Boiro: o venres 27 de xaneiro, I Encontro de Música Tradicional na Estación Leñaverde

• Organiza a Escola de Música de Boiro
  

Boiro, 25 de xaneiro de 2012. Este venres, 27 de xaneiro, ás 21:00h terá lugar o I Encontro de Música Tradicional organizado pola Escola de Música de Boiro. Será no Centro Social de Boiro, na Estación Leñaverde.

Estarán presentes algunhas das formacións locais máis destacadas como o Grupo de Gaitas da Escola de Música, Grupo de Pandereteiras da Escola de Música, Os da Boina, Xilbarbeira e Nunca é tarde, entre outros.

O encontro é aberto a todas aquelas persoas que queiran vir a pasar un bo rato simplemente ou participar e traer o seu instrumento para unirse á jam galega posterior ás actuacións. Esta actividade forma parte da programación mensual deseñada e organizada pola Escola de Música de Boiro.

O pasado mes de decembro a Escola inaugurou o seu novo blog onde podedes consultar toda a información sobre actividades levadas a cabo e as imaxes de todos os eventos. Este novo espazo web e a presenza da escola nas redes sociais está tendo moi boa acollida, segundo indican.

Máis información: http://escolamusicaboiro.blogspot.com/

Música: volven arrexuntarse Heredeiros da Crus, a banda nada en Castiñeiras, Ribeira, hai 20 anos post.ly/4u4zm

— Certo (@Certo) January 19, 2012

Este sábado día 28 as SETE MENOS CUARTO da tarde (18:45) celebraremos un funeral na igrexa Sta. Baia de Boiro en memoria de D.Manuel Fraga

— Juan José Dieste (@ppdeboiro_org) January 24, 2012

Posted via email from Certo.gl, o xornal dixital de Barbanza e Noia