19.2.13

Rianxo: o Día de Rosalía contará con actos este mércores 20 e o sábado 23

Rianxo_rosala

Media_httpuploadwikim_zerfb

Luz Fandiño na Galipedia

Rianxo, 19 de febreiro de 2013. No marco das actividades organizadas e promovidas pola ASOCIACIÓN DE ESCRITORES E ESCRITORAS EN LINGUA GALEGA, para conmemorar a figura de Rosalía de Castro, o Concello de Rianxo, en colaboración co Colexio Rural Agrupado do concello, organiza o seguinte programa conmemorativo:

  • MÉRCORES 20 DE FEBREIRO - 16.30 horas - ESCOLA DE CRUCEIRO, TARAGOÑA

Lerán, contarán e cantarán a Rosalía coa colaboración das familias e Luz Fandiño

Organizado polo Club de Lectura de Literatura Infantil do CRA de Rianxo

  • SÁBADO 23 DE FEBREIRO - 18.00 HORAS - NO BUSTO DE ROSALÍA EN RIANXO - PASEO DA RIBEIRA

Media_httpfarm3static_iriqi

Lectura pública e Ofrenda Floral

Tamén coa presenza de Luz Fandiño, poderán participar todas aquelas persoas, entidades ou institucións rianxeiras interesadas en ler composicións propias ou alleas, do ou sobre a eximia poeta, para dar forma, deste xeito,  a un texto colectivo nado e dictado en Rianxo por iniciativa pública e popular,  na celebración do 150 aniversario da edición de "Cantares Gallegos".

Noutros concellos:


Posted via email from Certo.gl, o xornal dixital de Barbanza e Noia

Noia: o Bng leva ao Parlamento o "deficiente funcionamento" da confraría

Confraria Noia.pdf Download this file

  • Ante as  denuncias formuladas polos socios e socias da Confraría de Noia sobre a negativa dos órganos de goberno para informar da situación contable e a decisión de peche temporal da campaña marisqueira co grave prexuízo para a actividade e os postos de traballo, a deputada do BNG Montse Prado dirixe diversas preguntas á Consellería do Mar

Media_httpfarm3static_tfnkj

O Bng critica como está levando Rosa Quintana o asunto das confrarías

 

Noia, 19 de febreiro de 2013. A portavoz de Pesca do BNG, Montse Prado, vén de rexistrar diversas iniciativas sobre as demandas de socios e socias da Confraría de Noia derivadas do "seu mal funcionamento". Prado alude a unha situación na que un número importante de socios e socias denunciaron “unha serie de anomalías” que se están a producir na confraría  polas que  membros do pósito presentaron diversas demandas ante o Xulgado de Primeira Instancia e Instrución nº2 de Noia e a propia Consellería do Medio Rural e do Mar.


A deputada explica que estas denuncias recollen “o mal funcionamento do sistema de pesado”, a denegación de información dos órganos de goberno da confraría sobre a situación financeira e o peche temporal da campaña marisqueira sen previa consulta dos e das afectad@s.


Prado tamén se fai eco da denuncia de “superación en 2 anos” de mandato dos órganos de goberno da confraría polo que reitera, como xa reclamou noutra iniciativa parlamentaria, “a convocatoria inmediata de eleccións neste ente”.


A deputada formulará varias preguntas á titular da Consellería de Medio Rural e Mar sobre as xestións realizadas polo departamento que dirixe Rosa Quíntana para resolver esta situación anómala. Por outra parte, a nacionalista tamén quer saber se a Consellería de Mar contactou coa confraría de Noia e os seus socios e socias para determinar os “graves feitos denunciados”.





Posted via email from Certo.gl, o xornal dixital de Barbanza e Noia

Boiro: certame de carteis co gallo do Día da Muller Traballadora para adolescentes

Boiro BASES CERTAME CARTEIS.pdf Download this file

  • Dirixido a estudantes de 4º de ESO ou non estudantes entre 16 e 21 anos
  • Prazo ata o mércores 27 de febreiro
  • A gañadora ou gañador recibirá unha tablet
  • Haberá unha mostra con todos os carteis que se inaugurará o venres 8 de marzo



Exemplos de carteis xa empregados o 8 de marzo

Boiro, 19 de febreiro de 2013. O Concello de Boiro convoca o I Certame de Carteis conmemorativos con motivo do Día Internacional da Muller Traballadora. Os carteis presentados valóranse tendo en conta o impacto social que supoñan, a súa orixinalidade así como a calidade artística presente.

A Concellería de Servizos Sociais, Muller e Terceira Idade que dirixe Beatriz Deus, propón a realización do I Certame de Carteis con motivo do Día Internacional da Muller Traballadora, onde cada adolescente poderá presentar un deseño relacionado co significado da conmemoración do 8 de Marzo. A proposta desta iniciativa xorde con motivo da necesidade de erradicar a existencia de condutas discriminatorias existentes na sociedade, considerando ao colectivo dos xóvenes como un dos que presenta unha gran capacidade de modificar, nun futuro, a realidade actual na que vivimos.

Un dos obxectivos que sustenta esta proposta pedagóxica é involucrar aos xóvenes do municipio na realización das actividades para o 8-M, outorgándolles responsabilidade e protagonismo durante o desenvolvemento desta xornada. Este Certame está dirixido para todos aqueles mozos e mozas que se atopen cursando 4º da E.S.O ou o Bacharelato nalgunha das institucións educativas do municipio. A iniciativa tamén está aberta para todos aqueles adolescentes que non se atopen estudando e que teñan entre 16 e 21 anos.
O gañador do certame será premiado cunha tablet, tamén se realizará a difusión e a publicidade que se lle rendirá ao seu deseño.
Sinalar que todos os carteis presentados formarán parte dunha exposición que se inaugurará o venres 8 de Marzo.
Todos os xóvenes que queiran participar deberán presentar o seu cartel ben ao responsable da materia de Educación Plástica do seu I.E.S correspondente ou no Rexistro do Concello de Boiro antes do Mércores 27 de Febreiro ás 14:00.

Bases:

 

Posted via email from Certo.gl, o xornal dixital de Barbanza e Noia

Turismo: Ribeira participa pola súa conta, sen Arousa Norte, na feira TurExpo Galicia esta fin de semana

  • Será en Silleda e achegaranse aloxamentos do municipio da man do Concello para ter reunións con turoperadores de 28 países
  • Arousa Norte non aposta por esta feira, senón por Fitur (na que acaba de participar) e Intur, en Valladolid


En Ribeira púxose en marcha hai dous veráns o bus turístico

Ribeira, 19 de febreiro de 2013.- O Concello vai participar esta fin de semana en Turexpo Galicia, feira de referencia do sector turístico na Comunidade Autónoma, que se desenvolverá do 22 ao 24 de febreiro no recinto Feira Internacional de Galicia, en Silleda (Pontevedra).

A intención do Concello é promocionar a través dun stand de 16 metros cadrados os recursos e patrimonio turístico do municipio, tanto entre os profesionais do sector (o primeiro día e medio do certame está dirixido a este tipo de visitante) como entre o público en xeral (a partir do sábado pola tarde).

Arousa Norte, que tamén engloba a Ribeira, non vai

Arousa Norte, a pesares das críticas do tenente de alcalde de Rianxo sobre a súa falta de efectividade e rumbo, non se desfai. Aínda non fai un mes que a mancomunidade participou en Fitur. E no pasado decembro os concellos que a conforman -Ribeira, Rianxo, Boiro e A Pobra do Caramiñal- aprobaron unha aportación económica para 2013 de 40.000 euros, 10.000 máis que o ano anterior. As feiras ás que adoita acudir a Mancomunidade Arousa Norte son a citada Fitur e Intur, feira de turismo rural que se organiza en Valladolid. 


A Mancomunidade do Salnés leva moita vantaxe na promoción do turismo con respecto a Arousa Norte

Bolsas de Contratación

Unha das actividades complementarias máis significativas de Turexpo Galicia son sen dúbida as súas Bolsas de Contratación: reunións entre expositores do Salón e turoperadores co fin de alcanzar posibles acordos que propicien que os stands presentes atopen novas vías de promoción nos circuítos nacionais e internacionais. Nesta acción participarán 80 turoperadores de 28 países de Europa, Asia e América (Alemaña, Arxentina, Austria, Brasil, China, Dinamarca, EEUU, España, Finlandia, Francia, Grecia, Holanda, Hungría, Islandia, India, Italia, México, Noruega, Polonia, Portugal, Reino Unido, República Checa, República de Corea, Romanía, Rusia, Suecia, Uruguai e Xapón).

A este respecto, o Concello de Ribeira emprendeu as xestións necesarias para brindar a aloxamentos do municipio (tal e o caso do Hotel Río Azor, do Cámping Ría de Arosa 2 e dalgunhas casas rurais) que poidan intervir nestas reunións preaxendadas e lograr así novos cauces de comercialización do produto turístico riveirense. E, por tanto, máis turistas e maior número de pernoctacións.

Produto turístico diferenciado

A intención do Executivo é avanzar nesta liña e seguir contactando cos diversos axentes de Ribeira ligados co sector turístico para confeccionar un produto integral e diferenciado e poder dalo a coñecer en próximos eventos feirais.

Membros do Goberno Local acudirán o venres 22 ao Salón para, entre outras cousas, asistir ao acto inaugural do Salón ás 12 do mediodía por parte do conselleiro de Presidencia da Xunta e presidente da Fundación Semana Verde, Alfonso Rueda Valenzuela.


Pode que tamén lle interese:



Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical