18.7.12

Noia: o balance da Feira Medieval deste ano supuxo un aforro para o Concello con respecto a outras ocasións



Estas son as portas novas que se estrearon este ano na Feira Medieval

Noia, 18 de xullo de 2012. A Feira Medieval de Noia, que se celebrou desta volta entre o 13 e o 15 de xullo pasados, supuxo, a xuízo da concelleira de Turismo noiesa, Mónica González Eiras, "un éxito de afluencia de xente e ventas, pero ademais un aforro económico para o Concello moi considerable". Segundo explicou, o ano pasado non houbo ningún ingreso -levaba todo unha empresa externa- e o Concello aportou 43.281 euros para a súa realización, namentres que este ano gastáronse 58.567 euros pero obtivéronse 37.894 cobrándolle aos dos postos que se quixeron instalar. Isto supón un saldo deudor de menos de vinte mil euros, menos da metade do que se gastou en 2011. Ademais, a concelleira de Turismo de Noia resaltou que dos 58.567 euros de gasto hai 8.500 investidos en teas e portas que se empregarán en vindeiras feiras.


Estímase que pasaron pola feira medieval deste ano unhas 50.000 persoas

Mónica González sinalou que "simplemente con xestión municipal estes case 25000 euros aforrados son dos noieses e non os leva unha empresa externa, que dende logo consideramos que o puido facer ben outros anos, pero mellor ca nós non, xa que isto é o que o pobo nos está a dicir estes días coas súas felicitacións e suxerencias para vindeiros anos".

A concelleira de turismo aproveitou a ocasión para facer unha listaxe de agradecementos, entre os que non faltou o pobo de Noia, tanto asociacións como particulares, pola súa colaboración; ao autor do cartel, Carlos Fontano; a Quico, o artista das novas portas; ao operativo de Protección Civil; a patrulla de Obras; equipo de Xardíns; equipo de mantemento eléctrico, equipo de augas, asociación de comerciantes Noia Histórica, conservatorio municipal e de xeito especial a Silvia Calo, ADL da concellería de Turismo, Ricardo Outeiral, xefe de Obras; Marisa Lorenzo, concelleira de Obras; Marisol Villar, concelleira de Medio Ambiente e Javier Rodríguez, concelleiro de Cultura por "estar dende o luns día 9 ao luns 16 de xullo, ao 200% ao meu carón, pois isto non o pode levar a cabo só unha persoa, pero entre todos aseguramos o éxito".

Pode que tamén lle interese:


Festexos: imaxes da Feira Medieval deste ano


Ciclo "Rúas Vivas": circo, cine, humor e música no verán



San Bartolomeu 2012: o 24 de agosto, Son de Seu, de balde


San Bartolomeu 2012: o 26 de agosto, Cantajuego

Posted via email from Certo.gl, o xornal dixital de Barbanza e Noia

Noia: Kiko Veneno actúa polo San Bartolomeu o sábado 25 de agosto

Marquesina_kiko

Entrada de balde, na Alameda noiesa

Antes anunciamos:



Posted via email from Certo.gl, o xornal dixital de Barbanza e Noia

Mobilizacións: horario de buses deste xoves 19 para ir manifestarse en Santiago contra as tesouradas de Mariano Rajoy

CARTAZ.pdf Download this file


Barbanza, 18 de xullo de 2012. Informa CIG As Rías de que este xoves 19 de xullo (mañá) haberá unha manifestación unitaria en Santiago con saída na Alameda ás 20:00 e contra os recortes do goberno do PP de Mariano Rajoy. Convocan os tres sindicatos maioritarios en Galicia: CIG, CC.OO. e UXT.

Horario de buses (postos por CIG e CC.OO):

Ribeira: 18:30 na estación
A Pobra: 18:40 na estación
Boiro: 18:50 fronte ao Concello
Ponte Beluso: 19:00 Bar do Demo
Rianxo: 19:10 rotonda de Té

 

"REBELÉMONOS CONTRA O SAQUEO

NON AOS RECORTES DO PP !!", sinalan os organizadores.


 

 

 

 

 

 

        

Posted via email from Certo.gl, o xornal dixital de Barbanza e Noia

Boiro: o sábado, 21 de xullo, Festival de Bandas "Concello de Boiro", coa de Caldas, Padrón e a anfitriona


Boiro, 18 de xullo de 2012. Este sábado 21 de xullo, en Boiro, terá lugar o VII Festival de Bandas do Concello de Boiro na Praza do Centro Social ás 8.00 da tarde.

Este ano contará coas seguintes agrupacións:

  • Banda de Música Municipal de Caldas de Reis
  • Banda de Música de Padrón
  • Banda Municipal de Música de Boiro

Como novidade nesta edición, as tres bandas tocarán xuntas, formando unha gran orquestra duns 150 compoñentes aproximadamente.

Outras actividades culturais en Boiro estes días:

Mércores 18 de xullo ás 22.15 h na Praza de Galicia
Noite de cine “Las crónicas de Narnia”: la travesía del viajero del alba (tódolos públicos, aventuras, fantasía , familiar.)

Xoves 19 de xullo ás 12.00 h Casa de Cultura Ramón Martínez López
Os magníficos “historias por contar” (destinado a público infantil e familiar)
Un espectáculo de animación á lectura dun xeito distinto, a partir de sinxelos xogos de maxia , o clown, a participación do público e a marabillosa tradición narativa galega.


Sábado 21 de xullo ás 12.00 h rúa peonil
Nono . Show de rúa . Público infantil e familiar.

Posted via email from Certo.gl, o xornal dixital de Barbanza e Noia

Ribeira: arranxarán e urbanizarán o camiño entre Outeiro e Carreiriña en cuestión dun par de meses

  • Supón un investimento de preto de cen mil euros nesta zona de Carreira
  • Vanse instalar pluviais, pavimentalo e iluminalo

Ribeira.- 18 de xullo de 2012.- O Concello vén de aprobar a adxudicación dunha obra valorada en preto de 100.000 euros co obxectivo de instalar unha nova rede de pluviais, ademais de actuacións de iluminación e pavimentación, no camiño que une os lugares de Outeiro e Carreiriña, situados na parroquia de Carreira. A empresa Nemesio Ordóñez, S.A., resultou a adxudicataria da acción por un importe de 95.299 euros. O prazo de execución é de dous meses.

 

Actualmente, a zona presenta un estado deficiente, ao atoparse cuberta de vexetación e anegada, xa que non dispón de recollida de augas superficiais. Ademais, tampouco conta cun firme apropiado para o tránsito de vehículos e peóns.

 

Así e logo, o proxecto redacto polos técnicos do Concello inclúen en primeiro lugar a roza e limpeza da vía, retirando toda a vexetación existente da superficie e demolendo unha pequena soleira, feita de formigón, que se encontra á entrada dunha das fincas lindantes.

 

Pluviais

A seguir, vaise realizar a instalación duns canais para o drenaxe de augas pluviais e a construción de sumidoiros. Así, disporase un colector de PVC corrugado de 500 milímetros de diámetro polo centro do vial e instalaranse arquetas sumidoiro no centro da rúa cada 25 metros. Nos lugares onde o camiño se cruce con outras rúas disporanse pozos de rexistro, ao igual que nos cambios de alineación, cunha separación nunca superior a 35-40 metros.

 

En terceiro lugar, instalaranse puntos de luz de 6 metros de altura con brazo de 1,50 metros de lonxitude e luminaria de 150 watios. E por último, respecto á pavimentación, estenderase unha capa de formigón de 20 centímetros de espesor sobre unha base de zahorra artificial.

 

A actuación está adscrita ao Plan de Obras e Servizos (POS complementario 2011) da Deputación Provincial.

Relacionada:




Posted via email from Certo.gl, o xornal dixital de Barbanza e Noia

Ribeira: este domingo, 22 de xullo, ruta de senderismo polos montes de Couso

Cartel_sendeirismo_por_couso_2

Ribeira, 18 de xullo de 2012. Este vindeiro domingo, día 22 de xullo, organiza a Asociación de Veciños de Carreira unha ruta de sendeirismo polos montes do Couso. Terá un percorrido de doce quilómetros, a ritmo paseniño e cunha duración aproximada de catro horas. Sáese da capela da Guía ás dez da mañá. 

Pode que tamén lle interese:






Turismo: Barbanza, Noia e Muros, ninguneados pola Xunta no ránking

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical