24.3.12
A Pobra: veciños de Vigo visitaron o museo de Valle-Inclán esta mañá
A Pobra do Caramiñal, 24 de marzo de 2012. Da zona de Vigo chegou na mañá de hoxe un grupo de veciños para coñecer as terras da Pobra do Caramiñal. Tratábase de 45 persoas amantes da arte que incluíron na súa visita o paso polas instalacións do Museo Valle-Inclán, onde chegaron dispostos a coñecer o emblemático edificio que pertenceu á familia do escritor ó que hoxe está destinado á divulgación da figura do xenio e a súa obra.
Non remataron aquí a súa visita, posto que, decididos a pasar boa parte da xornada na vila pobrense e disfrutar nela dunha boa comida, reservaron o tempo suficiente para poder achegarse a outros lugares destacados da localidade como a Igrexa de Santiago do Deán (sede do Divino Nazareno), o entorno dos pazos do Couto e Aguiar, e un dos monumentos megalíticos mellor conservados de Galicia, o dolmen de Axeitos, moi cercano á figura de Valle-Inclán porque é ao seu pai a quen lle debemos o seu descubrimento e que hoxe estea catalogado como tal. Sen deixar pasar, por suposto, a oportunidade de subir ó miradoiro da Curota e disfrutar das súas vistas sobre a ría de Arousa.
Pode que tamén lle interese:
Cultura no IES: VIII Semana Cultural, do 23 ao 30 de marzo
Viaxe: a Camariñas, Muxía e Muros o 7 de abril
Solidaridade: I Carreira Solidaria, por Paula, o 7 de abril
Turismo de ida e volta: uns a Madrid e outros dende alí
Política: está o PP ninguneando a este municipio?
Posted via email from Certo.gl, o xornal dixital de Barbanza e Noia
Compártelo
Ribeira: o luns 26 de marzo comezan os cursos de galego (CELGA), con máis de 60 inscritos
Ribeira, 24 de marzo de 2012.- A participación de Ribeira na Rede de Dinamización Lingüística desde o ano 2011, implica a mellora no intercambio de experiencias dinamizadoras e de formación en lingua galega; neste marco inícianse os cursos gratuítos para a obtención da titulación CELGA que se impartirán no concello de Ribeira neste ano 2012.
O Servizo de Normalización Lingüística do Concello de Ribeira, en colaboración coa Secretaría Xeral de Política Lingüística, da Consellería de Cultura e Ordenación Universitaria da Xunta de Galicia, promove a formación de persoas maiores de 16 anos que queiran obter a titulación dos Certificados en Lingua Galega.
A formación do alumnado, durante un curso de 70 horas, está dirixida a mellorar a súa competencia lingüística, de xeito que ao remataren este período de estudo, estean capacitados para superar as probas coas que acreditar os coñecementos en lingua galega.
Os cursos gratuítos impartiranse en horario de 20.30 h a 22.30 h de luns a xoves, desde o día 26 de marzo ata o 31 de maio no CEIP Plurilingüe O Grupo de Ribeira, que cede o uso de tres aulas, fóra do seu horario lectivo, para esta actividade de formación proposta desde o Concello.
Data de comezo: o luns, 26 de marzo de 2012.
Duración: 70 horas.
Horario: 20.30 a 22.30 h de luns a xoves.
Lugar: Colexio O Grupo, r/ Miguel Rodríguez Bautista, nº 22 (ao carón do Edificio da Policía Nacional)
Recorda que esta noite estreámos o horario de verán. Ás 02:00h, teremos que poñer os nosos reloxos nas 03:00h. fb.me/1pQ5IOhNt Arte: aos costarricenses gústanlles os gravados de Goya cedidos por Ribeira post.ly/6EIwW Política: o Psoe galego fará unha campaña para rexeitar o copago sanitario aínda que a Xunta non o anunciou nin fixo... post.ly/6EIPF
Posted via email from Certo.gl, o xornal dixital de Barbanza e Noia
Compártelo
Arte: aos costarricenses gústanlles os gravados de Goya cedidos por Ribeira
- A mostra, que está tendo unha gran afluencia de pública, vaise prolongar no país americano ata o 10 de maio
- Hai propostas doutros países americanos para acubillar esta exposición de "Los desastres de la guerra" de Goya e outras que se poidan detraer dos numerosos fondos do Museo do Gravado de Artes, en Ribeira
Ribeira, 24 de marzo de 2012.- Unha semana despois de que o vicepresidente primeiro do Goberno de Costa Rica, Alfio Piva, presidise o acto de inauguración da exposición de Los Desastres de la Guerra, de Francisco de Goya, a mostra está a ser "un rotundo éxito" a xuízo da organización ante a masiva afluencia de visitantes que non queren deixar de achegarse ao Museo Histórico Calderón Guardia para contemplar e aprezar a serie de 82 gravados creados polo xenio aragonés entre 1810 e 1815, pertencentes aos fondos da Fundación do Gravado de Artes, con sede na parroquia do mesmo nome localizada en Ribeira. A ausencia de datos oficiais en canto a visitantes (que serán difundidos unha vez se clausure a mostra o próximo día 10 de maio), moreas de curiosos, grupos de estudantes universitarios, colexios, afeccionados ás artes e público en xeral non deixa de desfilar polas instalacións museísticas ubicadas na capital da nación centroamericana para admirar esta colección de gravados, que ata hai escasas dúas semanas e durante máis dun século permanecían en formato de libro a efectos de custodia, e que foron separadas e enmarcados un a un expresamente para esta ocasión. Con estes datos na man, recentemente comunicados pola dirección do museo Calderón Guardia, dependente do Ministerio de Cultura y Juventud, a satisfacción tamén é absoluta por parte do presidente da Fundación do Gravado, o alcalde de Riveira Manuel Ruiz, e polo vicepresidente Javier Expósito, pois se constata a importancia que a nivel internacional se está a conceder a unha institución cultural que conta entre os seus fondos con 26.000 gravados, entre os cales se contan as creacións de mestres da talla de Goya, Dalí, Durero, Rembrandt, Callot, Guayasamin, Ricardo Baroja, os irmáns Carmona, Chagall, e un completo elenco de artistas galegos, como Manuel Ayaso ou Alfonso Costa. Outros países interesadosCabe lembrar que no transcurso da estancia dos dous responsables en Costa Rica xa recibiron o interese por parte doutros países de poder albergar esta ou outras coleccións das custodiadas dentro do Museo do Gravado de Artes. Antes, en Certo:
Arte de viaxe: "Os desastres da guerra", en Costa Rica
Pode que tamén lle interese:
Pleno luns 26 marzo: orde do día
Nova secretaria do Concello: Ángela Viqueira é de Noia
IES Leliadoura: escollido para o PISA 2012
Libro: Antonio Piñeiro presenta "As fiandeiras" o 30 de marzo
Carreira: charla sobre alcoholismo, o venres 30 de marzo
Ademais, a expectación causada polo desembarco desta serie de Goya no continente americano evidenciouse nos 200 persoeiros da vida cultural, académica e política que quixeron estar presentes na inauguración da exposición (con dez embaixadores, entre eles a de España, Elena Madrazo, directores dos museos máis importantes do país, catedráticos universitarios, etc...), así como pola recepción no Consistorio de San José que lles fixo a Ruiz e a Expósito o alcalde da capital, Johnny Araya Monge.
Posted via email from Certo.gl, o xornal dixital de Barbanza e Noia
Compártelo
Política: o Psoe galego fará unha campaña para rexeitar o copago sanitario aínda que a Xunta non o anunciou nin fixo efectivo
- O líder dos socialistas galegos emprazou a Núñez Feijoo a atopar novos recursos para financiar a sanidade “mediante os impostos á banca como se fai en Extremadura ou Andalucía”
- Presentarán propostas no Parlamento Galego, nas Deputacións e nos Concellos de Galicia "para rexeitar que se pague un euro por receita”
Socialistas hoxe na Festa da Rosa en Catoira, onde anunciaron a campaña
Catoira, 24 de marzo de 2012.- Pachi Vázquez, actual dirixente máximo dos socialistas galegos, anunciou hoxe que o PSde-PSOE impulsara unha campaña por toda Galicia para rexeitar o copago sanitario na nosa Comunidade. Dixo que presentarán propostas no Parlamento Galego, nas Deputacións e nos Concellos de Galicia para “facer unha proposta clara na que se rexeite que se pague un euro por receita”.Criticou ademais as declaracións da Conselleira de Sanidade e de Feijóo sobre este tema: “os dous din que lles parece ben pero para iso estamos os socialistas galegos, nós dicimos que non o vamos a tolerar”. O líder dos socialistas galegos fixo esta declaración na vila pontevedresa de Catoira donde participou nas na VIII Festa Socialista da Rosa. Vázquez emprazou a Núñez Feijóo a atopar novos recursos para financiar a sanidade “mediante os impostos á banca, como se fai en Extremadura ou Andalucía”. Sinala ademais que con este imposto poderíanse recadar 60 millóns de euros “que é moito mais do que recadarían cobrándolle aos nosos enfermos e pensionistas”, xa que advirte que “o 80% das receitas son consumidas por pensionistas, os cales teñen como ingresos unha media de 745 por mes, e agora queren cobrar un euro por receita cada vez que van ao medico”. Preguntado polos xornalistas sobre o acordo da Xunta de Galicia coa empresa Brenntag, por mor do verquido ocorrido en Caldas de Reis cualificou de “escándalo” que “lle regalen a unha multinacional alamana 5 millóns de euros”. Lembrou que a Xunta de Galicia investiu naquela catástrofe 9 millóns de euros, “que non son danos hipotéticos, son facturas que pagou o pobo galego e os cidadáns deste país, e agora vén o goberno de Feijóo e decide que lle perdoa a metade”, resumiu.
Posted via email from Certo.gl, o xornal dixital de Barbanza e Noia
Compártelo
