1.10.10

A Pobra: o Bng insta a Parlamento e Concello a que se arranxen as deficiencias nos centros educativos locais


A Pobra do Caramiñal, 1 de outubro de 2010. Perante a  redución de profesorado e as carencias existentes no ensino público, "ás que o Concello da Pobra non é alleo", asegura o Bloque Nacionalista Galego, a deputada desta formación, Ana Pontón, vén de presentar no Parlamento Galego unha iniciativa para que se dote ao CEIP Pilar Maestú e ás catro unitarias cunha praza de Audición e Linguaxe coa que contaban desde hai varios anos pero que este curso, aínda que existe maior demanda de atención nesta especialidade, foi suprimida pola Consellería de Educación. Así mesmo reclama que se autorice a modificación do horario do colexio tal e como demandan os pais e nais. A isto hai que engadir os problemas coa calidade das augas que esixen unha renovación das tuberías e un adecuado tratamento das augas residuais, xa que se descoñece o destino das mesmas.

Tamén demanda melloras nos peches perimetrais do CEP Salustiano Rey e do IES da Pobra para evitar os desperfectos nas instalacións. No caso do Salustiano Rey engádese a mellora do asfalto, iluminación e seguridade viaria no acceso ao centro así como a reposición do mobiliario de xogos infantís.

Estas mesmas demandas foron trasladadas ao goberno municipal da Pobra para que inste á Consellería de Educación a acometelas. No mesmo escrito sinalan a inquietude observada entre os pais e nais ao descoñecer a continuidade do programa “Madrugadores”, destinado a facilitar a conciliación da vida laboral e familiar. Tamén piden que se constitúa, "dunha vez por todas, o Consello Escolar Municipal e que se poña en marcha, o que facilitaría a solución a estes e outros problemas".

Posted via email from Certo.gl, o xornal dixital de Barbanza e Noia

Rianxo: prazo ata o 15 de outubro para anotarse ás actividades deportivas, que comezan o 13

O xeito de inscribirse e demais información, aquí

Posted via email from Certo.gl, o xornal dixital de Barbanza e Noia

Rianxo: o Concello presenta un documento de 30 páxinas con alegacións ao Plan de Ordenación do Litoral

Boiro: o luns 4 de outubro comeza o segundo obradoiro de cociña con mexillón, enfocado aos restaurantes

Boiro, 1 de outubro de 2010. O vindeiro luns, día 4 de outubro, comeza o segundo dos Obradoiros de cociña con Mexillón de Boiro, incluídos no proxecto de Dinamización turística do Mexillón de Boiro, que está a desenvolver a Concellería de Turismo do Concello de Boiro. Ao acto de apertura asistirán o alcalde, Xosé Deira Triñanes, e a concelleira de Turismo, Francisca Suárez Lijó, ás sete e media da tarde no salón social do Centro Social de Boiro.
http://bp0.blogger.com/_ba7nrlZXEqA/SFIU4QanRqI/AAAAAAAAABU/BQBqhuOKBQc/s320/xoanbuena.bmp
O obradoiro contará cunha cata do sumiller Xoán T. Cannas

O obradoiro “O mexillón e a cociña de restaurante” será impartido polo cociñeiro Xosé T.Cannas e estará acompañado dunha cata a cargo de Xoán T. Cannas, ámbolos dous de Restaurante Pepe Vieira Camiño da Serpe (Poio, Pontevedra), que na actualidade conta cunha estrela na Guía Michelín e dous Soles na Guía Repsol. Xosé T. Cannas ten o recoñecemento de ser un dos 12 mellores cociñeiros novos de España por Club Millesime. Xoán T. Cannas é premio Nariz de Oro 2004 ao mellor sumiller de España.

Posted via email from Certo.gl, o xornal dixital de Barbanza e Noia

Pesca: Gardacostas identificou a 41 presuntos furtivos nun operativo especial en Cabo de Cruz, Palmeira e Ribeira

Barbanza-Noia, 1 de outubro de 2010.- Axentes do Servizo de Gardacostas da Consellería do Mar identificaron 63 persoas e incautáronse de máis de 1.830 útiles de pesca en varios operativos realizados nos últimos quince días pola costa galega. En concreto, as operacións desenvolvéronse na zona de Ribeira e Coruña e nas rías de Cedeira, Ferrol, Camariñas, Muros e Noia, Arousa, Pontevedra e Vigo, así como na Mariña lucense. Nestas inspeccións, os axentes aprehendéronse de máis de 3.990 quilos de peixe e marisco.

Operativos especiais
Este xoves pasado, 30 de setembro, un operativo conxunto entre Gardacostas e a Unidade de Policía adscrita á Comunidade Autónoma de Galicia (UPA), na zona de Cabo de Cruz, Palmeira e Ribeira, saldouse coa identificación de 41 persoas, a inspección de 28 vehículos e 11 actas levantadas. Mentres que outra inspección especial na zona de Ferrol, Couto e Neda saldouse coa incautación de 40 aparellos de pesca, o comiso de 132 especies e a identificación de 8 persoas. Entre os útiles aprehendidos atopábanse 13 butróns e varios raños, sachos, caldeiros, salabardos e pranchas de poliespán. Entre as especies comisadas había 120 quilos de ameixa e varios de percebe.

Pola súa banda, na Ría de Muros e Noia comisáronse 8 quilos de polbo de talla antirregulamentaria e na zona de Fisterra, 73,5 quilos de peixe, sobre todo lura, polbo e nécora, 17 nasas de polbo e camarón e 98 cacharros de polbo, que contiñan varios quilos destas especies no seu interior. Unha inspección en Muxía rematou coa aprehensión dunha cacea de 10 nasas de polbo con 15 quilos dentro.

Resultados das inspeccións nas Rías Baixas
Os operativos levados a cabo na zona das Rías Baixas permitiron a aprehensión de máis de 900 aparellos de pesca e o comiso duns 3.200 quilos de peixe e marisco. Así, un operativo na Ría de Arousa o pasado sábado saldouse co comiso de 274 sacos de mexillón, que contiñan no seu interior más de 3.010 quilos da especie. Nesta mesma inspección, Gardacostas fíxose con 20 pezas de miños dun quilómetro de largo que contiñan no seu interior 5 quilos de centola e peixe. A ría de Arousa tamén foi o escenario doutras inspeccións durante as que Gardacostas incautáronse, entre outros aparellos, de 249 nasas, ademais de comisar 30 quilos de polbo e 12 doutras especies.

Posted via email from Certo.gl, o xornal dixital de Barbanza e Noia

Ribeira: xa se poden matricular na Escola Municipal de Danza ata o 15 de outubro


Flickr de Paolofefe
Ribeira, 1 de outubro de 2010. Dende hoxe ata o 15 de outubro estará aberto o prazo de matrícula da Escola Municipal de Danza. Ofértanse dúas modalidades de danza: 

a) CLÁSICA 

b) INICIACIÓN Á DANZA E DANZA CONTEMPORÁNEA 

Cómpre salientar como novidade que este ano é posible que os interesados/as poidan asistir a ambas modalidades.  

A escola está destinado a nenos/as a partir de 4 anos de idade e impártese na Aula de Danza sita no Conservatorio Municipal de Música de Riveira.  

O prezo da matrícula é de 125,50 € / curso completo.  

Todos os interesados/as poden recoller o impreso da matrícula nas oficinas do AUDITORIO MUNICIPAL en horario de 9.00-14.00 h.  

Maís información   

Concello de Riveira

Concellería de Cultura e Festexos

Auditorio Municipal

Praza dos Mariñeiros s/n

15960 -Riveira- (A Coruña)

Telf: 981835650  Fax: 98187309

Correo: culturaefestexos@riveira.com

web oficial: www.riveira.com


 

Posted via email from Certo.gl, o xornal dixital de Barbanza e Noia

Certames: publicadas as bases dos premios Fundación Ruta Xacobea do Mar de Arousa e Ulla

Barbanza-Noia, 1 de outubro de 2010.As bases correspondentes ao III Certame periodístico e literario Premio Fundación Ruta Xacobea do mar de Arousa e Ulla así como as do IV Certame fotográfico Premio Fundación ruta Xacobea do mar de Arousa e Ulla, dotados cada un deles cun premio de 4.000 Euros en metálico, xa están publicadas. Téñenas na lingua de Rosalía e na de Cervantes.

 


Posted via email from Certo.gl, o xornal dixital de Barbanza e Noia

Ribeira: o curso oficial de monitores de tempo libre abre prazo de inscrición o luns 4


Ribeira, 1 de outubro de 2010. A Concellería de Turismo e Xuventude informa de que este luns 4 de outubro ábrese o período de inscrición para participar no Curso Oficial de Monitores en Actividades de Tempo Libre, que impartirá a Escola Galega de Tempo Libre. Esta acción formativa constará de 200 horas de duración e dará comezo mañá o 9 de outubro, ás 9 horas, no Colexio O Grupo de Ribeira. Abarca as seguintes áreas docentes: 
  • Área de Psicosocioloxía.
  • Lexislación.
  • Área de Animación e Xogos.
  • Área de Saúde
  • Técnicas de Acampada
  • Área de educación Ambiental e Natureza.

Os días de celebración do curso son: 

     Outubro: 9, 16, 23, 30, 31

     Novembro: 6, 13, 20, 27

     Decembro: 4, 5, 6, 11, 18 e 19

     Xaneiro: 8, 15, 16, 22 e 29 

Horario: De 9.00 a 14.00 horas e de 16.00 a 21.00 horas. 

Convócanse un total de 25 prazas que se cubrirán por rigoroso orde de inscrición. Para poder tomar parte cómpre ser maior de 18 anos e posuír como mínimo estudos de graduado escolar ou secundaria. 

Máis información: Oficina Municipal de Información Xuvenil (Auditorio Municipal, teléfonos 981 835 650 ou 981 873 100, e-mail: xuventude@riveira.com).


 

Posted via email from Certo.gl, o xornal dixital de Barbanza e Noia

Rianxo: Vai de Roda comeza cunha xornada de portas abertas este sábado 2 os seus cursos

Rianxo, 1 de outubro de 2010. Este sábado 2 de outubro, pola tarde, no baixo da biblioteca municipal "Castelao" e no colexio co mesmo nome comezan os cursos de Vai de Roda, asociación de música e baile tradicional. É unha xornada aberta para todos.


HORARIO DE ACTIVIDADES PROVISIONAL


BAILE E PANDEIRETA

 

Iniciación ao baile: de 4 a 5 h.

Pequenos/as  ( Grupo 7 ferreñas):

- pandeireta de 5 a 6

- baile de 6 a 7

Medianos (9 ferreñas):

- baile de 5 a 6
- pandeireta de 6 a 7

Grandes (11 ferreñas):

-baile de 7 a 8
- pandeireta de 8 a 9

Adultos:

- pandeireta de 7 a 8
- baile de 8 a 9


GAITA E CHARANGA E ACORDEÓN
Escola de gaita e percusion ás 16 h. Con Emilio Lois Blanco
Charanga ás 17 h. Con Emilio Lois Blanco

COTAS E FORMA DE PAGO

Nº de conta para realizar os pagos mensuais (dúas opcións)
• Caixa Galicia 2091.0310.10.3040006289
• Caixa Nova 2080.0495.16.0000116684

MATRÍCULA


1. As persoas matriculadas o curso anterior non aboan matrícula este ano.
2. Matrícula anual para novas inscricións na asociación: 10 euros persoa e/ou familia. A ingresar xunto á primeira mensualidade.

COTAS MENSUAIS


Varios prezos e descontos para alunado infantil e familiar a partir de tres persoas matriculadas e descontos por matrícula en varias actividades.

Aluno/a infantil 12€
Adulto/a 15 €
Gaita, acordeón e percusión 15 €


Weblog de Vai de Roda:


http://vaideroda.org

Posted via email from Certo.gl, o xornal dixital de Barbanza e Noia

Porto do Son: o 12 de outubro, nova homenaxe aos mártires de Nebra

Porto do Son, 1 de outubro de 2010. O vindeiro martes 12 de outubro  terá lugar a undécima edición da Homenaxe aos mártires de Cans, en Nebra. Toda a información na invitación e o cartaz. Se quere saber que pasou en Cans en 1916, está ben explicado neste vídeo de Paco do Martelo, un dos organizadores.
Os sucesos de Cans, xunto cos de Sofán e Oseira, foron lembrados polo rianxeiro Daniel Rodríguez Castelao no seu arquicoñecido Álbum Nós. Teñen tamén unha bo resumo neste blog.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical