la pretensión de esclarecer la autoría personal en el periodo 1999-2011, con el Sr. Torres Colomer, y el Sr. Ruiz Rivas presidiendo la corporación municipal.
El grupo socialista presentó una moción en el pleno de abril instando al Concello de Ribeira, por enésima vez, a reclamar a Aguas de Galicia una depuradora para el polígono de Xarás que evite el foco de contaminación que supone el emisario del Touro. Ni en el debate, ni en la comisión, se informó a la Corporación Municipal de la denuncia presentada por los bateeiros ante la fiscalía.

El Partido Popular insiste en que no se precisa depuradora para el polígono de Xarás, porque ya depuran las propias empresas. Que el emisario que se va a construir en O Touro ya hace las funciones de depuración (Aguas de Galicia dixit). La situación está controlada por las inspecciones que realizan la Xunta de Galicia y la empresa concesionaria. Es inadmisible que el Alcalde descanse en la fuerza de la naturaleza para resolver el saneamiento de la ciudad. Esta actitud define una ideología basada en el individualismo y en la insolidaridad y viene a resumir la pedagogía política del grupo de gobierno, basada en la recompensa del silencio. Ante esta situación de oscurantismo y dada la gravedad de las diligencias de la fiscalía y de las
pruebas conseguidas, que acreditan los hechos denunciados, el grupo municipal socialista reclama la comparecencia del Alcalde y Concejal responsable para explicar ante la corporación municipal los pasos que dió el Concello y las respuestas y gestiones hechas por la Administración autonómica desde la fecha de la denuncia en 2007.

¿Podremos conocer la certificación de recepción de final de obra del actual emisario?"

Posted via email from Certo.gl, o xornal dixital de Barbanza e Noia

Ribeira: "Documenta" amosa un século de papeis significativos do arquivo municipal

  •  Entre 1867 e 1967, 30 documentos entre os que se atopa o paso da primeira Volta Ciclista a Galicia de 1933, a declaración do estado de guerra de 1934 e ordenanzas municipais de 1867 a 1880

 

Ribeira, 13 de xuño de 2012.- No marco do Xuño da Cultura e as Letras, a Sala Museo Municipal deu cabida a unha nova exposición que, co título de “Documenta. O Arquivo Municipal de Riveira: administración, memoria e patrimonio, exhibe ata unha trintena de significativos documentos históricos e expedientes municipais con data de entre 1867 e 1967.

 

Para inaugurar esta mostra estiveron presentes o alcalde Manuel Ruiz Rivas, a concelleira de Cultura Elvira Pisos, a dinamizadora do museo Pilar Casas, e o arquiveiro municipal José Antonio Otero.

 

Segundo reflectiu a dinamizadora do museo, Pilar Casas, a exposición, situada na planta baixa da instalación, recolle arredor dunha trintena de documentos e expedientes municipais custodiados no arquivo que permiten facer unha pequena aproximación á variedade tipolóxica documental xerada polo Concello de Ribeira. Á hora de facer a selección se tivo en conta que non se expuxeran en anteriores ocasións como puido ser á da conmemoración do Centenario.

 

Ordenanzas municipais de mediados do século XIX; bases reguladoras de horarios de apertura do comercio no 1936; bandos da alcaldía; o libro de rexistro de emigrantes; proxectos de reformas urbanas; libro de rexistro de entrada e saída de barcos do porto de Ribeira; partes de asistencia á escola ou diversos programas das festas de verán son algúns dos documentos que se poden ver nesta mostra.

 

O alcalde animou aos veciños a que visiten esta exposición coa confianza de que lles vai gustar pola curiosidade da documentación exposta e por coñecer como era a realidade de Ribeira nos tempos antigos. A este respecto, manifestou que o que nos veñen a demostrar estes documentos é que “pasan os anos pero as preocupacións dos responsables do Concello seguen sendo as mesmas que hai 100 anos”.

 

Cabe recordar que o museo está aberto de martes a venres de 9 a 14 e de 17 a 19 horas e os sábados de 10 a 14 horas.

 

Relación de documentos expostos:

      Bases Reguladoras das horas de Apertura e Peche do Comercio de Riveira e da Xornada da Dependencia Mercantil (1936)             

      Ordenanzas Municipais do Concello de Riveira (1867- 1880)

      Libro de Bandos ditados pola Alcaldía (1898- 1923)

      Bando da Alcaldía: alquitranado da rúa principal desde a Fonte de Padín hasta a entrada do Peirao (1927)

      Bando da Alcaldía: 1ª Volta a Galicia (1933)

      Bando da Alcaldía: Declaración do Estado de Guerra (1934)

      Expediente de constitución do Concello (1949)                                         

      Relación de Concelleiros, Médicos e Farmacéuticos do Concello (1926)

      Libro Rexistro de Emigrantes (1923-1937)                                         

      Festas Patronais (1945)                                                                                   

      Caderno de Servizos do Faro de Corrubedo (1893-1896)

      Libro Rexistro de Entrada e Saída de Buques (1893-1894)

      Oficio do Arciprestado de Postmarcos de Abaixo              (1892, abril, 28)

      Oficio da Alcaldía Constitucional de Riveira (1892)                           

      Fotografías de Riveira (1967)                                         

      Bautista Lemiña solicita autorización para a publicación dun periódico semanal `El Eco De Riveira’ (1929)                                         

      Acta de Deslinde entre os Municipios de Riveira e a Pobra do Caramiñal (1960)

      Plano para o Informe sobre a liña límite entre os termos municipais de Riveira e Pobra do Caramiñal (1958)                           

      Proxecto para o Campo da Feira (1946)                                                       

      Acta de constitución do Gremio de Representacións Cinematográficas (1943)

      Expediente instruído para demostrar a tradición e necesidade de subsistencia das feiras e mercados que se celebran en Riveira (1928)

      Actas de xuramentos da Constitución de 1869 por varios individuos con cargos públicos e clases pasivas (1869)

      Plano de Aliñación na nova Rúa entre a Casa do Concello e o punto denominado “Pontella” (1951)

      Informe ao Presidente da Xunta de Sanidade sobre depósito de tabaco de barco naufragado nos baixos de Corrubedo (1878)

      Acta da Xunta de Socorros para a distribución dos fondos recadados ás familias dos náufragos de Corrubedo da barca `Constantino´ e outros sinistros

      Proxecto de fonte Pública en Aguiño (1963)

      Ampliación Casa do ConcelloEn: “Proxecto de Ampliación de nave á Casa do Concello” (1938)

      Muros de rampla e Lonxa. En: “Construción  de novo edificio de Plaza de Abastos e Lonxa de Contratación de Peixe” (1941)

      Santa Eugenia de Riveira. 1ER Premio de embellecimiento de pueblos, 1959. Fiestas populares. (1961, Agosto)

Posted via email from Certo.gl, o xornal dixital de Barbanza e Noia

Ribeira: máis de cen mil euros para renovar a rúa Esteirón de Palmeira

Ra_esteirn

Ribeira, 13 de xuño de 2012.- O Concello informa da próxima actuación na rúa Esteirón, en virtude da que se verán renovados os servizos desta vía situada na parroquia de Palmeira e que descorre paralela á praia da Corna. O orzamento da obra ascende a 106.405,53 euros. Nestes momentos, os servizos técnicos da Administración Municipal están preparando os trámites oportunos de cara á súa licitación.

A rúa Esteirón atópase actualmente bastante deteriorada. O seu firme está formado por unha capa de formigón que se foi danando polas sucesivas reparacións que ao longo do tempo se realizaron nos servizos da zona. Ademais, o colector de saneamento existente está feito de formigón, non existe rede separativa de alcantarillado (pluviais e fecais descorren por un único colector) e as tubaxes da rede de abastecemento son de fibrocemento.

En consecuencia, a actuación que se prevé realizar contempla en primeiro lugar a substitución da tubaxe de auga existente por outras de polietileno de alta densidade. Renovaranse as acometidas existentes, dispoñendo todas as chaves e válvulas que sexan necesarias.

Separación de pluviais e fecais

Ademais, instalarase polo centro da calzada un colector de PVC liso para o saneamento de fecais e un colector de PVC corrugado para pluviais. Nas liñas de fecais se construirán pozos de rexistro cada 30 ou 35 metros e  en todas as conexións con colectores existentes. Tamén se reporán as acometidas domiciliarias con tubaxes de PVC liso. Nas liñas de pluviais colocaranse arquetas sumidoiro e disporanse acometidas de pluviais.

En canto á pavimentación, empregarase unha mestura bituminosa en quente tipo D-12 de oito centímetros de espesor. O prazo de execución das obras é de tres meses.





Posted via email from Certo.gl, o xornal dixital de Barbanza e Noia

Ribeira: este venres, 15 de xuño, charla en Carreira sobre herdanzas

Cartel_herencias

  • A Asociación de Veciños de Carreira organiza a Charla : HERENCIAS o venres día 15 de xuño ás 21:00 na Casa de Cultura de Carreira, impartida por unha avogada




Posted via email from Certo.gl, o xornal dixital de Barbanza e Noia

A Pobra: o Psoe pregunta que se fixo coa chatarra da escavadora e a máquina limpapraias

Pregunta pleno escavadora.docx Download this file

Media_httpfarm3static_vehln

Segundo o grupo socialista, se a escavadora de cadeas e a máquina limpapraias foron retiradas por rematarse a súa vida útil, nalgún lado tiveron que desguazarse e venderse como chatarra. Por esta operación poderían percibirse máis de 4.000 euros, o 40% do importe que vale o leasing dos novos aparellos para as mesmas funcións. Nos orzamentos do Concello non aparecen por ningures

Posted via email from Certo.gl, o xornal dixital de Barbanza e Noia

Rianxo: "O ratiño presumido", este sábado 16, teatro para rapaces

Cartaz_trinke_trinke_web


Rianxo, 13 de xuño de 2012. A proposta cultural que terá lugar esta semana organizada pola Biblioteca Pública Municipal Castelao dentro do programa de Animación á Lectura que se desenvolve ao longo de todo o ano é a seguinte:

  • TEATRO PARA NENOS/AS: O ratiño presumido a cargo da Compañía Trinke-Trinke
  • DÍA: bado 16 de xuño
  • HORA: 12.00 h
  • LUGAR: Biblioteca Pública Municipal Castelao
Na obra faise unha version propia do conto popular, dramatizado coa colaboración do público. Os conductores das actividades para nenos e nenas de 3 a 8 anos son uns personaxes fantásticos: os Ratos da Biblioteca, que proceden dun lugar chamado Lonxedetodo, onde os libros e a lectura ocupan un lugar sobranceiro na vida da comunidade.





Posted via email from Certo.gl, o xornal dixital de Barbanza e Noia

Ribeira: "Grupo Salvaje", libro madridista de Manuel Jabois, preséntase o venres 29 de xuño

  • No Local Social da Peña Madridista Amancio de Ribeira (Rúa Mendiño, 8 - Local 2)
  • O vindeiro venres 29 de xuño de 2012 ás 22 horas
  • Ao remate serviráse un pequeño ágape e o autor asinará exemplares
  • Organizan a A.C. Peña Madridista Amancio e o Ateneo Valle Inclán.
  • Falarán: José Manuel Pérez Sampedro, Presidente da Peña Amancio; Antonio Lijó, Secretario do Ateneo Valle Inclán e Manuel Jabois, autor.








Posted via email from Certo.gl, o xornal dixital de Barbanza e Noia

Colaboración: "Apocalipse outra vez", por Javier Ferreirós

A verdade é que me soaba vagamente: fai uns anos alguén reproducira os instrumentos que portan os vintecatro Anciáns do Apocalipse do Pórtico da Gloria e se gravara un disco e se deran concertos con eles. Maxia e alquimia, a pedra volvía á vida.

O pasado sábado día 2 de xuño tiven oportunidade de comprobalo.  No marco do Euro- Vía Festival o grupo Martín Códax deu un concerto con eses instrumentos e co repertorio adecuado a eles: cantigas de amigo do propio Códax, tres das Cantigas de Santa María e dúas pezas do Códice Calixtino. O lugar, o Paraninfo da Universidade de Santiago, na Facultade de Xeografía e Historia.

Media_httpfarm6static_uzjde

Codex Calixtinus

Previamente Carlos Villanueva, catedrático de música, deu unha breve charla introdutoria sobre o chamado Proxecto de Construción dos Instrumentos do Pórtico da Gloria (1990-1994), que culminou coa  presentación en concerto das 19 pezas reconstruídas por artesáns de toda Europa e a gravación do disco Os Sons do Pórtico da Gloria. Ó propio Villanueva codirixiu naqueles anos o proxecto e participou nel como músico. Tal como contou, fai vinte anos, con eses instrumentos só entón devoltos ó mundo dos vivos, o manexo dos mesmos non podía ser aínda moi hábil por parte dos músicos, músicos que aprenderan unha arte que xa perdera a memoria do organistrum e do laúde medieval, daqueles pandeiros, frautas e fídulas, semellantes ós seus descendentes pero con sons pequenos, estraños e primitivos.

Este festival, tal como figura no panfleto que nos entregaron, “é posible grazas ao patrocinio de Dr. h. c. Hans Urrigshardt” . Antes da charla de Villanueva, un alemán presentou o festival no marco deste primeiro evento nun castelán aceptable. Cando xa comezara a conferencia, esta viuse brevemente interrompida por un grupo de alemáns de mediana idade que chegaban tarde. Nos asentos de autoridades predispostos para eles xa se sentaba o representante vaticano, o cardeal Ravasi.

Os estudantes da Facultade organizaran ese fin de semana un peche en protesta polos recortes en educación por parte do goberno.

Media_httpligaestudan_vfdjk

Peche en Historia. Imaxe da Liga Estudantil Galega

Eu estudei Historia nesa mesma Facultade; pero, se mal non lembro, nunca entrara ata este sábado no Paraninfo. Pois ben, alí estaba eu, por vez primeira baixo aquel teito decorado con anxos, a presenciar unha Imaxe do Mundo de hoxe: os alemáns, semellantes en número e aparencia ós Anciáns do Apocalipse, poñen os cartos e chegan tarde, os instrumentos da fin do mundo (xeográfica e cronolóxica) tocan pezas dun valioso códice roubado perante un cardeal romano, e os mozos resisten pasivamente alí fóra da sala. Salvo tres deses mozos, que asistiron ó concerto, e que estiveron falando polo baixo do principio á fin do mesmo. Tal vez falaban de como salvar a cultura das gadoupas da cobiza materialista sen facer moito caso daquela música que volvera dende unha idade moi afastada na que, como en todas as épocas, crían que a fin dos tempos estaba próxima. Ó rematar a carreira, cando sintan o peso da Historia nos seus ombros, algúns dos rapaces que protestaron  quedándose na Facultade serán banqueiros. Pero sempre ha de quedar polo menos un xusto cando veñan os vintecatro Anciáns, e o xusto tal vez baile ó fermoso son das súas fídulas, pandeiros e laúdes, sen saber que música é esa, e sen que lle importe.

Javier Ferreirós é músico e historiador

Media_httpfarm5static_srjfi

Toda a serie "Música por dentro" en Certo, aquí

Ligazóns relacionadas con este festival e grupo:
http://www.martincodax.org/
http://www.euro-via-festival.org/

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical