Música: os pobrenses Desalojo presentan o seu primeiro vídeoclip oficial co tema "A lomos de un susurro"

http://youtu.be/On6LJVzEqlM

Integran Desalojo:

Piru - Bajo y Voz

Jito - Guitarra y voz

Randy - Guitarra

Diegol - Guitarra

Ramallo - Bateria

Toda a información na web oficial de Desalojo:
http://www.desalojo.es
Ou en http://www.myspace.com/desalojo

Posted via email from Certo.gl, o xornal dixital de Barbanza e Noia

Ribeira: integrantes da Adoración Nocturna foron de peregrinación a Fátima

Ribeira, 23 de maio de 2011. Hai escasas datas, un grupo de veciños de Ribeira, algúns deles membros da sección da Adoración Nocturna Española, pasaron uns días en Portugal, visitando Gaia, Oporto, Lisboa e o Santuario de Fátima. O grupo quixo aproveitar os 25 anos de peregrinación da A.N.E a ese centro mundial de peregrinación, partillando a súa estancia con máis de cinco mil adoradores chegados de todos os rincóns de España. Edmundo Martínez foi o responsable da organización desta peregrinaxe.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Xavier Alcalá presenta este venres 27 de maio un libro sobre Ernesto Guerra da Cal no Ateneo

Quen era Ernesto Guerra da Cal?
Wikipedia
Portal Galego da Lingua 
Páxina do seu centenario

Posted via email from Certo.gl, o xornal dixital de Barbanza e Noia

Noia: a Asociación Joaquín Vieta pide manter a escolleira para o balandro e 20 metros de altura na ponte da ría

Noia, 23 de maio de 2011. A Asociación Balandro Joaquín Vieta  reclama, en nota de prensa, "a posibilidade e o dereito de que o balandro Joaquín Vieta, patrimonio de todos os noieses e noiesas, poida entrar e atracar ou fondear nun futuro próximo no porto de Noia, para desfrute de todos. Noia non pode, non debe renunciar á  potencialidade turística que supón a presenza do noso veleiro nas suas aguas, no seu porto".

Segundo esta entidade, "cando a nosa asociación decidiu rehabilitar o balandro, entre as suas motivacións estaba o reclamo que ía supoñer para a xente de fóra. O noso veleiro debe estar no seu porto natural, que é o de Noia. Para poder levar a cabo isto é preciso que Noia recupere o seu porto. Por iso é necesario conservar a canle de acceso ao porto e, por suposto, a escolleira. Tamén sería imprescindible que a futura ponte sobre a Ría acadara no seu arco central a altura de 20 metros. A Asociación Joaquín Vieta, pídelle ás institucións implicadas (Concello de Noia, Xunta de Galicia e Ministerio de Medio Ambiente) e ao conxunto da sociedade noiesa, que cadaquen, dentro do seu ámbito e as súas competencias, poñan os medios necesarios para conseguir este obxectivo. Agora é o momento; ainda estamos en tempo. Se se retirara a escollera ou se se construíra a ponte tal e como contempla o actual proxecto da Xunta, Noia deixaría fóra e para sempre esta xoia do seu patrimonio, que é o veleiro Joaquín Vieta", conclúen.

See the full gallery on Posterous

Posted via email from Certo.gl, o xornal dixital de Barbanza e Noia

A Pobra do Caramiñal: os funcionarios festexaron á súa patroa, Santa Rita

A Pobra do Caramiñal, 23 de maio de 2011. Un ano máis, os funcionarios da bisbarra volveron honrar a súa patroa, Santa Rita. Nesta edición, a festa celebrárona na localidade pobrense, onde se reuniron máis de cen traballadores procedentes dos municipios de Rianxo, Boiro, Lousame, Noia, Outes, A Pobra e Porto do Son. 
Foi unha xornada moi especial, xa que moitos dos asistentes só se ven nesta ocasión, de ano en ano. Houbo intercambio de impresións sobre os convenios colectivos a rebaixa dos soldos e a proximidade das eleccións (celebrouse o venres 20 de maio).

Recepción no concello 

Á cita acudiron representantes da maioría dos concellos onde desempeñan os seus labores como funcionarias e funcionarios. Os actos arrancaron ao mediodía cunha recepción no concello pobrense, onde o alcalde, Isaac Maceiras, foi o encargado de darlles a benvida. A continuación, tivo lugar unha misa na igrexa parroquial de Santa María A Antiga do Caramiñal. Nada máis rematar os oficios relixiosos, os asistentes trasladáronse ao Museo Valle-Inclán, onde puideron coñecer parte da obra do dramaturgo e obxectos persoais do autor de Divinas palabras, da man da técnico do museo, Begoña Olveira. 

A xornada continuou no restaurante Pazo das Xunqueiras, onde efectuaron o xantar de confraternidade. Ás sobremesas, os políticos asistentes á celebración dirixíronlles uns breves discursos nos que, ademais de felicitalos polo traballo que realizan, animáronos a continuar coa súa labor. 
Pero non todo foi comer. A media tarde, a música invadía o salón de celebracións e os máis atrevidos saíron á pista para bailar. Os organizadores desta tradicional cita anual tiñan tamén unha sorpresa para os seus compañeiros: pases para acudir a unha céntrica discoteca da localidade para seguir a festa. 
Os funcionarios que acudiron á vila pobrense non se foron de baleiro. O Concello obsequiounos con varias guías alusivas do municipio e tamén a Mancomunidade Arousa Norte quixo estar presente cuns orixinais paraugas que se levaron de recordo.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: o Atlético Riveira celebra o ascenso cun partido amistoso "Inesquecible" este domingo 29 de maio en Madrid

Ribeira, 23 de maio de 2011. Coa colaboración da peña madridista Amancio e do Concello de Ribeira, e como premio ao excelente traballo desenvolvido polo Atlético Riveira esta tempada, que acadou o ascenso á Primeira Autonómica, este equipo vai viaxar á capital de España para enfrontarse ao equipo xuvenil do Real Madrid, que milita na División de Honra e é o vixente campión nacional. 

Este duelo amistoso terá lugar o vindeiro domingo 29 de maio, ás 12 do mediodía, na cidade deportiva que o club merengue ten na localidade de Valdebebas e estará pitado por Mejía Dávila, ex árbitro profesional que pitou en Primeira División. 

Deste encontro e do resto de actividades programadas na viaxe deron conta o presidente da peña Amancio, José Manuel Pérez Sampedro Mariscal (quen tamén exerce de segundo adestrador no Atlético Riveira), Juan Manuel Blanco García en representación do club barbanzano, e os concelleiros de Cultura e Festexos e de Xuventude e Turismo, Luciano Fernández Martínez e Vicente García Rivas, respectivamente. 

Segundo informou Pérez Sampedro, o club partirá de Santa Uxía ás 12 da noite do 27 de maio en autobús. En torno ás 8 da mañá chegarán a Segovia, onde haberá oportunidade de visitar algúns lugares emblemáticos da capital de provincia, como o Acueduto, a Catedral e o casco antigo; así como o pobo de Villacastín. 

Copa do Mundo

O sábado 28 visitarán a Cidade Deportiva do Fútbol de Las Rozas, pertencente á Real Federación Española de Fútbol (RFEF). Alí terán oportunidade de coñecer as instalacións, campos, vestiarios e ximnasios onde se exercitan as distintas seleccións nacionais e mesmo poderán ver no museo a Copa do Mundo conquistada o ano pasado en Sudáfrica. 

Xa pola tarde, farán outra visita ao Estadio Santiago Bernabeu, onde percorrerán as gradas, campo, vestiarios, sala de prensa, palcos vip, palco de honor, museo, etc... 

O domingo disputarán o citado amigable e despois emprenderán a viaxe de regreso a Ribeira. 

Juan Manuel Blanco García salientou e agradeceu o esforzo levado a cabo pola peña Amancio e polo Concello para que este desprazamento poda ter lugar, en tanto que Luciano Fernández manifestou que esta viaxe quedará de seguro na memoria dos rapaces do equipo. Pola súa parte, Vicente García resaltou que son moitas as empresas e institucións que se están volcando co Atlético Riveira. 

Ao finalizar o acto amosáronse as distintas camisolas deseñadas para conmemorar esta ocasión inesquecible.

See the full gallery on Posterous

Posted via email from Certo.gl, o xornal dixital de Barbanza e Noia