25.1.12

Ribeira: intentarán coordinar as áreas de Cultura dos municipios de Barbanza

Media_httpfarm3static_jyerf

Boa parte da programación cultural dos concellos galegos máis próximos entre si solápase cada fin de semana

Ribeira, 25 de xaneiro de 2012.- A Casa do Concello de Ribeira vai dar cabida o vindeiro luns, día 30 de xaneiro, a unha reunión entre representantes das Corporacións Locais de Ribeira, A Pobra, Boiro e Rianxo  co fin de desenvolver e implementar fórmulas de colaboración que redunden na valorización das rúas respectivas Áreas de Cultura e a coordinación de actividades. 

Este labor coordinador de Áreas Municipais, que ten lugar a proposta de Manuel Ruiz Rivas tras a súa toma de posesión da presidencia da Mancomunidade Arousa Norte, vaise facer extensiva a outros departamentos, como Servizos Sociais, Deportes e Policías Locais. Así, está prevista a próxima celebración doutras tres reunións sobre estas temáticas nas localidades de Boiro, Rianxo e A Pobra, respectivamente. 

Suxiren argallar un "Día da Mancomunidade"

Co mesmo espírito de optimizar a colaboración entre os municipios de Arousa Norte, proximamente vaise estudar tamén, a suxestión de Ruiz Rivas, a posta en marcha dun Día da Mancomunidade que tería frecuencia anual e carácter rotatorio polos distintos concellos de Arousa Norte. Trataría dunha xornada que daría cabida a actividades preferentemente de índole cultural e deportiva con participación dos catro municipios.



Posted via email from Certo.gl, o xornal dixital de Barbanza e Noia

Rianxo: organizan unha viaxe de peregrinaxe a Xerusalén e Terra Santa

Sociedad: convierten en un cementerio de víctimas de la caza el Obradoiro durante una protesta

Santiago, 25 de enero de 2012. Como sucede todos los años, a lo largo del mes de enero, tienen lugar en el territorio gallego, seis campeonatos de caza de zorros que se llevan a cabo con la total permisividad, cuando no con el apoyo, de la Consellería de Medio Ambiente de la Xunta de Galicia. Los 5 campeonatos ya celebrados hasta hoy se han cobrado ya aproximadamente las vidas de 100 zorros inocentes.
Por este motivo, la Fundación Equanimal ha llevado a cabo esta mañana, miércoles 25 de enero a las 12:00h una novedosa protesta frente a la  Catedral de Santiago de Compostela. Se convirtió la Praza do Obradoiro en un cementerio animal; mediante 100 cruces que representaban a las 100 víctimas que se han cobrado los 5 campeonatos hasta ahora y a todas las víctimas de la caza.  Para realizarlo contaron con la colaboración de la organización Igualdad Animal.El pasado viernes 13 de enero, la Fundación Equanimal llevó a cabo una protesta  frente a la sede de la Xunta de Santiago de Compostela, en la cual hizo entrega de una carta dirigida al Conselleiro de Medio Ambiente, apremiándole a no apoyarla caza ni mantener una posición contraria a la defensa de los animales y a no permitir  que se apruebe el anteproyecto de la nueva Ley de caza que posibilitará a niños de 14 años participar en cacerías. El Conselleiro después de la protesta respondió alegando que "tenía que llegar a un consenso con los cazadores". La Fundación Equanimal manifiesta que la ética ha de avanzar y nunca retroceder y que una práctica como la caza, que perpetúa valores de indiferencia y despreciohacia el padecimiento de otros individuos y que provoca la muerte y sufrimiento de  millones de animales, tarde o temprano tendrá que ser erradicada y que por ello no debeser apoyada y ni mucho menos fomentada para menores. Para construir un mundo respetuoso y sin violencia es necesario educar a las próximas generaciones en el respeto hacia todos los individuos independientemente de la raza, sexo o especie a la que pertenezcan. En los últimos cinco años, la Fundación Equanimal ha llevado a cabo  distintas protestas frente a la Xunta por este motivo. Asimismo, ha realizado sabotajes de caza in situ en los montes durante los propios campeonatos de caza, salvando así la vida de numerosos animales.  En este enlace se proporciona más información sobre anteriores movilizaciones  de Equanimal contra la caza.Equanimal NO es una organización ecologista, sino defensora de los derechos de los animales. No defiende a los animales por motivos medioambientales, sino para defenderlos como seres que pueden sentir y sufrir. Para más información:

Fundación Equanimal
www.equanimal.org

Posted via email from Certo.gl, o xornal dixital de Barbanza e Noia

Ribeira: chegou a comisión delegada de Educación do Eixo Atlántico

  • Foi recibida e agasallada no Concello

 

Ribeira, 25 de xaneiro de 2012- O alcalde de Ribeira, Manuel Ruiz Rivas, presidiu hoxe a recepción oficial dos membros da Comisión Delegada de Educación do Eixo Atlántico do Noroeste Peninsular, que recalou no municipio para manter unha reunión co  fin de abordar cuestións organizativas derivadas da terceira edición da Mostra Musical, que terá lugar proximamente en Vilagarcía. 

No nome do Eixo Atlántico, interviu durante a recepción celebrada no salón de plenos da Casa Consistorial o secretario xeral do Eixo, Xoán Vázquez Mao, quen salientou que esta é a primeira reunión dunha comisión delegada que se fai en Riveira ligada aos temas social. Vázquez Mao agradeceu a colaboración brindada polo municipio barbanzano: un dos 34 que forman esta institución dirixida a fomentar as relacións de colaboración entre Galicia e a zona norte de Portugal.  

En canto á Mostra, o secretario xeral anunciou que por primeira vez vaise contar coa incorporación da Casa da Música de Oporto, “unha das grandes institucións culturais da Eurorrexión e no ámbito da música clásica probablemente a primeira”. 

O alcalde Manuel Ruiz Rivas manifestou que é básica a unión de concellos a través de instrumentos como o Eixo Atlántico, sobre todo nestes tempos nos que é máis necesario ca nunca traballar en común para saír da crise. Ademais, declarou que “as portas do Concello están abertas” para seguir colaborando en todo o que redunde no progreso da Eurorrexión. 

Tamén estiveron na mesa presidencial do Salón de Plenos a concelleira de Educación de Ribeira, María del Carmen Vizcaya, e a súa homóloga de Vilagarcía, Rocío Llovo.  

No salón de plenos déronse cita representantes dos municipios de A Coruña, Carballo, Monforte, Ribeira, Santiago, Vigo e Vilagarcía de Arousa por parte de Galicia e de Barcelos, Guimaraes, Viana do Castelo, Vila Real, Vila Nova de Famalicao e Matosinhos por parte de Portugal. Despois de seren recibidos no Consistorio desprazáronse ao Círculo Mercantil para efectuar a reunión da Comisión.




Posted via email from Certo.gl, o xornal dixital de Barbanza e Noia

Boiro: o venres 27 de xaneiro, I Encontro de Música Tradicional na Estación Leñaverde

Cartel_foliada-1

  • Organiza a Escola de Música de Boiro
Boiro, 25 de xaneiro de 2012. Este venres, 27 de xaneiro, ás 21:00h terá lugar o I Encontro de Música Tradicional organizado pola Escola de Música de Boiro. Será no Centro Social de Boiro, na Estación Leñaverde.

Estarán presentes algunhas das formacións locais máis destacadas como o Grupo de Gaitas da Escola de Música, Grupo de Pandereteiras da Escola de Música, Os da Boina, Xilbarbeira e Nunca é tarde, entre outros.

O encontro é aberto a todas aquelas persoas que queiran vir a pasar un bo rato simplemente ou participar e traer o seu instrumento para unirse á jam galega posterior ás actuacións. Esta actividade forma parte da programación mensual deseñada e organizada pola Escola de Música de Boiro.

O pasado mes de decembro a Escola inaugurou o seu novo blog onde podedes consultar toda a información sobre actividades levadas a cabo e as imaxes de todos os eventos. Este novo espazo web e a presenza da escola nas redes sociais está tendo moi boa acollida, segundo indican.

Máis información: http://escolamusicaboiro.blogspot.com/


Posted via email from Certo.gl, o xornal dixital de Barbanza e Noia

Ribeira: xa se pode ollar "Paraísos non tan lonxanos" no auditorio, ata o 25 de febreiro

  • É unha escolla de 22 imaxes subacuáticas sobre especies que habitan na Ría de Arousa


Ribeira, 25 de xaneiro de 2012- O auditorio acolleu na noite de onte o acto de apertura da exposición “Paraísos non tan lonxanos”: unha colección composta por 22 fotografías de vivas cores nas que se amosan asombrosas imaxes dalgunhas das especies que esconde a ría de Arousa. 

A concelleira de Cultura, Elvira Pisos, foi a encargada de inaugurar oficialmente a exposición en compañía de Jacinto Pérez, presidente do Grupo de Estudos do Medio Mariño (GEMM), a entidade organizadora da mostra. 

Jacinto Pérez explicou que as imaxes foron tomadas en diferentes puntos do medio mariño do municipio, como a illa de Rúa, a praia de Coroso, a praia da Catía ou a illa de Sálvora. Nas abraiantes instantáneas, impresas sobre lenzo, que se poden admirar, aparecen especies como medusas, cabaliños de mar, babosas, polbos, escachos, sanmartiños,  esponxas ou anémonas xoias. “E isto só é unha pequenísima parte do que temos na ría”, afirmou o presidente do GEMM. 

Elvira Pisos agradeceu a colaboración desinteresada do CEMM e convidou á veciñanza a que non deixe de visitar no Auditorio esta mostra, coa que se pretende difundir a beleza das nosas costas e sensibilizar acerca da preservación da súa flora e fauna. A exposición estará aberta ata o próximo 25 de febreiro, de luns a venres entre as 10 e as 14 horas. 

Antes da conclusión do acto, Jacinto Pérez explicou aos asistentes as características de cada unha das 22 fotografías.





Posted via email from Certo.gl, o xornal dixital de Barbanza e Noia

A Pobra: o Bng leva de novo a pleno preguntas sobre verteduras industriais

Media_httpfarm4static_awkye

As denuncias da oposición pobrense sobre verteduras son continuas
 
A Pobra do Caramiñal, 25 de xaneiro de 2012. O Bloque Nacionalista Galego rexistrou esta mañá varias preguntas sobre verteduras industriais neste municipio para que sexan respostadas en pleno este xoves, 26 de xaneiro.

Son as seguintes:


Rosana Pérez Fernández, concelleira e portavoz do Grupo Municipal do Bloque Nacionalista Galego nese Concello presenta, para a súa resposta na vindeira sesión plenaria ordinaria, as seguintes 

PREGUNTAS: 

      A mediados do pasado mes de decembro tivo lugar –por enésima vez nos últimos anos-  un gravísimo verquido industrial que practicamente provocou o colapso da EDAR municipal e que estivo a piques de causar un novo atentado ecolóxico e económico no noso concello. 

      A pesar da normativa municipal, das incontábeis denuncias do BNG e de moitas e moitos veciños particulares, e dos innumerábeis informes de distintos organismos, o Goberno Municipal, continúa, despois de 12 anos, consentindo o incumprimento sistemático da lei e, o que é peor, que o noso medio ambiente e distintos e importantes sectores económicos se vexan afectados por este tipo de prácticas unha e outra vez. 

      Nesta última ocasión, e como en todas as anteriores, non houbo, que se saiba, ningunha consecuencia para os infractores. Como xa ben sendo costume, o Goberno local limítase a advertir propagandísticamente todas as acción que vai levar a cabo e que, finalmente, nunca efectúa. O anuncio, por parte desa Alcaldía nos últimos días, dunha ampliación da EDAR lévanos, inevitabelmente, a concluír que sigue sin querer exercer as súas competencias e poñer punto final a este despropósito. Máis ben ao contrario, o que se pretende, de novo, é investir cartos de todas e de todos para seguir beneficiando a unhas empresas e a uns empresarios moi determinados que, parece, son os que marcan a “folla de ruta” do Goberno Municipal a costa do conxunto da cidadanía. 

            Á vista do exposto, 

      1.- ¿Qué actuación concretas levou a cabo o Goberno Municipal despois dos gravísimos verquidos industriais producidos no mes de decembro para dar cos causantes dos mesmos?. ¿Abriuse, dende o Concello, o pertinente expediente informativo e/ou sancionador?.

      2.- En aplicación do Regulamento Municipal de verquidos, ¿exactamente qué medidas se van a tomar en contra dos infractores?.

      3.- ¿Cal foi o custo para as arcas municipais e/ou para a empresa concesionaria?.

      4.- ¿Cais e de que tipo foron os danos ocasionados na EDAR municipal e/ou noutras infraestruturas (rede saneamento, etc.) a raíz do verquido mencionado?.

      5.- ¿Por qué razón a Comisión para o control de verquidos, enmarcada dentro do Plan de Vixiancia Ambiental de Verquidos Industriais, posto en marcha pola Xunta de Galiza no 2009, só se reúne, única e exclusivamente, cando se producen verquidos industriais de importantes dimensións?. ¿A que conclusións chegou respecto do verquido do mes de decembro?

Posted via email from Certo.gl, o xornal dixital de Barbanza e Noia

Porto do Son: o Concello colabora coa planta de Servia en Lousame para sensibilizar sobre reciclaxe

Porto_do_son_reciclaxe

Porto do Son, 25 de xaneiro de 2012. Esta fin de semana dá comezo a Campaña de Reciclaxe e Separación de lixo do Concello de Porto do Son, que se vai levar a cabo xunto coa Planta de Compostalxe de Servia, en Lousame. Esta campaña consiste na concienciación dos veciños da necesidade de separar o lixo que se xera para que o posterior tratamento que se lle dá a ese lixo sexa máis doado.


Vista da planta de Servia, en Lousame, unha das máis eficientes en reciclaxe a nivel español

Durante esta semana na Casa de Cultura de Portosín (de luns-23 a venres-27), en horario de 10h-13h e de 17h - 20h, haberá charlas. E proximamente na Casa de Cultura de Xuño, e finalmente na Casa de Cultura de Porto do Son, haberá unhas persoas a repartir unhas bolsas de rafia para a separación de lixo na casa. Todos os veciños poden achegarse a recoller as bolsas e alí recibirán unhas indicacións para o seu correcto uso.

Tamén se lles enviará a todos os veciños unha carta informativa para que vaian recoller esas bolsas e colaboren no posible (carta que aparece nesta información)

(Vía Fonforrón)


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical