27.5.10

Boiro: Aturuxo! adianta o cartel de concertos das festas de xullo

Ribeira: o Bng solicita a substitución das canalizacións de fibrocemento en varias rúas

Ribeira: o montañeiro Andrés Villar fará en patíns 1.250 quilómetros do Camiño de Santiago

Subido nuns patíns, sae este domingo 30 de maio de Toulouse e ten o reto de chegar o 8 de xuño a Santiago, cunha media de 8,2 horas diarias de patinaxe



 

Ribeira, 27 de maio de 2010.- Co fin de conmemorar o Ano Santo Xacobeo 2010 e baixo o patrocinio do Concello de Ripeira, o montañeiro noiés Andrés Villar Murillo emprenderá a partir deste vindeiro domingo, día 30 de maio, o Camiño de Santiago Francés subido nuns Patíns. Os detalles deste reto foron presentados hoxe na Casa Consistorial do referido municipio barbanzano polo propio alpinista, quen estivo acompañado no acto polo alcalde de Ribeira, José Luis Torres Colomer, e polo concelleiro municipal de Turismo, Vicente García Rivas.

O obxectivo de Villar Murillo é percorrer os 1.250 quilómetros que distan entre Tolouse e Santiago en dez etapas, comezando na citada localidade francesa o domingo 30 de maio e finalizando na praza do Obradoiro da capital compostelá o martes 8 de xuño.

En total, pretende investir neste reto un total de 82 horas (8,2 horas ao día) afrontando un desnivel acumulado de 11.790 metros. As dez etapas previstas son: Tolouse-Pao, Pao-Jaca, Jaca-Puente de la Reina, Puente de la Reina-Nájera, Nájera-Burgos, Burgos-Sahagún, Sahagún-Astorga, Astorga-O Cebreiro, O Cebreiro-Arzúa e Arzúa-Santiago de Compostela.

Aínda que a etapa máis longa do percorrido será a primeira (Burgos-Sahagún) con 178 quilómetros, o experimentado montañeiro teme máis á segunda (Pao-Aragón), xa que terá que soportar os 1.800 metros de desnivel que supón o feito de cruzar os Montes Pirineos. De feito, Villar Murillo considera que esta xornada vai ser un “punto de inflexión” á hora de calibrar se terá folgos suficientes para culminar o seu reto.

 

Dentro do mesmo acordo de patrocinio co Concello de Ribeira, o escalador emprenderá a finais de ano unha nova empresa, consistente nunha expedición ao cerro Aconcagua, de 6.962 metros de altitude e situado na cordilleira dos Andes.

 

Amplo currículo


Garda civil de profesión, Andrés Villar ostenta o record de rutas abertas no cumio do Pico Urriellu, nos Picos de Europa, cun total de 16, a última das cales efectuou en outubro de 2009. Foi campión de España de Esquí Alpinismo o ano 1993/94 e Campión de Aragón de Esquí Alpinismo nos anos 1993/94 e 1994/95.

 

Actualmente é profesor do Centro de Adestramentos en Montaña da Garda Civil, membro activo do Grupo de Alta Montaña Español, instrutor da Escola Española de Alta Montaña e instrutor de espeleoloxía, barranquismo e escalada. Cabe apuntar tamén que participou no programa de TVE “Al Filo de lo Imposible”, desenvolvendo labores de realización, subindo e baixando cámaras e facendo os preparativos das tomas.

Outros logros seus son a apertura de escaladas en Picos de Europa, Pirineos, Francia e Andes (Perú), expedicións de montaña en Alpes, Dolomitas, Atlas e Himalaia, ascensións en patíns ao Monte da Curota, ao Monte Iroite, ao Monte Enxa, aos Lagos de Covadonga e ao Mirador do Ézaro.

Segundo expresou José Luis Torres Colomer, todas estas fazañas conseguidas na súa vida profesional e como deportista, fixeron que o Concello de Ribeira decidise apostar por el na conquista dos seus dous seguintes retos e para transmitir aos mozos e mozas en xeral, e aos mozos e mozas ribeirenses en particular, os valores da superación, do esforzo, do sacrificio, da tolerancia, da honestidade, do respecto, do traballo, da responsabilidade,... Todos eles valores e virtudes dos deportistas e nos que cree profundamente o Concello de Ribeira.

Pola súa parte, Vicente García Rivas manifestou a importancia que reviste turisticamente para Ribeira o feito de que Andrés Villar faga promoción do municipio ao longo do Camiño Francés.

Se queren ver a "Villareto" en acción, en Certo recopilamos algunhas das súas fazañas, aquí

 

Posted via email from Certo.es, o xornal virtual de Barbanza e Noia

Noia: o cinco de xuño, última charla sobre adiccións, centrada no consumo de cannabis

Foto en Flickr de livingroomshadows


Noia, 27 de maio de 2010. O día 5 de xuño conclúe o Curso de Actualización e Especialización en Adiccións, organizado pola Concellería de Sanidade do Concello de Noia e o Plan Comarcal de Prevención de Drogodependencias. O curso levantou expectación e interese e chegouse a un número de 25 inscritos xa que, xa iniciado o curso, fóronse incorporando persoas interesadas na materia.

Botellón na praia

 

Durante o curso tratáronse, entre outros temas, o consumo abusivo de alcohol e o alcoholismo, aspectos xerais das drogodependencias, unha análise das campañas de información e sensibilización sobre o consumo de drogas e a intervención con menores no contexto de ocio e tempo libre.


Charla aberta ao público sobre o consumo de porros

Sinal en Holanda. Foto en Flickr de Marie-ll


Nesta última sesión tratarase sobre os mitos acerca do cannabis e a prevención dos problemas ocasionados polo seu uso. O docente encargado de impartir esta sesión será Manuel Isorna Folgar, coordinador do Programa de Prevención dos Concellos de Baixo Ulla-Sar e doutor en Psicoloxía. O lugar de realización desta sesión do curso será no edificio dos servizos sociais na rúa do Curro, número 4.

Pranta de "maría", foto no flickr de Statuesque


Dada a importancia do tema esta última sesión estará aberta ao público xeral. As persoas que teñan dúbidas sobre o consumo de cannabis, ou se os seus fillos/ás ou coñecidos próximos consumen porros e están preocupados por esta situación. Xeralmente, son situacións preocupantes no consumo de cáñamo sobre todo se son novos, consumen moita cantidade de cánabo ou frecuentemente ou consumen marihuana de variedades moi fortes.

 

Para calquera información adicional poden contactar co Plan Comarcal de Prevención de Drogodepedencias no teléfono de atención e consultas: 609.82.31.34 ou escribindo un email á dirección de correo electrónico: infodrogas@gmail.com

Posted via email from Certo.es, o xornal virtual de Barbanza e Noia

Deportes: el Sálvora C.F. juega la promoción de ascenso a Primera Categoría Infantil este domingo 30


Ribeira, 27 de mayo de 2010. Este próximo domingo 30 de de mayo a las 18:30 horas se celebra en el Campo Municipal de A Fieiteira el primer partido de la promoción de ascenso a la 1ª Categoría Infantil entre los equipos Sálvora CF y Bertamiráns FC. El otro equipo implicado es el Atlético Fátima que descansa en esta jornada.

 

Los jugadores salvoristas se ganaron su acceso a esta promoción tras quedar segundos en su Liga a 3 puntos del campeón el CD Unión. El ganador de esta promoción asciende directamente y los siguientes clasificados dependerán de ascensos y descensos.

 

Si los salvoristas consiguen el ascenso será el primero de este club y que confirmará el buen trabajo que se lleva desarrollando en las categorías base del mismo con más de 100 niños que militan en las distintas categorías prebenjamín, benjamín, alevín e infantil y que son sin lugar a dudas la fuerza de esta entidad.

 

Los componentes del equipo infantil del Sálvora son los siguientes:

Entrenadores: Fernando Abelleira y Anxo Orellán. Jugadores: Iago, Álvaro, Josemi, Diego, Matías, Quique, Marcos, Pablo, Nacho, Graña, Lijó, Dani, Ramón, Fran, Alfonso y Juan. Durante la temporada también han contado con los alevines: Juan García, Pedro, Nacho, Ángel, Jaime y Jonathan.

Posted via email from Certo.es, o xornal virtual de Barbanza e Noia

Lingua galega: o Consello Escolar do IES Leliadoura de Ribeira rexeita o decreto do plurilingüismo recén aprobado

Ribeira, 27 de maio de 2010. Un texto presentado polo Equipo de Normalización e Dinamización Lingüística e polo Departamento de Lingua e Literatura Galega, e aprobado polo Consello Escolar do IES Leliadoura (Ribeira) rexeita o novo decreto do plurilingüismo no ensino non universitario (Decreto 79/2010), "que supón un paso atrás no proceso normalizador do galego", afirman.

O texto íntegro di:

O CONSELLO ESCOLAR do IES Leliadoura (Ribeira, A Coruña), despois de analizar o Decreto 79/2010, do 20 de maio, para o plurilingüismo no ensino non universitario (DOG, 25 de maio de 2010), decide rexeitalo polas mesmas razóns alegadas polo Consello Escolar de Galicia ao borrador presentado pola Administración educativa, o pasado 7 de abril que, en síntese, son as seguintes:

 

Empeórase, a xa de por si deficiente, competencia lingüística en galego.

Impídese a tarefa normalizadora do profesorado tratando por igual a dúas linguas que están en situación de desigualdade.

Desvalorízase a función docente e a súa profesionalidade ao permitir que as familias decidan o que debe ser obxecto de decisión polo profesorado, o verdadeiro coñecedor da realidade do alumnado e quen ten a formación necesaria.

A libre elección da lingua por parte do alumnado socava a autoridade do profesorado ao lanzar ao alumnado a idea de que o profesorado fai o que decide a familia, mentres que o alumnado decide ao seu antollo.

Abre a porta a creación de numerosos conflitos nos centros, que antes da aplicación desta norma non existían.

É unha norma contraria ao consenso parlamentario do Plan de Normalización Lingüística aprobado por unanimidade polo Parlamento de Galicia no 2004. Toda norma sobre a normalización do galego ten que respectar este Plano.

 

              Por todo o anterior esiximos a retirada do Decreto 79/2010, do 20 de maio, para o plurilingüismo no ensino non universitario, como se aprobou por ampla maioría para o seu borrador no Consello Escolar de Galicia, e que a elaboración da calquera norma se basee no consenso acadado co PNL do 2004

En Ribeira, a 25 de maio de 2010


Web do Centro:

http://centros.edu.xunta.es/iesleliadoura

Posted via email from Certo.es, o xornal virtual de Barbanza e Noia

Rianxo: o Bng presenta iniciativas e preguntas para arranxar o das verteduras e o servizo de Correos

Download now or preview on posterous
35463-asinado.pdf (84 KB)


Rianxo, 27 de maio de 2010. A deputada do  BNG no Parlamento Galego, Ana Pontón, vén de presentar unha iniciativa na que lle demanda á Xunta de Galiza que investigue, e no seu caso sancione, os vertidos en Rianxo á ría de Arousa. Ana Pontón lembra que “na pasada fin de semana púidose observar no porto de Rianxo unha vertedura de cor marrón e de cheiro intenso, que os veciños e veciñas sinalan que podería ter orixe na propia depuradora por un exceso de caudal”.

A parlamentaria nacionalista denuncia que “estes feitos son reiterados e precisan da adopción urxente de medidas por parte da Xunta de Galiza”. Ana Pontón subliña que “non é normal que episodios contaminantes á ría de Arousa sexan reiterados sen que a Administración pública teña adoptado ningunha medida para rematar con eles”.

Neste sentido, considera necesario que a Xunta de Galiza “investigue a orixe deste vertido e que se aplique o réxime sancionador previsto na lexislación, mais tamén é urxente que se evite que estes feitos se repitan”.

Ante esta situación, a deputada do BNG pregúntalle á Xunta se ten coñecemento deste vertido en Rianxo, se coñece a súa orixe e, de ser así, se ten incoado algún expediente sancionador.

Por último, demanda que se adopten medidas para evitar que esta situación se volva producir.

En Certo antes publicamos:

Verteduras no Té: con imaxes ilustrativas, aquí

Verteduras no porto: tras outro caso, e xa se perde a conta dos denunciados, o Bng anuncia que levará estas desfeitas a instancias superiores. Máis

Por outra banda, a Xunta recoñece que non realizou ningunha xestión para mellorar o servizo de Correos en Rianxo



A deputada do do BNG Ana Pontón lamentou hoxe que o goberno da Xunta non teña realizado ningunha xestión perante o Estado para reclamar un correcto funcionamento do servizo de correos no concello de Rianxo, o que pon en evidencia, dixo, o “desinterese” do Executivo de Núñez Feijóo para facer frente a un problema que está afectando aos veciños desta localidade, mais que nestes momentos é extensíbel tamén a case todo o País.

 

Ana Pontón, durante o debate en comisión dunha iniciativa nacionalista sobre este asunto, asegurou que non existe ningún impedimento legal nin competencial para que a Xunta poidera intervir e tentar solucionar este problema, pois malia que as competencias efectivamente sexan do Estado, é normal a relación entre institucións e a Xunta podería ter realizado algunha xestión para lograr ese incrementro de persoal reivindicado pola actual plantilla.

 

Para a deputada, o feito de que a Xunta ficara de brazos cruzados, argumentando –segundo a resposta dada no debate polo director xeral de Relacións Institucionais- que Correos é competencia exclusiva de Madrid, só amosa unha decisión de carácter político, de desleixo absoluto polas necesidades dos cidadáns e por garantirlles uns accesos aos servizos en igualdade de condicións.

 

A parlamentar emprazou ao director xeral a que mude de actitude e lembrou que nestes momentos hai zonas nas que dende hai meses o servizo non funciona correctamente, sobre todo nas zonas máis rurais.

 

“Cómpre sinalar que o servizo de correos en xeral ven sofrindo nos últimos tempos un deterioro nas súas prestacións a causa da aplicación dun modelo que camiña cara a privatización, que prima a rendabilidade fronte á prestación dun servizo eficiente”, concluiu.

Posted via email from Certo.es, o xornal virtual de Barbanza e Noia

Ribeira: medio cento de excursionistas a Fátima, na última saída cultural para maiores

Ribeira, 27 de maio de 2010. Un total de 53 maiores de Ribeira tomaron parte na pasada fin de semana na terceira das saídas culturais organizadas pola Concellería de Igualdade, Acción Social, Maiores e Dependencia, que dirixe María Esther Patiño Rey e que tivo como punto de destino a localidade portuguesa de Fátima.

 

Esta excursión desenvolveuse entre os días 21 e 23 de maio e no transcurso da mesma os participantes puideron visitar o coñecido centro de peregrinación luso, ademais doutras poboacións do entorno como Óbidos, Caldas da Rainha e Nazaret, así como o mosteiro de Batalha.


 


Posted via email from Certo.es, o xornal virtual de Barbanza e Noia

A Pobra do Caramiñal: presentan este viernes 28 "Experiencias Gastronómicas", nuevo servicio de comida para grupos

Experiencias Gastronómicas es una idea de Adega y Hotel Rural Entre Os Ríos

Captura de la web experienciasgastronomicas.es

A Pobra do Caramiñal, 27 de mayo de 2010. Este viernes, 28 de mayo, Adega y Hotel Rural Entre Os Ríos e Imos Cociña presentarán “Experiencias Gastronómicas”, un nuevo servicio de comida para grupos que desde ahora podrá reservarse en sus instalaciones, ubicadas en Pobra Do Caramiñal, en la provincia de A Coruña.

Este nuevo servicio consiste en la degustación de platos gastronómicos preparados con productos propios de Galicia y en algunos casos, platos preparados a base de Albariño Altares, vino representativo de la tierra de Iria y del Barbanza.

El evento contará con la colaboración de importantes empresas conserveras de la zona; así como con la asistencia de las Asociaciones de Empresarios de los municipios del Barbanza. Se podrán degustar platos preparados con productos de las propias conserveras invitadas.

La iniciativa nace de la mano de cuatro jóvenes, Nacho Rodríguez, David Fernández, César Crusat, y Lissette Añez, quienes consolidando esfuerzos de Imos Cociña (nuevo servicio de comida en casa ofrecido por el bar Obradoiro de Ribeira) y Adega Entre Os Ríos, presentan este servicio cargado de inventiva, frescura y naturalidad.

Mediante reservas, grupos de hasta veinte personas podrán disfrutar de la combinación de menús hechos a su medida, de la grandiosidad de la Finca y Hotel Rural Entre Os Ríos y de la esmerada atención de Nacho, David, César y Lissette. Experiencias Gastronómicas ofrece opciones de encuentros para parejas, amigos, grupos de empresas, presentaciones y degustaciones, todo ajustado a las exigencias de cada grupo y con alternativas de espacios múltiples a combinar: desayunar a orillas del río, cenas románticas en pequeño velero, comidas en el salón de la bodega, cenas preparadas en antigua lareira y mucho más.

Las reservaciones pueden realizarse hasta con 24 horas de anticipación a través de la página web
www.experienciasgastronomicas.es o a través de los teléfonos 981107530/ 687746302/ 686063249.

Adega y Hotel Rural Entre Os Ríos cuentan con más de diez años de experiencia en la atención a huéspedes y visitantes y ahora amplían su abanico de servicios ofreciendo a sus clientes la oportunidad de vivir auténticas “Experiencias Gastronómicas”.

Web relacionada: http://www.entreosrios.com

Posted via email from Certo.es, o xornal virtual de Barbanza e Noia

Ribeira: este sábado 29 de maio, Memorial Alberto Villaverde. Na Fieiteira ás seis da tarde

Rianxo: petróglifo dos Campos, "que está como se non estivese"

Twitter

Related Posts with Thumbnails Banner: Regale selva tropical