Barbanza, por Certo: 29/09/11

29.9.11

Ribeira: quéixanse de edificios abandonados na rúa de Galicia. Charlas e obradoiros no Liceo

O luns 3 de outubro, charla no Liceo Marítimo sobre "A reordenación do territorio: os servizos mancomunados"
Tamén no Liceo haberá obradoiros sobre saúde en outubro, previa inscrición

Ribeira, 29 de setembro de 2011. Veciños da rúa peonil Galicia de Ribeira manifestan o seu malestar e mesmo preocupación polo mal estado dalgúns edificios, casas e peches de solares -con taboeiros de madeira- que, ademais de afear esta rúa, poden ocasionar danos materiais e personais ante o inminente risco de derrube dalgúns deles. Para estes veciños cómpre que o Concello tome cartas no asunto e avise aos propietarios que os teñen abandonados ou se faga cargo o municipio mesmo e logo lles pase a factura aos propietarios, antes que ocorran males maiores.

CHARLA INFORMATIVA NO LICEO MARÍTIMO

O vindeiro luns, día 3 de outubro, ás 20:30 horas terá lugar nos locais do Liceo Marítimo de Ribeira unha charla informativa sobre "A Reordenación do territorio: os servizos mancomunados". Está organizada por parte do comité local do PSG-PSOE de Ribeira e será impartida pola conocida experta en Economía da Unión Europea, María Cadaval Sampedro. A conferencia está aberta ao público en xeral.

A Sociedade do Liceo Marítimo acubillará, ao longo de outubro dous obradoiros de saúde. A Escola Galega de Saúde para Cidadás dependente da Consellería de Sanidade da Xunta de Galicia impartirá, de balde e previa inscrición, os talleres de "Dolores Neuropáticas en relación con la Fibromialgia" e "Prevención y cuidados en la nutrición de las personas diabéticas". O límite de prazas é de trinta persoas.

Posted via email from Certo.gl, o xornal dixital de Barbanza e Noia

Ribeira: o conselleiro de Medio Rural reuniuse con confrarías de Barbanza para falar do parque natural e os seus usos

Samuel Juárez reuniuse hoxe co alcalde de Ribeira, Manuel Ruíz Rivas, e cunha representación de confrarías da zona de Arousa norte

O conselleiro do Medio Rural, Samuel Juárez, acompañado polo director xeral de Conservación da Natureza, Ricardo García-Borregón, reuniuse hoxe co alcalde de Ribeira, Manuel Ruiz Rivas, e cunha representación de confrarías da zona de Arousa norte.

Toda a explicación do conselleiro neste vídeo da Xunta

Posted via email from Certo.gl, o xornal dixital de Barbanza e Noia

Rianxo: chega a exposición itinerante "Rosalía sempre viva. Viva Rosalía!", do 1 ao 15 de outubro

Imaxe de arquivo da exposición en Ribeira

Rianxo, 29 de setembro de 2011. A inauguración terá lugar o vindeiro sábado 1 de outubro ás 12 da mañán, no Auditorio de Rianxo.

A exposición itinerante “Rosalía sempre viva. Viva Rosalía!” é unha iniciativa que pretende conmemorar o 125 aniversario da morte da autora de Follas Novas. Os visitantes camiñarán arredor dunha serie de modernos paneis onde se fai un percorrido pola traxectoria da escritora galega, e que estará viaxando pola Comunidade ata finais de ano.

No ano 2010 esta exposición percorreu os municipios de Arteixo, Boiro, Fisterra, Melide, Padrón, Carballo, As Pontes, Ferrol, Santiago e A Coruña, e neste ano 2011 serán outros dez municipios da provincia os que disfruten dela. Promovida pola área de Igualdade da Deputación de A Coruña e en colaboración coa Fundación Manuel María e Mr Misto Films, trátase dun documento gráfico que revela aspectos da escritora antes non desvelados.

Máis información: aquí

Relacionada:

Literatura: Francisco Rodríguez presentou en Noia á Rosalía de Castro máis descoñecida. Por Ramón Torrado

convite inauguracion e visita exposicion ok.pdf Download this file

Posted via email from Certo.gl, o xornal dixital de Barbanza e Noia

Ribeira: aberto o prazo para anotarse a unha fin de semana multiaventura en Gandarío

Praza só para 25 mozos entre 18 e 35 anos. Inscrición por rigorosa orde, dentro do programa "Roteiros" da Xunta
Será na fin de semana do 25 ao 27 de novembro. Custa 80 euros, cun 25% de redución se tes o carné xove
Haberá actividades náuticas, arco, rapel e orientación noturna

Ribeira, 29 de setembro de 2011.- Ata un total de 25 mozos e mozas de entre 18 e 35 anos do municipio de Ribeira van ter oportunidade de pasar unha fin de semana multiaventura no albergue de Gandarío, grazas ao programa Roteiros que organiza a Dirección Xeral de Xuventude da Xunta de Galicia. Así o afirmou hoxe a concelleira de Xuventude e Igualdade de Ribeira, Aroa Fernández, nun acto no que estivo acompañada do técnico municipal Mario Vidal.

Esta acción terá lugar os días 25, 26 e 27 de novembro, nos que os interesados terán ocasión de participar en actividades náuticas de navegación en cruceiro, actividades culturais e de turismo mariñeiro cun percorrido en kaiak pola ría de Ares e Betanzos, e outras propostas como tiro con arco, rapell e orientación nocturna.

As estadías inclúen a pernoita e aloxamento (dende o venres á tarde ata o domingo ao mediodía), os oportunos desprazamentos para desenvolver as actividades programadas, e estas últimas e os materias necesarios.

A cota de inscrición é de 80 euros e os posuidores do carné xove teñen dereito a un 25% de desconto.

Aqueles que queiran participar poden facer a súa reserva na oficina de xuventude, sita no Auditorio Municipal, en horario de 9 a 14 horas de luns a venres (tamén chamando ao 981 835 650 ou mediante o enderezo electrónico xuventude@riveira.com).

As prazas serán outorgadas por orde de inscrición.

Pode que tamén lle interese:

Charla informativa: sobre Alzheimer, este venres 30

Teatro: "Ata que a morte nos separe", este venres 30

Tempo libre: campamento para monitores este sábado 1 de outubro

II Recital de poesía galega: este sábado 1 de outubro

Arte: expo de escultura ata outubro en Carreira

Posted via email from Certo.gl, o xornal dixital de Barbanza e Noia

Atletismo: a carreira popular de Santa Uxía do 8 de outubro reunirá a medio milleiro de nenos

Os interesados poden inscribirse ata o 7 de outubro
O Concello promocionou a proba nas escolas para incrementar a cifra de participantes este ano

Ribeira, 29 de setembro de 2011.- O sábado 8 de outubro é a data escollida polo Concello de Ribeira para a celebración da Carreira Popular de Santa Uxía para categorías inferiores, despois de que a principios de setembro tivese lugar a mesma proba para os maiores de idade. Con esta duplicidade, a organización espera aumentar o número de participantes menores de idade ao ter a oportunidade de facer unha activa promoción da cita a través das escolas. Así e logo, o reto da organización é chegar ao medio millar de participantes, algo nada fácil, duplicando as cifras usualmente acadadas en pasadas convocatorias nas que a carreira se viña celebrando fóra do curso escolar.

O concelleiro de Deportes Juan Luis Martínez, acompañado do técnico municipal Miguel Ruiz e o coordinador da Escola Municipal de Atletismo, Juan Manuel Olveira (que tamén é presidente do Club Atletismo Santa Uxía), foron os encargados de ofrecer os detalles da competición.

A carreira terá lugar ás 17.30 horas e constará das categorías pitufos (nados en 2005 e anos posteriores), benxamíns (2004-2003), alevíns (2002-2001), infantís (2000-1999), cadetes (1998-1997) e xuvenís (1996-1995-1995). Todas elas en ambos sexos.

Haberá diferentes distancias en función da categoría, que en todo caso terá lugar nun circuíto acotado entre a praza da Concordia e a oficina de turismo radicada no Malecón. Os pitufos deberán percorrer unha distancia de 100 metros. Os benxamíns terán que dar unha volta a un circuíto pequeno de 700 metros e os alevíns, dúas (1.400 metros). Pola súa parte, os infantís deberán dar dúas voltas a un circuíto máis grande de 1.000 metros de lonxitude, mentres que os cadetes e xuvenís deberán dar tres, sumando un total de 3.000 metros.

Todos os participantes que consigan facer a proba terán medallas e ademais concederase os correspondentes trofeos aos tres primeiros de cada categoría agás en pitufos. Este acto de entrega terá lugar no Auditorio Municipal.

Para inscricións, hai que apuntarse na páxina web www.riveira.es. O prazo finaliza o venres 7 de outubro ás 12 do mediodía.

Antes, en Certo:

Crónica e clasificacións da Carreira de Santa Uxía 2011

Pode que tamén lle interese:

Charla informativa: sobre Alzheimer, este venres 30

Teatro: "Ata que a morte nos separe", este venres 30

Tempo libre: campamento para monitores este sábado 1 de outubro

II Recital de poesía galega: este sábado 1 de outubro

Arte: expo de escultura ata outubro en Carreira

Posted via email from Certo.gl, o xornal dixital de Barbanza e Noia

Política: Converxencia XXI bótase ás rúas para recoller avais

Barbanza-Noia, 29 de setembro de 2011. Durante os vindeiros 20 días, os homes e as mulleres de Converxencia XXI sairán ás rúas para conseguir avais que lles permitan participar nas eleccións xerais do 20N. 2.690 sinaturas, distribuídas por provincias, son as que necesitan as formacións políticas que non teñen representación no Congreso ou no Senado para presentarse ás eleccións.

A reforma da Lei Electoral (LOREG) aprobada hai uns meses co voto favorable do PP e PSOE, endurece os requisitos dos partidos para presentarse ás eleccións. A partir desta convocatoria, as formacións que non tiveron representación nas Cortes na convocatoria inmediatamente anterior teñen que conseguir unha cantidade de avais equivalente ao 1 por mil dos censados, nun escaso prazo de 20 días. Un requisito que, por suposto, non teñen que cumprir os mesmos partidos que aprobaron a devandita Lei, explican dende este partido que lidera o tudense Carlos Vázquez Padín.

Converxencia XXI lembra que o aval non compromete a nada, nen significa, en ningún caso, o voto. O aval vale unicamente para que a formación galeguista e centrista poida concorrer ás eleccións e dotar a Galicia dunha nova voz que se autocualifica como "forte e sensata".

En Certo descoñecemos que persoas hai na Barbanza ou Noia detrás desta formación.

Máis info:
www.converxencia.eu

Posted via email from Certo.gl, o xornal dixital de Barbanza e Noia

Ribeira: dous axentes participan este sábado en Motril, Granada, no Campionato de España de Bicicleta de Montaña para policías locais

Ribeira, 28 de setembro de 2011.- Por primeira vez na historia do corpo, dous axentes de Ribeira participarán no Campionato de España de Mountain Bike para Policías Locais, que disputará a súa 14 ª edición este sábado en Motril (Granada).

Trátase de José Manuel Abuín e Joaquín Dios, os cales ao longo do verán xa participaron como voluntarios na nova patrulla policial de proximidade en bicicleta auspiciada polo Executivo. O alcalde Manuel Ruiz e os concelleiros de Deportes e de Seguridade e Mobilidade Cidadá, Víctor Reiriz, quixeron desexar moita sorte a estes dous membros do corpo municipal, que xunto con outro efectivo de Poio son os únicos representantes galegos que disputarán a proba.

A cita dará inicio ás 9 da mañá e calcúlase que durará en torno a dúas horas e media. Os máis de 250 competidores deberán percorrer unha distancia de 40 quilómetros con dificultade física e técnica alta e un desnivel acumulado de 800 metros.

Antes, en Certo:

Unidades de policía en bicicleta de Ribeira en agosto e setembro

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: este sábado, 1 de outubro, II Recital de Poesía Galega

Antonio Piñeiro, mozo "veterano" nos recitais. Na imaxe, na Xuntanza Literaria do Barbanza, que organiza O Faiado 2 en Boiro

Ribeira, 29 de setembro de 2011. A Asociación Xuvenil e Cultural "Flor de Toxo" organiza este sábado 1 de outubro o "II Recital de Poesía Galega", no que mozos da comarca poñerán voz ás verbas dos autores galegos máis coñecidos.

O Recital correrá a cargo de

-Antonio Piñeiro (Directivo da Asociación Flor de Toxo)
-Luís Pérez Barral (Estudante de filoloxía galega na USC)
-Iria Portas Rodríguez (Estudante de historia na USC)
-Carlos Lixó (Estudante de Historia na USC)
-Francisco Javier Gómez González (Presidente de Flor de Toxo).

Con esta actividade preténdese normalizar o uso do galego entre a poboación moza, destacar a importancia e calidade dos autores da literatura galega e amosar a implicación e preocupación, da mocidade do Barbanza, pola cultura.

O acto dará comezo ás 21:45 horas e terá lugar no Auditorio Municipal de Ribeira. a entidade organizadora convida e anima a toda a comarca a asistir a esta festa da lingua.

Pode que tamén lle interese:

Cursos: "Flor de Toxo" abre escola de música tradicional. Anótate!

Fungos: voltan os Luns Micolóxicos dende o 3 de outubro

Posted via email from Certo.gl, o xornal dixital de Barbanza e Noia

Noia: deben retirar rótulos e un banderín luminoso do casco histórico por non respetar as normas

Na rúa Oviedo Arce, nun inmoble cun alto nivel de proteción por ter elementos de valor ambiental, incluído no catálogo de proteción coa categoría A
A normativa establece que non se poden poñer banderíns luminosos no casco histórico

Noia, 29 de setembro de 2011. A Concellería de Casco Histórico e Patrimonio vén de ordenar a inmediata retirada dos rótulos e banderín comercial colocados sen a preceptiva licenza urbanística, no baixo comercial do inmoble número 30 da rúa Oviedo Arce.

Trátase dun inmoble incluído no catálogo de protección, coa categoría de protección ambiental, tipo A, é dicir sen posibilidade de adición de planta. Este nivel de protección inclúe a aqueles inmobles e elementos con valor arquitectónico, decorativo, popular, pintoresco, típico e ambiental que polas características das súas fachadas ou tipoloxía formal e por contribuír á configuración da escena urbana, individualmente ou en conxunto, deben conservarse cos detalles ambientais e estéticos orixinais que os caracterizan.

A obra executada sen autorización consiste na colocación de diversos rótulos pegados á fachada do inmoble, así como a instalación dun banderín luminoso, tamén prohibido expresamente pola normativa do Plan Especial de Protección do Casco Histórico.

A maiores deberán deixar a fachada limpa do material que se utilizou para fixar os rótulos á mesma. Tamén deberán solicitar licenza, tanto para as obras de acondicionamento do local comercial, como para o desenvolvemento da actividade que se pretende, segundo informou o concelleiro nacionalista de Urbanismo, Bieito González.

See the full gallery on Posterous

11092809050.pdf Download this file

Posted via email from Certo.gl, o xornal dixital de Barbanza e Noia

Ribeira: este venres 30, charla sobre a doenza de Alzheimer

Promovida pola Asociación Galega para a Axuda dos Enfermos con demencia tipo Alzheimer, será na aula multimedia ás sete da tarde
Impártea un doutor en Psicoloxía Clínica de Deusto

Ribeira, 29 de setembro de 2011. Este venres día 30 de setembro, ás 19 horas, a Aula Multimedia de Ribeira será escenario dunha charla denominada “Gañando tempo ao alzheimer. Reserva cognitiva: mecanismos ao noso alcance para retrasar a aparición da demencia”.

A conferencia está promovida por Agadea (Asociación Galega para a Axuda dos Enfermos con Demencia tipo Alzheimer) e será impartida por Unai Díaz Orueta, doutor en Psicoloxía Clínica pola Universidade de Deusto e investigador da Fundación do Instituto Xerontolóxico Matia-Ingema.

A charla será gratuíta e está aberta a coidadores profesionais e non profesionais e calquera público interesado. A entrada é libre ata completar o aforo.

O mesmo día, á mesma hora:

Teatro: "Ata que a morte nos separe", este venres 30

Posted via email from Certo.gl, o xornal dixital de Barbanza e Noia

Ribeira: este venres 30 de setembro, "Ata que a morte nos separe", obra de "Airiños" de Rianxo

Ribeira, 29 de setembro de 2011. Mañá, venres 30 de setembro, ás 19:00h terá lugar no Auditorio Municipal de Ribeira a representación da obra “Ata que a morte nos separe” a cargo do grupo de teatro Airiños.

A actuación foi solicitada pola Asociación AMBAR á rede cultural de 2011da Deputación da Coruña, e está dirixida a socios da entidade e público en xeral, polo que convidan a asistir a todas as persoas que estean interesadas.

Pode que tamén lle interese:

Ámbar: a toda vela cunha nova embarcación