21.9.11

Política: o Psoe reta ao PP a suprimir o 80% dos coches oficiais de altos cargos da Xunta

  • O Psoe presenta unha moción neste sentido que podería ser aprobada no vindeiro pleno do Parlamento de Galicia. Deste xeito, só o presidente e os conselleiros terían coche oficial con condutor. 
  • A comezos do ano 2009 había 2.248 vehículos no parque móbil da Xunta
  • O deputado Lage Tuñas defende "a eliminación dos privilexios dos cargos de libre designación da Xunta" e cre "imprescindible que se acabe o espectáculo da existencia de centos de coches oficiais da Xunta mentres Feijóo realiza severos recortes en Educación e Sanidade"
  • O socialista cre que con esta medida enviaríase "unha mensaxe edificante á cidadanía"
Media_httpfarm6static_ikbgy

Un dos coches oficiais sen usar que denunciou o Psoe no seu día aquí

Santiago de Compostela, 21 de setembro de 2011. O portavoz da Área Institucional do Grupo Socialista, José Manuel Lage Tuñas, defendeu hoxe a “eliminación de privilexios na Xunta de Galicia” en canto ao uso de centos coches oficiais e de servizo dos que fan uso persoal altos cargos da Xunta e persoal de libre designación.

No vindeiro pleno do Parlamento debatirase unha proposición non de lei dos socialistas galegos destinada “a eliminar o privilexio de contar con coche oficial de centos de altos cargos do goberno de Galicia e das fundacións, sociedades públicas e entes depedentes da Xunta de Galicia”.

Lage Tuñas considera “imprescindible que se acabe co espectáculo da existencia de centos de coches oficiais na Xunta de Galicia mentras Feijóo fai severos recortes na educación e na sanidade”.

O PP está facendo recortes no profesorado do ensino público, no persoal dos centros hospitalarios, pois mellor sería que comezaran por apoiar a nosa proposta para reducir nun 80% os centos de coches oficiais e de servizo que utiliza o persoal de confianza do goberno galego e os altos cargos da Xunta”.

O Grupo Socialista que propón “a redución nun 80% dos vehículos oficiais cos que conta a Xunta de Galicia”, defende que “só os conselleiros/as e o presidente da xunta dispoñan de vehículo oficial con conductor”

Lage Tuñas reta ao Partido Popular a apoiar “unha iniciativa constructiva e edificante” que “persegue rematar cunha maneira de facer política”. O deputado socialista considera “imprescindible cambiar a cultura política e mandar unha mensaxe edificante para os cidadáns que esperan cambios nas formas de facer política por parte dos seus representantes públicos”.

José Manuel Lage considera que “esta medida debería de ampliarse ao resto de institucións estatutarias e ao conxunto da administración paralela” da Xunta de Galicia”.

O parlamentario socialista cree que “é indispensable tomar medidas reais e efectivas que signifiquen realmente un cambio na cultura política deste país, xa que é difícil de entender para calquera cidadán o mantemento de determinados privilexios na esfera pública como pode ser o uso de vehículos oficiais para uso persoal de cargos de libre designación do goberno galego.”

Inmenso parque móbil

O deputado do PSdeG explica que “a Xunta sigue dispoñendo dun inmenso parque móbil destinados ao uso persoal de altos cargos e persoal de libre designación da administracción autonómica, sin que o goberno galego teña posto freo a esta situación.”

Lage Tuñas defende que “nun contexto no que se lle piden sacrificios a moitos traballadores, a moitos sectores da nosa sociedade, o que se espera tamén da Xunta de Galicia é sinais claros de entender que se debe rematar con determinados privilexios dos que dispoñen moitos cargos de libre designación do goberno galego.”

Os socialistas galegos recordan que o parque móbil da Xunta de Galicia contaba a comezo do ano 2009 con 2.248 vehículos segundo se desprende de diferentes informacións da propia Xunta de Galicia.

Dende o PSdeG apúntase que “o goberno galego tense limitado a publicitar un cambio de marca de vehículos como mostra de austeridade, nunha clara maniobra de “marketing” que non aborda a necesaria racionalización do parque móbil da Xunta de Galicia. Quedou todo nunha operación cosmética”.

Despilfarro de 10 millóns de euros en automóbeis

José Manuel Lage recorda que nos dous primeiros anos de goberno, Alberto Núñez Feijóo como Presidente da Xunta de Galicia “gastou máis de 10 millóns de euros na adquisición de vehículos para o parque móbil da Xunta de Galicia a pesares de presumir de austeridade e facer publicidade engañosa de xeito permanente ao redor deste asunto.”

”Sabemos que a cantidade de recursos económicos que se vai aforrar non resolve as dificultades económicas que pode atravesar o País pero sí é un claro sinal de ter entendido o cambio necesario e urxente que demanda a sociedade, a mesma á que se lle pide sacrificios.”


Posted via email from Certo.gl, o xornal dixital de Barbanza e Noia

Boiro: Olláparo organiza cursos de fotografía en outubro e novembro

Media_httpfarm7static_gmwif

Boiro, 21 de setembro de 2011. A asociación fotográfica boirense Olláparo organiza e imparte dous cursos de iniciación á fotografía no Centro Social de Boiro nos meses de outubro e novembro.

A. iniciación a fotografía para adultos

Curso de 12 horas que se celebrará os luns en horario de 20 a 21.30h
As datas do curso serán 3-10-17-24-31 outubro e 7-14-21 novembro

B. iniciación a fotografía para mozos/as (de 11 a 14 anos)

Curso de 11 horas que se celebrará os mércores en horario de 18 a 19.30h
As datas do curso serán 19-26 outubro , 2-9-16-23-30 novembro

Contidos;
Coñecemento da cámara dixital (óptica, programa e funcións).
Aprendizaxe de recursos básicos da imaxe fotográfica como ferramenta de expresión.
Saídas prácticas. Visionado e comentado de fotografías

Para mais información e inscricións:
Asociación Olláparo. Centro Social de Boiro (2º Andar)
Martín Casanova Tlf. 626028887
ollaparo@gmail.com

Posted via email from Certo.gl, o xornal dixital de Barbanza e Noia

Ribeira: este xoves 22 comezan obras na rúa Romero Ortiz, co que hai cambios no tráfico

Ribeira_romero_ortiz

  • Cámbianse pluviais e reponse o saneamento
  • O tramo que se vai facer queda cortado ao tráfico

Ribeira, 21 de setembro de 2011.- O Concello informa do inicio este xoves día 22 de setembro das obras de instalación de pluviais e renovación de saneamento nun tramo da avenida Romero Ortiz: concretamente entre a rotonda do Malecón e o cruce da antedita vía coa rúa de Galicia (á altura da praza de Compostela). 

Con tal motivo, este tramo quedará cortado á circulación do tráfico dende o mesmo xoves pola mañá, de tal xeito que os vehículos procedentes da rúa de Galicia (é dicir, residentes e vehículos de carga e descarga, xa que é unha zona peonil) haberán de dirixirse en dirección a Martín; mentres que os que procedan dende este último lugar e vaian en dirección ao Malecón deberán desviarse pola rúa da Canteira. 

O tramo antes indicado carece actualmente de rede separativa de alcantarillado, e tan só existe unha única liña de saneamento que recolle tanto augas fecais como pluviais. De aí que se tomase a decisión de instalar unha tubaxe de pluviais de 105 metros de longo e 400 milímetros de diámetro feita de PVX corrugado. 

Polo que respecta ao saneamento de fecais, instalaranse tres tubaxes de PVC compacto con lonxitudes e diámetros diferentes: unha de sete metros e 400 milímetros de diámetro; outra de tres metros de longo e 315 milímetros; e unha terceira de 65 metros e 250 milímetros. 

O orzamento da actuación ascende a 58.850,55 euros e será acometida pola empresa “Andrés de Frións”.

Antes, en Certo:


Rúa Cervantes: van amañala


Rocapellón, Deán Grande e mercado: novidades sobre estas zonas

Posted via email from Certo.gl, o xornal dixital de Barbanza e Noia

Boiro: este domingo, 25 de setembro, "Romeo e Xulieta", obra de teatro para recadar fondos para Paula

Boiro_romeo_e_julieta

Boiro, 21 de setembro de 2011. Este domingo, 25 de setembro, representarase na casa de cultura de Boiro (no parque da Cachada) a obra de teatro "Romeo e Xulieta" do grupo "Teatro do Improvisto". A representación comeza ás oito da tarde. A entrada será de 2 euros e os beneficios serán destinados a familia de Paula, a nena de Boiro que padece da enfermidade de agnesia sacra.

No reparto desta adaptación da obra de Shakespeare interveñen Liza Suárez. Richi Maneiro, Pili Ouviña, Kristian Noya, Sara Nieto, Rocío Sánchez, Ruper Sánchez, Rosa Saavedra, Mariah Outeiral, Samuel Arestín e Mara Castro, baixo a direción de Gustavo G. Dieste.

Quen é Paula?

Paula é unha nena de Boiro que ten un ano e padece unha doenza chamada "agnesia sacra". Naceu sen o oso sacro, e segundo os médicos que a observaron, é o primeiro caso destas características que existe en España. María Xesús Santos García, súa nai, decidiu facer público o seu caso para conseguir que esta nena poida ser tratada desta enfermidade rara nunha clínica de Alemania, onde en 18 meses podería ter superado este mal e chegar a andar sen problemas.

Para os que queiran axudar directamente, ademais dos numerosos actos de solidariedade que se están a facer, hai aberta unha conta en NCG:
2080-0311-15-3000161584



Posted via email from Certo.gl, o xornal dixital de Barbanza e Noia

Ribeira: novo adiamento da futura lonxa. Agora só o proxecto estará rematado ao finalizar este ano

  • Colectivos do mar reuníronse no Concello para saber do estado do proxecto e dar a súa opinión

Ribeira, 21 de setembro de 2011.- A Casa do Concello acolleu no transcurso da mañá de onte unha reunión que tivo por obxecto presentar ante os colectivos do mar o proxecto da nova lonxa que se está elaborando e poder recoller as impresións e suxestións ao respecto destes profesionais. 

Entre os asistentes á  reunión figuraron o director de Portos de Galicia, Ignacio Villar; o alcalde, Manuel Ruiz; o arquitecto César Portela; técnicos de Acciona (a empresa adxudicataria do proxecto e a obra); representantes dos grupos políticos con representación municipal, cofradías, asociacións de armadores, vendedurías, a cooperativa do mar Santa Uxía e outras entidades relacionadas co mar do municipio. 

Segundo manifestou Ignacio Villar, as previsións manexadas polos técnicos redactores do proxecto apuntan que o mesmo estea totalmente rematado no mes de decembro. A data de hoxe, a súa redacción está realizada aproximadamente nun 90% á espera de poder definilo tras coñecer as propostas dos profesionais que farán uso das novas instalacións, presupostadas en 17,3 millóns de euros e con 17.000 metros cadrados de superficie. 

Moi produtiva

Ruiz Rivas cualificou de moi produtiva a reunión, na que se deron a coñecer algúns aspectos do proxecto, como que contará cun peirao de descarga para camións e un aparcamento para 190 vehículos de usuarios, ou que os profesionais e os visitantes moveranse por zonas independentes entre si. Outra das consideracións abordadas na cita foi a da mellora na descarga de embarcacións menores. 

Algunhas das propostas realizadas polos colectivos presentes tiveron que ver co subministro de xeo para os produtos ou a conveniencia de que os profesionais minoristas teñan un tratamento diferenciado.


Antes, en Certo:
Media_httpfarm6static_lczmz

Prometen de novo a lonxa, que disque vai comezar as obras a finais deste ano 2011

Posted via email from Certo.gl, o xornal dixital de Barbanza e Noia

Sanidade: a Plataforma de Barbanza pola Sanidade Pública divulga un folleto sobre a insostibilidade do actual sistema

folleto insostenibilidade sistema sanitario corrixido.pdf Download this file

 


Posted via email from Certo.gl, o xornal dixital de Barbanza e Noia

Ribeira: xornada de difusión do traballo do Grupo de Acción Costeira 5 este xoves 22 de setembro

Media_httpfarm6static_acriq

Imaxe de arquivo dunha acción publicitaria do GAC 4 (Muros e Noia)

Ribeira, 21 de setembro de 2011.- A Casa do Mar vai acubillar este xoves, día 22 de setembro, dende as 16.30 ata as 20 horas unha Xornada de Difusión dos Grupos de Acción Costeira, GAC Nº 5. 

Este grupo está  composto polos concellos de Boiro, Cambados, O Grove, Illa de Arousa, Meaño, A Pobra do Caramiñal, Ribadumia, Rianxo, Ribeira, Vilagarcía de Arousa e Vilanova de Arousa. 

A do xoves será unha xornada de difusión e dinamización do traballo realizado pola agrupación, así como sobre as posibilidades que se están a brindar cara o desenvolvemento e promoción de iniciativas tanto produtivas como non produtivas. 

O programa terá este cronograma: 

16.30 h Presentación 

      17 h  Relación dos Proxectos realizados e a estratexia de grupo”, por Rosa María Carballo Martínez, xerente do GAC Ría de Arousa 

      17.30 h “Mar Galaica” Pesca/Turismo, por Manuela Oviedo Hermida, xerente do GAC Muros-Noia e Sebastían Valverde Comesaña, técnico do proxecto “Mar Galaica”. 

      18 h Presentación Consellería do Mar 

      18.30 h Proxectos Promotore 2011

      Divulgación do sector pesqueiro – Rianxo divulga, por María Josefa Calto Tarrío, da confraría Virxe do Carme de Rianxo

      Organización de feiras gastronómicas de calidade, por José María Arnaiz de las Revillas Martínez, de IN9 Eventos S.L.

      Diversificación de actividades arredor da cetárea, por Rubén Brión Domínguez e Francisco Freire González, de Relento S.L. 

      19 h Menú degustación

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical