17.11.11

Ribeira: este venres 18, magosto musical en Corrubedo

  • Comeza ás cinco da tarde, con xogos populares infantís e obradoiros de maquillaxe para nenos e non tanto no porto de Corrubedo
  • Ás seis da tarde comezan a repartir as castañas
  • O prato forte é o minifestival "punk chabola" que vén despois e promete alongar a noite ata entrar na xornada de reflexión

Media_httpfarm5static_erqsh

Inllorfeis en acción

Ribeira, 17 de novembro de 2011. Os de Corrubedo están de noraboa este venres, pois o magosto musical permitiralles -ou non- esquecer por uns intres a pesadísima campaña electoral que remata mañá.

Os grupos que participan no minifestival "castañazo punk" serán:

-THE FE KAOS
(banda punk que presenta en exclusiva o seu novo cd "MASKETA" despois de facelo por Euskadi. Cd composto por varios cortes con letras comprometidas que non deixarán a ninguén indiferente)

-LA VIEJA YEGUA GRIS
(grupo de versións de punk estatal formada por integrantes de GENERAZION PERDIDA e un ghandul de INLLORFEIS. Caracterízanse porque os seus músicos van rulando os instrumentos demostrando así que non teñen idea de tocar ningún)

INLLORFEIS
(son do pobo de Corrubedo e sobran as presentacións. Normalmente son uns impresentables)

DJ CANDRULLOS
(a este atopárono no posto vendendo as castañas e disque quería poñer música ao rematar os concertos. Por unha módica cantidade (botella de lloni que relearon os da organización e rebaixaron a cartón de DON SIMON e bocadillo de chouriso)

"POR CERTO,TODAS ESTAS ACTIVIDADES SON GRATIS,DE CLO-CLÓ,POLA FEIS,DE VIOLIN,DE GAÑOTE,SINPAJARUNPUTOPESO...", apunta sabiamente a organización no Facebook, onde o respecto á ortografía galega, portuguesa e universal é nulo.

-ORGANIZA:ASOCIACION XUVENIL "A FAROLA DE CORRUBEDO".
-COLABORA:INLLORFEIS, BAR "O FERRUXE" (de 8 a 12 van poñer as pintas de cervexa a precio de caña pequena: aproveita que son grandes de carallo).

Din os organizadores, con toda educación, que pasedes a noticia deste magosto a todos os vosos contactos, aquí e en Arkansas, que disque non teñen cartos para empapelar a bisbarra con carteis, e ademais non lle queren tapar a cara aos políticos tan "ghopos" que se presentan para salvar a España do desastre previsto coa curmá de risco.

Media_httpfarm5static_onije

Estas xa están comidas. Se queres máis, este venres 18 no porto de Corrubedo


Posted via email from Certo.gl, o xornal dixital de Barbanza e Noia

Boiro: o Bng critica no Parlamento o retraso das obras do peirao de Cabo de Cruz

Pregunta Oral Porto Cabo de Cruz.pdf Download this file

  • O deputado do BNG Bieito Lobeira afirma que Portos de Galicia está a incumprir o cronograma de actuacións previsto para a ampliación e abrigo do Porto de Cabo da Cruz  mentres as melloras dos espazos destinados á náutica recreativa foron rematadas 

Media_httpfarm4static_ygbxe

Boiro, 17 de novembro, 2011. O BNG leva ao Parlamento galego o retraso das obras de ampliación e melloras do porto do Cabo da Cruz que está a provocar, segundo os nacionalistas, "graves prexuízos aos sectores produtivos".

O deputado do BNG Bieito Lobeira rexistra diversas iniciativas ao fin de coñecer as razóns do que cualifica “retraso escandaloso” das obras do Porto do Cabo da Cruz comprometidas por Portos de Galicia.

O parlamentario considera que, “non é de recibo” que estas obras padezan un grande retraso mentres as melloras dos espazos para a náutica recreativa xa están rematadas e reclama a posta en marcha de medidas urxentes para a execución das obras do porto destinadas ao sector pesqueiro.

Lobeira explica que a ampliación e mellora de abrigo deste porto é unha vella reivindicación do sector pesqueiro, marisqueiro e mexilloeiro que opera dende esta  dársena e que despois de catorce anos de estudos e retrasos, finalmente foi redactado un proxecto que resolvía os problemas das instalacións portuarias.

Asemade, unha presión política e social constante e unha Comisión de seguimento das obras impulsada polo concello de Boiro cando contaba coa alcaldía nacionalista, acadaron mellorar algúns aspectos construtivos do porto.

Na actualidade, as obras de ampliación e mellora de abrigo foron retrasadas e non cumprirán co calendario aprobado que fixaba o mes de decembro de 2011 como prazo de remate das instalacións da 3ª e 4ª lista.

Lobeira preguntará  na Cámara galega que motivos xustifican o retraso destas obras, “fundamentais para a economía e emprego no Cabo da Cruz para Boiro e a súa comarca”.

Pode que tamén lle interese:


 

Posted via email from Certo.gl, o xornal dixital de Barbanza e Noia

Ribeira: os de Salmón foron escoitados polo alcalde para arranxar a seguridade da AC-550

Linde_porto_do_son_ribeira_ac-

  • Ruiz Rivas reuniuse cunha representación veciñal deste lugar de Oleiros e comprometeuse a interceder ante a Xunta


Riveira, 17 de novembro de 2011.- O alcalde de Ribeira Manuel Ruiz Rivas reuniuse esta mañá cunha representación da veciñanza de Salmón, poboación situada na parroquia de Oleiros, que solicitaran unha audiencia co rexedor a fin de facerlles partícipe da súa preocupación en relación á estrada autonómica AC-550 ao seu paso polo devandito lugar, así como para solicitar a intercesión de Ruiz Rivas coa Xunta de Galicia para que se implanten medidas dirixidas a erradicar a perigosidade no tramo en cuestión, comprendido entre os puntos quilométricos 102 e 107. 

Dúas das suxestións veciñais plantexadas ao alcalde foron a redución da velocidade e a construción de beirarrúas na marxe esquerda da estrada (segundo se vai cara Porto do Son). A este último respecto, Ruiz Rivas comprometeuse cos asistentes á redacción por técnicos municipais dun proxecto de construción destas beirarrúas e a xestionar a súa execución por parte da Xunta. 

Así mesmo, no transcurso da reunión Manuel Ruiz informoulles de que xa cursou diversos escritos dirixidos a autoridades da Consellería de Medio Ambiente, Territorio e Infraestruturas, así como á Delegación de Territorial de A Coruña, manifestándolles a preocupación existente entre a cidadanía e instándolles a que apliquen con carácter urxente as medidas pertinentes para reforzar a seguridade viaria.  

Entre as medidas suxeridas por Ruiz Rivas á Administración Autonómica figuran a posibilidade de instalar unha pasarela peonil elevada, a construción dun carril de desaceleración na marxe dereita para facilitar o desvío cara a estrada que se dirixe ao hospital, a construción dunha rotonda diante da gasolineira ou o establecemento de máis tramos en liña continua e de controis de velocidade, así como a redución da mesma.

Posted via email from Certo.gl, o xornal dixital de Barbanza e Noia

Muros-Noia: Bng e Psoe cargan contra a Xunta por permitir as gaiolas de salmón

  • Os nacionalistas levan a polémica a Europa, cunha pregunta que debe respostar a Comisión Europea
  • Os socialistas acusan á Consellería de Mar e á de Medio Ambiente de desleixo, por non ter postos controis sobre o impacto da mortandade detectada nos dispositivos e confiar tan só no informe interesado da empresa galego-norueguesa

Muros-Noia, 17 de novembro de 2011. O BNG vén de presentar no Parlamento Europeo unha pregunta para ser contestada pola Comisión Europea sobre o problema das gaiolas de salmón instaladas na ría de Muros e Noia pola empresa North West Food, coa autorización e beneplácito do goberno da Xunta de Galicia. 

Na rolda de prensa celebrada en Noia o pasado mércores 16 de Novembro, o responsábel comarcal do BNG, Manuel González, cun cartel ben grande detrás que nos indica o carácter electoralista destas reivindicacións, sinalou que "non ten razón de ser a decisión do goberno Feijóo de autorizar o cultivo dunha especie allea ao ecosistema da Ría de Muros e Noia sen coñecer as súas consecuencias". Lembrou que a ría non é un ermo produtivo senón que é a “principal empresa da comarca e que dá emprego a centos de persoas”.

Pola súa banda, María Xosé Alfonso, portavoz do BNG de Muros, indicou que a instalación das gaiolas –que segundo os plans poderían ascender a 20 unidades- está a crear grande preocupación no sector pesqueiro, marisqueiro e bateeiro. Ademais a Xunta comprometérase a facer seguimento deste proxecto e sen embargo polo momento non existe información algunha ao respecto. 

Finalmente, Ana Miranda –que ocupará a acta de Eurodeputada polo BNG a partir do 1 de Xaneiro de 2012- indicou que este tipo de acuicultura vai na liña contraria ao que propón a Unión Europea para o sector pesqueiro en Europa, onde a aposta se centra na explotación sustentable dos recursos e no coidado dos ecosistemas. Por outra banda, indicou que a pregunta servirá para instar a Comisión Europea a investigar se dende a Xunta se dedicaron fondos comunitarios para apoiar este proxecto da empresa North West Food. 

Os responsábeis do BNG indicaron que a pregunta parlamentaria será seguida por unha interpelación na Comisión de Peticións do Parlamento Europeo que permitirá a representantes do sector desprazarse a Bruxelas para manifestar a súa opinión e os seus puntos de vista a cerca deste proxecto. Para iso o BNG manterá nas vindeiras semanas reunións con ditos representantes. 

Posición do Psoe

Xa dende Santiago, a portavoz de Pesca do Grupo Parlamentario dos Socialistas de Galicia, Marisol Soneira, denunciou hoxe o “desleixo” da Xunta diante da instalación das gaiolas de cría e engorde de salmón en Muros. Soneira preguntou ao Goberno galego na Comisión de Pesca pola falla absoluta de medidas diante das denuncias da aparición de mais de 500 salmóns mortos aboiados por toda a ría. 

Soneira criticou a falla de controis por parte do goberno galego e a “absoluta neglixencia” das consellerías de Pesca e Medio Ambiente sobre esta situación e o impacto dos restos de peixes na ría. Denunciou que a Xunta só teña presentado un informe “de parte” elaborado pola empresa denunciada, quen “para defenderse apunta uns argumentos aos que a Xunta da carácter de oficiais ao presentalos no Parlamento”. 

A responsable socialista sinalou que o carácter de experimental do proxecto obriga a facer un estrito seguemento e vixiancia da súa evolución “e non só fiarnos do que nos conta a empresa”. Acusou ao goberno galego de “utilizar o Parlamento como altofalante dunha empresa privada” evidenciando que “o único que fixeron foi pedirlle un papel, pero non realizaron ningunha inspección nin tomaron ningunha outra medida”. 

Engadiu que precisamente a aparición de restos de peixes desbota o argumento da Xunta, quen xustificou a localización das gaiolas nesta zona polas fortes correntes que eliminarían os restos. Reclamou ao goberno galego que analice as causas da mortandade dos exemplares, que “poderían poñer en cuestión a idoneidade da localización dos peixes na ría de Muros e Noia polas condicións climáticas".
 
Antes, en Certo:

Salmón morto para granxas de visóns de Rois


Pb161428

Assunto.docx Download this file

56 POC salmóns mortos ria de noia e muros 051011 SONIA 71715-asinado.pdf Download this file

Posted via email from Certo.gl, o xornal dixital de Barbanza e Noia

A Pobra: ata o 30 de novembro, prazo para inscribirse no proxecto "Vida saudable"

Vida_saludable

A Pobra, 17 de novembro de 2011. A concellería de Servizos Sociais, dirixida por Balbina Lojo Olveira, comunica que xa está aberto o prazo de inscripción para solicitar praza no proxecto Vida Saudable. 
 

As persoas que decidan disfrutar do este programa poderán participar nas actividades de piscina que inclúen natación terapéutica, aquagym ou ximnasia de mantenemento na piscina municipal. Así mesmo impartirase un taller de musicoterapia no centro sociocomunitario. 

Os requisitos necesarios para beneficiarse deste programa inclúen ter máis de 60 anos e residir no municipio.  

Trátase de actividades totalmente gratuítas, que contan coa  subvención da Deputación provincial a través do Programa de Envecellemento Activo.  

As prazas son limitadas e concédense por orde de inscrición. Aqueles que estean interesados e desexen máis información poden dirixirse ó centro sociocomunitario da Xunta de Galicia, na rúa Castelao, nº 5 ou no departamento de Servizos Sociais do Concello antes do día 30 de novembro deste 2011.

Relacionada:


Pode que tamén lle interese:


Posted via email from Certo.gl, o xornal dixital de Barbanza e Noia

Porto do Son: visita preelectoral da superdelegada da Xunta para anunciar obras xa anunciadas

Oujo_docampo

  • En tan só oito días a Xunta "vende" dúas veces a construción do punto limpo pero segue sen dar datas de realización

  • A superdelegada da Xunta tamén avanzou obras que non se van acometer ata 2012

Porto do Son, 17 de novembro de 2011.- A delegada territorial da Xunta na provincia, Belén do Campo, mantivo esta mañá un primeiro encontro de traballo co alcalde de Porto do Son, Luís Oujo, ao que lle confirmou que a Xunta de Galicia financiará a construción dun punto limpo na localidade. Semella, segundo a nota da Xunta, que o alcalde non cría o aprobado polo Consello da Xunta o pasado 10 de novembro, e que publicamos aquí.

Durante a súa estancia no municipio, a representante do Goberno galego na Coruña supervisou os terreos nos que se levantará a infraestrutura ambiental, localizados a medio camiño entre Portosín e Porto do Son, na zona chamada Agra de Bustelo, na antiga estrada de Cans, na parroquia de Nebra.

A Consellería de Medio Ambiente, Territorio e Infraestruturas, a través da Secretaría Xeral de Calidade e Avaliación Ambiental, realizará un investimento de máis de 296.000 euros para a dotación da nova instalación, disposta para que os cidadáns depositen nela os residuos que precisan dunha xestión específica polo seu tamaño ou pola súa composición, tales como pilas, fluorescentes, baterías, colchóns ou electrodomésticos, entre outros.

Os obxectivos da actuación son recuperar os materiais contidos nos residuos para a súa reciclaxe, evitar a vertedura incontrolada de entullos e separar os residuos xerados nos fogares que representen un risco para o medio ambiente. Do Campo subliñou que a posta en funcionamento do servizo servirá tamén para aumentar a concienciación da poboación no tocante a acabar coa imaxe dos desperdicios acumulados nas zonas urbanas durante varios días ata que se procede á súa recollida, unha labor que polo de agora se leva a cabo un día ao mes.

A acción prevista na zona inclúe a disposición das instalacións xerais, casetas e almacéns, colectores e sinalización. Tamén se executará un peche da canteira, un peche perimetral e unha porta de acceso, así como a urbanización e o axardinamento do contorno.

“Co este compromiso de execución da infraestrutura, o Goberno galego responde á demanda dos veciños e veciñas de Porto do Son, á vez que se cumpren as esixencias comunitarias sobre a prevención da xeracións de residuos e o fomento da reutilización, a reciclaxe e a recuperación”, indicou a delegada territorial, que agradeceu ao alcalde a súa colaboración para sacar adiante o proxecto. En ningún momento se informa de cando se rematará e se poderá empregar esta nova instalación medioambiental.

Os traballos aparecen recollidos no Plan de Xestión de Residuos Sólidos Urbanos, aprobado este ano, no que se definen as estratexias na materia para a vixente década. O punto limpo de Porto do Son, que hai unha semana recibiu a aprobación do Consello da Xunta, será o terceiro dos que se licitará nos vindeiros meses na provincia da Coruña, xunto cos de Fene-Cabanas e o de Vila de Cruces. No que vai de lexislatura a consellería puxo en marcha tamén os das Somozas, Curtis, Melide, Sobrado dos Monxes e Negreira.

Arranxo da estrada AC-550, en 2012, como xa se anunciou por activa e por pasiva

A do punto limpo non será o único investimento que a Consellería de Medio Ambiente, Territorio e Infraestruturas acometerá no municipio, pois está previsto que no primeiro semestre do ano próximo comecen as obras de mellora da estrada AC-550.

A representante do Executivo autonómico na provincia reafirmoulle ao alcalde o compromiso expresado nos últimos días polo conselleiro Agustín Hernández de reparar o firme desta vía no treito que une as localidades de Porto do Son e Noia. Trátase duns 25 quilómetros de estrada, para os que a Xunta achegará arredor de 1,5 millóns de euros.

Os traballos inclúen o arranxo do firme a través do fresado e reposición da capa de rodadura e a aplicación posterior dun microaglomerado en frío ao longo de todo o tramo de actuación. Ademais, acometerase a reposición das marcas viarias e a sinalización vertical.

Do Campo explicou, en evidente clave electoral, que a consignación desta partida nos Orzamentos autonómicos para 2012 demostra "o interese do Executivo galego por mellorar a rede viaria na comarca, de xeito que se proporcione aos usuarios unha forma de condución cómoda e segura". Coas obras previstas na AC-550 incrementarase a seguridade, reducindo en consecuencia os sinistros, e facilitaranse os desprazamentos, coa finalidade de favorecer un desenvolvemento económico e social que proporcione unha maior calidade de vida aos veciños e veciñas do entorno.

A visita da delegada ao municipio enmárcase na rolda de contactos iniciada desde a súa chegada ao cargo, cando se comprometeu a reunirse cos responsables municipais dos 94 concellos da provincia, co obxectivo de coñecer de primeira man as necesidades dos veciños e traballar intensamente na busca das solucións que permitan incrementar o benestar dos cidadáns.

Posted via email from Certo.gl, o xornal dixital de Barbanza e Noia

Ribeira: o Concello vai amañar os camposantos de Santa Uxía e Palmeira

Media_httpfarm3static_bvgax

Ribeira, 17 de novembro de 2011. O Concello está dando os pasos oportunos para emprender senllas actuacións de mellora nos dous cemiterios de titularidade municipal existentes, ou sexa, os que están encravados na cidade de Santa Uxía e en Palmeira. 

A primeira das actuacións plantexadas afectará ao cemiterio ribeirense, que a día de hoxe presente deficiencias no estado das fachadas (con desconchóns, pintadas...), deterioro de fiestras, reixas e portas; situacións de encharcamento dun sector do recinto en días de mal tempo, así como a existencia dun tramo do camiño central que non está empedrado, entre outras. 

Case 20.000 euros para o de Santa Uxía

Con fin de dar solución a estas carencias e problemas, o Concello elaborou un proxecto técnico que se pretende executar en breve e que contempla o pintado da fachada principal, a ampliación do empedrado do paseo central (partindo do lugar onde está emprazado o monolito), o arranxo de portas, fiestras e reixas; a implantación dun sistema de drenaxe para canalizar as augas pluviais no sector afectado ou a pavimentación de dúas áreas do cemiterio nas que as sepulturas están colocadas sobre solo de terra. 

O custo de actuación está valorada polos técnicos do Concello en 19.751 euros. 

Aseos no de Palmeira

Máis a posteriori realizarase outra actuación no cemiterio de Palmeira, consistente na instalación de aseos no seu interior, dando resposta así a unha demanda requirida polos propios veciños da parroquia.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical